নহারোল অমসুং শান্ন-খোৎনবগী মন্ত্রালয়
স্পোর্তস মন্ত্রী শ্রী কিরেন রিজিজুনা তোকিও ২০২০ ওলেম্পিক গেমসকিদমক তিম ইন্দিয়াগী ওফিসিয়েল কিৎ মাইখুম হাংদোকখ্রে
Posted On:
03 JUN 2021 9:15PM by PIB Imphal
জপানগী তোকিওদা ২০২১গী জুলাই ২৩দগী ওগস্ত ৮ ফাওবা পাংথোক্কদৌরিবা XXXII ওলেম্পিয়র্দ গেমসতা শরুক য়াগদৌরিবা ইন্দিয়ন কন্তিজেন্তগী সেরেমোনিয়েল অমসুং ওফিসিয়েল স্পোর্তস এতাইয়র অমা তোকিও ২০২০ ওলিম্পিক গেমস হৌগদৌরিবা নুমিৎ ৫০নি ৱাৎলিঙৈ অসিদা ইন্দিয়ন ওলিম্পিক এসোসিয়েসন্না মাইখুম হাংদোকখ্রে৷
য়ুথ এফিয়র্স অমসুং স্পোর্তসকি কেন্দ্রগী মন্ত্রী শ্রী কিরেন রিজিজুনা আই.ও.এ.গী প্রসিদেন্ত দা. নরিন্দর দ্রুব বত্রা অমসুং সেক্রেতরী জেনেরেল শ্রী রজিব মেহতানা শরুক য়াদুনা পাংথোকখিবা থৌরম অসিদা তোকিও ২০২০ ওলিম্পিক গেমসতা শরুক য়াগদৌরিবা তীম ইন্দিয়ানা শিজিন্নগদৌরিবা ওফিসিয়েল কিৎ অদু মাইখুম হাংদোকখ্রে৷
![](https://static.pib.gov.in/WriteReadData/userfiles/image/image0010CVL.jpg)
থৌরম অসিদা য়ুথ এফিয়র্স অমসুং স্পোর্তসকি সেক্রেতরী শ্রী রজিব মিত্তল, স্পোর্তস ওথোরিতি ওফ ইন্দিয়াগী দাইরেক্তর জেনেরেল শ্রী সন্দীপ প্রধান, ইন্দিয়ন কন্তিনঞ্জেন্তগী চেফ দি মিসন শ্রী বি.পি. বাইশ্য, মেম্বর ওফ পার্লিয়ামেন্ত অমসুং দিপুতি চেফ দি মিসন দা. প্রেম চান্দ ভর্ম শরুক য়াখি৷ স্পোর্তস মন্ত্রীগী রিসাইদেন্সতা পাংথোকখিবা থৌরম অসিদা ওলেম্পিক বাউন্দ এথলেতশিং বজরঙ্গ পুনিয়া, রবি কুমার, দিপক পুনিয়া, সুমিত, সীমা বিস্লা অমসুং নীরাজ চোপ্রাসু শরুক য়াখি৷
![](https://static.pib.gov.in/WriteReadData/userfiles/image/image0028NF9.jpg)
ওফিসিয়েল স্তাইলিং পার্তনর-রেমোন্দনা সেরেমোনিয়েল কিৎশিং অদু দেলিভর তৌরগনি অমসুং ওফিসিয়েল স্পোর্তস এপারেল পার্তনর-লি-নিঙ্গনা তোকিওদা চৎকদৌরিবা শান্নরোইশিং অসিগী ত্রাবেল অমসুং প্লাইং কিৎশিং য়াওনা স্পোর্তস এতাইয়র অদু সপ্লাই তৌরগনি৷ লি-নিঙ্গনা ভারতকি ফিরাল মচুশিং অদু শিজিন্নদুনা ওফিসিয়েল স্পোর্তস কিৎ অদু দিজাইন তৌখি৷ ওফিসিয়েল কিৎশিংগী দিজাইন অদু দিজাইনর শ্রীমতি ইদিত্রি গোইলদগী মতেং লৌদুনা ইন্দিয়ন ওলেম্পিক এসোসিয়েসন্না খল্লি৷
![](https://static.pib.gov.in/WriteReadData/userfiles/image/image003RK6F.jpg)
অখন্নবা থৌরম মপু ওইনা শরুক য়াদুনা, য়ুথ এফিয়র্স অমসুং স্পোর্তসকি কেন্দ্রগী মন্ত্রী শ্রী কিরেন রিজিজুনা অসুম্না ফোংদোকখ্রে, “তোকিও ওলেম্পিক গেমসকিদমক ঐখোয়না ফংলিবা মতম অসি শুপ্নতগী নুমিৎ ৫০নি খক্তা ঙাইরে৷ ইন্দিয়ন ওলেম্পিক তীমগী ওফিসিয়েল কিৎ লোঞ্চ তৌবা অসি য়াম্না মরু ওইবা এস্পেক্ত অমনি অমসুং অসিগুম্বা নুমিৎ অসিদা লোঞ্চ তৌরকপা অসি য়াম্না ৱাহন্থোক লৈ৷ অসিগুম্বা খ্বাইদগী চাওবা স্পোর্তিং ইভেন্ত অসিদা শরুক য়াননবা নিংথিনা শেম-শাদুনা লৈরি হায়না ঐনা হায়জনিংই অমসুং ঐখোয়গী প্রধান মন্ত্রীনসু অসুম্না ফোংদোকখিবা লৈখ্রে, শান্নরোইশিংনা তোকিও ওলেম্পিক অসিদা মশা-মশাগী হৈজবা অদু মপুং ফানা উৎথোকপা ঙম্নবগী লৈবাক অসিদা লৈরিবা মীয়াম্না ঐখোয়গী শান্নরোইশিং অসিবু পুক্নিং থৌগৎকদবনি৷ ইন্দিয়ন স্ক্বার্দ অসিগীদমক নুংঙাই য়াইফবা ফোংদোকপিনবা ভারত মচা পুম্নমক্তা ঐনা হায়জরি৷”
![](https://static.pib.gov.in/WriteReadData/userfiles/image/image004O9RH.jpg)
ওফিসিয়েল কিৎ মাইখুম হাংদোকপগী থৌরম অসিদা, তোকিও ওলেম্পিক গেমস অসিদা শরুক য়ানবগী মফম কনবা ঙম্লিবা শান্নরোই পুম্নমকপু ইন্দিয়ন ওলেম্পিক এসোসিয়েসনগী প্রসিদেন্ত দা. নরিন্দর দ্রুব বত্রানা থাগৎখ্রে অমসুং ভারতকি শান্নরোইশিং অসিনা তোকিও গেমস অসিদা ভারতকি মচু অহুমগী ফিরাল অসিবু ময়েক লানা পাইহন্দুনা লৈবাক অসিবু মালেম অসিগী মমাংদা চাওথোকহল্লগনি হায়বগী থাজবা অদু ফোংদোকখ্রে৷
থৌরম অসিদা থাগৎ ৱাহৈশিং ফোংদোক্লদুনা, আই.ও.এ. সেক্রেতরী জেনেরেল শ্রী রজিব মেহতানা অসুম্না ফোংদোকখ্রে, “মথং থাদা তোকিও ওলেম্পিক গেমসতা শরুক য়াননবা চৎকদৌরিবা তীম ইন্দিয়াগী প্লেইং এপারেল অমসুং সেরেমোনিয়েল অসি পাংথোকপগীদমক ঐনা শ্রী কিরেন রিজিজু জিবু থাগৎচরি৷ তীম ইন্দিয়াগী স্পোর্তস কিৎশিং মাইখুম হাংদোকপা অসিগা ইন্দিয়ন ওলেম্পিক এসোসিয়েসনগী অশানবা মীৎয়েং থম্বা ঙমখিবা ইহান-হানবা প্রসিদেন্ত-সার দোরাবজি তাতা নিংশিংবা নুমিৎ অসিগা নুমিৎ অমতদা তামিন্নখ্রে৷ “ফেন্সিংগী পুৱারিদা লৈবাক অসিগী ইহানবা হানবা ওইনা ফেন্সর সি.এ. ভাবানি দেবিনা শরুক য়াবগা লোইননা নহা ওইরিবা অমসুং এক্সপরিয়েন্স লৈরবা য়াম্না তেলেন্ত লৈরবা শান্নরোইশিং য়াওনা ঙসি ফাওবগী ওইনা লৈবাক অসিগী খ্বাইদগী ফরবা ইন্দিয়ন তীমশিং অদু ঐখোয়না থারগনি৷ তোকিও ওলেম্পিক্স অসিগীদমক শান্নরোই পুম্নমক য়াম্না কন্না ত্রেনিং তৌরি অমসুং মোতিবেত তৌরি৷ ঐখোয়গী শান্নরোইশিং অসিনা মশানাশিং অসিদা মপুং ফাবা শক্তি উৎথোক্তুনা লৈবাক অসিগী মিংচৎ পুরক্লগনি হায়না ঐনা অশা তৌরি” হায়না মহাক্নসু ফোংদোকখ্রে৷
ভারতনা তোকিও ওলেম্পিক গেমসতা অকনবা কন্তিঞ্জেন্ত অমা তারগনি অমসুং হৌজিক ফাওবদা, বোক্সিং, হোক্কী, রেস্তলিং, য়াচিং, এথলেতিক্স, আর্চরী, ইক্বেসত্রিয়ন, ফ্রেন্সিং, রোইং, সুত্তিং অমসুং তেবল তেনিস য়াওনা মশান্না ১১দগী শান্নরোইশিং ক্বালিফাইদ ওইদুনা অহেনবা দিসিপ্লিনশিংদগী এথলেতশিং মখাতানা ক্বালিফাই ওইরক্কনি হায়না থাজনরি৷
“ওলেম্পিক্সনা খাংবা-হোৎনবগী থৌনা, কা-হেন্না হৈ-শিংবা, লোঙ্গ-হোল ত্রেনিং অমসুং হার্দ ৱার্ক অদু তাকই৷ মালেম অসিনা লাইনা-লাইচৎকি চেলেঞ্জ থেংনরিবা অসিদা, তোকিও ওলেম্পিক্স অসিনা রিসাইলেন্স, পর্জবেরেন্স অমসুং কম্পেসনগী ভেল্যুশিং অসি অনৌবা লম্বী অমদা ঐখোয়দা নিংশিংহল্লি৷ আই.ও.এ.গা লোইননা ভারতকি ওলেম্পিক মংলান অদু সপোর্ত তৌবা ঙম্নবা ঐখোয়বু ইকাই খুম্নবি অমসুং খুদোংচাবা পীবি অমসুং তোকিওদা ইন্দিয়ন কন্তিঞ্জেন্তনা অনৌবা পন্থুংফমশিং য়ৌবা অদু য়েংলগনি” হায়না ইদেলৱাইস গ্রুপকি চিয়রমেন অমসুং সি.ই.ও. শ্রী রামেশ শাহনা ফোংদোকখ্রে৷
তোকিও ওলেম্পিক গেমস অসিগী ওইনদি ইদেলৱাইস অসিনা প্রিন্সিপাল স্পোন্সরনি, ইনোক্স গ্রুপনা এন্তরতেনমেন্ত পার্তনর অমসুং নিপোন পেন্তনা আই.ও.এ.গী এসোসিয়েত স্পোন্সর ওই৷ সেলিব্রেতেদ বোলিৱুদ প্লেবেক্ত সিঙ্গর অমসুং কম্পোজর মোহিত চৌহন্না পৃথিবী অসিগী খ্বাইদগী চাওবা স্পোর্তিং স্পেক্তেকল ওইরিবা তোকিও ২০২০ ওলেম্পিক গেমস অসিদা শরুক য়াগদৌরিবা ভারতকি শান্নরোইশিং অসিদা দেদিকেতেদ তৌদুনা পুক্নিং শুংহৎনিংঙাই ওইরবা ওলেম্পিক থীম ইশৈ অমা খুদোল তমদুনা থৌরম অদু লোইশিনখি৷
*****
(Release ID: 1724480)
Visitor Counter : 185