நாட்டில், 35 புதிய நில அதிர்வு ஆய்வகங்கள் தொடங்கப்படும் எனவும், அவை இந்தாண்டு டிசம்பருக்குள் செயல்பாட்டுக்கு வரும் எனவும் மத்திய புவி அறிவியல் துறை இணையமைச்சர் டாக்டர் ஜித்தேந்திர சிங் தெரிவித்தார்.

அவர் மக்களவையில் அறிக்கை தாக்கல் செய்து கூறியதாவது:

தேசிய நிலநடுக்க ஆய்வகங்களின் நெட்வொர்க் இந்தாண்டு இறுதிக்குள் 150 ஆக அதிகரிக்கும். அடுத்த 5 ஆண்டுகளில், மேலும் 100 நிலஅதிர்வு ஆய்வகங்கள் அமைக்கப்பட்டு தேசிய நிலஅதிர்வு நெட்வொர்க்-ஐ வலுப்படுத்த திட்டமிடப்பட்டுள்ளது. இதன் மூலம் நாடு முழுவதும் நிலநடுக்க கண்டுபிடிப்பு திறன்  M:2.5 என்ற அளவுக்கு அதிகரிக்கும்.

நாடு முழுவதும் நிலநடுக்கத்தை கண்காணிப்பது, பூகம்பம் குறித்து ஆய்வு செய்வது போன்றவற்றை புவி அறிவியல் அமைச்சகத்தின் கீழ் உள்ள நிலநடுக்க தேசிய மையம்(NCS) மேற்கொள்கிறது. இதற்காக என்சிஎஸ் மையம், நாடு முழுவதும் உள்ள 115 என்எஸ்என் நெட்வொர்க்-ஐ பராமரிக்கிறது.

மேலும் விவரங்களுக்கு இந்த ஆங்கில செய்திக் குறிப்புகளைக் காணவும்:https://pib.gov.in/PressReleasePage.aspx?PRID=1738097

-----