কলচর, তুরিজম অমসুং দিবেলপমেন্ত ওফ নোর্থ ইস্তর্ন রজন (দোনর)গী কেন্দ্রগী মন্ত্রী, শ্রী জি কিশন রেদ্দীনা হায়খি  “ঐখোয়গী প্রধান মন্ত্রী শ্রী নরেন্দ্র মোদীগী লুচিং মখাদা লৈরিবা সরকার অসিনা চাউখৎপা লৈবাক অমা ওইহন্নবা চাউখৎপা লৌমীগী মঙলান অসি থুংহন্নবা চোকথবা লৈতনা হোৎনরি”। মহাক্না মখা তারদুনা হায়খি, “লৌমীশিং অসি ঐখোয়গী লৈবাক্কী মপাঙ্গলগী য়ুম্ফম ওইরি অমসুং চহি ৭তগী হৌদুনা ঐখোয়না লৌমীশিংগী শেন্থোক শরুক অনিদা হেনগৎহন্নবা মীৎয়েং অমগা লোইননা লৌমীশিংগী ওইবা পোলিসীশিংদা মীৎয়েং থম্লি”।

হন্দক্তা প্রধান মন্ত্রীনা ময়াই তাংবল লৌদুনা ফমখিবা কেবিনেৎ কম্মিতি ওন ইকনোমিক এফিয়র্স (সি.সি.ই.এ.)নাদিবেলপমেন্ত ওফ নোর্থ ইস্তর্ন রজন (দোনর) মন্ত্রালয়গী এদমিনিস্ত্রেতিব কন্ত্রোল মখাদা লৈবা সেন্ত্রেল পব্লিক সেক্সন ইন্তর্প্রাইস অমা ওইরিবা নোর্থ ইস্তর্ন রিজনেল এগ্রিকলচরেল মার্কেতিং কোর্পোরেসন লিমিতেদ (এন.ই.আর.এ.এম.এ.সি.) হিংগৎহন্নবা লুপা করোর ৭৭.৪৫গী (ফন্দ বেজ সপ্পোর্তকী লুপা করোর ১৭ অমসুং নন-ফন্দ বেজ সপ্পোর্ত) রিভাইবেল পেকেজ অমা অয়াবা পীখি। কেন্দ্রগী মন্ত্রী জি কিশন রেদ্দীনা হায়খি “এন.ই.আর.এ.এম.এ.সি. হিংগৎহনবনা লৌমীশিংদা মতিক চানা শেল ফংহনগনি অমসুং অৱাং নোংপোক লমদমগী লৌমীশিংদা লৌউ-শিংউগী অফবা খুদোংচাবা অমসুং ত্রেনিং পীবা ঙম্লগনি”।

নুমিৎ অসিমক্তদা, অৱাং নোংপোক লমদম অমসুং অন্দমান অমসুং নিকোবর ইথৎশিংদা অখন্নবা মীৎয়েং অমগা লোইননা অনৌবা সেন্ত্রেলী স্পোন্সর্দ স্কীম অমা ওইনা নেস্নেল মিসন ওন ইদিবল ওইলস – ওইল পাম (এন.এম.ই.ও.পি.) অসি কেন্দ্রগী মন্ত্রী-মন্দলনা অয়াব পীখি।

“কেন্দ্রগী মন্ত্রী মন্দলনা নেস্নেল মিসন ওন ইদিবল ওইলস – ওইল পাম ইমপ্লিমেন্ত তৌবদা অয়াবা পীখ্রে। এন.ই. রিজন অসি অখন্নবা মীৎয়েং চংগদবা মফম ওইনা খন্দোক্তুনা ওইল পাম থারিবা লৌমীশিংদা কান্নবা ফংহনদুনা অমসুং থবক পীদুনা পাম ওইলগীদমক মীপাল তাংলিবা অসি হন্থহন্নবা পান্দম থমখি।” হায়না মন্ত্রীনা ত্বিত তৌখি।

মিসন অসিনা মথংগী চহি ৫দা লম হেক্তর লাখ ১০গী পান্দম ফংবা ঙম্নবা অহেনবা লম হেক্তর লাখ ৬.৫দা ওইল পাম থাবা হেনগৎহন্নবা পান্দম থম্লি। “ভারতঅসি মালেমগী ওইনা অচাথাওগী খ্বাইদগী চাউবা ইম্পোর্তরোইরি অমসুং লুপা করোর ৮০রোম ওইবা তন লাখ ১৩৩.৫০ ইম্পোর্ত তৌরি। প্রধান মন্ত্রীগী লুচিং মখাদা লৌখিবা ৱারেপ অসিনা ঐখোয়বু আত্মনির্ভর ওইহনদুনা অমসুং ঐখোয়গী ইম্পোর্ত বিল হন্থহনদুনা ইকাই খুম্নরবা প্রধান মন্ত্রীগী আত্মনির্ভর ভারত অমা ওইহন্নবগী মঙলান অদু মঙফাওনবা ঙম্লগনি”।

কেন্দ্রগী মন্ত্রী শ্রী জি কিশন রেদ্দীনা মখা তারদুনা হায়খি “ভারত সরকারনা অৱাং-নোংপোক থংবা লমদম অসি অখন্নবা মীৎয়েং চংগদবা মফম ওইনা খঙদোকখি মরমদি মথংগী চহি ৫দা অৱাং-নোংপোক্না থম্লিবা পান্দম অসি অপুনবা লৈবাক অসিগী লম হেক্তর লাখ ৬.৫কী ওভরওল তার্গেৎ অসিদগী শরুক ৫০% হেল্লি। অৱাং-নোংপোক থংবা রাজ্যশিংগী মহুৎ শিন্দুনা ঐহাক্না প্রধান মন্ত্রীগী মীৎয়েং শান্না উবা ঙম্বা আরেপ অসিগীদমক থাগৎপা ফোঙদোকচরি”।

মন্ত্রীনা লৈবাক অসিগী মকোক থংবা ওইল পাম থারিবা ৫গী মনুংদা অৱাং-নোংপোক লমদমগী মিজোরামগুম্বা রাজ্যনা মফম কনবা ঙম্বা অসিগুম্বা হৌজিক লৈরিবা এক্সপরিয়েন্স অসিসু পনখি।  “মিজোরাম গুম্বা রাজ্যগী লৌমীশিংদা ওইল পাম থাবগী এক্সপরিয়েন্স শীংথানীংঙাই ওইনা লৈ অমসুং মখোয়দা লৈরিবা এক্সপর্তিস অসি লেমহৌরিবা অৱাং-নোংপোক থংবা রাজ্যশিংদা শীজিন্নবা য়াগনি”, হায়না মহাক্না ফোঙদোকখি।

*****