పిఎం-కిసాన్ స్కీమ్ కింద మూడు లేదా నాలుగు నెల‌ల‌ విరామాల్లో ల‌బ్ధిదారుల‌కు ప్ర‌యోజ‌నం బ‌దిలీ చేస్తారు. ప్ర‌తీ నాలుగు నెల‌ల‌కు ఒక సారి అర్హులైన రైతులంద‌రికీ రూ.2000/- బ‌దిలీ చేస్తారు. అంటే వార్షికంగా రూ.6000/- ఒక్కో రైతుకు అందుతుంది.

పిఎం-కిసాన్ స్కీమ్ కిందీ ప్ర‌యోజ‌నం ప్ర‌తీ నెల అందించ‌వ‌చ్చు. దానికి బ‌దులుగా మూడు వాయిదాల్లో ఆ ప్ర‌యోజ‌నం అందిస్తున్నారు. 2021 జూన్ వ‌ర‌కు పిఎం-కిసాన్ స్కీమ్ కింద విఫ‌ల‌మైన లావాదేవీలు 40,16,867 కాగా పూర్తి చేసిన‌ లావాదేవీల సంఖ్య 68,76,32,104. అంటే మొత్తం లావాదేవీల్లో విఫ‌ల‌మైన లావాదేవీలు 1% క‌న్నా త‌క్కువే ఉన్నాయి.

పిఎం-కిసాన్ స్కీమ్ కింద లావాదేవీలు విఫ‌లం కావ‌డానికి ప‌లు కార‌ణాల‌ను కేంద్ర‌ప్ర‌భుత్వం గుర్తించింది. అకౌంట్ క్లోజ్ చేయ‌డం/  బ‌దిలీ చేయ‌డం, చెల్లుబాటు కాని ఎఎఫ్ఎస్ సి కోడ్‌, అకౌంట్ ప‌ని చేయ‌క‌పోవ‌డం, అకౌంట్ నిద్రాణంగా ఉండ‌డం, అకౌంట్ లో క్రెడిట్‌/  డెబిట్ లావాదేవీల సంఖ్య నిర్దేశిత ప‌రిమితిని మించిపోవ‌డం, అకౌంట్ హోల్డ‌ర్ మ‌ర‌ణించ‌డం, అకౌంట్ బ్లాక్ చేయ‌డం, చెల్లుబాటు కాని ఆధార్, నెట్ వ‌ర్క్ వైఫ‌ల్యం వంటి కార‌ణాలు ఇందుకు దోహ‌ద‌కారి అవుతున్నాయి.

లావాదేవీల వైఫ‌ల్యం స‌మ‌స్య‌ను ప‌రిష్క‌రించ‌డం, రైతు కుటుంబాలకు పేమెంట్ ప్రాసెస్ అయ్యేలా చేయ‌డం ల‌క్ష్యంగా ప్రామాణిక నిర్వ‌హ‌ణా విధానం (ఎస్ఓపి) ఒక‌టి రూపొందించి త‌గు చ‌ర్య కోసం రాష్ర్టాలు/  కేంద్ర‌పాలిత ప్రాంతాల‌కు పంపారు. ఒక వేళ సంబంధిత రాష్ట్రం/  కేంద్ర‌పాలిత ప్రాంతం స్థాయిలో దిద్దుబాటు చ‌ర్య అవ‌స‌రం అయితే పిఎం-కిసాన్ పోర్ట‌ల్ లోని “క‌రెక్ష‌న్ మాడ్యూల్” టాబ్ కింద క‌రెక్ష‌న్ చేయ‌డానికి వీలుగా రాష్ట్రం/  కేంద్ర‌పాలిత ప్రాంతానికి దాన్ని బ‌దిలీ చేస్తారు.ఆ త‌ర్వాత విఫ‌ల‌మైన లావాదేవీల‌న్నింటినీ తిరిగి ప్రాసెస్ చేసి పిఎం-కిసాన్ ప‌థ‌కం కింద ఆ వాయిదా చెల్లింపు జ‌రిగేలా చూస్తారు.

పిఎం-కిసాన్ స్కీమ్ ప్రారంభం అయిన‌ప్ప‌టి నుంచి జూన్ 20, 2021 వ‌రకు మొత్తం లావాదేవీల సంఖ్య‌

కేంద్ర వ్య‌వ‌సాయ‌, రైతు సంక్షేమ శాఖ మంత్రి శ్రీ న‌రేంద్ర సింగ్ తోమ‌ర్ లోక్ స‌భ‌కు స‌మ‌ర్పించిన లిఖిత పూర్వ‌క స‌మాధానంలో ఈ స‌మాచారం అందించారు. 

***