భారత దేశపు మొత్తం కోవిడ్ టీకా డోసుల పంపిణీ  42.75 కోట్లు దాటింది. ఈ సాయంత్రం 7 గంటల వరకు అందిన సమాచారం ప్రకారం 42,75,00,272 డోసుల పంపిణీ జరిగింది. జూన్ 21 నుంచి సార్వత్రిక టీకాల కార్యక్రమం మొదలుకాగా,  గత 24 గంటల్లో దాదాపు 39 లక్షల (38,87,028)  టీకాలిచ్చినట్టు సాయంత్రం 7 గంటల సమాచారం.

ఈ రోజు 18-44 వయోవర్గంలో 18,09,954 మంది లబ్ధిదారులు మొదటి డోస్ టీకాలు తీసుకున్నారు. అదే వయోవర్గంలో 1,92,363 మంది రెండో డోస్ తీసుకున్నారు.  దీంతో మూడో దశ టీకాల కార్యక్రమంలో భాగంగా 37 రాష్ట్రాలు, కేంద్రపాలిత ప్రాంతాలకు చెందిన ఈ వయోవర్గం వారు ఇప్పటిదాకా  తీసుకున్న మొదటి డోసుల సంఖ్య 13,52,21,119 కు, రెండో డోసుల సంఖ్య 57,54,908 కు చేరింది.  ఇందులో మూడు రాష్టాలు – మధ్యప్రదేశ్, మహారాష్ట్ర, ఉత్తరప్రదేశ్ 18-44 వయోవర్గం వారికి కోటికి పైగా డోసులు పంపిణీ చేశాయి. అదేవిధంగా  ఆంధ్రప్రదేశ్, అస్సాం, చత్తీస్ గఢ్, ఢిల్లీ, హర్యానా, హిమాచల్ ప్రదేశ్, జమ్మూ-కశ్మీర్, జార్ఖండ్, కేరళ, ఒడిశా, పంజాబ్, తెలంగాణ,  ఉత్తరాఖండ్, పశ్చిమ బెంగాల్ రాష్ట్రాలలో పదేసి లక్షలకు మించి ఈ లబ్ధిదారులు టీకాలు తీసుకున్నారు. ఆ వివరాలు రాష్ట్రాలవారీగా ఈ క్రింది పట్టికలో ఉన్నాయి.

****