ریلوے خواتین کی فلاح کا مرکزی ادارہ (آر ڈبلیو ڈبلیو سی او) نے 15 اگست، 2021 کو اپنے لٹل کنگڈم نرسری اسکول، سروجنی نگر میں 75واں یوم آزادی منایا۔ آر ڈبلیو ڈبلیو سی او کی صدر محترمہ الپنا پنت شرما پروگرام کی مہمان خصوصی تھیں، جنہوں نے قومی پرچم لہرایا۔ اس کے بعد اسکول کے احاطہ میں شجرکاری مہم بھی چلائی گئی۔ بعد میں، انہوں نے دستک سنٹر، مسالا سنٹر اور سلائی مرکز جیسے مختلف مراکز کا بھی دورہ کیا، جو آر ڈبلیو ڈبلیو سی او کے ذریعے چلائے جاتے ہیں۔

 

 

 

آر ڈبلیو ڈبلیو سی اوپورے ہندوستانی ریلوے میں پھیلے خواتین کے فلاحی اداروں کے سلسلہ کی سرکردہ اکائی ہے، جو مختلف ضروریات پر مبنی سماجی و فلاحی سرگرمیوں کے ذریعے ریلوے کے ملازمین اور ان کے اہل خانہ کی فلاح کے کاموں میں لگا ہوا ہے۔ ادارہ نے 1962 میں بھارت-چین جنگ کے بعد اپنی سرگرمیاں شروع کیں۔ جب کہ ادارہ کی بنیادی فکر ریلوے کے ملازمین اور ان کے اہل خانہ کی فلاح و بہبود ہے، یہ ہمیشہ سماج اور ملک کی اپیل پر سامنے آیا ہے – چاہے وہ وبائی مرض ہو، ماحولیاتی بیداری ہو، خاندانی فلاحی مہم ہو، سرحدوں پر گڑبڑی ہو یا قدرتی آفات۔ یہ آج ملک میں سرفہرست رضاکارانہ تنظیموں میں سے ایک ہے۔

*****

ش  ح –  ق ت –  ت  ع

U:7934

(Release ID: 1746495) Visitor Counter : 250