نئی دہلی 11 اگست2021:

سڑک ٹرانسپورٹ اور شاہراہوں کے مرکزی وزیر جناب نتن گڈکری نے بنیادی ڈھانچہ کی ترقی کے لئے مقررہ وقت پر ، شفاف طریقہ سے اور تیزی کے ساتھ فیصلہ کرنے کی اہمیت پر زور دیا۔ سی آئی آئی کی سالانہ میٹنگ سے خطاب کرتے ہوئے انہوں نے کہا کہ اجتماعی ٹیم جذبہ اور سبھی فریقوں کے تعاون کی وجہ سے ، یہاں تک کہ کووڈ وبا میں بھی اچھے نتائج حاصل کئے جاسکتے ہیں۔ انہوں نے کہا کہ حالانکہ ہمارے پاس  یومیہ 38 کلومیٹر تعمیر کا عالمی ریکارڈ ہے ، لیکن ان کا ہدف یومیہ 100 کلومیٹر سے زیادہ کی دوری طے کرنا ہے۔ وزیرموصوف نے کہا کہ پروجیکٹ کی تین گنا سے زیادہ کی ڈیٹیل پروجیکٹ رپورٹ (ڈی پی آر) بنانے کا فیصلہ کیا گیا ہے۔

جی پی ایس پر مبنی  ٹریکنگ سسٹم کے بارے میں بات کرتے ہوئے جناب گڈکری نے کہا کہ بین الاقوامی کمپنیوں سے پرجنٹیشن موصول ہوئے ہیں اور تین ماہ میں ایک ٹھوس پالیسی بنائی جائے گی۔ انہوں نے کہا کہ اب ایک سال کے اندر دہلی سے دہرادون دو گھنٹے  میں ، دہلی سے ہری دوار دو گھنٹے میں ، دہلی سے چنڈی گڑھ دو گھنٹے میں اور چھ ماہ کے اندر دہلی سے جے پور ڈیڑھ گھنٹے میں جانا ممکن ہوگا۔ وزیرموصوف نے کہا کہ نئی سڑکیں اور گرین کنکٹیوٹی کافی اہم ہیں۔

************

ش ح۔ ف ا ۔ م ص

 (U: 7731)