ਮੈਗਾ ਫੂਡ ਪਾਰਕ ਸਕੀਮ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਹਰੇਕ ਮੈਗਾ ਫੂਡ ਪਾਰਕ ਮੁਕੰਮਲ ਤੌਰ ਤੇ ਸੰਚਾਲਿਤ ਹੋਣ ਤੇ ਤਕਰੀਬਨ 5,000 ਵਿਅਕਤੀਆਂ ਲਈ ਸਿੱਧਾ ਅਤੇ ਅਸਿੱਧਾ ਰੋਜ਼ਗਾਰ ਪੈਦਾ ਕਰੇਗਾ । ਪ੍ਰਾਜੈਕਟ ਦਾ ਅਸਲ ਅੰਕੜਾ ਕਾਰੋਬਾਰੀ ਯੋਜਨਾ ਤੇ ਨਿਰਭਰ ਕਰਦਿਆਂ ਵੱਖਰਾ ਹੋ ਸਕਦਾ ਹੈ । ਮੰਤਰਾਲੇ ਨੇ ਮੈਗਾ ਫੂਡ ਪਾਰਕ ਸਕੀਮ ਤਹਿਤ ਦੇਸ਼ ਵਿੱਚ ਤਿੰਨ ਮੈਗਾ ਫੂਡ ਪਾਰਕਾਂ ਨੂੰ ਸਿਧਾਂਤਕ ਤੌਰ ਤੇ ਅਤੇ 38 ਮੈਗਾ ਫੂਡ ਪਾਰਕਾਂ ਨੂੰ ਅੰਤਿਮ ਮਨਜ਼ੂਰੀ ਦਿੱਤੀ ਹੈ ।
ਫੂਡ ਪ੍ਰੋਸੈਸਿੰਗ ਉਦਯੋਗ ਮੰਤਰਾਲਾ ਫੂਡ ਪ੍ਰੋਸੈਸਿੰਗ ਖੇਤਰ ਵਿੱਚ ਆਧੁਨਿਕ ਬੁਨਿਆਦੀ ਢਾਂਚਾ ਕਾਇਮ ਕਰਕੇ ਮੈਗਾ ਫੂਡ ਪਾਰਕ ਸਕੀਮ (ਐੱਮ ਐੱਫ ਪੀ ਐੱਸ) ਲਾਗੂ ਕਰ ਰਿਹਾ ਹੈ । ਦੇਸ਼ ਵਿੱਚ ਮੈਗਾ ਫੂਡ ਪਾਰਕ ਸਥਾਪਿਤ ਕਰਨ ਲਈ ਸਕੀਮ ਤਹਿਤ ਪ੍ਰਸਤਾਵਾਂ ਲਈ ਐਕਸਪ੍ਰੈਸ਼ਨ ਆਫ ਇੰਟਰਸਟ ਰਾਹੀਂ ਸੱਦਾ ਦਿੱਤਾ ਜਾਂਦਾ ਹੈ । ਇਹ ਸਕੀਮ ਸੂਬਾ ਜਾਂ ਖੇਤਰ ਵਿਸ਼ੇਸ਼ ਨਹੀਂ ਹੈ । ਹੁਣ ਤੱਕ ਮੰਤਰਾਲੇ ਨੇ ਹਰਿਆਣਾ ਦੇ ਸੋਨੀਪਤ ਅਤੇ ਰੋਹਤਕ ਜਿ਼ਲਿ੍ਆਂ ਵਿੱਚ ਦੋ ਮੈਗਾ ਫੂਡ ਪਾਰਕਾਂ ਨੂੰ ਮਨਜ਼ੂਰੀ ਦਿੱਤੀ ਹੈ , ਜਿਹਨਾਂ ਨੂੰ ਸੂਬਾ ਸਰਕਾਰ ਏਜੰਸੀਆਂ (ਐੱਚ ਐੱਸ ਆਈ ਆਈ ਡੀ ਸੀ ਅਤੇ ਐੱਚ ਏ ਐੱਫ ਈ ਡੀ) ਦੁਆਰਾ ਲਾਗੂ ਕੀਤਾ ਜਾ ਰਿਹਾ ਹੈ । ਹਰਿਆਣਾ ਦੇ ਚਰਖੀ ਦਾਦਰੀ ਮਹਿੰਦਰਗੜ੍ਹ ਤੇ ਭਿਵਾਨੀ ਜਿ਼ਲਿ੍ਆਂ ਵਿੱਚ ਮੈਗਾ ਫੂਡ ਪਾਰਕ ਸਥਾਪਿਤ ਕਰਨ ਲਈ ਮੰਤਰਾਲੇ ਕੋਲ ਕੋਈ ਪ੍ਰਸਤਾਵ ਨਹੀਂ ਹੈ ।

ਇਹ ਜਾਣਕਾਰੀ ਫੂਡ ਪ੍ਰੋਸੈਸਿੰਗ ਉਦਯੋਗ ਕੇਂਦਰੀ ਰਾਜ ਮੰਤਰੀ ਸ਼੍ਰੀ ਪ੍ਰਹਲਾਦ ਸਿੰਘ ਪਟੇਲ ਨੇ ਅੱਜ ਲੋਕ ਸਭਾ ਵਿੱਚ ਇੱਕ ਲਿਖਤੀ ਜਵਾਬ ਵਿੱਚ ਦਿੱਤੀ ਹੈ ।

********
 

ਏ ਪੀ ਐੱਸ / ਜੇ ਕੇ