பணியாளர் நலன், பொதுமக்கள் குறை தீர்ப்பு மற்றும் ஓய்வூதியங்கள் அமைச்சகம்
மாற்றுத்திறனாளி இளைஞர்களுக்கான இட ஒதுக்கீடு
Posted On:
22 JUL 2021 4:27PM by PIB Chennai
நாடாளுமன்றத்தின் மாநிலங்களவையில் கேள்விகளுக்கு எழுத்துப்பூர்வமாக பதிலளித்த மத்திய அறிவியல் மற்றும் தொழில்நுட்பம் இணை அமைச்சரும் (தனிப்பொறுப்பு); புவி அறிவியல் இணை அமைச்சரும் (தனிப்பொறுப்பு); பிரதமர் அலுவலகம், பணியாளர், பொதுமக்கள் குறைகள், ஓய்வூதியம், அணு சக்தி மற்றும் விண்வெளித்துறை இணை அமைச்சருமான டாக்டர் ஜிதேந்திர சிங் கீழ்காணும் தகவல்களை அளித்தார்.
மாற்றுத்திறனாளி இளைஞர்களுக்கு இட ஒதுக்கீடு அளிப்பதற்கு மாற்றுத்திறனாளிகள் உரிமைகள் சட்டம், 2016 வழிவகை செய்கிறது. ஏ, பி மற்றும் சி பிரிவுகளில் உள்ள மொத்த காலியிடங்களில் நான்கு சதவீதம் கீழ்கண்ட முறையில் நேரடியாக நிரப்பப்பட வேண்டும்.
பார்வையின்மை மற்றும் குறைந்த அளவு பார்வை உள்ளவர்களுக்கு 1 சதவீத பணியிடங்களும், காது கேட்கும் குறைபாடு உள்ளவர்களுக்கு 1 சதவீத பணியிடங்களும், பெருமூளை வாதம், தொழு நோயில் இருந்து குணமடைந்தவர்கள், உயரம் குறைவானவர்கள், ஆசிட் தாக்குதலை எதிர்கொண்டவர்கள் மற்றும் தசைநார் தேய்வு உள்ளவர்களுக்கு 1 சதவீத பணியிடங்களும்,
மன இறுக்கம், அறிவுசார் குறைபாடு, குறிப்பிட்ட கற்றல் குறைபாடு, மனநல குறைபாடு; மற்றும் மேற்கண்டவற்றில் உள்ள ஒன்றுக்கும் மேற்பட்ட குறைபாடுகள் உள்ளவர்களுக்கு 1 சதவீத பணியிடங்களும் ஒதுக்கீடு செய்யப்பட வேண்டும்.
மேலும் விவரங்களுக்கு இந்த ஆங்கில செய்திக் குறிப்பைக் காணவும்:
https://pib.gov.in/PressReleasePage.aspx?PRID=1737741
----
(Release ID: 1737882)
Visitor Counter : 170