প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেবিনেৎ কম্মিতী ওফ ইকনোমিক এফিয়র্সনা ইনফ্রাস্ত্রকচর অমসুং ত্রান্সপোর্ত অমসুং লোজিস্তিক্স অসিনচিংবা য়াওরিবা কনস্ত্রক্সন-দিবেলপমেন্ত সেক্তরশিংদা ইনভেস্তমেন্ত তৌনবা লোইননা এয়রপোর্ত সেক্তর অমসুং এভিএসনগা মরী লৈনবা বিজিনেসশিং অমসুং সর্ভিসশিংদা দাউনস্ত্রীম ইনভেস্তমেন্ত তৌনবা অখন্নবা হীরম অসিগীদমক ইনকোর্পরেত তৌখিবা ভারতকী ইনভেস্তমেন্ত হোল্দিং অমা ওইরিবা এম/এস অঙ্কোরেজ ইনফ্রাস্ত্রকচর ইনভেস্তমেন্ত হোল্দিং লিমিতেদতা লুপা করোর ১৫,০০০ ফাওবা ইনভেস্তমেন্ত তৌনবগী এফ.দি.আই.গী প্রপোজেল অদু অয়াবা পীখ্রে। ইনভেস্তমেন্ত অসিদা বেঙ্গলোর ইন্তর্নেস্নেল এয়রপোর্ত লিমিতেদকী শিয়র অঙ্কোরেজতা ত্রান্সফর রৌআ অমসুং কেনাদাগী খ্বাইদগী অচীবা দিফাইন্দ বেনিফিৎ পেন্সন প্লানশিংগী মনুংদা অমা ওইরিবা ও.এম.ই.আর.এস.কী এদমিনিস্ত্রেতর ওইরিবা ও.এ.সি.না মপুং ওইনা মপুং ওইবা সবসিদিএরী অমা ওইরিবা ২৭২৬২৪৭ ওন্তারিয়োনা এম/এস অঙ্কোরেজ ইনফ্রাস্ত্রকচর ইনভেস্তমেন্ত হোল্দিং লিমিতেদতা লুপা করোর ৯৫০ ইনভেস্তমেন্ত তৌবসু য়াওরি।

ইনভেস্তমেন্ত অসিনা ইনফ্রাস্ত্রকচর অমসুং কনস্ত্রক্সন সেক্তর অমসুং এয়রপোর্ত সেক্তরদা চাউনা মপাঙ্গল হাপ্লগনি। ইনভেস্তমেন্ত অসিনা ভারত সরকারনা প্রাইবেৎ পার্তনরশিপকী খুত্থাংদা মালেমগী থাক্কী এয়রপোর্ত অমসুং ত্রান্সপোর্তকা মরী লৈনবা ইনফ্রাস্ত্রকচর শেমগৎনবা পাইখৎলিবা থৌরাং অসিদা চাউনা খুমাং চাউশিনহল্লগনি। ইনভেস্তমেন্ত অসিনা হন্দক্তা লাউথোকখিবা নেস্নেল মোনিতাইজেসন পাইপলাই (এন.এম.পি.)দা চাউনা মপাঙ্গল হাপ্লগনি মরমদি মসিনা প্রাইবেৎ ওপরেতরশিংদা লম্বী-থোং, রেলৱেজ, এয়রপোর্তশিং, স্পোর্তস স্তেদিয়মশিং, পাৱর ত্রান্সমিসন লাইনশিং অমসুং গ্যাস পাইপলাইনশিং অসিগুম্বা এসেৎশিং শিন্নথোকপা য়াওনা রাজ্যনা মপু ওইবা ইনফ্রাস্ত্রকচর এসেৎশিংগী লীজ তৌবগী ফন্দ লাকহনবদা মতেং ওইরগনি। এম/এস অঙ্কোরেজ ইনফ্রাস্ত্রকচর ইনভেস্তমেন্ত হোল্দিং লিমিতেদনা এন.এম.পি.গী মখাদা কোনশিল্লিবা সেক্তর খরদা দাউনস্ত্রীম ইনভেস্তমেন্ত তৌনবা প্রপোজ তৌরি।

ইনভেস্তমেন্ত অসিনা হকথেংননা থবক পীরগনি মরমদি এম/এস অঙ্কোরেজ ইনফ্রাস্ত্রকচর ইনভেস্তমেন্ত হোল্দিং লিমিতেদনা দাউনস্ত্রীম ইনভেস্তমেন্তশিং তৌনবা প্রপোজ তৌরিবা সেক্তর অসি কেপিতেল অমসুং ইমপ্লোইমেন্ত ইন্তেন্সিব সেক্তর ওইরি। ইনভেস্তমেন্ত অসিনা কনস্ত্রক্সন অমসুং এন্সিলরীগী থবক-থৌরমশিং চত্থরিঙৈ মনুংদা নাকোইননা থবকসু পীরগনি।

*****