কেন্দ্রগী গৃহ মন্ত্রী, শ্রী অমিত শাহনা ঙসি মহাক্কী মেঘালয়গী খোঙচৎকী নিনিশুবা নুমিৎতা শোহরা (চেরাপুঞ্জী)দা গ্রীন সোহরা এফোরেস্তেসন কেম্পেন হৌদোকখ্র। শ্রী অমিত শাহনা গ্রেতর সোহরা ৱাতর সপ্লাই স্কিমসু হৌদোকখ্রে। থৌরম অসিদা দোনর মন্ত্রী শ্রী জি. কিশন রেদ্দী, সাইন্স অমসুং তেক্নোলোজী অমদি দিপার্তমেন্ত ওফ স্পেসকী রাজ্য মন্ত্রী দা. জিতেন্দ্র সিংহ, দোনর মন্ত্রালয়গী রাজ্য মন্ত্রী, শ্রী বি.এল. ভর্মা, মেঘালয়গী মুখ্য মন্ত্রী শ্রী কোনরাদ সঙমা অমসুং কেন্দ্র অমদি রাজ্য সরকারগী মকোক থোংবা ওফিসিএলশিংসু শরুক য়াখ্রে।

উমং য়োকখৎপা অমসুং উ থাবগী কান্নবা অদু ফোঙদোক্লদুনা শ্রী অমিত শাহনা “এভরগ্রীন নোর্থইস্ত”গী খোলাউ লাউখ্রে। গৃহ মন্ত্রীনা হায় মমাংদা চেরাপুঞ্জীদা চহি চুপ্পা নোং চুরম্মি অদুবু চাউখৎ-থৌরাংগী মিংদা উমং য়ান্থৎপনা ফীভম অসি হৌজিক্তি হোংলে। মহাক্না হায় ঙসি চেরাপুঞ্জীবু অমুক হন্না অশং-অমান্না থল্লহন্নবা অচৌবা প্রোজেক্ত অমা হৌরগনি। শ্রী অমিত শাহনা হায় চেরাপুঞ্জীগী মফম পুম্বদা অসাম রাইফল্সনা উ থানবা য়েংশিল্লগনি। মহাক্না হায় উশিং অসি শীং অমসুং অতৈ মরমশিংদা শিজিন্ননবা য়ান্থৎলি মরম অসিনা অপুনবা লমদম অসিদা য়েলহৌঙৈগী ফীভম হল্লকহন্নবা অমসুং পুন্সি শাংবা উ পাম্বী থানবা চাদা ৮০ থাগনি অমসুং লেমহৌরিবা চাদা ২০না শা-ঙাগী মচিঞ্জাক শেম্নবা, লৈতেংগী ওইবা উ-পাম্বী অমসুং নর্সরী ওইনা শিজিন্নদুনা মথৌ তাবা পুম্নমক থুংহনগনি। পুন্সি শাংবা উ-পাম্বী য়ান্থৎপগী মরমশিং হন্থহনবা ঙমগনি। তেক্নিক অসিগা লোইননা মল্তি লেবেল ফার্মিং তৌরি অমদি উমং অসি শরুক ৩০ হেন্না থুনা চাউখৎকনি অমসুং চহি ৩গী মতুংদা মসি মেন্তেনেন্স ফ্রী ওইরগনি। শ্রী শাহনা হায় ইকো-তুরিজমদা চাউনা কান্নবা পুরক্লগনি অমসুং মেঘালয়গী তুরিজমসু থৌগৎলগনি।

শ্রী শাহনা হায় ঐখোয়গী ভারতকী শক্তম কাইহন্দনা থম্বা ঙম্লিবা অসি লৈবাক অসিগী ঙমখৈশিং ঙাকশেন্নবা পেরামিলিতরী ফোর্সশিং দিপ্লোই তৌখি। হৌখিবা চহি অনি অসিদা মখোয়না অকোইবগী ফীভম ফগৎহন্নবা থৌদাংসু লৌখি অমসুং হৌজিক ফাওবদা উ-পাম্বী করোর অমগা লাখ নিফু নিপান (করোর ১.৪৮) থাখ্রে মসিগী মনুংদা উ-পাম্বী করোর অমগা লাখ কুনথ্রা তরুক (করোর ১.৩৬) হিংলি। মহাক্না হাব চহি অসিদা লালোং অমা য়াৎতুনা তোঙান তোঙানবা মমশিংদা উ-চারা করোর অমা থাগনি অমসুং মথংগী চহি অহুম অসিদা হেক্তর ১০০০দা উ-পাম্বী করোর ১ থানবা পান্দম থমখ্রে।

কেন্দ্রগী গৃহ মন্ত্রীনা হায় ঙসি মালেম পুম্বনা গ্লোবেল ৱার্মিং অমসুং ক্লাইমেৎ চেঞ্জ থেংনরি। শ্রী নরেন্দ্র মোদীজীনা লৈবাক অসিদা চাকথোং গ্যাস মশিং য়াম্না য়েন্থোক্তুনা কার্বোন ইমিসন হন্থহন্নবা থবক পাইখৎখি অমসুং ঙসি ভারতনা হাইদ্রোপাৱর অমসুং সোলর পাৱর সেক্তরদা মাংজিল থারি। শ্রী অমিত শাহনা হায় পেরিস এগ্রীমেন্তদা মোদীজীনা পুখৎখিবা এক্সন প্লানগা লোইননা মালেম পুম্বনা গ্লোবেল ৱার্মিং অমসুং কার্বোন ইমিসনশিং থেংনরি। শ্রী শাহনা ঐখোয়না শোক্নরিবা লান অসি জিলা অমসুং তালুকা পঞ্চাবতকী থাকশিংদা মীচম মীয়ামগী মতেং য়াওদনা মাই পাকপা ঙম্লোই হায়খ্রে। শ্রী শাহনা লৈবাক অসিদা লৈরিবা পঞ্চায়ত পুম্নমক্তা মফম মফম খুদিংদা পেরামিলিতরী ফোর্সশিং দিপ্লোই তৌরি, মখোয়না চত্থরিবা উ থাবগী প্রোগ্রামশিং অসি শোগৎপীয়ু মখোয়গা খুৎশম্নদুনা উ-চারা করোর ১ থাবদা মতেং পাংবীয়ু অমসুং পেরামিলিতরী ফোর্সনা মখোয়বু হিংহন্নবা হোৎনগনি হায়না ফোঙদোকখ্রে।

মহাক্কী ৱারোলদা শ্রী অমিত শাহনা হায় প্রধান মন্ত্রীগী মখাদা পাইখৎলিবা অচৌবা প্রোজেক্ত জল জীবম মিসন অসিগী মখাদা দোনর মন্ত্রালয়গী নোর্থ-ইস্ত স্পেসিএল ইনফ্রাস্ত্রকচর স্কীম অমসুং মেঘালয় সরকারগী মখাদা লুপা করোর ২৫গী গ্রেতর সোহরা ৱাতর প্রোজেক্ত অসিগী খুত্থাংদা লৈবাক অসিগী ইমুং খুদিংদা, য়ুমথোং খুদিংদা পুরিফাইদ তৌরবা ঈশিং ফংহনগনি। থক্নবা তোতিগী ঈশিং পীনবা থবক পাইখৎকনি। শ্রী শাহনা হাব করিগুম্বা ঈশিংগী সোর্স অদু অফবা নত্ত্রবদি মদুনা মীওইবগী মশা শোকহনগনি মরম অসিনা মোদীজীনা নীংতমখিবা চহি ৭৫ শুরকপা অমদি মেঘালয়গীনা ৫০শুরকপা অসিগী মনুংদা মেঘালয় অমসুং লৈবাক অসিগী য়ুমথোং খুদিংআ অফবা থক্নবা ঈশিং ফংহন্নবা পান্দম থমখি। মেঘালয়গী রাজ্যদা লৈবা ইমুং-মনুং ২,৮০,০০০দা থক্নবা ঈশিং ফংহন্নবা অচৌবা প্রোগ্রাম অমা লৈরে মসি অপীকপা প্রোজেক্ত ১৮৭৪ থোক্না খাইদোকখি। শ্রী অমিত শাহনা হায় মনুং হঞ্জিনবা মফমদা অসিগুম্বা অচৌবা প্রোজেক্ত য়ৌহন্নবগী থবক পাইখৎপা অসি য়াম্না মরু ওইবা অমসুং শিংনবা অমনি। হৌজিক ফাওবদা কেন্দ্র সরকারনা লুপা করোর ৪০০ থাদখ্রে অমসুং থবক্কী খোঙজেল য়াংশিল্লকপগী মতুং ইন্না অহেন্নবা শেল থাদগনি। শ্রী শাহনা হায় অসাম রাইফল্সকী পুৱারীদা চহি ১৮০ অসিদা মখোয়দা পীবা থবক খুদিংমক মখোয়না মপুং ফানা কত্থোকপগা লোইননা মতম চানা লোইশিনখি।

ঙসি সেন্ত্রেল আর্মদ পুলিস ফোর্সেস (সি.এ.পি.এস.শিং) পুম্নমক্না গৃহ মন্ত্রী শ্রী অমিত শাহগী থৌরাং মখাদা হৌদোকখিবা উ থাবগী কেম্পেন অসিগী মখাদা লৈবাক শিনবা থুংনা উ থারি।  মসিগী মখাদা ঙসি উ-চারা লাখ ১৬কা লিশিং ৩১ হেন্না থাগনি।

শ্রী অমিত শাহনা সোহরাদা লৈবা রামকৃষ্ণ মিসনদা স্বামি বিবেকানন্দগী মীতমদা লৈ পরেং হুকখি। মহাক্না থৌনবগী থৌরমদসু শরুক য়াখি। শ্রী শাহনা রামকৃষ্ণ মিসনগী দিগ্নিতরীশিংগসু উনখি।

****