نئی دہلی،26؍ اگست  : شہری ہوا بازی کے مرکزی  وزیر جناب جیوتی رادتیہ ایم سندھیا نے   گجرات کے وزیراعلیٰ جناب وجے روپانی کو ایک خط لکھ کر ریاست میں ہوا بازی کے شعبے کو مستحکم کرنے کے لئے معاملات میں تیزی لانے کی خاطر  ذاتی مداخلت کی گزارش کی ہے۔ اے اے آئی نے  ملک میں اگلے 4  سے 5  سالوں میں 20  ہزار کروڑ روپے کی لاگت سے  ہوائی اڈوں کی ترقی اور  توسیع  کا کام شروع کیا ہے، تاکہ ملک میں  مسافروں کی بڑھتی ہوئی مانگ کو پورا کیا جاسکے۔

جناب سندھیا نے  درج ذیل امو ر پر  جناب وجے  روپانی کی توجہ  دلائی ہے، جو گجرات میں ہوا بازی کے شعبے سے متعلق  مختلف پروجیکٹوں کے نفاذ کو متاثر کر رہے ہیں۔

• اے بی -320  قسم کے طیارے  کی خدمات  شروع کرنے کے لئے اور  اس کو معقول بنانے کی خاطر  بھاؤ نگر ہوائی اڈے پر  490.36  ایکڑ اراضی کی ضرورت ہے۔
• شہر کے اطراف میں بنیادی ڈھانچے کی ترقی کے لئے جام نگر ہوائی اڈے پر  17.38  ایکڑ  اراضی  کی ضرورت ہے۔
• اے بی – 320  قسم کے  طیارے کی  خدمات  شروع کرنے  اور اسے  معقول بنانے کے لئے کاندلہ ہوائی اڈے پر  322.85  ایکڑ اراضی کی ضرورت ہے۔
• اے بی – 320  قسم کے طیارے کی خدمات شروع کرنے اور اسے معقول بنانے کے لئے اور  رَن وے کی تعمیر و ترقی  کے لئے  پور بندر ہوائی اڈے پر  430.5  ایکڑ  اراضی کی ضرورت ہے۔
• بنیادی پٹی  کی ضروریات  اور  پیرالل ٹیکسی ٹریک کے لئے  وڈودرہ ہوائی اڈے پر  18.33  ایکڑ  اراضی کی ضرورت ہے۔
•  سی اے ٹی  - 1  اپروچ لائٹنگ سسٹم   کی تنصیب اور  رَن وے کی توسیع کے لئے  سورت ہوائی اڈے پر  96.93  ایکڑ اراضی کی ضرورت ہے۔ ریاست حکومت سے  دوسرے  رَن وے کی ترقی کے لئے سورت ہوائی اڈے پر  2100  ایکڑ  اراضی مختص کرنے کی بھی گزارش کی گئی ہے۔
• ریاستی حکومت سے  سابر متی  ریور فرنٹ  اور کیوڑیا  کے درمیان  خدمات شروع کرنے کے لئے  سی  پلین آپریشن کے بقایا جاتا کی ادائیگی کی گزارش کی گئی ہے۔
• علاقائی  فضائی  کنکٹی وٹی فنڈ ٹرسٹ (آر اے  سی ایف ٹی) کے لئے  وی جی ایف  کے حصے کے طور پر  ریاستی حکومت پر0.47  کروڑ روپے کی رقم کا بقایا  ہے۔

 

۔۔۔۔۔۔۔۔۔۔۔۔۔۔۔۔۔۔

(ش ح- ع م- ق ر)

U-8341

(रिलीज़ आईडी: 1749480) आगंतुक पटल : 183