লৈবাক অসিগী রাজ্য ১৬তা পব্লিক প্রাইভেৎ পার্তনরশিপ মোদকী খুৎথাংদা ভারত নেতকী রিভাইস ইমপ্লিমেন্তেসন স্ত্রাতিজী চৎননবা ঙসি প্রধান মন্ত্রী শ্রী নরেন্দ্র মোদীনা থৌবুরেল ওইদুনা ফমখিবা য়ুনিয়ন কেবিনেতনা অয়াবা পীখ্রে৷ গ্রাম পঞ্চয়তশিংগী মথক্তা(জি.পি.শিং)হায়রিবা রাজ্যশিং অসিদা লৈরিবা মী খুন্দারিবা খুঙ্গং পুম্নমক্তা হৌজিক্তি ভারত নেত অসি লৈহল্লগনি৷ রিভাইস স্ত্রাতিজি অসিগী মনুং চল্লিবা অদুদি কম্পিতিতিব ইন্তরনেস্নেল বিদ্দিং প্রোসেস অমনা খনগদৌরিবা কন্সেসননেয়র অদুনা ভারত নেত য়েংশিবা, শিজিন্নবা, শেমগৎ-শাগৎপা অমসুং অপগ্রেদ তৌবা অসিনি৷ মথক্তা পল্লিবা পি.পি.পি. মোদেল অসিগীদমক এপ্রুব তৌখ্রবা মেক্সিমম বাইএবিলিতী গেপ ফন্দিং অদু চাওরক্না লুপা কোতি ১৯,০৪১নি৷

ঙসি কেবিনেতনা এপ্রুব তৌখ্রবা অদুগী মনুং চল্লিবা রাজ্যশিং অদুদি কেরলা, কর্নতাকা, রাজস্থান, হিমাচল প্রদেশ, পঞ্জাব, হরিয়ানা, উত্তর প্রদেশ, মধ্য প্রদেশ, ৱেস্ত বেঙ্গল, অসাম, মেঘালয়, মনিপুর, মিজোরাম, ত্রিপুরা, নাগালেন্দ অমসুং অরুনাচল প্রদেশনি৷ জি.পি.শিং য়াওনা চাওরাক্না খুঙ্গং লাখ ৩.৬১রোম মনুং চল্লগনি৷

লৈহৌরিবা রাজ্যশিং অমসুং য়ু.তি.শিংদা মী খুন্দারিবা খুঙ্গং পুম্নমক্তা ভারত নেত লৈহন্নবসু কেবিনেতনা অয়াবা পীখ্রে৷ হায়রিবা রাজ্যশিং/য়ু.তি.শিং(লৈহৌরিবা) অসিগী ওইনা লৈরিবা মোদেলিতীশিং অদু তেলিকম্ম্যুনিকেসন দিপার্তমেন্তনা তোখায় তোখায়না পাংথোক্লগনি৷

পি.পি.পি. মোদেলনা প্রাইভেৎ সেক্তর ইফিসিয়েন্সী অসি ওপরেসন, মেন্তিনেন্স, য়ুতিলাইজেসন অমসুং রেভেন্যু জেনেরেসনগী ওইনা শিজিন্নরগনি অমসুং মোদেল অসিনা ভারত নেত অসি অথুবা মতমদা চৎনহল্লগনি হায়না থাজনরি৷ প্রি-দিফাইন্দ সর্ভিসেস লেবেল এগ্রীমেন্ত(এস.এল.এ.)গী মতুং ইন্না খল্লবা কন্সেসননেয়র (প্রাইভেৎ সেক্তর পার্তনর) অদুনা রিলাইএবল ওইরবা, হাই স্পীদ ব্রোদবেন্দ সর্ভিসেস ফংহল্লবা য়াই হায়না পানরি৷ রিলাইএবল, ক্বালিতী, হাই স্পীদ ব্রোদবেন্দগা লোইননা মী খুন্দারিবা খুঙ্গং পুম্নমক্তা ভারত নেত শন্দোকপা অসিনা তোঙান তোঙানবা কেন্দ্র অমসুং রাজ্য সরকারগী এজেন্সীশিংনা পীরিবা ই-সর্ভিসশিংগী কান্নবা ফংহল্লগনি৷ মসিদা ওনলাইন এজুকেসন তৌবা, তেলিমিদিসিন, স্কিল দিবলপমেন্ত, ই-কম্মর্স অমসুং ব্রোদবেন্দগী অতোপ্পা এপ্লিকেসনশিংসু য়াওহল্লগনি৷ মীয়ামশিং অমসুং ইন্সতিত্যুসনশিংদা ব্রোদবেন্দ কন্নেক্সন তৌবা হেনগৎহনবা, দার্ক ফাইবর য়োনবা, মোবাইল তৱারশিং ফাইবরাইজেসন তৌবা, ই-কম্মর্স য়াওনা তোঙান তোঙানবা সোর্সশিংদগী রেভেন্যু লাক্লগনি হায়না পানরি৷

খুঙ্গংগী মফমশিংদা ব্রোদবেন্দ হেনগৎহনবা অসিনা দিজিতেল এসেস্তা রুরেল-আর্বান দিবাইদ লৈরিবা অদু লৈহল্লরোই অমসুং দিজিতেল ইন্দিয়াগী এচিবমেন্ত অদু থুনা ফংহল্লগনি৷ ব্রোদবেন্দ হেনগৎলকপা অসিনা দাইরেক্ত অমসুং ইন্দাইরেক্ত এমপ্লোইমেন্ত অমসুং ইনকম হেনগৎহল্লগনি৷

ভারত নেত পি.পি.পি. মোদেলনা মখাগী কঞ্জুমর ফ্রেন্দলী ওইরবা কান্নবশিং অসি ফংহল্লগনি:

(a) কঞ্জুমরশিংগীদমক প্রাইভেৎ সেক্তর প্রোভাইদরনা ইন্নোবেতিব তেক্নোলোজী শিজিন্নরগনি;

(b) কঞ্জুমরশিংদা ক্বালিতী ৱাংবা সর্ভিস ফংহল্লগনি অমসুং সর্ভিস লেবেল লৈহল্লগনি;

(c) কঞ্জুমরশিংদা নেতৱার্ত য়াম্না থুনা দিপ্লোই তৌরগনি অমসুং কন্নেক্তিবিতী হেন্না থুনা লৈহল্লগনি;

(d) সর্ভিসশিংগীদমক কম্পিতিতিব তেরিফশিং লৈহল্লগনি;

(e) কঞ্জুমরশিংদা পীরিবা পেকেজশিংগী শরুক অমা ওইনা ওভর দি তোপ(ও.তি.তি.) সর্ভিসেস অমসুং মল্তি-মেদিয়া সর্ভিসেস য়াওনা হাই-স্পীদ ব্রোদবেন্দদা তোঙান তোঙানবা সর্ভিসশিং ফংহল্লগনি, অমসুং

(f) ওনলাইন সর্ভিস পুম্নমক শিজিন্নবা য়াহল্লগনি৷

তেলিকোমগী মসিগী ক্রিতিকেল ইনফ্রাস্ত্রকচর অসিদা পি.পি.পি. মোদেল অসি নোবেল ইনিসিয়েতিব অমনি৷ প্রাইভেৎ সেক্তর পার্তনর অসিনা ইক্বুইতী ইনবেস্তমেন্ত অমা পুরক্লগনি, কেপিতেল এক্সপেন্দিচররোমদা রিসোর্চশিং হেনগৎহল্লগনি অমসুং নেতৱার্ক ওপরেসন অমসুং মেন্তিনেন্স তৌরগনি হায়না পানরি৷ মরম অদুনা, ভারত নেতকী পি.পি.পি. মোদেল অসিনা ইফিসিয়েন্সী, সর্ভিস ক্বালিতী, কঞ্জুমর এক্সপরিয়েন্স হেনগৎহল্লগনি অমসুং দিজিতেল ইন্দিয়াগী এচিবমেন্ত থুনা ফংননবগীদমক এন্তরপ্রিনরশিপ, কেপাসিতীশিং অমসুং প্রাইভেৎ সেক্তর এক্সপর্তাইস শিজিন্নরগনি৷ মসিনা মীয়ামগী য়াম্লবা শেলশিং কনবা ঙম্লগনি৷

*****