সোসিয়েল জস্তিস অমসুং ইম্পৱার্মেন্ত মন্ত্রালয়
দিজিতেল বেস্ত প্রেক্তিসেস অমসুং নোর্থ ইস্ত সম্মিতকী মতাংদা নেস্নেল কনভেন্সন
ইন্তিলেকচুএল ওইবা অমসুং দিবলপমেন্তেল দিসএবিলিতীশিং লৈবা মীওইশিং এমপৱার তৌননবা ‘নেস্নেল কনবেন্সন ওন দিজিতেল বেস্ত প্রেক্তিসেস অমসুং নোর্থ ইস্ত সম্মিত’ পাংথোকখ্রে
রিএল স্তেকহোল্দরশিং শরুক য়াদনা করিগুম্বা অমতা খন্নবা য়ারোই: দা. বিরেন্দ্র কুমার
Posted On:
07 AUG 2021 5:06PM by PIB Imphal
ওতিজম, সেলেব্রেল পাল্সী, মেন্তেল রিতার্দেসন অমসুং মল্তিপল দিসএবিলিতীশিং লৈরিবা মীওইশিংগী য়াইফ-থৌরাংগীদমক লৈরিবা নেস্নেল ত্রস্ত, মীমান্নদ্রবা মীওইশিং এমপৱার তৌনবগী লৈরিবা দিপার্তমেন্ত, সোসিএল জস্তিস অমসুং এমপৱারমেন্তগী মন্ত্রালয়না দিজিতেল বেস্ত প্রেক্তিসেস অমসুং নোর্থ ইস্ত সম্মিতকী মতাংদা নেস্নেল কনবেন্সন অমা ন্যু দিল্লীদা লৈরিবা দা. অম্বেদকর ইন্তরনেস্নেল সেন্তরদা পাংথোকখ্রে৷
মখল অসিগী ইহান হানবা ওইনা, সম্মিত অসি লৈবাক অসিগী অৱাং-নোংপোক থংবা লমদমদা লৈরিবা রাজ্য তরেৎ অসিগীদমক শিনখিবনি৷ লৈবাক অসিনা মনিং-মখা তম্লকপা চহি ৭৫ মপুং ফারকপা অসি পাংথোকপা ওইনা(অজাদি কা অমিৃত মহোতসব), ইন্তিলেকচুএল ওইবা অমসুং দিবলপমেন্তেল দিসএবিলিতীশিং লৈবা মীওইশিং দিজিতেল তেক্নোলোজী শিজিন্ননবা এমপৱার তৌবা অমসুং রিজন অসিদা পাংথোক্লিবা নেস্নেল ত্রস্তকী এক্তিবিতীশিং অমসুং স্কিমশিংগী ফুতফোল অদু হেনগৎহনবা হায়বা অসিনা সম্মিত অসিগী পান্দম ওই৷ কনবেন্সন অসিদা সোসিএল জস্তিস অমসুংম এমপৱারমেন্তগী মন্ত্রী দা. বিরেন্দ্র কুমারনা অথোইবা মীথুংলেন ওইনা, রাজ্যশিংগী মন্ত্রী কে.এম. প্রতিমা ভৌমিক অমসুং এস.ঐচ. এ. নরায়নাস্বামীনা গেস্ত ওফ ওনর ওইনা শরুক য়াখি৷ রিজন অসিগী দিব্যাঙ্গজন, প্রোফেস্নেলশিং অমসুং ওর্গনাইজেসনশিং য়াওনা মীওই ১০০ হেনবনা শরুক য়াখিবা অসিদা নেস্নেল ত্রেস্তকী চিয়রপর্সন অমসুং দি.ই.পি.দবল্যু.দি.গী সেক্রেতরী শ্রীমতি অঞ্জলি ভাউরা, নেস্নেল ত্রস্তকী জে.এম. অমসুং সি.ই.ও. এস.ঐচ. নিকুনজা কিশোর সুন্দরে অমসুং দি.ই.পি.দবল্যু.দি.গী দি.দি.জি. এস.ঐচ. কিশোর বাবুরাউ সুরৱাদেসু কনবেন্সন অসিদা শরুক য়াখি৷
![](https://static.pib.gov.in/WriteReadData/userfiles/image/image001FTSR.jpg)
কেন্দ্রগী মন্ত্রী দা. বিরেন্দ্র কুমারনা য়াম্না চিং-লেম্বা মওং অমদা কনবেন্সন অসি থাগৎখি৷ রিএল স্তেকহোল্দরশিং হায়বদি দিব্যাঙ্গজন শরুক য়াদনা করি অমতা খন্ন-নৈনবা ঙম্লোই হায়না মহাক্না তশেংনা থাজখিবনা দিব্যাঙ্গজন হেন্না-হেন্না শরুক য়াহন্নবা মসিগী কনবেন্সন অসি লৈবাক শিনবা থুংনা শন্দোক্নবা মহাক্না দিপার্তমেন্ত অদুদা হায়খি৷ মসিগী মেসেজ অসি লৈবাক শিনবা থুংনা শন্দোক্নবা পব্লিক রিপ্রজেন্তেতিব পুম্নমক্তা মহাক্না হায়জখি৷ দিব্যাঙ্গজনশিং মহৈ-মশিং তমহনবগী দরকার ওইরক্লে হায়না পুখৎলকখিবা নেস্নেল ত্রেস্তকী বোর্দ মেম্বর অমসুং বিজুএল ইম্পেয়রমেন্ত লৈবা মীওই অমা ওইরিবা দা. সাপম জেসোৱন্তা সিংহগী মথৌনা অমসুং থৱাই-য়াওজবা মথৌ অদু মহাক্না থাগৎখি৷ সাইন লেঙ্গুয়েজ ইন্তরপ্রিতর ৱার্ক অদু মহাক্না থাগৎখি অমসুং মসিগী ইন্তরপ্রিতর অসিগী মতেংদগী, মসিগী কনবেন্সন অসিগী মেসেজ অসি লৈবাক অসিদা লৈরিবা দিব্যাঙ্গজন পুম্নমক্তা য়ৌরগনি হায়না মহাক্না ফোংদোকখি৷
অৱাং-নোংপোক্কী মমল লৈরিবা কল্চরেল অমসুং রিলিজিয়র্স হেরিতেজ অমসুং ত্রাইবেল পোপুলেসনগী পাক-চাওরবা দাইবর্সিতী অদু রাজ্যগী মন্ত্রী কুম. প্রতিমা ভৌমিক্না মহাক্কী ৱারোলদা পনখি৷ মখোয়শিংগী মতেং পাংবা ফংবা অসি ঐখোয় লৈবাক য়াম্না ফৈ অমসুং দিব্যাঙ্গজনদা হেন্না ফবা সর্ভিশিং পীননবগীদমক ময়ামশিংগী মরক্তা এৱার্নেস শন্দোক্নবা ঐখোয়না হোৎনগদবনি হায়না মহাক্না মখাতানা ফোংদোকখি৷ অৱাং-নোংপোক থংবা রিজনগী ওইনা লেম্না দিব্যাঙ্গজন অসি নিরাময়া হেল্থ ইন্সুরেন্স স্কিমদা এনরোল তৌনবা এন.জি.ও. পুম্নমক্না হোৎনগদবনি হায়না মহাক্না ফোংদোকখি৷
![](https://static.pib.gov.in/WriteReadData/userfiles/image/image002O0O7.jpg)
মীওই কাংলুপ পুম্নমক্কী ওইনা লৈরিবা নেস্নেল ত্রস্তকী তোঙান তোঙানবা স্কিমশিং অদু লৈবাক অসি শিনবা থুংনা শন্দোকপা দরকার ওই হায়না রাজ্যগী মন্ত্রী শ্রী এ. নরায়নস্বামীনা ফোংদোকখি৷ দিব্যাঙ্গজন শিনবা থুংনা য়ৌনবা এৱার্নেস জেনেরেসন হেন্না-হেন্না পাংথোকপগী মতম ওইরে৷
সরকারগী স্কিমশিং পুনশিনবা দরকার ওইরে হায়না অৱাং-নোংপোক রাজ্য তরেৎকী মীহুৎশিংনা ফোংদোকখি৷ অৱাং-নোংপোক্তা লৈরিবা খুঙ্গংগী মীওইশিং য়ৌনবা ৱুমেন অমসুং চাইল্দ দিবলপমেন্ত মন্ত্রালয়গী অনগনৱাদীশিংনা নেস্নেল ত্রস্তকী দিশা আর্লী ইন্তরবেন্সন সেন্তরশিংগা পুনশিন্নবা দরকার ওইরে৷ মিসন অসি অহেনবা থৌনাগা লোইননা হেন্না-হেন্না পাংথোক্লগনি হায়না মখোয়না ৱাশকখি৷
ইনোগুরেল সেসনগী মতুংদা তেক্নিকেল সেসন পাংথোকখি৷ সম্মিত অদুগী হাইলাইত অদুদি আই.আই.তি. দিল্লীগী প্রোফেসর(দোক্তর) মাধুসুদান রাউনা দিব্যাঙ্গজনগী প্রদক্ত দিবলপমেন্তগীদমক মহাক্না পাংথোকখিবা রিসর্চ অমসুং ইন্নোবেসন অদু সেয়র তৌরকখি৷ ময়াম্না মশক নিংথিনা খঙলবা প্রোফেসর রাউনা বিজ্যুএল্লী চেলেঞ্জ থেংনরিবা মীওইশিং এমপৱার তৌনবগীদমক এসিস্তিব তেক্নোলোজীশিং শেমগৎ-শাগৎখি৷ মহাক অসি দিব্যাঙ্গজনগী এসেসিবিলিতী হেনগৎনবা হোৎনখিবগীদমক নেস্নেল এৱার্দ ফংখ্রবা সাইন্তিস্ত অমনি৷ অসিগীসু মথক্তা, আই.আই.তি. মুম্বাইগী প্রোফেসর রবি পূবাই অমসুং দা. অতঞ্জা সেন্না ৱা ঙাংবা ঙমদ্রবা অঙাংশিংগীদমক জেল্লো-এ.এ.সি. কম্মুনিকেতর পুথোকখি৷ অতোপ্পা পেনেলিস্তশিংগী মনুংদা ময়ামগা মান্নদ্রবা মীওইশিংগী হকশেল অমসুং এদবোকেসীগী এরিয়াদা থিজিল্লিবা নিপমেন ফাউন্দেসনগী সি.ই.ও. অমসুং কো-ফাউন্দর শ্রী নিপুন মালহোত্রা, অৱাং-নোংপোক থংবা রিজনদা লৈরিবা মীমান্নদ্রবা অঙাংশিংগী দিবলপমেন্ত স্তেতস অদু সেয়র তৌরিবা অসাম এগ্রীকল্চরেল য়ুনিভর্সিতীগী প্রিন্সিপাল সাইন্তিস্ত অমসুং অৱাং-নোংপোক রাজ্যশিংদা লৈরিবা দিব্যাঙ্গজনগী অপুনবা স্তেতস অদু নেস্নেল ত্রস্তকী বোর্দ মেম্বর দা. সাপম জেসোৱন্তা সিংহ সেয়র তৌরকখি৷
*****
(Release ID: 1743827)
Visitor Counter : 163