সাইন্স অমসুং তেক্নোলোজী মন্ত্রালয়
মনিপুরগী এস্পিরেস্নেল দিস্ত্রিক্ত অমা ওইরিবা চান্দেলদা দি.বি.তি.গী ইন্সতিত্যুত ওফ বাইওরেসোর্সেস এন্দ সস্তেনেবল দিবেলপমেন্তনা সাইন্স ম্যুজিয়ম অমা লিংখৎখ্রে
Posted On:
13 AUG 2021 3:03PM by PIB Imphal
নীংখা তমখিবগী চহি ৭৫শুরকপা পালন তৌনবা জন-ভাগিদারিগী শরুক অমা ওইনা, ওতোনোমস ইন্সতিত্যুত ওইরিবা দিপার্তমেন্ত ওফ বাইওতেক্নোলোজী, সাইন্স অমসুং তেক্নোলোজী মন্ত্রালয়, ইন্সতিত্যুত ওফ বাইওরিসোর্সেস এন্দ সস্তেনেবল দিবেলপমেন্ত (আই.বি.এস.দি.)না মনিপুরগী এস্পিরেস্নেল দিস্ত্রিক্ত অমা ওইরিবা চান্দেলদা ‘সাইন্স ম্যুজিয়ম’ অমা লিংখৎখ্রে। ম্যুজিয়ম অসি মহা য়ুনিয়ন গভর্নমেন্ত হায়র সেকেন্দরী স্কুল, জাফৌ, চান্দেল, মনিপুর, ভারত্তা লিংখৎখিবনি। ম্যুজিয়ম অসিগী মপুং ওইবা পান্দমদি মহৈরোইশিং অমসুং মীচম প্রজাশিংগী মরক্তা সাইন্তিফিক এত্তিত্যুদ দিবেলপ তৌহনবা অমসুং জেনরেল এৱের্নেস ফংহন্নবা অমসুং খুৎশু-খুৎলাইশিংগী মরমদা দেমোনস্ত্রেসন তৌদুনা, লেকচরশিং, সেমিনারশিং, সাইন্তিফিক কেম্প অমসুং আউতরীচ প্রোগ্রাম পাঙথোক্তুনা বাইওরিসোর্সশিংগী খুত্থাংদা লমদম অসিগী মহৈরোইশিং অমসুং মীচম প্রজাশিংগী কান্ননবা সাইন্তিফিক ইন্তরভেন্সনসু থৌগৎপা অসিনি।
মনিপুরগী এস্পিরেস্নেল দিস্ত্রিক্ত অমা ওইরিবা চান্দেলদা ভারত সরকারগী দিপার্তমেন্ত ওফ বাইওতেক্নোলোজীগী সেক্রেতরী দা, রেনু স্বারুপনা ওগস্ত ১১, ২০২১দা সাইন্স ম্যুজিয়ম অসি শঙ্গাখি। ভারত সরকারগী এজুকেসন অমসুং এক্সতর্নেল এফিয়র্সকী ইকাই খুম্নরবা রাজ্য মন্ত্রী অমসুং লোক সভাদা ইন্নর মনিপুরগী ইকাই খুম্নরবা মেম্বর ওফ পার্লিয়ামেন্ত ওইরিবা দা. রাজকুমার রঞ্জন সিংহনসু মাংজৌননা রেকোর্দ তৌবা মেসেজ অমগী খুত্থাংদা ম্যুজিয়ম অসি মাই পাক্নবা য়াইফ-পাউজেলসু পীখি। থৌরম অসিদা মিং ওইনা পল্লবদা, ভারত সরকারগী দি.এস.তি.গী হান্নগী সেক্রেতরী দা. তি. রামাসমি; চান্দেলগী দিপুতি কম্মিস্নর শ্রী রাজকুমার ময়াংলম্বম; চান্দেলগী এ.দি.সি. শ্রী ক্ষেত্রিময়ুম সিদ্ধার্থ; চান্দেলগী এস.দি.ও. শ্রী এন. প্রিতম; মশক নাইরবা মীওইশিংনা অসিগা লোইননা মহা য়ুনিয়ন গভর্নমেন্ত হায়র সেকেন্দরী স্কুলগী প্রিন্সিপল শ্রী ৱার্সন অনাল অমসুং অতৈশিংনা শরুক য়াখি।
থৌরম অসিদা ৱা ঙাংলদুনা দা. স্বারুপনা হায়খি, “দি.বি.তি.গী অহানবা সাইন্স ম্যুজিয়ম শঙ্গাবা ফংজবা অসি ঐহাক্কী ওপইনদি লাইবক ফবনি। থৌরাং অসি পাইখৎপীবগীদমক্তা ঐহাক্না আই.বি.এস.দি., মরী লৈনবা এজেন্সীশিং অমসুং মরু ওইবা থৌদাং লৌরিবশিংবু থাগৎপা ফোঙদোকচরি। মখোয়না তুংলমচৎতা ম্যুজিয়ম অসিগী থবক-থৌরমশিং প্রমোৎ তৌবদা মরু ওইবা থৌদাং লৌরগনি।” মহাক্না মহৈরোইশিংগা এঙ্গেজ তৌবা অমসুং সাইন্সতা মখোয়বু অপাম্বা পোকহনবা মথৌ তাবগী মতাংদা পুক্নীং চিংশিনখ্রে। “মখোয়না সাইন্স অসি কেরিবর অমা ওইনা পাইখৎপদসু থৌগৎপা তাই। ম্যুজিয়ম অসি মসিগী ৱাখল্লোন্দা লিংখৎখিবনি। মহৈরোইশিংদা মখোয়গী পোতেন্সিএল অদু অফবা ইনোভেসনশিংদা চেনেলাইজ তৌনবা লমজিং-লমতাকপীবা মথৌ তাই। ইকোসিস্তেম অসি লৈহানবা হায়বা অসি ঐখোয়গী থৌদাংনি। ম্যুজিয়ম অসিনা লমদম অসিদা লৈবা অতৈ ম্যুজিয়মশিংগা লোইননা শম্নহন্দুনা সেন্ত্রেল হব অমা ওইরক্কনি হায়না থাজবা থম্লি।” হায়না দা. স্বারুপনা ফোঙদোকখি।
এক্সতর্নেল এফিয়র্স অমসুং এজুকেসনগী ইকাইখুম্নরবা রাজ্য মন্ত্রী দা. আর.কে. রঞ্জন্না মহাক্কী রেকোর্দ তৌরবা মেসেজদা দি.বি.তি. অমসুং আই.বি.এস.দি.না মখোয়গী অহানবা সাইন্স ম্যুজিয়ম চান্দেল দিস্ত্রিক্ততা শেমগৎনবা হোৎনরিবশিং অদুবু থাগৎপা ফোঙদোকখি। হায়রিবা রিজন অসিদা আই.বি.এস.দিনা পাংথোকখিবা অতোপ্পা আউতরীচকী ওইবা থবক থৌরমশিংবুসু মহাক্না থাগৎপা ফোঙদোকখি।
প্রোফ. পুলোক কে. মুখর্জী দিরেক্তর, আই.বি.এস.দি.না সাইন্স ম্যুজিয়ম অসিদা সাইন্তিফিক ইন্সত্রুমেন্তশিং, বাওদাইবরসিতী পোস্তরশিং, এ.ই.আরগী বাইওরিসোর্সশিং তুংকোইগদবা মওংদা শীজিন্নবা, সাইন্তিফিক লেকচরশিং, সেমিনারশিং, সাইন্তিফিক কেম্পশিং অমসুং আউতরীচকী ওইবা থবক থৌরমশিং পাঙথোক্কনি হায়না ফোঙদোকখি।
মসিগী ম্যুজিয়ম অসিনা লৈবাক অসিদা রিসর্চ অমসুং ইনোভেসনগী পুৱারী অমসুং তুংলমচৎপু ইকাই খুম্নবা উৎতুনা মহৈরোইশিংবু কেরিয়র অমা শেম্বদা ইনোৎ হাপ্নবা হোৎগনি। তোঙান তোঙানবা রিসর্চ ফাইন্দিংশিংগী পোস্তর অমসুং গ্রাফিকেল রিপ্রজেন্তেসনশিং, গ্লোবল রিসর্চ সিনারিও, হীদাক কান্নরবা পাম্বীশিং তুং কোইনা শীজিন্নবা য়াওনা বাইওরিসোর্স মেনেজমেন্ত ম্যুজিয়ম অসিদা উৎকনি।
ইন্সতিত্যুত ওফ বাইওরিসোর্সেস এন্দ সস্তেনেবল দিবেলপমেন্ত (আই.বি.এস.দি.) ইম্ফাল অসি মফম অসিগী সোসিও-ইকনোমিক গ্রোথকী বাওইরিসোর্সেস দিবেলপমেন্তনা মরুওইবা পান্দম ওইবা অমসুং বাইওতেক্নোলোজিকেলগী ওইবা মীয়েংগী মখাদা তুং কোইনা শিজিন্ননবা ভারত সরকার দিপার্তমেন্ত ওফ বাইওতেক্নোলোজীগী মখাদা লৈবা ওতোনোমস ইন্সতিত্যুসন অমনি।
<><><><><><>
(Release ID: 1745552)
Visitor Counter : 212