ਸਾਰੇ ਨਵੇਂ ਅਤੇ ਮੌਜੂਦਾ ਸੂਖਮ ਅਤੇ ਛੋਟੇ ਉਦਯੋਗ, ਜੋ ਵਪਾਰਕ ਗਤੀਵਿਧੀਆਂ ਸਮੇਤ ਨਿਰਮਾਣ ਜਾਂ ਸੇਵਾਵਾਂ ਵਿੱਚ ਲੱਗੇ ਹਨ, ਕ੍ਰੈਡਿਟ ਗਰੰਟੀ ਸਕੀਮ (ਸੀਜੀਐਸ) ਦੇ ਅਧੀਨ ਸ਼ਾਮਲ ਕੀਤੇ ਜਾਣ ਦੇ ਯੋਗ ਹਨ, ਜੋ ਕ੍ਰੈਡਿਟ ਗਰੰਟੀ ਫੰਡ ਟਰੱਸਟ ਦੁਆਰਾ ਸੂਖਮ ਅਤੇ ਛੋਟੀਆਂ ਇਕਾਈਆਂ (ਸੀਜੀਟੀਐੱਮਐੱਸਈ) ਦੁਆਰਾ ਲਾਗੂ ਕੀਤੇ ਗਏ ਹਨ। ਕਿਸੇ ਯੋਗ ਪ੍ਰਸਤਾਵ ਤੋਂ ਇਨਕਾਰ ਨਹੀਂ ਕੀਤਾ ਜਾਂਦਾ। 30 ਜੂਨ, 2021 ਤੱਕ ਸੀਜੀਟੀਐੱਮਐੱਸਈ ਨੇ 53,86,739 ਗਾਰੰਟੀਆਂ ਨੂੰ ਇਕੱਤਰ ਕਰਕੇ 2,72,007 ਕਰੋੜ ਰੁਪਏ ਦੀ ਰਕਮ ਲਈ ਮਨਜ਼ੂਰੀ ਦੇ ਦਿੱਤੀ ਹੈ। ਸੀਜੀਟੀਐੱਮਐੱਸਈ ਨੇ ਦੱਸਿਆ ਹੈ ਕਿ ਵਿੱਤੀ ਸਾਲ 2021-22 ਦੀ ਪਹਿਲੀ ਤਿਮਾਹੀ ਦੌਰਾਨ ਵਿੱਤੀ ਸਾਲ 2021-22 ਬੈਂਕਾਂ ਅਤੇ ਐਨਬੀਐਫਸੀ ਦੇ ਸਬੰਧ ਵਿੱਚ ਗਰੰਟੀ ਪ੍ਰਵਾਨਗੀ ਕ੍ਰਮਵਾਰ 6,693 ਕਰੋੜ ਰੁਪਏ ਅਤੇ  6,603 ਕਰੋੜ ਰੁਪਏ ਰਹੀ ਜਦ ਕਿ ਵਿੱਤੀ ਸਾਲ 2020-21 ਦੀ ਪਹਿਲੀ ਤਿਮਾਹੀ ਦੌਰਾਨ ਇਹ ਕ੍ਰਮਵਾਰ 6,041 ਕਰੋੜ ਰੁਪਏ ਅਤੇ 2,934 ਕਰੋੜ ਰੁਪਏ ਸੀ।

ਵਿੱਤੀ ਸਾਲ 2020-21 ਦੌਰਾਨ, ਸੀਜੀਟੀਐੱਮਐੱਸਈ ਨੇ ਤੇਲੰਗਾਨਾ ਰਾਜ ਲਈ 1,408 ਕਰੋੜ ਰੁਪਏ ਦੀਆਂ 22,021 ਗਾਰੰਟੀ ਅਰਜ਼ੀਆਂ ਨੂੰ ਮਨਜ਼ੂਰੀ ਦਿੱਤੀ।

ਭਾਰਤ ਸਰਕਾਰ ਨੇ ਐੱਮਐੱਸਐੱਮਈ ਸੈਕਟਰ ਸਮੇਤ ਭਾਰਤੀ ਆਰਥਿਕਤਾ ਦੀ ਸਹਾਇਤਾ ਲਈ ਇੱਕ ਰਾਹਤ ਪੈਕੇਜ ਦਾ ਐਲਾਨ ਕੀਤਾ ਹੈ। ਇਸ ਪੈਕੇਜ ਵਿੱਚ ਕੋਵਿਡ ਪ੍ਰਭਾਵਿਤ ਸੈਕਟਰਾਂ ਲਈ 1.1 ਲੱਖ ਕਰੋੜ ਰੁਪਏ ਦੀ ਕਰਜ਼ਾ ਗਰੰਟੀ ਸਕੀਮ, ਐਮਰਜੈਂਸੀ ਕਰੈਡਿਟ ਲਾਈਨ ਗਰੰਟੀ ਯੋਜਨਾ ਲਈ 1.5 ਲੱਖ ਕਰੋੜ ਰੁਪਏ, ਸੂਖਮ ਵਿੱਤ ਸੰਸਥਾਵਾਂ ਰਾਹੀਂ ਤਕਰੀਬਨ 25 ਲੱਖ ਛੋਟੇ ਲੋਕਾਂ ਨੂੰ ਕਰਜ਼ੇ ਦੀ ਸਹੂਲਤ ਦੇਣ ਲਈ ਕ੍ਰੈਡਿਟ ਗਰੰਟੀ ਯੋਜਨਾ ਸ਼ਾਮਲ ਹਨ।

ਇਹ ਜਾਣਕਾਰੀ ਸੂਖਮ, ਲਘੂ ਅਤੇ ਦਰਮਿਆਨੇ ਉੱਦਮ ਮੰਤਰੀ ਸ੍ਰੀ ਨਰਾਇਣ ਰਾਣੇ ਨੇ ਅੱਜ ਰਾਜ ਸਭਾ ਵਿੱਚ ਇੱਕ ਲਿਖਤੀ ਜਵਾਬ ਵਿੱਚ ਦਿੱਤੀ।

*****

ਐਮਜੇਪੀਐਸ

(Release ID: 1736989) Visitor Counter : 194