ঙসি ২০/০৮/২০২১ অসিদা চহি ১২ শুরবা অমসুং মথক্কী অঙাংশিং অমসুং অহালশিং য়াওনা মীওইবদা কাপ্পা য়ারবা মালেমগী অহানবা অমসুং ভারতকী ইন্দিজিনেস ওইনা দিবেলপ তৌবা কোবিদ-১৯গী দি.এন.এ. বেজ ভেক্সিন জাইকোব-দি অসি দ্রগ কন্ত্রোলর জেনরেল ওফ ইন্দিয়া (দি.সি.জি.আই.)দগী জাইদস কেদিলানা ইমর্জেন্সী য়ুজ ওথোরাইজেসন (ই.য়ু.এ.)গী অয়াবা ফংখ্রে। ‘মিসন কোবিদ সুরক্ষ’গী মখাদা ভারত সরকারগী দিপার্তমেন্ত ওফ বাইওতেক্নোলোজীগা লোইননা পার্তনর ওইদুন দিবেলপ তৌবা অমসুং বি.আই.আর.এ.সি.না ইমপ্লিমেন্ত তৌবা, জাইকোব-দি অসি নেস্নেল বাইওফার্ম মিসন ফোর প্রিক্লিনিকেল স্তদীজ, ফেজ I অমসুং ফেজ IIগী খুত্থাংদা কোবিদ-১৯ রিসর্চ কন্সোর্তিয়াগী মখাদা অমসুং ফেস III ক্লিনিকেল ত্রায়লগৌ মিসন কোবিদ সুরক্ষাগী মখাদা সপ্পোর্ত তৌখি। মসিগী দোজ ২গী ভেক্সিন অসি কাপশিনবা মতমদা সার্স-কোব-২ ভাইরসকী স্পাইক প্রোতিন প্রদ্যুস তৌই অমসুং ইম্ম্যুন রেস্পোন্স অমা ইলিসিৎ তৌই, মসিনা লাইনা অসিদগী ঙাকথোকপদা লোইননা ভাইরেল ক্লিয়রেন্সতা অচৌবা থৌদাং অমা লৌই। প্লাসমিদ দি.এন.এ. প্লেৎফোর্ম অসিনা য়ুম্ফম ওইরিবা প্লগ-এন্দ-প্লে তেক্নোলোজী অসি হান্নদগী লৈরবশিং অসিগুম্বা য়াওনা ভাইরস অসিনা ম্যুতেসনশিং তৌরকপদা লায়না এদাপ্ত তৌবা ঙম্মি।

ভোল্যুন্তিয়র ২৮,০০০ হেনবদা চত্থখিবা ফেজ-III ক্লিনিকেল ত্রায়লশিংগী ইন্তেরিম রিজল্তশিংনা মসি লাইওং উৎপা আর.তি.-পি.সি.আর. পোজিতিব কেসশিংদা প্রাইমরী ইফিকেসী চাদা ৬৬.৬ উবা ফংই। মসি ভারত্তা পাঙথোকপা কোবিদ-১৯গী খ্বাইদগী চাউবা ভেক্সিন ত্রায়লনি। ভেক্সিন অসি মমাংদা পাঙথোকখিবা এদাপ্তিব ফেজ I/II ক্লিনিকেল ত্রায়লশিংদা চাউনা ইম্ম্যুনোজেনিসিতী অমসুং তোলরেবিলিতী অমসুং সেফতী প্রোফাইল লৈবা উবা ফংখ্রে। ফেজ I/II  অমসুং ফেজ III ক্লিনিকেল ত্রায়লশিং অসি ইন্দিপেন্দেন্ত দেতা সেফতী মোনিতরিং বোর্দ (দি.এস.এম.বি.)না মোনিতর তৌখি।

জাইদস গ্রুপকী ভেক্সিন রিসর্চ সেন্তর ওইরিবা ভেক্সিন তেক্নোলোজী সেন্তর (ভি.তি.সি.), দিপার্তমেন্ত ওফ বাইওতেক্নোলোজী (দি.বি.তি.)গী ওতোনোমস ইন্সতিত্যুত অমা ওইরিবা ত্রানস্লেস্নেল হেল্থ সাইন্স এন্দ তেক্নোলোজী ইন্সতিত্যুত (তি.ঐচ.এস.তি.আই.) অমসুং পুনেগী ইন্তরেক্তিব রিসর্চ স্কুল ফোর হেল্থ এফিয়র্স (আই.আর.এস.ঐচ.এ.), দিপার্তমেন্ত ওফ বাইওতেক্নোলোজী – নেস্নেল বাইওফার্মা মিসন (এন.বি.এম.)গী মখাদা লিংখৎপা জি.সি.এল.পি. লেবনসু মসিগী মাই আকপগী ৱারী অসিদা মরু ওইবা থৌদাং অমা লৌরি।

দি.বি.তি.গী সেক্রেতরী অমসুং বি.আই.আর.এ.সি.গী চিয়রপর্সন, দা. রেনু স্বরুপনা হায়খি, “ঙসি দিপার্তমেন্ত ওফ বাইওতেক্নোলোজীগা পার্তনর ওইদুনা অমসুং মিসন কোবিদ সুরক্ষগী খুত্থাংদা সপ্পোর্ত ফংদুনা জাইদসনা দিবেলপ তৌখিবা মালেমগী অহানবা দি.এন.এ. কোবিদ-১৯ ভেক্সিন জাইকোব-দি অসিগী ই.য়ু.এ. ঐখোয়না ফংজবা অসি য়াম্না চাউথোকচনীংঙাই ওইবা ৱাফম অমনি। ভারতকী ভেক্সিনগী মিসন কোবিদ সুরক্ষা অসি পব্লিক হেল্থকীদমকীদমক খুদোংথিরোইদবা অমসুং কান্নগদবা কোবিদ-১৯ ভেক্সিনশিং পুথোক্নবা পান্দম থমদুনা বি.আই.আর.এ.সি.না ইমপ্লিমেন্ত তৌখিবা আত্মনির্ভর ভারত পেকেজ ৩.০গী মখাদা হৌদোকখি। মসি ঐখোয়গী ইন্দিজিনস ভেক্সিন দিবেলপমেন্ত মিসনদা মরু ওইবা মাইলস্তন অমনি অমসুং ভারতপু নোভেল ভেক্সিন দিবেলপমেন্তগী গ্লোবেল মেপতা মফম অমা কনবা ঙমহনখি”।

দিবেলপমেন্ত অসিগী মতাংদা জাইদস গ্রুপকী চিয়রমেন, শ্রী পঙ্কজ আর পতেলনা হায়খি, “ঐখোয়না কোবিদ-১৯ লান্থেংনবা ঙম্নবা খুদোংথিদবা, তোলরেৎ নীংথিনা তৌবা অমসুং কান্নরবা ভেক্সিন অমা পুথোক্নবা হোৎনখিবা অদু জাইকোব-দি অদিনা মঙফাওনবা ঙমহনবা অসিদা য়াম্না নুংঙাইবা পোকই। অসুক লুখ্রবা তানফম অসিদা অমসুং শীংনবা পুম্নমক লৈরবসু মালেমগী অহানবা দি.এন.এন. ভেক্সিন পুথোকপা অসি ভারতকী রিসর্চ তৌরিবা বিজ্ঞানিকশিংদা অমসুং মখোয়না অনৌবা পুথোক্নবগী চেল্লিবা ৱাখল্লোন অদুদা ইকাই খুম্নবা উৎপনি। ঐহাক্না ভারত সরকারগী দিপার্তমেন্ত ওফ বাইওতেক্নোলোজীনা আত্মনির্ভর বারতগী মিসন অমসুং ইন্দিয়ন ভেক্সিন মিসন কোবিদ সুরক্ষ অসিদা মতেং পীবীখিবগীদমক থাগৎচনীংই।”

দি.বি.তি.গী মরমদা

সাইন্স অমসুং তেক্নোলোজী মন্ত্রালয়গী মখাদা দিপার্তমেন্ত ওফ বাইওতেক্নোলোজী (দি.বি.তি.)না মখোয়না লৌউ-শিংউ, হেল্থকিয়র, এনিমেল সাইন্সেস, এনভাইরনমেন্ত অমসুং ইন্দস্ত্রীদা দিবেলপমেন্ত পুরকপা অমসুং ইমপ্লিমেন্ত তৌবগী খুত্থাংদা ভারত্তা লৈরিবা বাইওতেক্নোলোজী দিবেলপমেন্ত অসি থৌগৎলি অমসুং ফগৎহল্লি।

বি.আই.আর.এ.সি.গী মরমদা

নোত-ফোর-প্রোফিৎ পব্লিক সেক্তর ইন্তরপ্রাইজ অমা ওইরিবা বাইওতেক্নোলোজী ইন্দস্ত্রী রিসর্চ এসিস্তেন্স কাউন্সিল (বি.আই.আর.এ.সি.) অসি ভারত সরকারগী দিপার্তমেন্ত ওফ বাইওতেক্নোলোজী (দি.বি.তি.)না লিংখৎখিবনি, মসিনা লৈবাক অসিগী মথৌ তাবা প্রদক্ত দিবেলপমেন্তগী মতাংদা স্ত্রেতেজিক রিসর্চ অমসুং দিবেলপমেন্তগী থবক-থৌরমশিং ইমপ্লিমেন্ত তৌনবা থোরক্লিবা বাইওতেক্নোলোজী ইন্দস্ত্রী ফগৎহন্নবা অমসুং থৌগৎনবা ইন্তরফেস এজেনসী অমা ওইনা মথৌ তৌরি।

*****