মেদিয়াগী সেক্সন খরনা প্রি-প্রিন্ত স্তেজতা লৈরিবা(নিংথিনা য়েংশিনদ্রিবা) অপিকপা স্তদী অমবু পল্লদুনা হৌখিবা নুমিৎ খরনি অসিদা অয়ুর্বেদ অমসুং অয়ুশ মন্ত্রালয়গী মাইয়োক্তা ইজৎ শোকপা য়াবা কেম্পেন্দ অমা পাংথোক্লি৷ অফবা মল্তি সেন্তর ক্লিনিকেল ত্রাইএল অমদা অমসুং হেন্না চাওনা নৈনরকপগী মতুং ইন্না কোবিদ-১৯ লাইয়েং চত্থবদা অমসুং নৈনবদা ইফেক্তিব ওই হায়না ফংলিবা হর্বেল ফোর্মুলেসন অয়ুশ-৬৪দা নাকল অমগী ওইবা ৱাঙাং অসিনা লান্না উহল্লি৷

ন্যুজ আর্তিকলশিং অদুনা পেপর(পেপর অদু অপিকপা অমসুং প্রিলিমিনরী স্তদী অমনি হায়বসি মখোয়না য়াজৈ) অমতমক পনখি, মদুসু অয়ুর্বেদ অমসুং এল্লোপেথী অনিমক্কী রিসর্চরশিংনা শেম্বা তাস্কফোর্স(কোবিদ-১৯ শেম্লিবা অয়ুশ ইন্তর দিসিপ্লিনরী আর অমসুং দি তাস্ক ফোর্স) অমসুং অয়ুশ মন্ত্রালয়না পুকচেল শেংনা অমসুং থৱাই য়াওনা হোৎনরিবা অদু মিংচৎ থিহন্নবা প্রি-পব্লিকেসন্দা লৈরিবা পেপর অমনি৷ প্রি-পব্লিকেসন অসি জোধপুরদা লৈরিবা ওল ইন্দিয়া ইন্সতিত্যুত ওফ মেদিকেল সাইন্সেস অমসুং জয়পুরদা লৈরিবা নেস্নেল ইন্সতিত্যুত ওফ অয়ুর্বেদগী মরক্তা পাংথোকখিবা কোলাবোরেতিব রিসর্স প্রোজেক্ত অমদগী থোকখিবনি৷ ইন্সতিত্যুত অনিমক পেসেন্ত কেয়র অমসুং রিসর্সতা মতম কুইনদগী অমসুং লিগেসী চাওনা লৈদুনা মশা মশাগী ফিল্দশিংদা রিসর্স অমসুং লর্নিংগী মমিং লৈরবা এপেক্স সেন্তরশিংনি অমসুং ইন্সতিত্যুত অনি অসিনা পাংথোক্লিবা স্তদীগী আউতকম অদুদা লান্না রিপোর্ত পীশিল্লিবা অসিগীদমক য়ানিংদবা ফোংদোকখ্রে৷

মেদিয়াদা লান্না পনখিবা দা. জেকরন চরনবুসু মন্ত্রালয় অসিনা পনবা পাম্লি৷ মহাক্না কেতিগোরী নাইনা য়াজখিদে অমসুং অসুম্না ফোংদোকখি, “অয়ুশ ৬৪ অসি ইফেক্তিব ওইদবা নত্রগা কান্নদবা দ্রগ অমনি হায়না ঐনা কৈদৌনুংদা ফোংদোকখিবা লৈতে৷ হায়রিবা দ্রগ অয়ুশ ৬৪ অসিনা প্রাইমরী এন্দপোইন্তদা ইফিকেসী উৎলকখ্রে… রিজল্তশিং অসিনা ময়েক শেংনা তাক্লে মদুদি অয়ুশ ৬৪ অসি কেয়রগী স্তেন্দর্দকা লোইননা সেফতী ওইবগা মান্নরবা অফবা দ্রগ অমনি, স্তেতিস্তিকেল্লী, ‘খেন্নবা লৈতে’ হায়বা অসিনা ইফেক্তিব ওইদে নত্রগা কান্নদে হায়না তাকপা নত্তে, মসিনা তাক্নিংলিবা অদুদি দ্রগ অসিগী ময়াক মান্নৈ হায়না তাকপনি৷”

পুক্নিং শুমহৎনিংঙাই ওইরবা ন্যুজ আর্তিকলশিং অদু অচুম্বা ৱারোলশিংবু লান্না লমজিংলিবা অমসুং অরানবতা উবগী খুদম অমনি৷ প্রি-পব্লিকেসন অদুনা অসুম্না পনলি “৫শুবা নুমিৎতা ফংখিবা আর.তি.-পি.সি.আর. নেগেতিব সবজেক্তশিংগী ফ্রীক্বেন্সী গ্রুপশিং অদু চাংদম্নবা মতমদা, অয়ুশ ৬৪ গ্রুপতগী সবজেক্ত ২১ (৭০%) অমসুং কন্ত্রোল গ্রুপতগী সবজেক্ত ১৬ (৫৪%)না ৫শুবা নুমিৎতা আর.তি.-পি.সি.আর. নেগেতিব লাকপা থেংনখি৷ আর.তি.-পি.সি.আর. নেগেতিব লাকপগী ইভেন্তশিং অসি অয়ুশ ৬৪ গ্রুপতনা হেনবা তারবসু, মসিগী খেন্নবা অসি স্তেতিস্তিকেল্লী মরু ওইদে [পি=০.২৮]৷ লাইহৌ তৌবা অমসুং রেস্পিরেতরী সিম্পতোমশিং অমসুং লেব পেরামিতরশিংগী লৈরিবা গ্রুপ অনি অসিগী মরক্তা খেন্নবা লৈরিবা অসি স্তেতিস্তিকেল্লী মরু ওইদে৷ এসেসমেন্তগী মতমদা গ্রুপ অমা হেক্তদগী কা হেন্না ফিভম শোক্লবা ইভেন্তশিং থোকপগী রিপোর্ত লাকখিদে৷”

হায়রিবা স্তদী অসিগী রিজল্তশিং অসিনা অয়ুশ ৬৪ অসি স্তেন্দর্দ কেয়রগা লোইননা সেফ ওইরবা দ্রগ অমগা মান্নৈ হায়না ময়েক শেংনা উৎলি৷ অদুগা, প্লি-পব্লিকেসনগী লৈরিবা চমম্নবা অদু প্লি-পব্লিকেসনগী মমাংদা তৌখিবা অচৌবা স্তদী অমনা কোকহল্লি৷ হায়রিবা স্তদী অসিদা শরুক য়াখিবা মীওইশিং অদুদি চোপ্রা এ, তিল্লু জি, চৌধুরী কে, রেদ্দী জি, শ্রীবাস্তভা এ, লকদৱলা এম অমসুং অতোপ্পা মীওই খরনি, কোদএদমিনিস্ত্রেসন ওফ অয়ুশ ৬৪ এস  এন এদজঙ্ক তু স্তেন্দর্দ ওফকেয়র ইন মাইল্দ এন্দ মোদিরেত কোবিদ-১৯: এ রেদমাইজ, কন্ত্রোল, মল্তিসেন্ত্রিক ক্লিনিকেল ত্রাইএল৷ মেদজিব 2021.06.12.21258345৷ https://doi.org/10.1101/2021.06.12.21258345)

মসিগী ন্যুজ আর্তিকল অসিনা মিচং-মীখায় নাইদনা চৎলিবা রিপোর্তিংগী প্রিন্সিপল অসিগী মাইয়োক্তা চৎলি৷ সেম্পল সাইজ অকক্ননা লৌদুনা অপিকপা স্তদী অমগী আউতকমশিং ময়ামদা খঙহন্নবা হোৎনবা অসি অরানবনি৷ স্তদী অসিদা ফগৎলকপগী পর্সেন্তেজ ৱাংনা উৎলবসু সেম্পল সাইজ পীকপনা মরম ওইদুনা হিদাক অসি য়াম্না মরু ওইনা লৌবা য়াবা নত্তে, মরম অদুনা হিদাক অসি ইফেক্তিব ওইবা ৱাৎলি হায়না জর্নেলিস্তশিংনা ক্লেম তৌখি৷ সেম্পল সাইজ চাওনা লৌদুনা অমসুং মল্তিসেন্ত্রিক ওইবা মওংদা হেন্না নিংথিনা নৈনরকপনা ইফিকেসীগী চাং অসি হান্না লৈরম্লিবা চাং অদুদগী হেনগৎহনখ্রে৷ প্রিপ্রিন্ত তৌখ্রবা স্তদী মশামক্না অচৌবা সেম্পল সাইজ স্তদী তৌবা দরকার ওই হায়না পনখিবা লৈরে৷

*****