কোবিদ-১৯গী লাইচৎনা শোকহল্লবা অঙাংশিংদা সাইকোলোজিকেল ফর্স্ত এদ অমসুং ৱাখলগী তেংবাং পীবগী পান্দম থম্বা, নেস্নেল কম্মিসন ফোর প্রোতেক্সন ওফ চাইল্দ রাইৎস (এন.সি.পি.সি.আর.)না কোবিদ-১৯গী লাইচৎ মনুংদা অশোকপা নঙলবা অঙাংশিংদা সাইকো-সোসিএল মেন্তেল সপ্পোর্ত পীনবা হৌদোকখিবা তোল ফ্রী হেল্পলাইন- সমভেদনা (সেন্সিতাইজিং এক্সন ওন মেন্তেল হেল্থ ভলনরেবিলিতী থ্রু ইমোস্নেল দিভেলপমেন্ত অমসুং নেসেসরী এক্সেপতেন্স)কী খুত্থাংদা অঙাংশিংদা তেলে-কাউন্সেল্লিং পীরি। হায়রিবা খোঙথাং অসিদা অসি নিমহান্সকী চাইল্দ অমসুং এদোলসসেন্ত সাইক্যাত্রীগী প্রোফেসর, দাঃ শেখর সেশাদ্রী অমসুং মহাক্কী কাঙবুগী মখাদা ত্রেন তৌরবা মতিক চারবা অখঙ-অহৈ/কাউন্সেল্লর/সাইকোলোজিস্তশিংনা তোঙান-তোঙানবা তেলে-কাউন্সেল্লিংগী পাম্বৈ শিজিন্নদুনা কোবিদ-১৯গা মরী লৈনবা তোঙানবা সাইকোলোজিকেল ওইবা শিংনবশিংগী মতাংদা তেলে-কাউন্সেল্লিং পীবনি।

সমভেদনা তেলে-কাউন্সেল্লিং সর্ভিস অসি অঙাংশিংদা মখোয়না লাইচৎ মনুংদা ৱাখল ৱাবা, পাখৎপা, অকীবা ফাওবা অমসুং অতোপ্পা নুংঙাইতবা থৌদোকশিংগী মতাংদা সাইকোলোজিকেল ওইবা ঙাক্লৌ পীবনি। মসিগী সেবা অসি তোল-ফ্রী নম্বরঃ ১৮০০-১২১-২৮৩০দা নিংথৌবা নুমিত্তগী থাংজা নুমিৎ ফাওবগী অয়ুক্কী পুং ১০দগী নুংথিল পুং ১ ফাওবা অমসুং নুংথিলগী পুং ৩দগী নুমিদাংগী পুং ৮ ফাওবগী মনুংদা ফংগনি। মসিগী সেবা অসি ৱারী শানিংবা অমসুং কাউন্সেল্লিংগী মথৌ তাবা অঙাংখক্তদা পীগনি। অঙাং/মখোয়বু শেন্নবীরিবা/মমা-মপানা সমভেদনা ১৮০০-১২১-২৮৩০ দাইল তৌবা মতমদা, মখোয়না তেক্ত-কায়দবা অকোয়বগী ফীভম অমদা প্রোফেস্নেল কাউন্সেল্লর অমগা ৱারী শাবা ফংগনি। সেবা অসি মখাদা পীরিবা অঙাং কাঙলুপ্তা পীগনিঃ

১) ক্বারান্তাইন/আইসোলেসন/কোবিদ কেয়র সেন্তরশিংদা লৈবা অঙাংশিং।

২) মমা-মপা/ইমুং-মনুং অমসুং নক্নবা মীওইশিং কোবিদ পোজিতিব ওইবা অঙাংশিং।

৩) কোবিদ-১৯ লাইচৎকী মরমদগী মমা-মপা লৈখিদ্রবা অঙাংশিং।

মসিগী তোল-ফ্রী তেলে কাউন্সেল্লিং অসিনা তমিল, তেলেগু, কনারা, ওরিয়া, মরাথী, গুজরাতী, বেঙ্গালীনচিংবা তোঙানবা লোলশিংদা ভারত শিনবা থুংবগী অঙাংশিংবু কোনগনি। মসিগী সেবা অসি সেপ্তেম্বর ২০২০দা হৌদোকখিবনি অমসুং কোবিদ-১৯গী লুরবা তাঞ্জা অসিদা অঙাংশিংগী তেংবাং পীবা লেপ্ত্রি।

স্তেতুতরী বোদী ওইরিবা এন.সি.পি.সি.আর.না ভারত সরকারগী নুপী অমসুং অঙাং চাউখৎপগী মন্ত্রালয়গী মখাদা থবক তৌই।

*******