ਸ਼੍ਰੀਕਾਕੂਲਮ ਦੇ ਜ਼ਿਲ੍ਹਾ ਕੁਲੈਕਟਰ ਸ੍ਰੀ ਜੇ ਨਿਵਾਸ ਦੀ ਬੇਨਤੀ ਦੇ ਅਧਾਰ ਤੇ, ਭਾਰਤੀ ਜਲ ਸੈਨਾ ਨੇ  25  ਮਈ 21 ਨੂੰ ਪਲਾਸਾ ਕੋਵਿਡ ਕੇਅਰ ਸੈਂਟਰ ਨੂੰ 'ਆਕਸੀਜਨ ਆਨ ਵਹੀਲਜ਼' ਪਲਾਂਟ ਉਪਲਬਧ ਕਰਵਾਇਆ। ਨੇਵਲ ਡੋਕਯਾਰਡ ਵੱਲੋਂ ਡਿਜ਼ਾਇਨ ਕੀਤੇ ਗਏ 'ਆਕਸੀਜਨ ਆਨ ਵਹੀਲਜ਼' ਦਾ ਰਸਮੀ ਤੌਰ ਤੇ ਉਦਘਾਟਨ ਮਾਣਯੋਗ ਪਸ਼ੂਪਾਲਣ, ਡੇਅਰੀ ਵਿਕਾਸ ਅਤੇ ਮੱਛੀਪਾਲਣ ਮੰਤਰੀ ਸ਼੍ਰੀ ਸੀਦੀਰੀ ਅੱਪਾਲਾਰਾਜੁ ਨੇ ਪਲਾਸਾ ਕੋਵਿਡ ਕੇਅਰ ਸੈਂਟਰ ਵਿਖੇ ਸਬ ਕੁਲੈਕਟਰ ਸ਼੍ਰੀ ਸੂਰਜ ਗਨੌਰ ਅਤੇ ਜਲ ਸੈਨਾ ਦੀ ਟੀਮ ਦੀ ਹਾਜ਼ਰੀ ਵਿੱਚ ਕੀਤਾ। 

'ਆਕਸੀਜਨ ਆਨ ਵਹੀਲਜ਼' ਪਲਾਸਾ ਦੇ ਕੋਵਿਡ ਹੈਲਥ ਕੇਅਰ ਸੈਂਟਰ ਵਿਚ ਨੇਵਲ ਡੋਕਯਾਰਡ, ਵਿਸ਼ਾਖਾਪਟਨਮ ਦੇ ਮਾਹਰਾਂ ਦੀ ਟੀਮ ਵੱਲੋਂ ਆਕਸੀਜਨ ਪਾਈਪ ਲਾਈਨ ਨਾਲ ਜੋੜੀ ਗਈ ਹੈ ਅਤੇ ਇਹ ਹਸਪਤਾਲ ਵਿਚ ਦਾਖਲ 12 ਮਰੀਜ਼ਾਂ ਨੂੰ 24 ਘੰਟੇ ਆਕਸੀਜਨ ਉਪਲਬਧ ਕਰਵਾਉਂਦੀ ਹੈ। ਟੀਮ ਨੇ ਹਸਪਤਾਲ ਦੇ ਅਮਲੇ ਨੂੰ ਪਲਾਂਟ ਦੇ ਸੰਚਾਲਨ ਲਈ ਸਿਖਲਾਈ ਵੀ ਦਿੱਤੀ ਹੈ।

'ਆਕਸੀਜਨ ਆਨ ਵਹੀਲਜ਼' ਨੇਵਲ ਡਾਕਯਾਰਡ ਵੱਲੋਂ ਸ਼ੁਰੂ ਕੀਤੀ ਗਈ ਇਕ ਵਿਲੱਖਣ ਪਹਿਲ ਹੈ ਜਿਸ ਵਿਚ ਇਕ ਪੀਐਸਏ ਆਕਸੀਜਨ ਪਲਾਂਟ ਦੂਰ-ਦੁਰਾਡੇ ਦੇ ਹਸਪਤਾਲਾਂ ਦੀ ਸੇਵਾ ਲਈ ਇਕ ਮੋਬਾਈਲ ਪਲੇਟਫਾਰਮ 'ਤੇ ਏਕੀਕ੍ਰਿਤ ਕੀਤਾ ਗਿਆ ਸੀ ਅਤੇ ਵਿਸ਼ਾਖਾਪਟਨਮ ਵਿਖੇ ਰਸਮੀ ਤੌਰ' ਤੇ ਵਾਈਸ ਐਡਮਿਰਲ ਏਬੀ ਸਿੰਘ, ਫਲੈਗ ਆਫ਼ਿਸਰ ਕਮਾਂਡਿੰਗ-ਇਨ-ਚੀਫ਼, ਈਐਨਸੀ ਨੇ 20 ਮਈ 21 ਨੂੰ ਲਾਂਚ ਕੀਤਾ ਸੀ। 

------------------------------ 

 ਏ ਬੀ ਬੀ ਬੀ /ਸੀ ਜੀ ਆਰ /ਵੀ ਐਮ/ਐਮ ਐਸ