•       ਤਿੰਨ ਦਿਨਾਂ ਵਿੱਚ ਦੂਜਾ ਸਫਲ ਉਡਾਣ ਪ੍ਰੀਖਣ
•       ਤੇਜ਼ ਰਫਤਾਰ ਨਾਲ ਅਤੇ ਚੁਫੇਰੇ ਤੋਂ ਹਵਾਈ ਖ਼ਤਰੇ ਨੂੰ ਰੋਕਣ ਦੇ ਸਮਰੱਥ
•       ਭਾਰਤੀ ਹਵਾਈ ਸੈਨਾ ਦੀ ਰੱਖਿਆ ਸਮਰੱਥਾ ਵਿੱਚ ਕਈ ਗੁਣਾ ਵਾਧਾ
•       ਰਕਸ਼ਾ ਮੰਤਰੀ ਨੇ ਡੀਆਰਡੀਓ ਨੂੰ ਵਧਾਈ ਦਿੱਤੀ

ਰੱਖਿਆ ਖੋਜ ਅਤੇ ਵਿਕਾਸ ਸੰਗਠਨ (ਡੀਆਰਡੀਓ) ਨੇ 23 ਜੁਲਾਈ 2021 ਨੂੰ 1145 ਵਜੇ ਉੜੀਸਾ ਦੇ ਤੱਟ 'ਤੇ ਚਾਂਦੀਪੁਰ ਦੀ ਏਕੀਕ੍ਰਿਤ ਟੈਸਟ ਰੇਂਜ ਤੋਂ ਨਵੀਂ ਪੀੜ੍ਹੀ ਦੀ ਅਕਾਸ਼ (ਅਕਾਸ਼-ਐੱਨਜੀ) ਮਿਜ਼ਾਈਲ ਦਾ ਸਫਲ ਉਡਾਣ ਪ੍ਰੀਖਣ ਕੀਤਾ। ਇਹ ਪ੍ਰੀਖਣ ਇੱਕ ਤੇਜ਼ ਰਫਤਾਰ ਮਾਨਵ ਰਹਿਤ ਹਵਾਈ ਜਹਾਜ਼ ਦੇ ਵਿਰੁੱਧ ਕੀਤਾ ਗਿਆ ਸੀ, ਜਿਸ ਨੂੰ ਮਿਜ਼ਾਈਲ ਨੇ ਸਫਲਤਾਪੂਰਵਕ ਫੁੰਡਿਆ। ਉਡਾਣ ਪ੍ਰੀਖਣ ਨੇ ਮਿਜ਼ਾਈਲ ਨੂੰ ਲੈ ਕੇ ਸਵਦੇਸ਼ੀ ਤੌਰ 'ਤੇ ਵਿਕਸਤ ਆਰਐੱਫ ਸੀਕਰ, ਲਾਂਚਰ, ਮਲਟੀ-ਫੰਕਸ਼ਨ ਰਾਡਾਰ ਅਤੇ ਕਮਾਨ, ਨਿਯੰਤਰਣ ਅਤੇ ਸੰਚਾਰ ਪ੍ਰਣਾਲੀ ਨਾਲ ਸੰਪੂਰਨ ਹਥਿਆਰ ਪ੍ਰਣਾਲੀ ਦੇ ਕੰਮ ਨੂੰ ਜਾਇਜ਼ ਠਹਿਰਾਇਆ ਹੈ। ਇਹ ਪ੍ਰੀਖਣ ਹਥਿਆਰ ਪ੍ਰਣਾਲੀ ਦੀ ਹਰ ਮੌਸਮ ਦੀ ਸਮਰੱਥਾ ਨੂੰ ਸਾਬਤ ਕਰਨ ਲਈ ਕਠੋਰ ਮੌਸਮ ਦਰਮਿਆਨ ਕੀਤਾ ਗਿਆ। 

ਪ੍ਰਣਾਲੀ ਦੀ ਕਾਰਗੁਜ਼ਾਰੀ ਨੂੰ ਆਈਡੀਆਰ, ਚਾਂਦੀਪੁਰ ਦੁਆਰਾ ਤਾਇਨਾਤ ਕਈ ਰਾਡਾਰ, ਟੈਲੀਮੈਟਰੀ ਅਤੇ ਇਲੈਕਟ੍ਰੋ ਆਪਟੀਕਲ ਟਰੈਕਿੰਗ ਪ੍ਰਣਾਲੀਆਂ ਦੁਆਰਾ ਹਾਸਲ ਕੀਤੇ ਅੰਕੜਿਆਂ ਦੁਆਰਾ ਪ੍ਰਮਾਣਿਤ ਕੀਤਾ ਗਿਆ। ਭਾਰਤੀ ਹਵਾਈ ਫੌਜ ਦੇ ਅਧਿਕਾਰੀਆਂ ਦੀ ਇੱਕ ਟੀਮ ਵੀ ਪ੍ਰੀਖਣ ਮੌਕੇ ਮੌਜੂਦ ਰਹੀ।

 21 ਜੁਲਾਈ, 2021 ਨੂੰ, ਮਿਜ਼ਾਈਲ ਦੀਆਂ ਸਾਰੀਆਂ ਮਿਸ਼ਨ ਸ਼ਰਤਾਂ ਨੂੰ ਪੂਰਾ ਕੀਤੇ ਬਿਨਾਂ ਮਿਜ਼ਾਈਲ ਦਾ ਸਫਲਤਾਪੂਰਵਕ ਉਡਾਣ ਪ੍ਰੀਖਣ ਕੀਤਾ ਗਿਆ ਸੀ।

https://pib.gov.in/PressReleasePage.aspx?PRID=1737532

ਰਕਸ਼ਾ ਮੰਤਰੀ ਸ਼੍ਰੀ ਰਾਜਨਾਥ ਸਿੰਘ ਨੇ ਡੀਆਰਡੀਓ, ਇੰਡੀਅਨ ਏਅਰ ਫੋਰਸ ਅਤੇ ਉਦਯੋਗ ਨੂੰ ਅਕਾਸ਼-ਐੱਨਜੀ ਦੇ ਤਿੰਨ ਦਿਨਾਂ ਦੇ ਅੰਦਰ ਦੂਜੇ ਸਫਲ ਉਡਾਣ ਪ੍ਰੀਖਣ ਲਈ ਵਧਾਈ ਦਿੱਤੀ। ਉਨ੍ਹਾਂ ਕਿਹਾ ਕਿ ਇਸ ਅਤਿ ਆਧੁਨਿਕ ਮਿਜ਼ਾਈਲ ਪ੍ਰਣਾਲੀ ਦਾ ਵਿਕਾਸ ਭਾਰਤੀ ਹਵਾਈ ਸੈਨਾ ਦੀ ਹਵਾਈ ਰੱਖਿਆ ਸਮਰੱਥਾ ਲਈ ਇੱਕ ਸ਼ਕਤੀ ਗੁਣਕ ਸਾਬਤ ਹੋਏਗਾ।

ਰੱਖਿਆ ਖੋਜ ਅਤੇ ਵਿਕਾਸ ਵਿਭਾਗ ਦੇ ਸੱਕਤਰ ਅਤੇ ਚੇਅਰਮੈਨ ਡਾ. ਜੀ ਸਤੀਸ਼ ਰੈਡੀ ਨੇ ਆਕਾਸ਼ ਐੱਨਜੀ ਦੀ ਸਫਲ ਪ੍ਰੀਖਿਆ ਲਈ ਟੀਮਾਂ ਨੂੰ ਵਧਾਈ ਦਿੱਤੀ।

****

ਏਬੀਬੀ / ਨੰਪੀ / ਕੇਏ / ਡੀਕੇ / ਸੈਵੀ