କୋଇଲା ମନ୍ତ୍ରଣାଳୟ
ଖଣି ଓ ଖଣିଜ (ବିକାଶ ଓ ନିୟମାବଳି) ଅଧିନିୟମ, ୧୯୫୭ ଅଧୀନରେ ନିଲାମୀର ପ୍ରଥମ ଦଫାର ଦ୍ୱିତୀୟ ପ୍ରୟାସରେ କୁରାଲୋଇ (ଏ) ଉତ୍ତର କୋଇଲା ଖଣିର ସଫଳ ନିଲାମ
Posted On:
20 JUN 2021 10:26AM by PIB Bhubaneshwar
କୋଇଲା ମନ୍ତ୍ରଣାଳୟ କୋଇଲାର ବିକ୍ରି (ବାଣିଜ୍ୟିକ ଖନନ) ନିମନ୍ତେ ନିଲାମୀର ପ୍ରଥମ ଦଫାରେ ୩୮ କୋଇଲା ଖଣିର ନିଲାମ ପ୍ରକ୍ରିୟା ଆରମ୍ଭ କରିଥିଲା ।
ସିଏମ୍ (ଏସପି) ଅଧିନିୟମ, ୨୦୧୫ ଅଧୀନରେ ନିଲାମୀର ୧୧ତମ ଦଫା ଅନୁସାରେ ପ୍ରଥମ ପ୍ରୟାସରେ ତଥା ଏମଏମଡିଆର୍ ଅଧିନିୟମ, ୧୯୫୭ରେ ନିଲାମୀର ପ୍ରଥମ ଦଫାରେ ୩୮ କୋଇଲା ଖଣି ମଧ୍ୟରୁ ୧୯ଟିର ସଫଳତାପୂର୍ବକ ନିଲାମ କରାଯାଇଛି ।
ବଳକା ଖଣିଗୁଡ଼ିକ ମଧ୍ୟରୁ ପ୍ରଥମ ପ୍ରୟାସରେ ଏକକ ବିଡ୍ ପ୍ରାପ୍ତ କରିଥିବା ୪ କୋଇଲା ଖଣିକୁ ସମାନ ସର୍ତ୍ତ ଓ ନିୟମାବଳି ସହ କୋଇଲା ମନ୍ତ୍ରଣାଳୟ ଦ୍ୱାରା ଦ୍ୱିତୀୟ ପ୍ରୟାସରେ ପୁନଃ ନିଲାମୀ ପାଇଁ ରଖାଯାଇଥିଲା, କିନ୍ତୁ ନିଲାମୀର ପ୍ରଥମ ରଦ୍ଦ ପ୍ରୟାସରେ ପ୍ରାପ୍ତ ସର୍ବୋଚ୍ଚ ପ୍ରାରମ୍ଭିକ ଅଫରକୁ ଦ୍ୱିତୀୟ ପ୍ରୟାସ ପାଇଁ ଫ୍ଲୋର୍ ପ୍ରାଇସ୍ ରହିଥିଲା । ନିଲାମୀର ଦ୍ୱିତୀୟ ଉଦ୍ୟମରେ ଏହି ୪ଟି ଖଣି ମଧ୍ୟରୁ ଗୋଟିଏ ଖଣି କୁରାଲୋଇ (ଏ) ଉତ୍ତରକୁ ଗୋଟିଏ ବିଡ୍ ପ୍ରାପ୍ତ ହୋଇଥିଲା ଏବଂ ଏବେ ଏହାର ସଫଳତାପୂର୍ବକ ନିଲାମ କରାଯାଇଛି, ଯେଉଁଥିରେ ବେଦାନ୍ତ ଲିମିଟେଡ୍ ସଫଳ ବିଡର୍ ହୋଇପାରିଛି ।
କୁରାଲୋଇ (ଏ) ଉତ୍ତର କୋଇଲା ଖଣିର ସଫଳ ନିଲାମୀ ସହିତ, ବାଣିଜ୍ୟିକ ଖନନ ନିମନ୍ତେ ନିଲାମୀର ପ୍ରଥମ ଦଫାରେ ସଫଳ ନିଲାମ ହୋଇଥିବା ଖଣିଗୁଡ଼ିକର ମୋଟ ସଂଖ୍ୟା ଅଫରରେ ଥିବା ମୋଟ ୩୮ କୋଇଲା ଖଣି ମଧ୍ୟରୁ ୨୦ଟି ରହିଛି, ଯାହାକୁ ପ୍ରଥମ ଦଫାରେ ୫୨.୬୩ % ସଫଳତା ବୋଲି ବିବେଚନା କରାଯାଉଛି ।
ଓଡ଼ିଶାରେ ରହିଥିବା କୁରାଲୋଇ (ଏ) ଉତ୍ତରର ୮ ଏମଟିପିଏର ପିକ୍ ରେଟେଡ୍ କ୍ଷମତା (ପିଆରସି) ରହିଛି ଯାହା ପ୍ରଥମ ଦଫାରେ ସଫଳତାପୂର୍ବକ ନିଲାମ କରାଯାଇଥିବା ସମସ୍ତ ଖଣିର ପିଆରସି ଦୃଷ୍ଟିରୁ ସବୁଠୁ ବଡ଼ ଖଣି । କୁରାଲୋଇ (ଏ) ଉତ୍ତର ଖଣିରୁ ବାର୍ଷିକ ୭୬୩ କୋଟି ଟଙ୍କାର ରାଜସ୍ୱ ହାସଲ ହେବ ବୋଲି ଆଶା କରାଯାଉଛି ଏବଂ ଏହା ୧୦,୦୦୦ରୁ ଅଧିକ ଲୋକଙ୍କୁ ନିଯୁକ୍ତି ପ୍ରଦାନ କରିବ ବୋଲି ମଧ୍ୟ ଆଶା ।
SR
(Release ID: 1728877)
Visitor Counter : 210