সাইন্স অমসুং তেক্নোলোজী মন্ত্রালয়
নেস্নেল ইন্সতিত্যুত ওফ এনিমেল বাইওতেক্নোলোজী, হায়দরাবাদ অসি ভেক্সিনশিং তেস্ত তৌনবা অমসুং বেচ রিলিজ তৌনবগী সেন্ত্রেল দ্রগস লেবোরেতোরী ওইনা নোতিফাইদ তৌখ্রে
এস এন্দ তি মন্ত্রালয়গী দিপার্তমেন্ত ওফ বাইওতেক্নোলোজীনা ভেক্সিন দিবেলপমেন্ত অমসুং মেন্যুফেকচরিং ইকোসিস্তেম চাউথোকহন্নবা হোৎনখ্রে
Posted On:
21 AUG 2021 1:51PM by PIB Imphal
মীয়ামগী য়েংলগা কোবিদ-১৯ লাইনা ঙাকথোক্নবা অমসুং লায়েংনবগীদমক ভেক্সিন বেচশিং থুনা রিলিজ তৌবা য়ান্নবগী কোবিদ-১৯ ভেক্সিনশিং তেস্ত তৌবা অসি রিগ্যুলেৎ তৌনবা অহেনবা ফেসিলিতীশিং লিংখৎপা মথৌ তাই। মথৌ তাবা অসি য়েংলগা, ভারত সরকারনা দিপার্তমেন্ত ওফ বাইওতেক্নোলোজী (দি.বি.তি.)গী ওতোনোমস ইন্সতিত্যুত অনি মদুদি নেস্নেল ইন্সতিত্যুত ওফ এনিমেল বাইওতেক্নোলোজী (এন.আই.এ.বি.), হায়দরাবাদ অমসুং নেস্নেল সেন্তর ফোর সেল সাইন্স (এন.সি.সি.এস.), পুনে অসি সেন্ত্রেল দ্রগ লেবোরেতোরীশিং (সি.দি.এল.শিং) ওইনা অপগ্রেদেসন তৌনবা মশক খঙদোকখ্রে। হায়রিবা অসিগী শেন্থংগী তেংবাং অসি পি.এম.-কিয়র্স ফন্দশিংগী মখাদা পীথখি।
ভারত সরকারগী সাইন্স অমসুং তেক্নোলোজী মন্ত্রালয়গী দিপার্তমেন্ত ওফ বাইওতেক্নোলোজীনা ভেক্সিন দিবেলপমেন্ত অমসুং মেন্যুফেকচরিংগী ইকোসিস্তেম অসি ফগৎহন্নবা মখোয়গী তেংবাং মখা তানা পীরি। এন.সি.সি.এস., পুনে অমসুং এন.আই.এ.বি., হায়দরাবাদতা ভেক্সিন তেস্তিংগী ফেসিলিতীশিং শেমগৎপা অসি মাইকৈ অসিদা থাংজিনবা খোঙথাং অমনি।
এন.আই.এ.বি., হায়দরাবাদতা লৈবা ফেসিলিতীগী ফোতোগ্রাফশিং
পি.এম. কিয়র্স ফন্দশিংগী তেংবাংগা লোইননা নেস্নেল ইন্সতিত্যুত ওফ এনিমেল বাইওতেক্নোলোজী (এন.আই.এ.বি.)গী লেবোরেতোরী অসি হায়দরাবাদকী কোবিদ-১৯ ভেক্সিন তেস্তিং ফেসিলিতী ওইনবগী সেন্ত্রেল দ্রগস লেবোরেতোরী (সি.দি.এল.) ওইনা অপগ্রেদ তৌখ্রে। এন.আই.এ.বি. হায়দরাবাদকী ফেসিলিতী অসি হৌজিক তেস্তিংগী অমসুং কোবিদ-১৯ ভেক্সিনশিংগী ভাইদ রিলিজ তীনবা সেন্ত্রেল দ্রগস লেবোরেতোরী ওইনা নোতিফাইদ তৌখ্রে। ওগস্ত ১৭, ২০২১দা হকশেল অমসুং য়াইফ য়ুম্বাল মন্ত্রালয়না গেজেত নোতিফিকেসন থোকখি। এন.সি.সি.এস., পুনেদা লৈবা ফেসিলিতী অসি জুন ২১, ২০২১দা সি.দি.এল. ওইনা হান্ননা মশক খঙদোকখ্রে।
ফেসিলিতী অনি অসিনা থা অমদা চাউরাক্না ভেক্সিন বেচ ৬০রোম তেস্ত তৌবা ঙম্লবা য়াই। ফেসিলিতীশিং অসি ভেক্সিন মেন্যুফেকচর তৌরিবা লৈবাক অসিগী হবশিংগা নক্ননা লৈবনা ভেক্সিন মেন্যুফেকচরিং অমসুং সপ্লাইগী লোজিস্তিক্স অসি হন্থহল্লবা য়াই। পি.এম.-কিয়র্স ফন্দশিংগী খুত্থাংদা চাউনা তেংবাং পীবা অমসুং ইন্সতিত্যুত অনিনা লেপ্তনা হোৎনরিবশিং অসিনা অপ-গ্রেদেসন অসি খোঙজেল য়াংশিনহনবা অমসুং স্তেৎ-ওফ-দি-আর্ত, মোদর্ন জি.এল.পি. কম্প্লাএন্ত ভেক্সিন তেস্তিং ফেসিলীশিং লিংখৎপা অমসুং লৈবাক অসিগী মথৌ তাবা থুংহনবদা শরুক তম্বা ঙমখি। মসিনা মখা তানা ভেক্সিন সপ্লাই চেন মপাঙ্গল কনখৎহনবদা অমসুং ভারত্তা চত্থরিবা অচৌবা ভেক্সিনেসন দ্রাইব হেনগৎহনবা ঙম্লগনি।
<><><><><>
(Release ID: 1747868)
Visitor Counter : 236