ਆਯੁਸ਼ ਮੰਤਰਾਲੇ ਨੇ ਵੀਰਵਾਰ ਨੂੰ ਆਪਣੇ ਆਯੁਸ਼ ਕਲੀਨਿਕਲ ਕੇਸ ਰਿਪੋਜ਼ਟਰੀ (ਏਸੀਸੀਆਰ) ਪੋਰਟਲ ਅਤੇ ਆਯੁਸ਼ ਸੰਜੀਵਾਨੀ ਐਪ ਦੇ ਤੀਜੇ ਸੰਸਕਰਣ ਨੂੰ ਇਕ ਵਰਚੁਅਲ ਪ੍ਰੋਗਰਾਮ ਵਿਚ ਲਾਂਚ ਕਰਦਿਆਂ ਇਕ ਹੋਰ ਮੀਲ ਪੱਥਰ ਸਥਾਪਤ ਕੀਤਾ। ਯੁਵਾ ਮਾਮਲਿਆਂ ਅਤੇ ਖੇਡਾਂ ਬਾਰੇ ਰਾਜ ਮੰਤਰੀ (ਸੁਤੰਤਰ ਚਾਰਜ) ਅਤੇ ਆਯੁਸ਼ ਦੇ ਰਾਜ ਮੰਤਰੀ ਸ਼੍ਰੀ ਕਿਰੇਨ ਰਿਜਿਜੂ ਨੇ ਪੋਰਟਲ ਦੇ ਨਾਲ ਨਾਲ ਸੰਜੀਵਨੀ ਐਪ ਦਾ ਨਵਾਂ ਸੰਸਕਰਣ ਲਾਂਚ ਕੀਤਾ।  

ਆਯੁਸ਼ ਮੰਤਰੀ ਨੇ ਇਸ ਸਮਾਗਮ ਨੂੰ ਇਤਿਹਾਸਕ ਅਤੇ ਬਹੁਤ ਮਹੱਤਵ ਦੇ ਤੌਰ ਤੇ ਚਿੰਨ੍ਹਤ ਕੀਤਾ। ਇਹ ਦੱਸਦੇ ਹੋਏ ਕਿ ਆਯੁਸ਼ ਧਾਰਾਵਾਂ ਬਹੁਤ ਜ਼ਿਆਦਾ ਵਿਗਿਆਨਕ ਹਨ, ਸ਼੍ਰੀ ਰਿਜਿਜੂ ਨੇ ਜ਼ੋਰ ਦੇ ਕੇ ਕਿਹਾ ਕਿ ਸਫਲ ਕਲੀਨਿਕਲ ਕੇਸਾਂ ਦਾ ਇਹ ਏਸੀਸੀਆਰ ਪੋਰਟਲ ਅਤੇ ਸੰਜੀਵਨੀ ਐਪ ਮਹੱਤਵਪੂਰਨ  ਕਦਮ ਸਾਬਤ ਹੋਵੇਗੀ  ਅਤੇ ਭਾਰਤ ਦੀਆਂ ਰਵਾਇਤੀ ਦਵਾਈ ਪ੍ਰਣਾਲੀਆਂ ਦੇ ਯੋਗਦਾਨ ਨੂੰ ਘੱਟ ਦੱਸਣ ਵਾਲੀਆਂ ਨਕਾਰਾਤਮਕ ਅਵਾਜ਼ਾਂ ਨੂੰ ਖਤਮ ਕਰਨ ਲਈ ਕੰਮ ਕਰੇਗੀ। ਆਯੁਸ਼  ਮੰਤਰਾਲੇ ਦੇ ਕੰਮ ਦੀ ਸ਼ਲਾਘਾ ਕਰਦਿਆਂ ਮੰਤਰੀ ਨੇ ਕਿਹਾ ਕਿ ਆਯੁਸ਼ ਨੂੰ ਚਾਹੀਦਾ ਹੈ ਕਿ ਇਸ ਤੇਜ਼ੀ ਨਾਲ ਬਦਲ ਰਹੇ ਵਿਸ਼ਵ ਵਿੱਚ ਮੌਜੂਦਾ ਟੈਕਨੋਲੋਜੀ ਨਾਲ ਆਪਣੀ ਰਫਤਾਰ ਨੂੰ ਅੱਗੇ ਵਧਾਉਣਾ ਚਾਹੀਦਾ ਹੈ। ਭਾਰਤ ਦੀਆਂ ਸਾਰੀਆਂ ਅਮੀਰ ਅਤੇ ਵਿਗਿਆਨਕ ਸਿਹਤ ਪਰੰਪਰਾਵਾਂ ਨੂੰ ਆਈਟੀ ਦੀਆਂ ਸੰਭਾਵਨਾਵਾਂ ਅਤੇ ਪੇਸ਼ਕਸ਼ਾਂ ਦਾ ਲਾਭ ਉਠਾਉਣ ਹੋਵੇਗਾ। ਉਨ੍ਹਾਂ ਕਿਹਾ ਕਿ ਮਹਾਮਾਰੀ ਵਿੱਚ ਆਯੁਸ਼ ਵੱਲੋਂ ਦਿੱਤਾ ਗਿਆ ਯੋਗਦਾਨ ਬਹੁਤ ਵੱਡਾ ਹੈ ਅਤੇ ਚੱਲ ਰਹੇ ਕਾਰਜ ਆਤਮਨਿਰਭਰ ਭਾਰਤ ਵਿੱਚ ਬਹੁਤ ਵੱਡਾ ਯੋਗਦਾਨ ਪਾਉਣਗੇ। ਉਨ੍ਹਾਂ ਇਹ ਵੀ ਚੇਤੇ ਦਿਵਾਇਆ ਕਿ ਅੱਜ ਦੇ ਪੋਰਟਲ ਦੀ ਲਾਂਚਿੰਗ ਮਾਣਯੋਗ ਪ੍ਰਧਾਨ ਮੰਤਰੀ ਵੱਲੋਂ ਕੁਝ ਸਾਲ ਪਹਿਲਾਂ ਲਾਂਚ ਕੀਤੇ ਗਏ ਨਮਸਤੇ ਪੋਰਟਲ ਦੇ ਉਦਘਾਟਨ ਤੋਂ ਬਾਅਦ ਇਕ ਹੋਰ ਲੈਂਡਮਾਰਕ ਹੈ। 

ਮੰਤਰੀ ਨੇ ਇਹ ਵੀ ਕਿਹਾ ਕਿ ਆਯੁਰਵੈਦ ਬਨਾਮ ਐਲੋਪੈਥੀ ਬਾਰੇ ਮੌਜੂਦਾ ਬਹਿਸ ਮੀਡੀਆ ਦੇ ਇਕ ਹਿੱਸੇ ਵੱਲੋਂ ਵਧਾਈ ਗਈ ਹੈ ਅਤੇ ਇਹ ਪੂਰੀ ਤਰ੍ਹਾਂ ਬੇਬੁਨਿਆਦ ਅਤੇ ਬੇਲੋੜੀ ਹੈ।

ਇਸ ਮੌਕੇ ਆਯੁਸ਼ ਸਕੱਤਰ ਵੈਦ ਰਾਜੇਸ਼ ਕੋਟੇਚਾ ਨੇ ਕਿਹਾ ਕਿ ਰਿਪੋਜ਼ਟਰੀ ਅਤੇ ਸੰਜੀਵਨੀ ਐਪ ਦਾ ਅਪਗ੍ਰੇਡ ਕੀਤਾ ਗਿਆ ਸੰਸਕਰਣ ਹੋਰ ਵਿਸ਼ਾਲ ਡਿਜੀਟਲ ਸਿਹਤ ਮਿਸ਼ਨ ਦਾ ਇਕ ਹਿੱਸਾ ਹੈ। ਸਕੱਤਰ ਨੇ ਦੁਹਰਾਇਆ, “ਇਸ ਰਿਪੋਜ਼ਟਰੀ ਅਤੇ ਐਪ ਦੀ ਮਦਦ ਨਾਲ ਆਯੁਸ਼ ਇਸ ਗੱਲ ਦੇ ਯੋਗ ਹੋ ਜਾਵੇਗਾ ਕਿ ਇਹ ਆਯੁਸ਼ 64, ਕਾਬਾਸੂਰਾ ਕੁਦਾਨੀਰ ਆਦਿ ਉੱਤੇ ਵਿਗਿਆਨਕ ਕੰਮ ਨੂੰ ਹੋਰ ਅੱਗੇ ਵਧਾ ਸਕੇ। ।

ਆਯੁਸ਼ ਕਲੀਨਿਕਲ ਰਿਪੋਜ਼ਟਰੀ (ਏਸੀਸੀਆਰ) ਪੋਰਟਲ (https://accr.ayush.gov.in/) ਆਯੁਸ਼ ਪ੍ਰੈਕਟੀਸ਼ਨਰਾਂ ਅਤੇ ਆਮ ਜਨਤਾ ਦੋਵਾਂ ਨੂੰ ਸਹਾਇਤਾ ਦੇਣ ਲਈ ਇੱਕ ਪਲੇਟਫਾਰਮ ਵਜੋਂ ਕੰਮ ਕਰੇਗਾ। 

ਏਸੀਸੀਆਰ ਪੋਰਟਲ ਦੀ ਮਹੱਤਤਾ ਦੀ ਵਿਆਖਿਆ ਕਰਦਿਆਂ ਕੇਰਲ ਦੇ ਅਮ੍ਰਿਤਾਪੂਰੀ ਦੇ ਅਮ੍ਰਿਤਾ ਸਕੂਲ ਆਫ ਆਯੁਰਵੈਦ ਦੇ ਖੋਜ ਨਿਰਦੇਸ਼ਕ ਡਾ. ਪੀ ਰਾਮ ਮਨੋਹਰ ਨੇ ਕਿਹਾ ਕਿ ਇਹ ਪੋਰਟਲ ਡਾਟਾ ਮਾਈਨਿੰਗ ਵਿਚ ਬਹੁਤ ਮਦਦ ਕਰੇਗਾ ਅਤੇ ਇਹ ਪਹਿਲੀ ਵਾਰ ਹੋਵੇਗਾ ਕਿ ਸਾਨੂੰ ਪਤਾ ਚੱਲੇਗਾ ਕਿ ਆਯੁਸ਼ ਪ੍ਰੈਕਟੀਸ਼ਨਰਾਂ ਨੇ ਵਾਸਤਵ ਵਿੱਚ ਕਿਵੇਂ ਕੋਵਿਡ -19 ਮਹਾਮਾਰੀ ਦਾ ਜਵਾਬ ਦਿੱਤਾ ਹੈ।  ਇਹ ਬਿਮਾਰੀ ਦੀਆਂ ਵੱਖ ਵੱਖ ਸਥਿਤੀਆਂ ਦੇ ਇਲਾਜ ਲਈ ਆਯੁਸ਼ ਪ੍ਰਣਾਲੀਆਂ ਦੀਆਂ ਸ਼ਕਤੀਆਂ ਦਾ ਦਸਤਾਵੇਜ਼ ਪੇਸ਼ ਕਰੇਗੀ।  

ਵਿਸ਼ਵ ਸਿਹਤ ਸੰਗਠਨ ਦੇ ਮੁੱਖ ਦਫਤਰ ਵਿਖੇ ਆਯੁਸ਼ ਮੰਤਰਾਲੇ ਦੀ ਤਰਫੋਂ ਰਵਾਇਤੀ ਮੈਡੀਸਨ ਯੂਨਿਟ ਵਿੱਚ ਤਕਨੀਕੀ ਅਧਿਕਾਰੀ ਵਜੋਂ ਕੰਮ ਕਰਦਿਆਂ ਡਾ. ਜੀ. ਗੀਤਾ ਕ੍ਰਿਸ਼ਨਨ ਨੇ ਆਯੁਸ਼ ਸੰਜੀਵਾਨੀ ਐਪ ਦੇ ਇਸ ਤੀਜੇ ਸੰਸਕਰਣ ਦੇ ਦੋ  ਪਹਿਲੂਆਂ ਨੂੰ ਅੰਡਰ ਸਕੋਰ ਕੀਤਾ ਕਿਉਂਜੋ ਦੋਵੇਂ ਪ੍ਰੈਕਟੀਸ਼ਨਰ ਅਤੇ ਆਮ ਲੋਕ ਇਸਦੀ ਵਰਤੋਂ ਕਰਨ ਅਤੇ ਇਸ ਰਾਹੀਂ ਯੋਗਦਾਨ ਪਾਉਣ ਦੇ ਯੋਗ ਹੋਣਗੇ। ਉਨ੍ਹਾਂ ਕਿਹਾ ਕਿ ਐਪ ਆਯੁਸ਼ ਦੀ ਇਸ ਰਾਹੀਂ ਪ੍ਰਾਪਤ ਕੀਤੀ ਵਿਗਿਆਨਕ ਤਾਰੀਖ ਦੀ ਵਰਤੋਂ ਕਰਦਿਆਂ ਆਪਣੇ ਆਪ ਨੂੰ ਵਧੇਰੇ ਹਮਲਾਵਰ ਢੰਗ ਨਾਲ ਪੇਸ਼ ਕਰਨ ਵਿਚ ਸਹਾਇਤਾ ਕਰੇਗੀ। ਇਹ ਧਿਆਨ ਦੇਣ ਯੋਗ ਗੱਲ ਹੈ ਕਿ ਇਹ ਸੰਸਕਰਣ ਚੋਣਵੀਆਂ  ਆਯੁਸ਼ ਦਖਲਅੰਦਾਜ਼ਾਂ, ਜਿਨ੍ਹਾਂ ਵਿੱਚ ਗ਼ੈਰਲੱਛਣਾ ਵਾਲੇ, ਹਲਕੇ ਤੋਂ ਦਰਮਿਆਨੇ ਕੋਵਿਡ-19 ਮਰੀਜ਼ਾਂ ਦੇ ਪ੍ਰਬੰਧਨ ਵਿੱਚ ਆਯੁਸ਼ 64 ਅਤੇ ਕਾਬਾਸੂਰਾ ਕੁਦੀਨੀਰ ਦਵਾਈਆਂ ਦੀ ਪ੍ਰਭਾਵਸ਼ੀਲਤਾ ਵੀ ਸ਼ਾਮਲ ਹੈ, ਸੰਬੰਧੀ ਮਹੱਤਵਪੂਰਣ ਅਧਿਐਨ ਕਰਨ / ਦਸਤਾਵੇਜ਼ ਤਿਆਰ ਕਰਨ ਦੀ ਸਹੂਲਤ ਦਿੰਦਾ ਹੈ। 

 ------------------------------- 

 ਐਮ ਵੀ/ਐਸ ਕੇ