بہت چھوٹی، چھوٹی اور درمیانی صنعتوں کی وزارت

چھوٹے پیمانے کی صنعتوں کی ترقی

Posted On: 29 JUL 2021 3:10PM by PIB Delhi

نئی دلّی ،29 / حکومت نے آتم نربھر بھارت ابھیان  کے تحت کئی سیکٹروں کے لئے راحت کے کئی اقدامات کا اعلان کیا ہے اور ملک میں خاص طور پر کووڈ – 19 وباء کی صورتِ حال کے دوران ایم ایس ایم ای سیکٹر کی مدد کے لئے  کئی اقدامات کئے ہیں  ، جن میں سے کچھ مندرجہ ذیل ہیں :

  • بہت چھوٹی ، چھوٹی اور اوسط درجے کی صنعتوں ( ایم ایس ایم ای ) کے لئے  20000 کروڑ روپئے کا ذیلی قرض ۔
  • ایم ایس ایم ای سمیت کاروبار کے لئے  ضمانت   سے مستثنیٰ  3 لاکھ کروڑ روپئے کے خود کار قرض ۔
  • ایم ایس ایم ای فنڈ آف فنڈس کے ذریعے  50000 کروڑ روپئے  کے  شیئرس  کا اضافہ ۔
  • ایم ایس ایم ای کی درجہ بندی کے لئے نئے نظر ثانی شدہ  پیمانے ۔ خردہ  اور تھوک تاجروں کو بھی ایم ایس ایم ای میں شامل کیا گیا ہے ۔
  • کاروبار میں آسانی کے لئے اُدیم رجسٹریشن کے ذریعے   ایم ایس ایم ای کا نیا  رجسٹریشن  ۔
  • 200 کروڑ روپئے تک کی خریداری کے لئے کوئی عالمی ٹینڈر نہیں   ۔

 

ایم ایس ایم ای کی وزارت ، ریاستِ ہریانہ سمیت ملک  میں ایم ایس ایم ای کے سیکٹر کی ترقی اور فروغ کے لئے  مختلف اسکیمیں اور پروگرام نافذ کر رہی ہے ۔ ان اسکیموں اور پروگراموں میں  وزیر اعظم کا روز گار پید اکرنے کا پروگرام ( پی ایم ای جی پی ) ، روایتی صنعتوں  کو پھر سے شروع کرنے کے لئے  فنڈ کی اسکیم ( اسفورتی ) ، اختراعات ، دیہی صنعت اور صنعت کاری کو فروغ دینے کی اسکیم ( اے ایس پی آئی آر ای ) ، ایم ایس ایم ای کے لئے اضافے والی کریڈٹ  اسکیم میں سود کی معافی  ، بہت چھوٹی ، چھوٹی اور اوسط درجے کی صنعتوں  کے لئے کریڈٹ گارنٹی اسکیم ( ایم ایس ای – سی ڈی پی ) اور قرض سے منسلک  کیپٹل سبسڈی  اور ٹیکنا لوجی میں  بہتری کی اسکیم  ( سی ایل سی ایس – ٹی یو ایس ) شامل ہیں ۔

ایم  ایس ایم ای  اور پی ایم ای جی پی کے تحت قائم یونٹوں سمیت ایم ایس ایم ای پر کووڈ – 19 وباء کے  پڑنے والے اثرات کا جائزہ لینے کے لئے نیشنل اسمال انڈسٹری کارپوریشن  اور کھادی  اینڈ وِلیج انڈسٹیز کمیشن  کے ذریعے مطالعات کرائے گئے ہیں ۔

ٹریڈ ریمیڈیز کے ڈائریکٹوریٹ جنرل میں   ایک ہیلپ ڈیسک اور سہولیاتی مرکز قائم کیا گیا ہے ، جو  اینٹی ڈمپنگ  اقدامات سمیت   ٹریڈ ریویڈیل اقدامات کو حل کرتا ہے ۔

اس کی کار کردگی میں مندرجہ ذیل شامل ہیں :

  • مختلف ٹریڈ ریمیڈیز سے متعلق   گھریلو صنعت ( ڈی آئی ) کو معلومات کی فراہمی ۔
  • ٹریڈ ریمیڈیل  عذر داری داخل کرنے میں  ڈی آئی  ، خاص طور پر ایم ایس ایم ای کی مدد کرنا ۔
  • درخواست داخل کرتے ہوئے ڈاٹا گیپ کو ختم کرنے کے لئے ایم ایس ایم ای کی رہنمائی کرنا ۔
  • دوسرے ملکوں میں ٹریڈ ریمیڈیل  تحقیقات  کا سامنا کرنے والے ہندوستانی برآمد کاروں کی رہنمائی ۔
  • گھریلو صنعت کو دستیاب  غیر محصولاتی اقدامات  سے متعلق معلومات فراہم کرنا اور  ان کے فوائد حاصل کرنے کے لئے متعلقہ انتظامی  وزارت / محکمے میں ان کا تعاون کرنا ۔
  • مختلف ضابطوں اور معاملات کے حل کے لئے  مقررہ وقت کی حدود کی بارے میں  معلومات فراہم کرنا ۔

مذکورہ معلومات بہت چھوٹی ، چھوٹی اور اوسط درجے کی صنعتوں کے مرکزی وزیر   جناب  نارائن رانے نے  آج لوک سبھا میں ایک سوال کا تحریری جواب دیتے پیش کیں ۔

 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

( ش ح  ۔ و ا ۔ ع ا ) (29-07-2021)

U. No.  7186



(Release ID: 1740476) Visitor Counter : 55


Read this release in: English , Punjabi , Tamil , Telugu