ایک نیا غیر قیمتی دھات پر مبنی ذو فعال الیکٹروکیٹلسٹ (دو مختلف قسم کے رد عمل کو عمل انگیز کرنے کے قابل) لاگت کو کم کر سکتا ہے اور دھاتی ہوا کی بیٹریوں کی استعداد کو بڑھا سکتا ہے۔

توانائی کے مختلف وسائل کی مانگ میں اضافے کے ساتھ، دنیا بھر میں مختلف طرح کے توانائی کے آلات، جیسے لیتھیم آئن بیٹریاں، لیڈ ایسڈ بیٹریاں، ریڈوکس فلو بیٹریاں، لیتھیم ہوا بیٹریاں، زنک ہوا بیٹریاں وغیرہ تیار کرنے کی کوششیں جاری ہیں۔

ان میں، زنک ہوا بیٹریوں نے اپنی کم قیمت اور اعلی توانائی کی کثافت کی وجہ سے قابل ذکر توجہ مبذول کی ہے۔ وہ پورٹیبل الیکٹرانکس اور الیکٹرک گاڑیوں اور توانائی کا ذخیرہ کرنے والے آلات جیسے ونڈ ٹربائنز، فوٹو وولٹک پینلز، الیکٹرک گرڈ جیسے قابل تجدید توانائی جنریٹر اور استعمال کرنے والے صارفین کے درمیان توانائی کے بہاؤ کو منظم کرنے کے لیے کمپیکٹ پاور ذرائع ہیں۔ حالانکہ اس طرح کی بیٹریوں کے لیے ایک بڑا چیلنج عمل انگیز تیار کرنا ہے۔ ایک دوہرا فعال عمل انگیز بیٹری کو ڈسچارج کرتے وقت آکسیجن کم کرنے کے لیے کام کرتا ہے اور وہی عمل انگیز چارجنگ سائیکل کے دوران آکسیجن ارتقا کے عمل میں مدد کرتا ہے۔ زیادہ روایتی عمل انگیزوں کی تیاری میں نوبل دھاتیں شامل ہوتی ہیں، جس سے بیٹریاں مہنگی ہو جاتی ہیں۔

انٹرنیشنل ایڈوانسڈ ریسرچ سینٹر فار پاؤڈر میٹالرجی اینڈ نیو میٹیریلز (اے آر سی آئی)، جو حکومت ہند کے شعبہ سائنس و ٹیکنالوجی (ڈی ایس ٹی) کا ایک خود مختار تحقیقی و ترقی مرکز ہے، نے سپیک (سلفونیٹڈ پالیتھر ایتھر کیٹون) نامی پولیمر کے کاربونیشن کے ذریعہ سلفر ڈاپٹ کاربن ڈھانچے میں ٹرانزیشن میٹل آئنوں کو لنگر انداز کرکے ایک سستا الیکٹروکیٹلسٹ تیار کیا ہے۔

سائنسدانوں نے ایک آئن ایکسچینج اسٹریٹجی کا استعمال کیا ہے جو کاربن فریم ورک میں دھاتی آئنوں کو یکساں رکھتا ہے، ذرہ سائز کو محدود کرتا ہے اور منتقلی دھات کے بہت کم بوجھ پر ڈھانچے اور سائز پر کنٹرول فراہم کرتا ہے۔ اس طرح دستاویزوں میں پہلے بتائے گئے عمل انگیزوں کے مقابلے میں اس کی کم لاگت منتقلی دھات، اعلیٰ سرگرمی اور اعلیٰ استحکام کے ذریعہ حاصل کی جاتی ہے۔

یہ عمل انگیز اعلیٰ توانائی کی بچت اور مستحکم چارج ڈسچارج کی خصوصیت کے ساتھ کم وولٹیج پولرائزیشن کو بھی یقینی بناتا ہے۔ حاصل کردہ نتائج 20 فیصد یا اس سے زیادہ کی دھات لوڈنگ کے ساتھ روایتی طور پر استعمال کیے جانے والے بہترین دھات پر مبنی عمل انگیز کے ساتھ مقابلہ کے قابل تھے۔ یہ تحقیق اے سی ایس اپلائیڈ انرجی مٹیریلز میں شائع کی گئی ہے۔

                                               **************

ش ح۔ ف ش ع-ک ا   

U: 6873