نئی دہلی،26؍ جولائی  :  ایم ایم ڈی آر قانون – 1957  کی  گنجائشوں کے مطابق  وقت بوقت  معدنیات  سے متعلق  رائلٹی کی شرحوں پر  نظر ثانی کی جاتی ہے۔

رائلٹی شرحوں اور  معدنیات کے لئے ڈیڈ رینٹ کی  نظر ثانی   کا  جائزہ لینے کی غرض سے کانکنی کی وزارت نے  بذریعہ آرڈر بتاریخ  9 فروری 2018  کو  ایک  اسٹڈی  گروپ تشکیل دیا، جس میں  معدنیات سے  مالا مال ریاستوں کے نمائندگان  اور  کانکنی کی صنعت  ؍ ایسوسی ایشنوں  ؍  فیڈریشنوں  کے نمائندے شامل تھے۔ اسٹڈی گروپ  نے  اپنی حتمی سفارشات    25  جولائی  2019   کو  جمع کردی تھی۔ اسی دوران  مرکزی کابینہ نے  13 جنوری 2021  کو  کانکنی کی وزارت  کی اس تجویز کو منظوری دے دی کہ  ایک قومی معدنیاتی  انڈیکس (این ایم آئی)  تیار  کرکے  انڈیکس  پر مبنی  ایک طریقہ کار  متعارف کرایا جائے، جو کہ مختلف  قانونی ادائیگیوں  اور  مستقبل کےنیلامیوں کے لئے دیگر عوامل کے کام انجام دے گا۔ اسی مطابق  کانکنی کی وزارت  نے  بذریعہ آرڈر  بتاریخ 6  اپریل 2021 ،  انفرادی معدنیات  کی  این ایم آئی تیار  کرنے کے لئے ایک کمیٹی تشکیل دی ہے۔

یہ معلومات  آج راجیہ سبھا میں  کانکنی ، کوئلہ اور  پارلیمانی امور کے وزیر جناب پرہلاد جوشی نے ایک تحریری جواب میں فراہم کیں۔

۔۔۔۔۔۔۔۔۔۔۔۔۔۔۔۔۔۔

 (ش ح- اع- ق ر)

U-7019