امور داخلہ کی وزارت

مرکزی وزیر داخلہ اور تعاون کے محکمے کے وزیر جناب امت شاہ نے کرناٹک کے داوناگیری میں مختلف ترقیاتی منصوبوں کا آغاز کیا۔

جناب امت شاہ نے مجاہدین آزادی کو مبارکباد دی اور ملک کی آزادی کی جدوجہد میں ان کی گراں قدر شراکت کے لیے ان کا شکریہ ادا کیا

پچھلے دو سالوں سے ، دنیا اور ہندوستان ایک وبائی بیماری کا سامنا کر رہے ہیں۔

وزیر اعظم جناب نریندر مودی کی قیادت میں ، ہندوستان نےکووڈ- 19 کے خلاف اپنی جنگ بہت اچھی اور طاقت کے ساتھ لڑی ہے اور یہی وجہ ہے کہ آج ہم اس سے تقریبا چھٹکارا پا چکے ہیں

کئی کوویڈ 19 جنگجو ، سیکورٹی اہلکار ، صفائی کارکن اپنی جانوں کو داؤ پر لگاتے ہیں اور معاشرے کو لڑنے کی طاقت دیتے ہیں ، بہت سے لوگوں نے اپنی جانیں بھی قربان کیں ، اور میں ان کے سامنے اپنا سرجھکاتا ہوں

دنیا کی سب سے بڑی ٹیکہ کاری کی مہم بھارت میں بہت موثر طریقے سے چلائی جا رہی ہے۔

کرناٹک حکومت نے کوویڈ 19 کے خلاف اچھی طرح لڑائی لڑی ہے اور اب تک تقریبا 5 کروڑ 20 لاکھ افراد کو ویکسین دی جا چکی ہے۔

وزیر اعلی جناب بودوراج بومائی کی قیادت میں 90 فیصد سے زائد آبادی کی ویکسی نیشن ستمبر کے آخر تک مکمل ہو جائے گی۔

وزیر اعظم جناب نریندر مودی ہمیشہ غریبوں ، پسماندہ طبقات اور قبائلیوں کے بارے میں سوچتے ہیں۔

حکومت نے کوویڈ 19وبائی امراض کے خلاف اپنی جنگ میں کوئی کسر نہیں چھوڑی ، اور یہ بھی یقینی بنایا کہ کسی بھی گھر میں خواتین اور بچوں کو خالی پیٹ نہ سونا پڑے

جناب نریندر مودی کی حکومت نے پہلی اور دوسری لہر کے دوران مئی سے نومبر تک ہر فرد کو 5 کلو گرام اناج مفت فراہم کیا۔

ملک کے 80 کروڑ لوگوں کو نریندر مودی کی حکومت کے تحت دس ماہ تک 5 کلو گرام اناج مفت ملا

جناب نریندر مودی کی قیادت میں ، ہندوستان بہت جلد آتم نربھر بن جائے گا۔

کرناٹک میں ، ترقی کا دور ہماری پارٹی اور شری یدی یورپا کے دور میں شروع ہوا۔

شری بومائی کی قیادت میں ہماری پارٹی ایک بار پھر مکمل اکثریت کے ساتھ حکومت بنائے گی۔

Posted On: 02 SEP 2021 7:18PM by PIB Delhi

نئی دہلی،2 ستمبر2021: وزیر داخلہ اور تعاون کے محکمے کے مرکزی وزیر جناب امت شاہ نے آج کرناٹک کے داوناگیری میں 50 کروڑ روپے کی لاگت سے مختلف ترقیاتی منصوبوں کا آغاز کیا۔ جناب شاہ نے گاندھی بھون ، پولیس پبلک اسکول اور جی ایم انسٹی ٹیوٹ آف ٹیکنالوجی کی مرکزی لائبریری کا داونا گیری میں افتتاح کیا۔ انہوں نے مجاہدین آزادی کو مبارکباد دی اور ملک کی آزادی کی جدوجہد میں ان کی انمول شراکت پر ان کا شکریہ ادا کیا۔ اس موقع پر کرناٹک کے چیف منسٹر جنابباسوراج ایس بومائی اور کئی دیگر معززین موجود تھے۔

https://static.pib.gov.in/WriteReadData/userfiles/image/image001CR80.jpg

اپنے خطاب میں مرکزی وزیر داخلہ نے کہا کہ ہندوستان اور دنیا، گزشتہ دو سالوں سے ایک وبائی بیماری کا سامنا کر رہی ہے۔ انہوں نے کہا کہ کووڈ- 19 وبائی امراض پوری انسانیت کے لیے ایک بڑا چیلنج ہے اور جہاں تک ہندوستان کا تعلق ہے ، اس نے وزیر اعظم جناب نریندر مودی کی قیادت میں کووڈ- 19 کے خلاف اپنی جنگ بہت اچھی اور طاقت کے ساتھ لڑی ہے ، اور یہی وجہ ہے کہ آج ہم تقریبا اس سے چھٹکارا حاصل کر چکے ہیں۔

مرکزی وزیر داخلہ نے کووڈ- 19کے ان جنگجوؤں ، سیکورٹی اہلکاروں ، صفائی ستھرائی کے کارکنوں کو یاد کیا ، جنہوں نے اپنی جانوں کو داؤ پر لگا دیا اور معاشرے کو لڑنے کی طاقت دی اور ان میں سے بہت سے لوگوں نے اپنی جانیں بھی قربان کیں۔ جناب شاہ نے کہا کہ پوری دنیا اور ماہرین نے دیکھا کہ ہندوستان اور اس کے 130 کروڑ لوگوں کے لیے کووڈ- 19 سے لڑنا کتنا بڑا چیلنج تھا۔ انہوں نے کہا کہ وزیر اعظم جناب نریندر مودی کی قیادت میں ، دنیا کی سب سے بڑی ویکسی نیشن مہم بھارت میں انتہائی موثر انداز میں چلائی جا رہی ہے اور آج ہم فخر سے کہہ سکتے ہیں کہ بھارت نے زیادہ تر لوگوں کو ٹیکہ لگایا ہے۔

https://static.pib.gov.in/WriteReadData/userfiles/image/image0021KB0.jpg

جناب امت شاہ نے کہا کہ کرناٹک حکومت نے کووڈ-19 کے خلاف اپنی جنگ بہت اچھی طرح لڑی ہے اور آج تک تقریبا 5 کروڑ 20 لاکھ افراد کو ویکسین دی جا چکی ہے۔ ان میں سے 4 کروڑ کو پہلی خوراک دی گئی ہے جبکہ 1 کروڑ 16 لاکھ لوگوں کو دوسری خوراک دی گئی ہے۔ انہوں نے یقین ظاہر کیا کہ وزیر اعلی جناب بسوراج بومائی کی قیادت میں 90 فیصد سے زائد آبادی کی ویکسی نیشن ستمبر کے آخر تک مکمل ہو جائے گی۔ انہوں نے کہا کہ یہ ایک بہت بڑی کامیابی اور ایک مثال ہے کہ اگر حکومت لوگوں کے ساتھ مل کر کام کرے تو یہ حیرت انگیز کام کر سکتی ہے۔

https://static.pib.gov.in/WriteReadData/userfiles/image/image003D8A6.jpg

مرکزی وزیر داخلہ نے کہا کہ وزیر اعظم جناب نریندر مودی ہمیشہ غریبوں ، پسماندہ طبقات اور قبائلیوں کے بارے میں سوچتے ہیں۔ انہوں نے کہا کہ کووڈ-19 وبائی مرض نے ملک کے غریبوں کو سب سے زیادہ متاثر کیا۔ روزانہ کما کر کھانے والوں کو ایک وقت کا کھانا کمانا مشکل ہو گیا۔ جناب نریندر مودی کی حکومت نے پہلی اور دوسری لہر کے دوران مئی سے نومبرتک - دیوالی تک، ہر فرد کو 5 کلو گرام اناج مفت فریہم کیا۔ جناب شاہ نے کہا کہ کیا آپ تصور کر سکتے ہیں کہ مودی حکومت نے ملک کے 80 کروڑ لوگوں کو دس ماہ کے لیے 5 کلو گرام اناج مفت فراہم کیا ہے۔

انہوں نے کہا کہ حکومت نے وبائی امراض کے خلاف اپنی جنگ میں کوئی کسر نہیں چھوڑی ، اور وزیر اعظم نے اس بات کو بھی یقینی بنایا کہ کسی بھی گھر میں خواتین اور بچوں کو خالی پیٹ نہ سونا پڑے۔ انہوں نے کہا کہ تیسری لہر کے ممکنہ منظر نامے میں ، وزیر اعظم جناب نریندر مودی نے ہر ریاست ، شہر ، قصبے کو کووڈ-19 سے لڑنے کے لیے تیار کرنے کی غرض سے ہزاروں کروڑ کے پیکجوں کا اعلان کیا ہے۔

کووڈ-19 وبائی مرض کی دوسری لہر کے بارے میں بات کرتے ہوئے ، جناب شاہ نے کہا کہ ملک کو آخری لہر کے دوران آکسیجن کی بڑی قلت کا سامنا کرنا پڑا اور ہزاروں آکسیجن پلانٹ بننے لگے۔ انہوں نے اس یقین کا اظہار کیا کہ وزیر اعظم جناب نریندر مودی کی قیادت میں ، ہندوستان بہت جلد آکسیجن میں آتم نربھر بن جائے گا۔

https://static.pib.gov.in/WriteReadData/userfiles/image/image004NLY0.jpg

جناب امت شاہ نے کہا کہ ہماری پارٹی نے جناب بسوراج بومائی کو کرناٹک کے نئے وزیر اعلیٰ کی ذمہ داری دینے کا فیصلہ کیا ہے۔ انہوں نے کہا کہ جناب یدی یورپا نے اپنے دونوں دوروں کے دوران کرناٹک بالخصوص دیہات اور کسانوں کی ترقی کے لیے کوئی کسر نہیں چھوڑی۔ انہوں نے کہا کہ کرناٹک میں ترقی کا دور ہماری پارٹی اور جناب یدی یورپا کے دور میں شروع ہوا۔ انہوں نے امید ظاہر کی کہ شری بومائی کی قیادت میں ہماری پارٹی ایک بار پھر مکمل اکثریت کے ساتھ حکومت تشکیل دی گی۔ انہوں نے کہا کہ جناب بومائی نے کئی چھوٹے مگر اہم اقدامات کئے ، جیسے پولیس کی طرف سے کوئی سلامی نہیں یا وی وی آئی پی کلچر سے متعلق بہت سی چیزوں کو ختم کرنا۔ انہوں نے شفافیت کو یقینی بنانے کے لیے کئی اقدامات بھی کیے۔

مرکزی وزیر داخلہ نے کہا کہ کوویڈ 19 کے خلاف جنگ میں ریاست اور مرکز کو لوگوں کے تعاون کی ضرورت ہے۔ انہوں نے کہا کہ کچھ جگہوں پر ، کچھ اضلاع اور کچھ حصوں میں ویکسی نیشن کے لیے ریزرویشن ہے۔ ہر ایک کا فرض ہے کہ اس بات کو یقینی بنائے کہ ہمارے ارد گرد ، خاندان یا دوست حلقوں میں کوئی بھی شخص ویکسی نیشن حاصل کیے بغیر نہ رہے۔ جناب شاہ نے کہا کہ 100 فیصد ویکسی نیشن ہی کووڈ-19 کے خلاف فتح کا واحد منتر ہے اور حکومت ہند نے ویکسین کی وافر فراہمی کو یقینی بنایا ہے۔

*****

U.No.8591

(ش ح - اع - ر ا)   



(Release ID: 1751591) Visitor Counter : 34


Read this release in: English , Tamil , Telugu , Kannada