কঞ্জ্যুমর এফিয়র্স, ফুদ অমসুং পব্লিক দিস্ত্রিব্যুসন; রেলৱেজ অমসুং কম্মর্স অমসুং ইন্দস্ত্রী মন্ত্রী, শ্রী পিয়ুশ গোয়ালনা ওফিসিএলশিংদা রাজ্য/য়ু.তি.শিংদা তঙাই ফদবা পোৎলশিংগী মমলশিং নীংথিনা য়েংশিন্নবা খঙহনখ্রে। মন্ত্রীনা কঞ্জ্যুমর এফিয়র্স বিভাগকী ওফিসিএলশিংদা পোৎলমশিংগী মমল খঙহেন হেনগৎপা থিংনবা অমসুং লেংদনা লৈহন্নবগীদমক্তা মরী লৈনবা পোত্থোকশিংগী মতিক চাবা মশিং থম্নবা খঙহনখ্রে।

কোবিদ ইরাংগী খুদোংচাবা লৌদুনা মিল চলায়বা, হোলসেল্লর নত্ত্রগা রিতেল্লরনচিংবনা করিগুম্বা পোত্থোক হেন্না পৈশিল্লবদি, রাজ্যশিংনা প্রোভিজন ওফ ইসেন্সিএল কম্মোদিতিজ এক্ত চৎনহনগনি হায়না কেন্দ্র মন্ত্রীনা হায়খ্রে।

কেন্দ্র মন্ত্রীনা রাজ্য/য়ু.তি.শিংদা তঙাই ফদবা পোৎলমশিংগী মমল হেনগৎহন্দনবা অমসুং লেংদনা লৈহন্নবা কাংলোনশিং য়েংশিনখিবনি।

কঞ্জ্যুমর বিভাগনা রাজ্য/য়ু.তি. ৩৪গী সেন্তর ১৫৭তগী মমলগী দেতাশিং খোমজিল্লি হায়বসি নীংশিংবা য়াই। রাজ্য/য়ু.তি.শিংনা তঙাই ফদবা পোত্থোক ২২, মরু ওইনা হৱাই, থাউ-থোকপা মরু, হেঞ্জাং-নাপী অমসুং শঙ্গোমগী মমলশিং য়েংশিনবগা লোয়ননা হায়রিবা পোত্থোকশিং অসিবু কঞ্জ্যুমরশিংদা অহোঙবা মমলদা ফংহনবা ঙম্নবগীদমক্তা মখোয়গী মমলদা কাংলোন কায়না হেনগৎলকপা হৌবগী মতাংশিং য়েংশিন্দুনা মতম চাবা থবক পায়খৎকদবনি।

কঞ্জ্যুমর এফিয়র্স বিভাগকী সেক্রেতরীনা রাজ্যশিংগী প্রিন্সিপাল সেক্রেতরীশিংগা তঙাই ফদবা পোৎলমশিংবু অহোঙবা মমলদা থমদুনা লেংদনা লৈহনবগী তঙাই ফদবশিং খন্ননবগীদমক্তা ঙরাংসু মীফম অমা ফমখ্রবনি হায়বসি পনবা য়াবা ৱাফম্নি। দি.ও.সি.এ.না মিল চলায়বা, লল্লোন ইতিক তৌবা, ইম্পোর্তরনচিংবা স্তোক থম্বা মীওইশিংদা মখোয়দা লৈরিবা হৱাইগী স্তোক খঙহন্নবা অমসুং মসিবু রাজ্য/য়ু.তি.শিংনা অচুম অরান য়েংথোক্নবা ৱাফমসু হায়খ্রবনি।

কম্মর্স মন্ত্রালয়না হৱাই য়েন্থোকপদা লাইহন্নবগীদমক্তা মসিগী ইম্পোর্ত পোলিসীসু হন্দক্তা হোংদোকখ্রবনি। মরী লৈনবশিংনা তঙাই ফদবা পোত্থোকশিংবু মতম অমত্তদা অৱাৎপা লৈহন্দনবা মাংজৌননা থৌরাং য়াত্তুনা থম্নবা ৱাফম মন্ত্রীনা ফোংদোকখি।

রাজ্য/য়ু.তি.শিংনা হৱাইগী মমলবু চয়োল খুদিংগী য়েংশিন্নবসু হায়খ্রে। মিল চলায়বা, হোলশেলদা পোৎ য়োনবা, ইম্পোর্তরনচিংবশিংগী অকুপ্পা ৱারোল অমসুং মখোয়দা লৈরিবা হৱাইগী চাং মেনশিন্নবা ওনলাইন দেতাশীৎ অমসু মখোয়দা শিন্নখ্রে। হৱাই পুথোক্লিবা রাজ্যশিং/য়ু.তি.শিংদা পোত্থোক লৈশিনবগী থবক হৌনবসু খঙহনখ্রে মরমদি তুং কোইনা পোত্থোক লৈশিনবগী থৌওংনা লৌমীশিংনা হৱাইবু মতম শাংনা থানবগীদমক্তা থৌগৎকনি।

****