15వ ఆర్థిక కమిషన్ భారత ప్రభుత్వానికి సమర్పించిన నివేదికలో కొత్త నగరాల పొదుగుద‌ల‌కు గాను రాష్ట్రాలకు రూ.8000 కోట్ల పనితీరు ఆధారిత ఛాలెంజ్ ఫండ్‌ను సిఫారసు చేసింది. దీంతో ప్రతి ప్రతిపాదిత కొత్త నగరానికి మొత్తంగా.. రూ.1,000 కోట్లు అందుబాటుకి వ‌స్తాయి. ఈ కొత్త ప్రతిపాదిత పథకం కింద ఒక రాష్ట్రానికి ఒకే ఒక కొత్త నగరంను మాత్రమే ప‌రిగ‌ణ‌న‌లోకి తీసుకోంటారు. ఈ విధంగా కమిషన్ అవార్డు వ్యవధిలో ఎనిమిది కొత్త నగరాలకు.. గరిష్టంగా ఎనిమిది రాష్ట్రాలు ఈ మంజూరును పొందవచ్చు. అంతే కాకుండా జూన్ 25, 2015న ప్రారంభించిన స్మార్ట్ సిటీస్ మిషన్‌లో ఏరియా బేస్డ్ డెవలప్‌మెంట్ కీలకమైన వ్యూహాత్మక భాగంగా నిలుస్తుంది. ప్రాంత‌ ఆధారిత అభివృద్ధి మోడళ్లలో నగరం మెరుగుదల (రెట్రోఫిటింగ్), నగరం పునరుద్ధరణ (పునరాభివృద్ధి) మరియు / లేదా నగర పొడిగింపు (గ్రీన్‌ఫీల్డ్ అభివృద్ధి) ఉన్నాయి. జనవరి 2016 నుండి జూన్ 2018 మధ్య నిర్వహించిన 4 రౌండ్ల పోటీల‌లో మొత్తం 100 నగరాలు స్మార్ట్ సిటీలుగా అభివృద్ధికి ఎంపిక చేయబడ్డాయి. గ్రీన్ ఫీల్డ్ అభివృద్ధి లేదా ఎంపిక చేసుకున్న‌నమూనాల కలయికల కోసం ఎంచుకున్న స్మార్ట్ సిటీల వివరాలు క్రింది విధంగా ఉన్నాయి:

 

రాష్ట్రం	స్మార్ట్‌సిటీ	ఏబీడీ కాంపొనెంన్ట్‌
జార్ఖండ్‌	రాంచి	గ్రీన్‌ఫీల్డ్‌
మ‌హారాష్ట్ర	ఔరంగాబాద్‌	గ్రీన్‌ఫీల్డ్‌
గుజ‌రాత్‌	రాజ్‌కోట్‌	గ్రీన్‌ఫీల్డ్‌
ఆంధ్ర‌ప్ర‌దేశ్‌	అమ‌రావ‌తి	గ్రీన్‌ఫీల్డ్‌
మ‌ధ్య‌ప్ర‌దేశ్‌	స‌త‌నా	గ్రీన్‌ఫీల్డ్‌
ప‌శ్చిమ బెంగాల్	న్యూ టౌన్ కోల్‌క‌తా	రెట్రోఫిట్టింగ్ + గ్రీన్‌ఫీల్డ్‌
మ‌హారాష్ట్ర	నాసిక్‌	రెట్రోఫిట్టింగ్ + గ్రీన్‌ఫీల్డ్‌
ఛ‌త్తీస్‌గ‌ఢ్‌	అట‌ల్ న‌గ‌ర్‌	నగరం పునరుద్ధరణ (పునరాభివృద్ధి)+గ్రీన్‌ఫీల్డ్‌

 

ఈ సమాచారాన్ని కేంద్ర గృహనిర్మాణ, పట్టణ వ్యవహారాల మంత్రిత్వ శాఖ స‌హాయ మంత్రి శ్రీ కౌషల్ కిషోర్ ఈ రోజు రాజ్యసభకు ఇచ్చిన ఒక లిఖితపూర్వక సమాధానంలో తెలిపారు. 

 

*****

(Release ID: 1740034)