ఈ రోజు ప్రపంచ పాల దినోత్సవాన్ని పురస్కరించుకుని అపెడ మత్స్య, పశుసంవర్ధక మరియు పాడిపరిశ్రమ మంత్రిత్వ శాఖ (ఎంఎఫ్‌ఎహెచ్‌డి) సహకారంతో దేశం నుండి పాల ఉత్పత్తుల ఎగుమతుల యొక్క పూర్తి సామర్థ్యాన్ని వినియోగించుకునే అవకాశాలపై వెబ్‌నార్ మరియు ఇంటరాక్టివ్ సెషన్‌ను నిర్వహించింది.

వెబ్‌నార్‌లో ముఖ్య ఉపన్యాసం ఇస్తూ ఎంఎఫ్‌హెచ్‌డి కార్యదర్శి శ్రీ అతుల్ చతుర్వేది మాట్లాడుతూ " పాల ఉత్పత్తిలో భారతదేశం ఆత్మనిర్భర్అని, ఎగుమతులకు తగినంత మిగులు ఉత్పత్తి ఉందని అన్నారు. పాల ఉత్పత్తులలో ఉత్పత్తి మరియు ఎగుమతి వృద్ధిలో సాధించిన పురోగతిని ఆయన వివరించారు.

పాల ఉత్పత్తులకు రోగనిరోధక శక్తిని పెంచే సామర్థ్యం ఉందని ఆ మేరకు కొవిడ్‌ ఒక పాఠాన్ని అందించిందని శ్రీ చతుర్వేది పేర్కొన్నారు. నాణ్యమైన ఉత్పత్తికి ఏ ధరనైనా చెల్లించడానికి సిద్ధంగా ఉన్న తరగతికి సముచిత ఉత్పత్తుల అవసరం చాలా ఉంది. పాడి అభివృద్ధికి జాతీయ కార్యక్రమం, జాతీయ పశువుల మిషన్, పశువుల ఆరోగ్యం మరియు వ్యాధుల నియంత్రణ మరియు పశుసంవర్ధక మౌలిక సదుపాయాల అభివృద్ధి నిధి వంటి పశుసంవర్ధక మరియు పాడిపరిశ్రమ శాఖ యొక్క పథకాలు మరియు కార్యక్రమాల గురించి ఆయన ప్రస్తావించారు.

టీకా ద్వారా పశువుల జనాభా ఆరోగ్య అవసరాలపై నొక్కిచెప్పిన శ్రీ చతుర్వేది జంతు వ్యాధి నియంత్రణ కార్యక్రమాన్ని గౌరవనీయ ప్రధానమంత్రి నరేంద్ర మోదీ కేంద్ర రంగాల పథకం కింద ప్రారంభించినట్లు గుర్తుచేశారు. "2025 నాటికి టీకా ద్వారా..2030 నాటికి టీకా లేకుండా పాదం మరియు నోటి వ్యాధుల నుండి భారతదేశాన్ని విముక్తి కలిగించే  కార్యక్రమాలతో మనం లక్ష్యాన్ని సాధిస్తాము" అని వెబ్‌నార్‌లో ఆయన అన్నారు.

నాణ్యమైన పశుగ్రాసం లభ్యమయ్యేలా చూడటం మరియు పశుధార్ ద్వారా పశువుల పోషణ కోసం జంతువులను గుర్తించడం కోసం ఆత్మ నిర్భర్ భారత్ అభియాన్ ఆధ్వర్యంలో పశుసంవర్ధక మౌలిక సదుపాయాల అభివృద్ధి నిధి (ఎహెచ్‌ఐడిఎఫ్‌) కింద మౌలిక సదుపాయాలను అభివృద్ధి చేయడానికి ఎంఎఫ్‌ఎహెచ్‌డి పథకాన్ని కలిగి ఉంది. పాడి ప్రాసెసింగ్ మరియు విలువ అదనంగా మౌలిక సదుపాయాలు మరియు యానిమల్ ఫీడ్ ప్లాంట్‌ను స్థాపించడానికి వ్యక్తిగత పారిశ్రామికవేత్తలు, ప్రైవేట్ సంస్థలు, ఎంఎస్‌ఎంఇ, రైతు ఉత్పత్తిదారుల సంస్థలు (ఎఫ్‌పిఓలు) మరియు సంస్థలు పెట్టుబడుల ప్రోత్సాహానికి అనేక ప్రోత్సాహకాలు అందిస్తున్నాయి.

పాడి ఎగుమతిదారులు ఎదుర్కొంటున్న సమస్యల పరిష్కారానికి చర్యలు తీసుకుంటున్నట్లు ఎంఎఫ్‌హెచ్‌డి జాయింట్ సెక్రటరీ డాక్టర్ వర్షా జోషి చెప్పారు. పాడి వ్యవస్థాపకులకు మద్దతుగా ఇన్వెస్ట్‌మెంట్ ప్రమోషన్ డెస్క్ ఏర్పాటు చేసినట్లు ఆమె తెలిపారు. పాల ఉత్పత్తులను ప్రోత్సహించడానికి మరియు అపెడ సహకారంతో మార్కెట్ ప్రమోషన్ అవసరమని ఆమె పేర్కొన్నారు.

పాల ఉత్పత్తులను ప్రపంచ గమ్యస్థానాలకు నేరుగా ఎగుమతి చేయడానికి ఎఫ్‌పిఓలు, పాడి రైతులు లేదా సహకార సంస్థలను ప్రోత్సహించాల్సిన సమయం ఆసన్నమైందని ఎపిఎడిఎ చైర్మన్ డాక్టర్ ఎం. అంగముత్తు అన్నారు. నేషనల్ డెయిరీ డెవలప్‌మెంట్ బోర్డు ఎగ్జిక్యూటివ్ డైరెక్టర్ శ్రీ మీనేష్ సి షా కూడా భారతదేశంలో పాల రంగంపై తమ అభిప్రాయాలను పంచుకున్నారు.

ఎగుమతిదారుల తరఫున అముల్‌ అని కూడా పిలువబడే గుజరాత్ కోఆపరేటివ్ మిల్క్ మార్కెటింగ్ ఫెడరేషన్ (జిసిఎంఎమ్ఎఫ్) మేనేజింగ్ డైరెక్టర్ డాక్టర్ ఆర్ఎస్ సోధి మాట్లాడుతూ చైనా, ఇయు, దక్షిణాఫ్రికా మరియు మెక్సికో వంటి దేశాలకు ఎగుమతుల్లో ఎదురవుతున్న అవరోధాలను పంచుకున్నారు. సార్క్ మరియు పొరుగు దేశాలైన బంగ్లాదేశ్ (35%) మరియు పాకిస్తాన్ (45%) అధిక దిగుమతి సుంకం విధుస్తున్నాయన్నారు. ప్రధాన దిగుమతి దేశాలు భారతదేశం నుండి పాల ఉత్పత్తులపై ఎక్కువ దిగుమతి సుంకాన్ని విధించాయని సోధి వివరించారు.

 

****