आरोग्य आणि कुटुंब कल्याण मंत्रालय
कोविड-19 प्रतिबंधक लसीच्या उपलब्धतेविषयीची अद्ययावत माहिती
राज्ये आणि केंद्रशासित प्रदेशांना कोविड प्रतिबंधक लसीच्या 63 कोटी 9 लाखांहून अधिक मात्रा पुरविण्यात आल्या आहेत
राज्ये आणि केंद्रशासित प्रदेश तसेच खासगी रुग्णालयांकडे 4 कोटी 87 लाखांहून अधिक मात्रा अजूनही शिल्लक असून पुढील काळात वापरण्यासाठी उपलब्ध आहेत तर 21.76 लाख मात्रांचा पुरवठा करण्याची प्रक्रिया सुरु आहे
प्रविष्टि तिथि:
30 AUG 2021 10:36AM by PIB Mumbai
संपूर्ण देशात कोविड-19 प्रतिबंधक लसीकरण मोहिमेचा वेग वाढविणे आणि मोहिमेच्या व्याप्तीचा विस्तार करणे यासाठी केंद्र सरकार वचनबद्ध आहे. या लसीकरण मोहिमेच्या सार्वत्रिकीकरणाचा नवा टप्पा देशात 21 जून 2021 पासून सुरु झाला. लसीच्या अधिक मात्रा उपलब्ध करून देणे, राज्ये आणि केंद्रशासित प्रदेशांना लसीकरणाचे उत्तम नियोजन करता यावे यासाठी त्यांच्याकरिता उपलब्ध असलेल्या लसीच्या मात्रांची आगाऊ स्वरुपात माहिती पुरविणे आणि लस पुरवठा साखळीचे प्रवाहित मार्गीकरण करणे या उपक्रमांच्या माध्यमातून लसीकरण मोहिमेचा वेग वाढविण्यात येत आहे.
राष्ट्रव्यापी लसीकरण मोहिमेचा एक भाग म्हणून भारत सरकार, सर्व राज्ये आणि केंद्रशासित प्रदेशांना कोविड प्रतिबंधक लसीचा मोफत पुरवठा करून त्यांना मदत करीत आहे. कोविड-19 प्रतिबंधक लसीकरण मोहिमेच्या सार्वत्रिकीकरणाच्या या नव्या टप्प्यात केंद्र सरकार, देशातील लस निर्मात्यांनी उत्पादित केलेल्या लसीच्या साठ्यापैकी 75% साठ्याची खरेदी करून त्याचा (मोफत) पुरवठा सर्व राज्ये आणि केंद्रशासित प्रदेशांना करणार आहे.
|
VACCINE DOSES
|
(As on 30 August 2021)
|
|
SUPPLIED
|
63,09,30,270
|
|
PIPELINE
|
21,76,930
|
|
BALANCE AVAILABLE
|
4,87,39,946
|
भारत सरकारतर्फे (मोफत पुरवठा मार्गाने) आणि थेट राज्यांकडून खरेदीच्या मार्गाने केंद्र सरकारने राज्ये आणि केंद्रशासित प्रदेशांना आतापर्यंत एकूण 63 कोटी 9 लाखांहून अधिक (63,09,30,270)मात्रांचा पुरवठा केला आहे आणि आणखी 21.76 लाखांहून अधिक (21,76,930) मात्रांचा पुरवठा करण्याची प्रक्रिया सुरु आहे.
राज्ये आणि केंद्रशासित प्रदेश सरकारांकडे कोविड प्रतिबंधक लसीच्या 4 कोटी 87 लाखांहून अधिक (4,87,39,946) मात्रा अजूनही शिल्लक असून यापुढील काळातील लसीकरणासाठी त्या उपलब्ध आहेत.
***
UmeshU/SampadaP/DY
सोशल मिडियावर आम्हाला फॉलो करा: 
@PIBMumbai 
/PIBMumbai 
/pibmumbai 
pibmumbai[at]gmail[dot]com
(रिलीज़ आईडी: 1750378)
आगंतुक पटल : 314
इस विज्ञप्ति को इन भाषाओं में पढ़ें:
हिन्दी
,
Malayalam
,
English
,
Urdu
,
Bengali
,
Manipuri
,
Punjabi
,
Gujarati
,
Tamil
,
Telugu
,
Kannada