ਸਿੱਖਿਆ ਰਾਜ ਮੰਤਰੀ ਸ਼੍ਰੀ ਸੰਜੇ ਧੌਤ੍ਰੇ ਨੇ ਅੱਜ ਭਾਰਤੀ ਸੂਚਨਾ ਟੈਕਨਾਲੋਜੀ ਸੰਸਥਾਨ(ਆਈਆਈਆਈਟੀ) ਸ੍ਰੀ ਸਿਟੀ ਚਿਤੂਰ ਦੀ ਕਨਵੋਕੇਸ਼ਨ ਦੌਰਾਨ ਵਿਦਿਆਰਥੀਆਂ ਨੂੰ ਵਰਚੂਅਲ ਮਾਧਿਅਮ ਰਾਹੀਂ ਸੰਬੋਧਨ ਕੀਤਾ। ਇਸ ਮੌਕੇ ਆਈਆਈਆਈਟੀ ਸ੍ਰੀਨਗਰ ਦੇ ਬੋਰਡ ਆਫ਼ ਗਵਰਨਰਜ਼ ਦੇ ਚੇਅਰਮੈਨ ਸ੍ਰੀ ਬਾਲਾਸੁਬਰਾਮਣੀਅਮ ਮੌਜੂਦ ਸਨ। ਕਨਵੋਕੇਸ਼ਨ ਦੌਰਾਨ, ਕੁੱਲ 261 ਵਿਦਿਆਰਥੀਆਂ ਵਿਚੋਂ 164 ਕੰਪਿਊਟਰ ਸਾਇੰਸ ਅਤੇ ਇੰਜੀਨੀਅਰਿੰਗ ਦੇ ਵਿਦਿਆਰਥੀਆਂ ਅਤੇ 97 ਇਲੈਕਟ੍ਰਾਨਿਕਸ ਅਤੇ ਕਮਿਊਨੀਕੇਸ਼ਨ ਇੰਜੀਨੀਅਰਿੰਗ ਦੇ ਵਿਦਿਆਰਥੀਆਂ ਨੇ ਡਿਗਰੀਆਂ ਪ੍ਰਾਪਤ ਕੀਤੀਆਂ। ਇਸ ਵਿੱਚ ਦੋਵਾਂ ਵਿਸ਼ਿਆਂ ਦੇ 28 ਆਨਰਜ਼ ਵਿਦਿਆਰਥੀ ਵੀ ਸ਼ਾਮਲ ਹਨ।

https://twitter.com/SanjayDhotreMP/status/1410119435055079425?s=20

ਸ਼੍ਰੀ ਧੌਤ੍ਰੇ ਨੇ ਕਿਹਾ ਕਿ ਰਾਸ਼ਟਰੀ ਸਿੱਖਿਆ ਨੀਤੀ 2020 ਦਾ ਉਦੇਸ਼ ਭਾਰਤ ਨੂੰ ਇੱਕ ਗਿਆਨ ਦੀ ਆਲਮੀ ਸੁਪਰ ਪਾਵਰ ਬਣਾਉਣਾ ਹੈ। ਇਹ ਵਿਦਿਆਰਥੀਆਂ ਵਿਚ ਵਿਗਿਆਨਕ ਸਮਝ, ਤਰਕਸ਼ੀਲਤਾ ਅਤੇ ਆਲੋਚਨਾਤਮਕ ਸੋਚ ਵਿਕਸਿਤ ਕਰਨ ਦੀ ਕੋਸ਼ਿਸ਼ ਹੈ ਅਤੇ ਇਹ ਸੁਨਿਸ਼ਚਿਤ ਕਰਦਾ ਹੈ ਕਿ ਇੱਕ ਮਜ਼ਬੂਤ ਚਰਿੱਤਰ ਪ੍ਰਦਰਸ਼ਤ ਕਰਦਿਆਂ, ਦੇਸ਼ ਦੀਆਂ ਮਨੁੱਖੀ ਕਦਰਾਂ-ਕੀਮਤਾਂ ਨਾਲ ਭਰਪੂਰ ਵਿਦਿਆਰਥੀਆਂ ਨੂੰ 21ਵੀਂ ਸਦੀ ਦੇ ਗਿਆਨ ਅਤੇ ਹੁਨਰ ਨਾਲ ਨਿਵਾਜਿਆ ਜਾਵੇ। ਉਨ੍ਹਾਂ ਅੱਗੇ ਕਿਹਾ ਕਿ ਸਾਡੇ ਵਿਦਿਆਰਥੀ ਨਾ ਸਿਰਫ ਚੋਟੀ ਦੇ ਦਰਜੇ ਦੇ ਵਿਦਿਆਰਥੀ ਹੋਣਗੇ, ਬਲਕਿ ਉਹ ਇਸ ਦੇਸ਼ ਅਤੇ ਵਿਸ਼ਵ ਦੇ ਚੋਟੀ ਦੇ ਦਰਜੇ ਦੇ ਨਾਗਰਿਕ ਵੀ ਹੋਣਗੇ।

ਟੈਕਨਾਲੋਜੀ ਦੀ ਮਹੱਤਤਾ ਬਾਰੇ ਬੋਲਦਿਆਂ, ਸ੍ਰੀ ਧੌਤ੍ਰੇ ਨੇ ਵਿਦਿਆਰਥੀਆਂ ਨੂੰ ਇਹ ਜਾਣਨ ਦੀ ਅਪੀਲ ਕੀਤੀ ਕਿ ਕਿਸ ਤਰ੍ਹਾਂ ਇਨ੍ਹਾਂ ਟੈਕਨਾਲੋਜੀਆਂ ਨੂੰ ਆਮ ਆਦਮੀ ਦੀਆਂ ਮੁਸ਼ਕਲਾਂ ਜਿਵੇਂ ਕਿ ਖੇਤੀ ਦੀ ਕੁਸ਼ਲਤਾ ਵਿੱਚ ਸੁਧਾਰ ਲਿਆਉਣਾ ਅਤੇ ਆਮਦਨੀ ਵਿੱਚ ਸੁਧਾਰ ਕਰਨਾ; ਊਰਜਾ ਦੀ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਵਿੱਚ, ਹਰੇਕ ਘਰ ਨੂੰ ਇੱਕ ਕੁਸ਼ਲ ਢੰਗ ਨਾਲ ਪਾਈਪ ਵਾਲੇ ਪਾਣੀ ਨੂੰ ਯਕੀਨੀ ਬਣਾਉਣ ਦੇ ਹੱਲ ਲਈ ਵਰਤਿਆ ਜਾ ਸਕਦਾ ਹੈ।

ਮੰਤਰੀ ਨੇ ਨੋਟ ਕੀਤਾ ਕਿ ਟੈਕਨਾਲੋਜੀ ਪੂਰੀ ਵਿਸ਼ਵ ਦੀ ਆਰਥਿਕਤਾ ਨੂੰ ਬਦਲਣ ਵਿੱਚ ਵੱਡੀ ਭੂਮਿਕਾ ਨਿਭਾ ਰਹੀ ਹੈ। 5 ਟ੍ਰਿਲੀਅਨ-ਡਾਲਰ ਦੀ ਆਰਥਿਕਤਾ ਦੇ ਟੀਚੇ ਨੂੰ ਪ੍ਰਾਪਤ ਕਰਨ ਲਈ ਕੰਮ ਕਰਦੇ ਹੋਏ, ਭਾਰਤ ਸਰਗਰਮੀ ਨਾਲ ਡਿਜੀਟਲ ਆਰਥਿਕਤਾ ਦੀ ਤਾਕਤ 'ਤੇ ਧਿਆਨ ਕੇਂਦ੍ਰਤ ਕਰ ਰਿਹਾ ਹੈ। ਉਨ੍ਹਾਂ ਅੱਗੇ ਕਿਹਾ ਕਿ ਇਸ ਨਵੇਂ ਭਾਰਤ ਨੂੰ ਮੁਸ਼ਕਲਾਂ ਦੇ ਤੁਰੰਤ ਹੱਲ ਪ੍ਰਦਾਨ ਕਰਨ ਲਈ ਨੌਜਵਾਨ ਟੈਕਨੋਕਰੇਟਸ ਦੀ ਲੋੜ ਹੈ। ਉਨ੍ਹਾਂ ਵਿਦਿਆਰਥੀਆਂ ਨੂੰ ਅਪੀਲ ਕੀਤੀ ਕਿ ਉਹ ਆਪਣੀ ਭੂਮਿਕਾ ਨਿਭਾਉਣ ਅਤੇ ਸਾਡੇ ਦੇਸ਼ ਨੂੰ ਡਿਜੀਟਲ ਟੈਕਨਾਲੌਜੀ ਦੇ ਹਰ ਪਹਿਲੂ ਵਿੱਚ ਵਿਸ਼ਵ ਲੀਡਰ ਬਣਾਉਣ ਵਿੱਚ ਯੋਗਦਾਨ ਪਾਉਣ।

ਸ੍ਰੀ ਬਾਲਾਸੁਬਰਾਮਨੀਅਮ ਨੇ ਕਿਹਾ, “ਪਿਛਲੇ ਇੱਕ ਦਹਾਕੇ ਦੌਰਾਨ ਭਾਰਤ ਵਿੱਚ ਤੇਜ਼ੀ ਨਾਲ ਵੱਧ ਰਹੇ 180 ਬਿਲੀਅਨ ਅਮਰੀਕੀ ਡਾਲਰ ਦੇ ਆਈਟੀ / ਆਈਟੀਈਐਸ ਉਦਯੋਗਾਂ ਦੀ ਕਮਾਲ ਦੀ ਵਾਧਾ ਦਰ ਨੇ ਭਾਰਤ ਦੀ ਵਿਗਿਆਨਕ, ਇੰਜੀਨੀਅਰਿੰਗ ਅਤੇ ਤਕਨੀਕੀ ਤਾਕਤ ਅਤੇ ਯੋਗਤਾਵਾਂ ਨੂੰ ਦਰਸਾਇਆ ਹੈ। ਦੁਨੀਆ ਦੀਆਂ ਸਭ ਤੋਂ ਉੱਤਮ ਬਹੁਕੌਮੀ ਕੰਪਨੀਆਂ ਭਾਰਤੀ ਹੁਨਰ ਦੀ ਵਰਤੋਂ ਕਰ ਰਹੀਆਂ ਹਨ ਅਤੇ ਭਾਰਤ ਵਿੱਚ ਵੱਡੇ ਖੋਜ ਅਤੇ ਵਿਕਾਸ ਹੱਬ ਸਥਾਪਤ ਕਰਨ ਲਈ ਯਤਨਸ਼ੀਲ ਹਨ। ਸਾਨੂੰ ਆਤਮਨਿਰਭਰ ਹੋਣ ਦੀ ਲੋੜ ਹੈ, ਕਿਉਂਕਿ ਆਤਮਨਿਰਭਰ ਭਾਰਤ ਨੇ ਹੁਣ ਇਸ ਵਿਸ਼ਵ ਪੱਧਰੀ ਨਵੀਨਤਾਕਾਰੀ ਪ੍ਰਤਿਭਾ ਨੂੰ ਆਪਣੇ ਵੱਲ ਮੋੜ ਲਿਆ ਹੈ, ਤਾਂ ਜੋ ਹੋਰਨਾਂ ਦੇਸ਼ਾਂ ਦੇ ਬਰਾਬਰ ਭਾਰਤੀ ਬਾਜ਼ਾਰ ਲਈ ਉਤਪਾਦਾਂ ਅਤੇ ਸੇਵਾਵਾਂ ਦੀ ਸਿਰਜਣਾ ਕੀਤੀ ਜਾ ਸਕੇ। ”  

ਡਾਇਰੈਕਟਰ ਡਾ ਜੀ ਕੰਨਾਬੀਰਨ ਨੇ ਕਿਹਾ ਕਿ “ਅਸੀਂ ਫੈਕਲਟੀ-ਵਿਦਿਆਰਥੀ ਅਨੁਪਾਤ ਵਿੱਚ ਮਹੱਤਵਪੂਰਣ ਸੁਧਾਰ ਕਰਨ, ਖੋਜ ਅਤੇ ਵਿਕਾਸ ਦੇ ਬੁਨਿਆਦੀ ਢਾਂਚੇ ਨੂੰ ਵਧਾਉਣ ਅਤੇ ਵਿਦਿਆਰਥੀ ਵਿਕਾਸ ਦੀਆਂ ਪਹਿਲਕਦਮੀਆਂ 'ਤੇ ਧਿਆਨ ਕੇਂਦਰਿਤ ਕਰਨ ਦਾ ਪ੍ਰਸਤਾਵ ਦਿੰਦੇ ਹਾਂ। ਅਸੀਂ ਆਪਣੀ ਸ਼ਕਤੀ ਦੇ ਆਪਣੇ ਮਹੱਤਵਪੂਰਨ ਖੇਤਰਾਂ ਵਿੱਚ ਔਨਲਾਈਨ ਬੀਟੈੱਕ ਪ੍ਰੋਗਰਾਮਾਂ ਅਤੇ ਹੋਰ ਨਿਰੰਤਰ ਸਿੱਖਿਆ ਪ੍ਰੋਗਰਾਮਾਂ, ਸਰਟੀਫਿਕੇਟ, ਡਿਪਲੋਮਾ ਅਤੇ ਐੱਮਟੈੱਕ ਪੱਧਰ 'ਤੇ ਨੂੰ ਸ਼ੁਰੂ ਕਰਨ ਦੀ ਯੋਜਨਾ ਬਣਾ ਰਹੇ ਹਾਂ। ਅਸੀਂ ਉਭਰ ਰਹੇ ਟੈਕਨਾਲੋਜੀ ਦੇ ਖੇਤਰਾਂ ਵਿੱਚ ਇਨ-ਹਾਊਸ ਕਾਰਪੋਰੇਟ ਸਿਖਲਾਈ, ਉੱਚ ਵਿਦੇਸ਼ੀ ਯੂਨੀਵਰਸਿਟੀਆਂ ਦੇ ਨਾਲ ਸੰਯੁਕਤ ਡਿਗਰੀ ਪ੍ਰੋਗਰਾਮਾਂ, ਅਗਲੀ ਪੀੜ੍ਹੀ ਦੇ ਵਿਦਿਆਰਥੀਆਂ ਲਈ ਆਪਣੇ ਕੈਂਪਸ ਢਾਂਚੇ ਨੂੰ ਵਧਾਉਣ ਦੀ ਯੋਜਨਾ ਵੀ ਰੱਖਦੇ ਹਾਂ। ਅਸੀਂ ਇੱਕ ਪਰਿਵਾਰ ਦੇ ਤੌਰ 'ਤੇ ਆਈਆਈਆਈਟੀ ਸ੍ਰੀ ਸਿਟੀ ਨੂੰ ਰਾਸ਼ਟਰੀ ਤੌਰ 'ਤੇ ਪ੍ਰਸੰਗਕ ਅਤੇ ਵਿਸ਼ਵਵਿਆਪੀ ਤੌਰ 'ਤੇ ਮਾਨਤਾ ਪ੍ਰਾਪਤ ਉੱਦਮ ਸੰਸਥਾ ਦੇ ਰੂਪ ਵਿੱਚ ਜਾਰੀ ਰੱਖਾਂਗੇ।

ਆਈਆਈਆਈਟੀ ਸ੍ਰੀ ਸਿਟੀ ਇਸ ਸਮੇਂ ਆਈਆਈਆਈਟੀ ਕੋਆਰਡੀਨੇਸ਼ਨ ਫੋਰਮ ਦੇ ਸਕੱਤਰੇਤ ਵਜੋਂ ਸੇਵਾ ਨਿਭਾ ਰਿਹਾ ਹੈ। ਸਕੱਤਰੇਤ ਦੁਆਰਾ ਨਿਯਮਿਤ ਮੀਟਿੰਗਾਂ ਨੂੰ ਸਮਰੱਥ ਕਰਨ ਅਤੇ ਉਹਨਾਂ ਦੇ ਤਾਲਮੇਲ ਕਰਨ ਤੋਂ ਇਲਾਵਾ, ਮੈਂਬਰ ਸੰਸਥਾਵਾਂ ਲਈ ਸਕੱਤਰੇਤ ਦੁਆਰਾ ਕੁਝ ਪ੍ਰਮੁੱਖ ਗਤੀਵਿਧੀਆਂ ਕੀਤੀਆਂ ਜਾ ਰਹੀਆਂ ਹਨ, ਜਿਸ ਵਿੱਚ ਸਨਅਤੀ ਲੀਡਰਾਂ ਨਾਲ ਫਿੱਕੀ-ਪੈਨਲ ਵਿਚਾਰ ਵਟਾਂਦਰੇ, ਈ-ਕੰਟੈਂਟ ਡਿਵੈਲਪਮੈਂਟ 'ਤੇ ਫੈਕਲਟੀ ਡਿਵੈਲਪਮੈਂਟ ਪ੍ਰੋਗਰਾਮ ਅਤੇ ਮੈਂਬਰ ਸੰਸਥਾਵਾਂ ਨੂੰ ਲਾਭ ਪਹੁੰਚਾਉਣ ਲਈ ਆਈਆਈਆਈਟੀ ਡਾਇਰੈਕਟਰਾਂ ਲਈ ਨੋਸਕੌਮ ਕਾਨਫਰੰਸ ਸ਼ਾਮਲ ਹਨ।

*****

ਕੇਪੀ / ਏਕੇ