ਕੱਪੜਾ ਮੰਤਰਾਲਾ ਦੇਸ਼ ਵਿੱਚ ਕੰਮ ਕਰ ਰਹੇ 28 ਵੀਵਰ’ਜ਼ ਸਰਵਿਸ ਸੈਂਟਰਾਂ (ਡਬਲਯੂਐੱਸਸੀ) ਜ਼ਰੀਏ ਹੈਂਡਲੂਮ ਕਰਮਚਾਰੀਆਂ ਲਈ ਸਿਖਲਾਈ ਪ੍ਰੋਗਰਾਮ ਚਲਾ ਰਿਹਾ ਹੈ ਜੋ ਮੰਤਰਾਲੇ ਦੇ ਪ੍ਰਬੰਧਕੀ ਨਿਯੰਤਰਣ ਅਧੀਨ ਹਨ। 2015-16 ਤੋਂ ਲੈ ਕੇ 2020-21 ਤੱਕ 56,934 ਬੁਣਕਰਾਂ ਨੂੰ ਹੁਨਰ ਦੇ ਨਵੀਨੀਕਰਨ ਦੀ ਸਿਖਲਾਈ ਦਿੱਤੀ ਜਾ ਚੁੱਕੀ ਹੈ, ਜਿਸ ਵਿੱਚੋਂ 5,498 ਬੁਣਕਰ ਉੱਤਰ ਪ੍ਰਦੇਸ਼ ਨਾਲ ਸਬੰਧਤ ਹਨ।

ਕੱਪੜਾ ਮੰਤਰਾਲੇ ਦੁਆਰਾ ਦੇਸ਼ ਭਰ ਦੇ ਹੈਂਡਲੂਮ ਦੇ ਵਿਕਾਸ ਲਈ ਅਤੇ ਹੈਂਡਲੂਮ ਬੁਣਕਰਾਂ ਦੀ ਭਲਾਈ ਲਈ ਹੇਠ ਲਿਖੀਆਂ ਯੋਜਨਾਵਾਂ ਚਲਾਈਆਂ ਜਾ ਰਹੀਆਂ ਹਨ: -

ਨੈਸ਼ਨਲ ਹੈਂਡਲੂਮ ਡਿਵੈਲਪਮੈਂਟ ਪ੍ਰੋਗਰਾਮ (ਐੱਨਐੱਚਡੀਪੀ)

ਕੰਪਰੀਹੈਨਸਿਵ ਹੈਂਡਲੂਮ ਕਲੱਸਟਰ ਡਿਵੈਲਪਮੈਂਟ ਸਕੀਮ (ਸੀਐੱਚਸੀਡੀਐੱਸ)

ਹੈਂਡਲੂਮ ਵੀਵਰ’ਜ਼ ਕੰਪਰੀਹੈਨਸਿਵ ਵੈਲਫੇਅਰ ਸਕੀਮ (ਐੱਚਡਬਲਯੂਸੀਡਬਲਯੂਐੱਸ)

ਯਾਰਨ ਸਪਲਾਈ ਸਕੀਮ (ਵਾਈਐੱਸਐੱਸ)

ਉਪਰੋਕਤ ਯੋਜਨਾਵਾਂ ਤਹਿਤ ਕੱਚੇ ਮਾਲ, ਲੂਮਜ਼ ਅਤੇ ਉਪਕਰਣਾਂ ਦੀ ਖਰੀਦ, ਡਿਜ਼ਾਈਨ ਇਨੋਵੇਸ਼ਨ, ਉਤਪਾਦਾਂ ਵਿੱਚ ਵਿਭਿੰਨਤਾ, ਬੁਨਿਆਦੀ ਢਾਂਚਾ ਵਿਕਾਸ, ਹੁਨਰ ਨੂੰ ਅਪਗ੍ਰੇਡੇਸ਼ਨ, ਲਾਈਟਿੰਗ ਯੂਨਿਟਸ, ਘਰੇਲੂ ਅਤੇ ਵਿਦੇਸ਼ੀ ਬਜ਼ਾਰਾਂ ਵਿੱਚ ਹੈਂਡਲੂਮ ਉਤਪਾਦਾਂ ਦੀ ਮਾਰਕੀਟਿੰਗ, ਰਿਆਇਤਾਂ 'ਤੇ ਕਰਜ਼ਾ ਪ੍ਰਾਪਤ ਕਰਨ ਆਦਿ ਲਈ ਵਿੱਤੀ ਸਹਾਇਤਾ ਪ੍ਰਦਾਨ ਕੀਤੀ ਜਾਂਦੀ ਹੈ।

ਹੁਨਰ ਦਾ ਨਵੀਨੀਕਰਨ ਇੱਕ ਨਿਰੰਤਰ ਪ੍ਰਕਿਰਿਆ ਹੈ। ਤਕਨੀਕੀ ਖੇਤਰਾਂ ਵਿੱਚ ਹੈਂਡਲੂਮ ਕਾਮਿਆਂ ਲਈ ਜ਼ਰੂਰਤ ਅਧਾਰਿਤ ਹੁਨਰਮੰਦ ਅਪਗ੍ਰੇਡੇਸ਼ਨ ਪ੍ਰੋਗਰਾਮ. ਬੁਣਾਈ, ਰੰਗਾਈ, ਡਿਜ਼ਾਈਨਿੰਗ ਆਦਿ ਪਹਿਲਾਂ ਰਾਸ਼ਟਰੀ ਹੈਂਡਲੂਮ ਡਿਵੈਲਪਮੈਂਟ ਪ੍ਰੋਗਰਾਮ (ਐੱਨਐੱਚਡੀਪੀ), ਕੰਪਰੀਹੈਨਸਿਵ ਹੈਂਡਲੂਮ ਕਲੱਸਟਰ ਡਿਵੈਲਪਮੈਂਟ ਸਕੀਮ (ਸੀਐੱਚਸੀਡੀਐੱਸ) ਤਹਿਤ ਅਤੇ ਹੁਣ ਟੈਕਸਟਾਈਲ ਸੈਕਟਰ ਵਿੱਚ ਸਮਰੱਥਾ ਨਿਰਮਾਣ ਅਧੀਨ ਆਯੋਜਿਤ ਕੀਤੀਆਂ ਜਾਂਦੀਆਂ ਹਨ।

ਇਹ ਜਾਣਕਾਰੀ ਅੱਜ ਰਾਜ ਸਭਾ ਵਿੱਚ ਕੱਪੜਾ ਰਾਜ ਮੰਤਰੀ ਸ਼੍ਰੀਮਤੀ ਦਰਸ਼ਨ ਜਰਦੋਸ਼ ਨੇ ਇੱਕ ਲਿਖਤੀ ਜਵਾਬ ਵਿੱਚ ਦਿੱਤੀ।

*****

DJN/TFK