ਕੇਂਦਰੀ ਵਣਜ ਅਤੇ ਉਦਯੋਗ, ਖਪਤਕਾਰ ਮਾਮਲੇ, ਖੁਰਾਕ ਅਤੇ ਜਨਤਕ ਵੰਡ ਅਤੇ ਕੱਪੜਾ ਮੰਤਰੀ, ਸ਼੍ਰੀ ਪੀਯੂਸ਼ ਗੋਇਲ ਨੇ ਅੱਜ ਇੱਥੇ “ਕੌਮੀ ਸਟਾਰਟਅੱਪ ਸਲਾਹਕਾਰ ਪ੍ਰੀਸ਼ਦ'' ਦੀ ਮੀਟਿੰਗ ਦੀ ਪ੍ਰਧਾਨਗੀ ਕੀਤੀ। ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਮੰਤਰੀ ਨੇ ਕਿਹਾ ਕਿ ਵਿੱਤ, ਸਲਾਹ, ਕਰ ਪ੍ਰਣਾਲੀ ਆਦਿ ਦੇ ਵਿਚਾਰਾਂ ਨੂੰ ਲਾਗੂ ਕਰਨ ਨਾਲ ਅਸੀਂ ਆਪਣੇ ਸਟਾਰਟਅੱਪ ਈਕੋਸਿਸਟਮ ਨੂੰ ਹੋਰ ਮਜ਼ਬੂਤ ਕਰ ਸਕਾਂਗੇ। ਉਨ੍ਹਾਂ ਕਿਹਾ ਕਿ ਸਾਡਾ ਸਟਾਰਟਅੱਪ ਈਕੋਸਿਸਟਮ ਸਾਡੇ ਨੌਜਵਾਨਾਂ ਦੀ ਊਰਜਾ, ਉਤਸ਼ਾਹ ਅਤੇ ਚੁਸਤੀ ਦਾ ਪ੍ਰਤੀਬਿੰਬ ਹੈ ਅਤੇ ਸਟਾਰਟਅੱਪ ਇੰਡੀਆ ਅੰਦੋਲਨ ਨੇ 'ਕੈਨ ਡੂ' ਤੋਂ 'ਵਿਲ ਡੂ' ਤੱਕ 'ਮਾਨਸਿਕਤਾ ਵਿੱਚ ਤਬਦੀਲੀ' ਲਿਆਂਦੀ ਹੈ।

             ਆਪਣੇ ਸੰਬੋਧਨ ਵਿੱਚ, ਉਨ੍ਹਾਂ ਕਿਹਾ ਕਿ ਸਾਡੇ ਸਟਾਰਟਅੱਪ ਈਕੋਸਿਸਟਮ ਵਿੱਚ ਭਾਰਤ ਨੂੰ ਵਿਸ਼ਵ ਦਾ ਨਵੀਨਤਾ ਅਤੇ ਖੋਜ ਧੁਰਾ ਬਣਾਉਣ ਦੀ ਸਮਰੱਥਾ ਅਤੇ ਭਰੋਸਾ ਹੈ ਅਤੇ ਏਸੀ ਉੱਤੇ “ਕੌਮੀ ਸਟਾਰਟਅੱਪ ਸਲਾਹਕਾਰ ਪ੍ਰੀਸ਼ਦ'' ਭਾਰਤ ਵਿੱਚ ਉੱਭਰ ਰਹੇ ਸਟਾਰਟਅੱਪ ਉੱਦਮੀਆਂ ਲਈ ਅੱਗੇ ਵਧਣ ਦਾ ਰਾਹ ਪੱਧਰਾ ਕਰਨ ਲਈ ਅਣਥੱਕ ਮਿਹਨਤ ਕਰ ਰਹੀ ਹੈ। ਸ਼੍ਰੀ ਗੋਇਲ ਨੇ ਕਿਹਾ ਕਿ ਐੱਨਐੱਸਏਸੀ ਉੱਚ ਪ੍ਰਤੀਯੋਗਤਾ ਅਤੇ ਭਾਰਤ ਨੂੰ ਸਟਾਰਟਅੱਪ ਧੁਰਾ ਬਣਾਉਣ ਦੇ ਉਦੇਸ਼ ਨਾਲ ਸਟਾਰਟਅੱਪ ਦਾ ਪਾਲਣ ਪੋਸ਼ਣ ਕਰੇਗਾ। ਉਨ੍ਹਾਂ ਅਪੀਲ ਕੀਤੀ ਕਿ ਆਜ਼ਾਦੀ ਕਾ ਅੰਮ੍ਰਿਤ ਮਹੋਤਸਵ ਦੇ 75 ਹਫਤਿਆਂ ਵਿੱਚ, ਐੱਨਐੱਸਏਸੀ ਨੂੰ 75ਵੇਂ ਸੁਤੰਤਰਤਾ  ਦਿਵਸ ਤੱਕ 75 ਸਟਾਰਟਅੱਪਾਂ ਨੂੰ ਯੂਨੀਕੋਰਨ ਬਣਨ ਦੀ ਸਹੂਲਤ ਦੇਣੀ ਚਾਹੀਦੀ ਹੈ। ਉਨ੍ਹਾਂ ਅੱਗੇ ਕਿਹਾ ਕਿ ਪ੍ਰਧਾਨ ਮੰਤਰੀ ਦਾ 'ਸਬਕਾ ਸਾਥ, ਸਬਕਾ ਵਿਕਾਸ, ਸਬਕਾ ਵਿਸ਼ਵਾਸ ਅਤੇ ਸਬਕਾ ਪ੍ਰਯਾਸ' ਦਾ ਮੰਤਰ ਸਾਡੇ ਸਟਾਰਟਅੱਪਾਂ ਦੇ ਨਾਲ ਗੂੰਜਦਾ ਹੈ। ਉਨ੍ਹਾਂ ਕਿਹਾ ਕਿ ਸਾਡਾ ਉਦੇਸ਼ 'ਸਟਾਰਟਅੱਪ ਇੰਡੀਆ' ਨੂੰ ਕੌਮੀ ਭਾਗੀਦਾਰੀ ਅਤੇ ਰਾਸ਼ਟਰੀ ਚੇਤਨਾ ਦਾ ਪ੍ਰਤੀਕ ਬਣਾਉਣਾ ਹੈ।

ਕੋਵਿਡ -19 ਦੇ ਇਸ ਯੁੱਗ ਵਿੱਚ, ਜਦੋਂ ਹਰ ਕੋਈ ਗੰਭੀਰ ਤਣਾਅ ਵਿਚੋਂ ਲੰਘ ਰਿਹਾ ਹੈ, ਉਨ੍ਹਾਂ ਕਿਹਾ ਕਿ ਉਹ ਸਾਡੇ ਸਟਾਰਟਅੱਪ ਈਕੋਸਿਸਟਮ ਦੀ ਲਚਕਤਾ ਅਤੇ 'ਨੈਵਰ ਸੇ ਡਾਈ ਦੀ ਭਾਵਨਾ ਨੂੰ ਵੇਖ ਕੇ ਖੁਸ਼ ਹਨ। ਮੰਤਰੀ ਨੇ ਕਿਹਾ ਕਿ 21ਵੀਂ ਸਦੀ  'ਸਟਾਰਟਅੱਪਾਂ ਦੀ ਸਦੀ' ਹੈ ਅਤੇ ਸਾਡੇ ਸਟਾਰਟਅੱਪ ਦੇ ਨਾਲ ਇਹ 'ਭਾਰਤ ਦੀ ਸਦੀ' ਹੈ। ਉਨ੍ਹਾਂ ਨੇ ਕਿਹਾ ਕਿ ਪਿਛਲੇ 6 ਮਹੀਨਿਆਂ ਵਿੱਚ 21 ਯੂਨੀਕੋਰਨ ਨੂੰ ਵੱਡੇ ਸੁਪਨੇ ਦੇਖਣ ਅਤੇ ਵੱਡੀ ਪ੍ਰਾਪਤੀ ਲਈ ਪ੍ਰੇਰਿਤ ਕੀਤਾ ਹੈ। ਲਗਭਗ 60 ਯੂਨੀਕੋਰਨ ਦੇ ਨਾਲ, ਭਾਰਤ ਕੋਲ ਪੂਰੀ ਦੁਨੀਆ ਵਿੱਚ ਸਭ ਤੋਂ ਵੱਡੇ ਸਟਾਰਟਅੱਪ ਟਿਕਾਣਿਆਂ ਵਿੱਚੋਂ ਇੱਕ ਹੈ।

ਮੰਤਰੀ ਨੇ ਸਟਾਰਟਅੱਪ ਕ੍ਰਾਂਤੀ ਸ਼ੁਰੂ ਕਰਨ ਦੀ ਅਪੀਲ ਕੀਤੀ, ਉਨ੍ਹਾਂ ਕਿਹਾ ਕਿ ਐੱਨਈਪੀ 2020 ਦੇ ਨਾਲ, ਸਕੂਲ ਹੁਣ ਛੋਟੀ ਉਮਰ ਵਿੱਚ ਹੀ ਸਟਾਰਟਅੱਪ ਵਿਚਾਰਾਂ ਦੇ ਬੀਜ ਬੀਜਣਗੇ। ਉਨ੍ਹਾਂ ਕਿਹਾ ਕਿ ਨੌਜਵਾਨ ਕੱਲ੍ਹ ਦੇ ਰੋਜ਼ਗਾਰ ਸਿਰਜਣਹਾਰ ਅਤੇ ਨਵੀਨਤਾ ਦੇ ਚਾਲਕ ਅਤੇ ਚੌਥੀ ਉਦਯੋਗਿਕ ਕ੍ਰਾਂਤੀ ਦੇ ਆਗੂ ਹਨ। ਸ਼੍ਰੀ ਗੋਇਲ ਨੇ ਕਿਹਾ ਕਿ ਉਹ ਭਾਰਤ ਵਿੱਚ ਖਾਸ ਕਰਕੇ ਟੀਅਰ II ਅਤੇ ਟੀਅਰ III ਸ਼ਹਿਰਾਂ ਵਿੱਚ ਨਵੇਂ ਸਟਾਰਟਅੱਪ ਉੱਭਰਦੇ ਦੇਖਣਾ ਚਾਹੁੰਦੇ ਹਨ। ਉਨ੍ਹਾਂ ਕਿਹਾ ਕਿ ਇਹ ਰੋਜ਼ਗਾਰ ਉਤਪਤੀ ਨੂੰ ਉਤਸ਼ਾਹਤ ਕਰੇਗਾ ਅਤੇ ਅੱਗੇ ਅਤੇ ਪਿਛੜੇ ਸਬੰਧਾਂ ਨੂੰ ਮਜ਼ਬੂਤ ਕਰੇਗਾ।  

ਸ਼੍ਰੀ ਗੋਇਲ ਨੇ ਡੀਪੀਆਈਆਈਟੀ ਨੂੰ ਹੁਣ ਖੁੱਲੇ ਦਰਵਾਜ਼ਿਆਂ, ਖੁੱਲ੍ਹੀਆਂ ਬਾਹਾਂ ਅਤੇ ਖੁੱਲੇ ਦਿਮਾਗ ਨਾਲ 'ਸੁਵਿਧਾਕਾਰ' ਵਜੋਂ ਕੰਮ ਕਰਨ ਲਈ ਕਿਹਾ। ਉਨ੍ਹਾਂ ਨੇ ਕਿਹਾ ਕਿ ਸਰਕਾਰ ਲਾਲ ਫ਼ੀਤਾਸ਼ਾਹੀ ਨੂੰ ਕੱਟਣ, ਕਾਰੋਬਾਰ ਵਿੱਚ ਸੌਖ ਨੂੰ ਸੁਧਾਰਨ ਲਈ ਸਟਾਰਟ ਅੱਪ ਸੀਡ ਫੰਡ ਦੁਆਰਾ ਵਿੱਤੀ ਸਹਾਇਤਾ ਪ੍ਰਦਾਨ ਕਰਨ, ਇਨਕਿਊਬੇਟਰਾਂ ਦਾ ਸਮਰਥਨ ਕਰਨ, ਹੁਨਰ ਵਧਾਉਣ ਅਤੇ ਇਸ ਸੰਪੂਰਨ ਪਹੁੰਚ ਦਾ ਉਦੇਸ਼ ਪੂੰਜੀ ਜੁਟਾਉਣ ਨਾਲ ਜੁੜੇ ਮੁੱਦਿਆਂ ਨੂੰ ਹੱਲ ਕਰਨਾ, ਨਵੀਨਤਾਕਾਰੀ ਨੂੰ ਲੈਬਾਰਟਰੀਆਂ ਦੀ ਸਹਾਇਤਾ ਲਈ ਵਚਨਬੱਧ ਹੈ ਅਤੇ ਸਟਾਰਟਅੱਪਾਂ ਦੀ ਸਮਰੱਥਾ ਅਤੇ ਯੋਗਤਾ ਦੀਆਂ ਲੋੜਾਂ ਨੂੰ ਪੂਰਾ ਕਰਦੇ ਹਨ।

ਉਨ੍ਹਾਂ ਕਿਹਾ ਕਿ ਅੱਜ, ਸਾਡੀ ਦ੍ਰਿਸ਼ਟੀ ਵਿਕਾਸ ਦੇ ਰਵਾਇਤੀ ਮਾਡਲਾਂ ਤੋਂ ਪਰੇ ਫੈਲਦੀ ਜਾ ਰਹੀ ਹੈ, ਸਾਡਾ ਉਦੇਸ਼ ਨਵੇਂ ਭਾਰਤ ਦੀ ਸਿਰਜਣਾ ਕਰਨਾ ਹੈ ਭਾਵ ਇੱਕ ਆਤਮਨਿਰਭਰ ਭਾਰਤ ਅਤੇ ਸਟਾਰਟਅੱਪ ਹਿੰਮਤ, ਸਹਿਯੋਗ ਅਤੇ ਵਚਨਬੱਧਤਾ ਨਾਲ ਇੱਕ ਆਤਮਨਿਰਭਰ ਭਾਰਤ ਦੇ ਨਿਰਮਾਣ ਦੀ ਕੁੰਜੀ ਹਨ ਅਤੇ ਅਜਿਹੇ ਉਤਸ਼ਾਹੀ ਟੀਚੇ ਨੂੰ ਪ੍ਰਾਪਤ ਕਰਨ ਲਈ ਸਾਰੇ ਹਿੱਸੇਦਾਰਾਂ ਤੋਂ ਭਾਗੀਦਾਰ ਪਹੁੰਚ ਦੀ ਲੋੜ ਹੈ। ਉਨ੍ਹਾਂ ਕਿਹਾ ਕਿ ਉਦਯੋਗ ਨੂੰ ਨਵੀਨਤਾਵਾਂ ਦੀ ਪਛਾਣ ਕਰਕੇ ਅਤੇ ਪ੍ਰਤਿਭਾ ਵਿੱਚ ਨਿਵੇਸ਼ ਕਰਕੇ ਸਟਾਰਟਅੱਪ ਸੁਪਰਸਟਾਰ ਬਣਾਉਣ ਵਿੱਚ ਸਹਾਇਤਾ ਕਰਨੀ ਚਾਹੀਦੀ ਹੈ।

ਸਾਡਾ ਉਦੇਸ਼ ਸਾਡੇ ਸਟਾਰਟਅੱਪ ਨੂੰ ਸਾਡੀਆਂ ਭੂਗੋਲਿਕ ਹੱਦਾਂ ਤੋਂ ਪਾਰ ਵਧਾਉਣਾ ਅਤੇ ਵਿਸ਼ਵਵਿਆਪੀ ਪ੍ਰਭਾਵ ਬਣਾਉਣਾ ਹੋਣਾ ਚਾਹੀਦਾ ਹੈ।

ਮੀਟਿੰਗ ਵਿੱਚ ਦੇਸ਼ ਦੇ ਚੋਟੀ ਦੇ ਹਿੱਸੇਦਾਰਾਂ, ਅਧਿਕਾਰੀਆਂ ਅਤੇ ਮੌਜੂਦਾ ਸਟਾਰਟਅੱਪਾਂ ਨੇ ਹਿੱਸਾ ਲਿਆ। ਜਿਨ੍ਹਾਂ ਵਿੱਚ ਸ਼੍ਰੀ ਐੱਮ ਆਰ ਕੁਮਾਰ, ਚੇਅਰਮੈਨ, ਐੱਲਆਈਸੀ; ਸ਼੍ਰੀ ਆਰ ਐੱਸ ਸ਼ਰਮਾ, ਸੀਈਓ, ਨੈਸ਼ਨਲ ਹੈਲਥ ਅਥਾਰਟੀ; ਸ਼੍ਰੀ ਰਾਜਨ ਅਨੰਦਨ, ਮੈਨੇਜਿੰਗ ਡਾਇਰੈਕਟਰ, ਸਿਕੋਆ ਕੈਪੀਟਲ; ਸ਼੍ਰੀ ਰਿਤੇਸ਼ ਅਗਰਵਾਲ, ਬਾਨੀ, ਓਯੋ ਰੂਮਜ਼; ਸ਼੍ਰੀ ਮਨੋਜ ਕੋਹਲੀ, ਕੰਟਰੀ ਹੈੱਡ, ਸਾਫਟਬੈਂਕ ਇੰਡੀਆ; ਸ਼੍ਰੀ ਅਭਿਰਾਜ ਭਲ, ਸਹਿ-ਸੰਸਥਾਪਕ, ਅਰਬਨ ਕੰਪਨੀ; ਸ਼੍ਰੀ ਕੁਨਾਲ ਬਹਿਲ, ਸਹਿ-ਸੰਸਥਾਪਕ, ਸਨੈਪਡੀਲ; ਸ਼੍ਰੀ ਵਿਨੀਤ ਅਗਰਵਾਲ, ਪ੍ਰਧਾਨ, ਐਸੋਚੈਮ; ਸ਼੍ਰੀ ਸੰਜੀਵ ਭੀਚਚੰਦਾਨੀ, ਸਹਿ-ਸੰਸਥਾਪਕ, ਇਨਫੋਏਜ; ਸ਼੍ਰੀ ਮੋਹਨਦਾਸ ਪਾਈ, ਸਹਿ-ਸੰਸਥਾਪਕ ਅਤੇ ਚੇਅਰਮੈਨ, ਆਰੀਨ ਕੈਪੀਟਲ; ਸ਼੍ਰੀ ਪ੍ਰਸ਼ਾਂਤ ਪ੍ਰਕਾਸ਼, ਸਹਿਭਾਗੀ, ਐਕਸਲ ਸਹਿਭਾਗੀ; ਸ਼੍ਰੀਮਤੀ ਅੰਜਲੀ ਬਾਂਸਲ,  ਸੰਸਥਾਪਕ,  ਅਵਾਨਾ ਕੈਪੀਟਲ; ਸ਼੍ਰੀ ਸ਼ਰਦ ਸ਼ਰਮਾ, ਸੰਸਥਾਪਕ, ਆਈ-ਸਪਿਰਟ; ਸ਼੍ਰੀਮਤੀ ਦੇਬਜਾਨੀ ਘੋਸ਼, ਪ੍ਰਧਾਨ, ਨੈੱਸਕਾਮ ਸ਼ਾਮਲ ਸਨ।

*****

ਡੀਜੇਐੱਨ/ਐੱਮਐੱਸ