نئی دہلی:24؍اگست2021:

نیشنل ایلومینیم کمپنی لمیٹیڈ (نالکو)،جوکہ کانکنی کی وزارت کے تحت ایک نورتن سی پی ایس ای ہے،نے اڈیشہ کے کوراپُٹ ضلع کےدامن جوڑی میں واقع اپنی کانکنی اور ریفائینری کمپلیکس کےاطراف میں رہنے والے لوگوں کو بڑی تعدادمیں پودےعطیہ کیے ہیں۔آزادی کا 75 سالہ جشن منانے کے لیے ’آزادی کا امرت مہوتسو‘کے ایک حصے کے طور پر ایلومینیم کی بڑی کمپنی ریاست کے کوراپُٹ اوراَنگُل میں اپنے پیداواری یونٹوں میں بڑے پیمانے پر شجرکاری مہم چلا رہی ہے۔

ایک ذمہ دار کارپوریٹ تنظیم کے طور پر نالکو اور آزادی کا امرت مہوتسو کے ایک حصے کے طور پر نالکو اور نالکو فاؤنڈیشن نے اُڈیشہ کے دامن جوڑی کے کٹودی،منڈاگادتی،اپرگاداتی اورتلہ گادی کےگاؤں میں لوگوں کو پودے عطیہ کیے۔ تقریب کے دوران نالکو کے ملازمین ماحولیاتی تحفظ کی بنیادی اہمیت کے بارے میں دیہاتیوں کو بیداری اورآگاہی بھی دے رہے ہیں۔ کوراپُٹ ضلع کے تحت دامن جوڑی اور پوٹنگی کے آس پاس کے زیادہ سے زیادہ دیہاتوں کو مستقبل قریب میں شامل کیا جائے گا۔

اپنی تمام کوششوں اور سرگرمیوں میں، کمپنی فطرت کے تحفظ پر توجہ دیتی ہے۔ قابل ذکر بات یہ ہے کہ نالکو نے آج تک ایک کروڑ سے زائد پودے لگائے ہیں۔ کمپنی بھارت کی معروف ایلومینا اور ایلومینیم کی برآمدکنندہ ہے۔ ترقی پذیر حالات کے ساتھ رفتار برقرار رکھنے کے لیے نالکو نے کان کنی،دھات اوربجلی میں مربوط اور متنوع آپریشن کیے ہیں۔

************

ش ح۔م ع۔ ع ن

 (U: 8226)