രാജ്യരക്ഷാ മന്ത്രാലയം
അൾജീരിയൻ നാവികസേനയുമായി ചേർന്ന് ഇന്ത്യൻ നാവികസേനയുടെ പ്രഥമ അഭ്യാസ പ്രകടനം
Posted On:
31 AUG 2021 10:44AM by PIB Thiruvananthpuram
ന്യൂ ഡൽഹി, ആഗസ്റ്റ് 31, 2021
യൂറോപ്പ്, ആഫ്രിക്ക സന്ദർശനത്തിന്റെ ഭാഗമായി, ഇന്ത്യൻ നാവികസേന കപ്പലായ ഐഎൻഎസ് തബാർ,2021 ഓഗസ്റ്റ് 29 ന് അൾജീരിയൻ നാവികസേന കപ്പലുമായി സംയുക്ത സമുദ്രാഭ്യാസ പ്രകടനത്തിൽ പങ്കെടുത്തു. അൾജീരിയൻ തീരത്ത് നടന്ന ഈ സുപ്രധാന പ്രകടനത്തിൽ മുൻനിര അൾജീരിയൻ യുദ്ധക്കപ്പലായ 'എസ്സാഡ്ജർ' പങ്കെടുത്തു.
അഭ്യാസത്തിന്റെ ഭാഗമായി, ആശയവിനിമയ നടപടിക്രമങ്ങൾ ഉൾപ്പെടെ വൈവിധ്യമാർന്ന പ്രകടനങ്ങൾ ഇരു യുദ്ധക്കപ്പലുകളും പ്രദർശിപ്പിച്ചു. ഈ പ്രകടനം ഇരു നാവികസേനകളും പിന്തുടരുന്ന വ്യത്യസ്ത പ്രവർത്തനങ്ങളുടെ ആശയം മനസ്സിലാക്കാനും പ്രവർത്തനക്ഷമത വർദ്ധിപ്പിക്കാനും സഹായിക്കുകയും, ഭാവിയിൽ പരസ്പര ബന്ധവും സഹകരണവും വർദ്ധിപ്പിക്കാനുള്ള സാധ്യത ഒരുക്കുകയും ചെയ്തു.
(Release ID: 1750976)
Visitor Counter : 180