ਪੀਐੱਮ-ਕਿਸਾਨ ਯੋਜਨਾ ਤਹਿਤ ਲਾਭ ਤਿੰਨ ਕਿਸ਼ਤਾਂ ਵਿੱਚ, ਚਾਰ ਮਹੀਨਿਆਂ ਦੇ ਵਕਫ਼ੇ ਵਿੱਚ ਤਬਦੀਲ ਕੀਤਾ ਜਾਂਦਾ ਹੈ। ਹਰ ਚਾਰ ਮਹੀਨਿਆਂ ਦੀ ਮਿਆਦ ਵਿੱਚ, 2000/- ਰੁਪਏ ਯੋਗ ਕਿਸਾਨ ਪਰਿਵਾਰਾਂ ਨੂੰ ਟਰਾਂਸਫਰ ਕੀਤੇ ਜਾਂਦੇ ਹਨ। ਇਸ ਲਈ, ਸਾਲਾਨਾ 6000/- ਰੁਪਏ ਸਾਲਾਨਾ ਟਰਾਂਸਫਰ ਕੀਤੇ ਜਾਂਦੇ ਹਨ।

ਪੀਐੱਮ-ਕਿਸਾਨ ਯੋਜਨਾ ਦੇ ਤਹਿਤ ਲਾਭ ਹਰ ਮਹੀਨੇ ਤਬਦੀਲ ਕਰਨ ਯੋਗ ਨਹੀਂ ਹੁੰਦੇ। ਇਹ ਲਾਭ ਤਿੰਨ ਕਿਸ਼ਤਾਂ ਵਿੱਚ ਤਬਦੀਲ ਕੀਤੇ ਜਾਂਦੇ ਹਨ। ਪੀਐੱਮ-ਕਿਸਾਨ ਯੋਜਨਾ ਦੇ ਲੈਣ-ਦੇਣ ਦੀ ਸੰਪੂਰਨ ਗਿਣਤੀ ਜੋ ਕਿ ਇਸ ਦੇ ਉਦਘਾਟਨ ਤੋਂ ਬਾਅਦ ਜੂਨ 2021ਤੱਕ  ਅਸਫਲ ਹੋਈ, ਉਹ  40,16,867 ਹੈ। 30 ਜੂਨ, 2021 ਤੱਕ ਪੀਐੱਮ-ਕਿਸਾਨ ਯੋਜਨਾ ਦੇ ਤਹਿਤ ਕੀਤੇ ਗਏ ਕੁੱਲ ਲੈਣ-ਦੇਣ ਦੀ ਸੰਖਿਆ  68,76,32,104  ਹੈ,  ਜਿਨ੍ਹਾਂ ਵਿਚੋਂ ਅਸਫਲ ਲੈਣ-ਦੇਣ ਦੀ ਕੁੱਲ ਗਿਣਤੀ 1% ਤੋਂ ਘੱਟ ਹੈ।

ਕੇਂਦਰ ਸਰਕਾਰ ਵਲੋਂ ਪੀਐੱਮ-ਕਿਸਾਨ ਯੋਜਨਾ ਅਧੀਨ ਲੈਣ-ਦੇਣ ਦੀ ਅਸਫਲਤਾ ਲਈ ਕਈ ਕਾਰਨਾਂ ਜਿਵੇਂ ਕਿ ਖਾਤਾ ਬੰਦ / ਟ੍ਰਾਂਸਫਰ, ਗਲਤ ਆਈਐੱਫਐੱਸਸੀ,ਅਯੋਗ ਖਾਤਾ, ਡੌਰਮੈਂਟ ਖਾਤਾ, ਬੈਂਕ ਵਲੋਂ ਕ੍ਰੈਡਿਟ / ਡੈਬਿਟ ਟ੍ਰਾਂਜੈਕਸ਼ਨ ਦੀ ਖ਼ਤਮ ਚੋ ਚੁੱਕੀ ਸੀਮਾ, ਖਾਤਾ ਧਾਰਕ ਦੀ ਮੌਤ, ਖਾਤਾ ਬਲੌਕਡ ਜਾਂ ਫ੍ਰੋਜ਼ਨ, ਅਕਿਰਿਆਸ਼ੀਲ ਅਧਾਰ, ਨੈਟਵਰਕ ਅਸਫਲਤਾ ਆਦਿ ਦੀ ਪਛਾਣ ਕੀਤੀ ਗਈ ਹੈ।

ਟ੍ਰਾਂਜੈਕਸ਼ਨ ਦੀਆਂ ਅਸਫਲਤਾਵਾਂ ਦੇ ਮੁੱਦਿਆਂ ਨਾਲ ਨਜਿੱਠਣ ਲਈ ਅਤੇ ਅਜਿਹੇ ਰਜਿਸਟਰਡ ਕਿਸਾਨਾਂ ਦੇ ਪਰਿਵਾਰਾਂ ਨੂੰ ਭੁਗਤਾਨ ਦੀ ਪ੍ਰਕਿਰਿਆ ਕਰਨ ਲਈ, ਇੱਕ ਮਿਆਰੀ ਸੰਚਾਲਨ ਪ੍ਰਕਿਰਿਆ (ਐੱਸਓਪੀ) ਤਿਆਰ ਕੀਤੀ ਗਈ ਹੈ ਅਤੇ ਲੋੜੀਂਦੀ ਕਾਰਵਾਈ ਲਈ ਰਾਜਾਂ / ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਨੂੰ ਕਰਨ ਲਈ ਕਿਹਾ ਗਿਆ ਹੈ। ਉਨ੍ਹਾਂ ਮਾਮਲਿਆਂ ਵਿੱਚ ਜਿੱਥੇ ਰਾਜਾਂ / ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਵਲੋਂ ਸੁਧਾਰਾਤਮਕ ਉਪਾਅ ਕੀਤੇ ਜਾਣੇ ਹਨ, ਅਜਿਹੇ ਲੈਣ-ਦੇਣ ਅਸਫਲਤਾ ਦੇ ਰਿਕਾਰਡ ਸਬੰਧਤ ਰਾਜ / ਕੇਂਦਰ ਸ਼ਾਸਤ ਪ੍ਰਦੇਸ਼ ਨੂੰ ਪੀਐੱਮ-ਕਿਸਾਨ ਪੋਰਟਲ ਦੇ "ਸੁਧਾਰ ਮੋਡੀਊਲ" ਟੈਬ ਦੇ ਅਧੀਨ ਸੁਧਾਰ ਲਈ ਖੋਲ੍ਹ ਦਿੱਤੇ ਜਾਂਦੇ ਹਨ। ਇਸ ਤੋਂ ਬਾਅਦ, ਸਾਰੇ ਲੈਣ-ਦੇਣ ਅਸਫਲਤਾ ਦੇ ਰਿਕਾਰਡ ਪ੍ਰਧਾਨ ਮੰਤਰੀ-ਕਿਸਾਨ ਸਕੀਮ ਦੇ ਅਧੀਨ ਸਬੰਧਤ ਕਿਸ਼ਤ ਦੀ ਅਦਾਇਗੀ ਲਈ ਦੁਬਾਰਾ ਪ੍ਰਕਿਰਿਆ ਅਧੀਨ ਲਿਆਂਦੇ ਜਾਂਦੇ ਹਨ।

30 ਜੂਨ, 2021 ਤੱਕ ਇਸ ਦੇ ਉਦਘਾਟਨ ਤੋਂ ਬਾਅਦ ਪੀਐੱਮ-ਕਿਸਾਨ ਯੋਜਨਾ ਅਧੀਨ ਲੈਣ-ਦੇਣ ਦੀ ਕੁੱਲ ਗਿਣਤੀ

ਇਹ ਜਾਣਕਾਰੀ ਕੇਂਦਰੀ ਖੇਤੀਬਾੜੀ ਤੇ ਕਿਸਾਨ ਭਲਾਈ ਮੰਤਰੀ ਸ੍ਰੀ ਨਰੇਂਦਰ ਸਿੰਘ ਤੋਮਰ ਨੇ ਅੱਜ ਲੋਕ ਸਭਾ ਵਿੱਚ ਇੱਕ ਲਿਖਤੀ ਜਵਾਬ ਵਿੱਚ ਦਿੱਤੀ।

****

ਏਪੀਐਸ