প্রধান মন্ত্রী শ্রী নরেন্দ্র মোদিনা ঙসি ভিদিও কনফরেন্সিংগী খুৎথাংদা প্রধান মন্ত্রী কিসান সম্মন নিধি(পি.এম.-কিসান)গী মখাদা লৌমী বেনিফিসরি ৯,৫০,৬৭,৬০১দা লুপা ২,০৬,৬৭,৭৫,৬৬,০০০গী শেনফম ওইগদবা ফাইনান্সিয়েল বেনিফিৎকি ৮শুবা ইন্সতোলমেন্ত রিলিস তৌখ্রে৷ থৌরম অসিগী মনুংদা প্রধান মন্ত্রীনা লৌমী বেনিফিসরীশিং অসিগসু উন্নখ্রে৷ থৌরম অসিদা কেন্দ্রগী লৌউ-শিংউ মন্ত্রীসু শরুক য়াখি৷

প্রধান মন্ত্রী কিসান সম্মন নিধি(পি.এম.-কিসান) স্কিমগী মখাদা লৈরিবা বেনিফিসরীশিং অদুগা ভিদিও কনফরেন্সিংগী খুৎথাংদা উন্নবা মতমদা, উত্তর প্রদেশকি উন্নাউদগী শরুক য়ারিবা আর্বিন্দনা মহাক্কি রিজন অদুদা লৈরিবা নহা ওইরবা লৌমীশিংবু ওর্গানিক ফার্মিং অমসুং অনৌ-অনৌবা তেকনিকশিং শিজিন্নবগী মতাংদা ত্রেনিং পীবগীদমক মহাকপু প্রধান মন্ত্রীনা থাগৎখ্রে৷ অন্দামন অমসুং নিকোবর ইথৎশিংগী কার নিকোবরদগী শরুক য়ারিবা পেত্রিকনা ওর্গানিক ফার্মিং পাক-চাওনা তৌরম্বা অসিগীদমক মহাকপুসু থাগৎখ্রে৷ আন্ধ্র প্রদেশকি অনন্তপুরদগী শরুক য়ারিবা এন. বেন্নুরমানা মহাক্কী রিজন অদুদা অদিভাসি লৌমী ১৭০ হেন্না লৌজিং লমতাক তৌবিরম্বা অসিগীদমক মহাকপু প্রধান মন্ত্রীনসু থাগৎখ্রে৷ মেঘালয়দগী শরুক য়ারিবা রেবিস্তারনা মেঘালয়গী চিংগী মফমশিংদা জিঞ্জর পাউদর, য়াইঙং, সিন্নামোনগুম্বা স্পাইসিস পুথোক্লম্বা অসিগীদমক পি.এম.না মহাকপু থাগৎখ্রে৷ জম্মু অমসুং কাশ্মীরগী শ্রীনগরদগী ওর্গানিক মেথদ শিজিন্নদুনা কেপ্সিকম, গ্রীন চিলিশিং অমসুং থবীগুম্বা মনা-মশিং পুথোক্লম্বা খুর্শিদ অহমেদকসু মহাক্না উন্নখ্রে৷ মহারাস্ত্রগী লতুরদগী শরুক য়ারিবা বালাসাহেব নারারেনা কমদৌনা কিসান ক্রেদিৎ কার্দনা মহাক্না বেঙ্কতগী ক্রেদিৎ লৌবদা মতেং পাংখিবগে অমসুং কমদৌনা মদুনা মহাক্কী ফার্মগী পোত্থোক হেনগৎহনবদা মতেং পাংখিবগে হায়বা অদুগী মতাংদা পি.এম.দা মহাক্কী এক্সপরিয়েন্স অদু সেয়র তৌখ্রে৷

থৌরম অসিদা ৱা ঙাংলদুনা, প্রধান মন্ত্রীনা অসুম্না ফোংদোকখ্রে, ইহান হানবা ওইনা ৱেস্ত বেঙ্গলগী লৌমীশিংনা মসিগী স্কিম অসিগী কান্নবা ফংলগনি৷ লাইনা-লাইচৎ অসিগী লুরবা মতম অসিদা ফুদ গ্রেনশিং পুথোকপদা অমসুং হোর্তিকল্চরদা অনৌবা রেকোর্দশিং থমখ্রবা লৌমীশিংবু মহাক্না থাগৎখ্রে৷ সরকার অসিসু চহি খুদিংগী ওইনা এম.এস.পি. মমলদা পোৎ লৈশিনবগী অনৌবা রেকোর্দশিং থম্লি হায়না মহাক্না ফোংদোকখ্রে৷ এম.এস.পি. মমলদা ফৌ লৈশিনবদা অনৌবা রেকোর্দশিং থমখ্রে অমসুং হৌজিক্তি এম.এস.পি. মমলদা গেহু লৈশিল্লিবা অসিসু অনৌবা রেকোর্দশিং থম্লি৷ হন্দক্কি চহি অসিগী ওইনা হৌজিক ফাওবদা, এম.এস.পি. মমলদা গেহু লৌশিনবগী চাং অসি মমাংগী চহিগা য়েংনবা মতমদা চাদা ১০ হেল্লে৷ হৌজিক ফাওবদা, গেহু লৈশিনবগী লুপা কোতি ৫৮,০০০রোমদি লৌমীশিংগী একাউন্তদা দাইরেক ওইনা চংখ্রগনি৷

লৌমী-শিংউ তৌবদা অনৌবা সোলুসনশিং অমসুং অনৌবা ওপ্সনশিং ফংহন্নবা সরকার অসিনা লেপ্পা লৈতনা হোৎনরি হায়না প্রধান মন্ত্রীনা ফোংদোকখ্রে৷ ওর্গানিক ফার্মিং য়োকখৎপা অসিসু অসিগুম্বা ইফর্তশিং অসিগী মনুংদা অমনি৷ ওর্গানিক ফার্মিং অসিনা শেন্দোং হেন্না পী অমসুং হৌজিক্তি লৈবাক অসিদা নহা ওইরিবা লৌমীশিংনা য়াম্না কন্না শিজিন্নরি৷ হৌজিক হৌজিক গঙ্গা তুরেলগী তোর্বান অনিমক্তা কি.মি. ৫রোমগী রেদিয়র্সতা ওর্গানিক ফার্মিং অসি তৌরি, মসিনা গঙ্গা তুরেল অসি মোৎশিনবদগী কনবা ঙম্লগনি হায়না মহাক্না ফোংদোকখ্রে৷

কোবিদ-১৯ লাইনা-লাইচৎকি মতম অসিদা কিসান ত্রেদিৎ কার্দকি দেদলাইন অসি শাংদোকখ্রে অমসুং ইন্সতোলমেন্তশিং হৌজিক্তি জুন ৩০ ফাওবগী মমাংদা রিন্যু তৌবা য়ারগনি হায়না প্রধান মন্ত্রীনা ফোংদোকখ্রে৷ হৌখিবা চহি খরা অসিদা কিসান ক্রেদিৎ কার্দ কোতি ২ হেন্না ইসু তৌখ্রে হায়না মহাক্না ফোংদোকখ্রে৷

চহি চাম্মাগী মনুংদা অমুক্তং থোক্লিবা লাইচৎ অসি ঐখোয়গী মীৎমাংদা লৈরিবা উবা ঙমদবা য়েক্নবা অমা ওইবনা, লাইচৎ অসি মালেম অসিদা য়াম্না চেলেঞ্জিং ওইরি হায়না প্রধান মন্ত্রীনা ফোংদোকখ্রে৷ সরকার অসিনা মহাক্কী লৈজবা অঙম্বা শক্তি পুথোক্তুনা কোবিদ-১৯ লাইচৎ অসি লান্থেংনরি অমসুং লাইচৎ অসিনা লৈবাক অসিদা পীরিবা চৈথেং অসি হন্থনবা সরকারগী দিপার্তমেন্ত খুদিংমক্না অয়ুক নুমিদাং নাইদনা য়াম্না কন্না হোৎনরি হায়না মহাক্না ফোংদোকখ্রে৷

লৈবাক অসিদা লৈরিবা প্রজাশিং হেন্না-হেন্না ভেক্সিন অসি খোংজেল য়াংনা কাপথোক্নবা কেন্দ্র সরকার অমসুং রাজ্য সরকার পুম্নমক্না লেপ্পা লৈতনা হোৎনরি হায়না প্রধান মন্ত্রীনা হায়খ্রে৷ হৌজিক ফাওবদা, লৈবাক অসিদা ভেক্সিন দোজ কোতি ১৮রোম কাপখ্রে হায়না মহাক্না ফোংদোকখ্রে৷ লৈবাক অসিদা লৈরিবা সরকারগী হোস্পিতালশিংদা ভেক্সিন শেল লৌদনা লেম্না কাপ্লি৷ লৈবাক অসিদা মীওই পুম্নমক্না মখোয় মখোয়গী তর্ন য়ৌরকপা মতমদা ভেক্সিন অসি কাপ্ননবগীদমক রেজিস্তর তৌশিন্নবা অমসুং কোবিদ এপ্রোপ্রিয়েৎ বিহেবিয়র অসি মতম পুম্নমক্তা ইন্ননবা প্রধান মন্ত্রীনা মীপুং খুদিংমক্তা হায়খ্রে৷ মসিগী ভেক্সিন অসি কোরোনা ভাইরস অসিদগী ঙাকথোক্নবগী য়াম্না মরু ওইবা খুৎলাই অমনি অমসুং মসিনা হেন্না ফিভম লুশিন্না নাহনবা য়াবগী খুদোংথিবা অদু হন্থহল্লগনি হায়না মহাক্না মখাতানা ফোংদোকখ্রে৷

অসিগুম্বা লুরবা মতম অসিদা ওক্সিজেন সপ্লাই তৌননবা আর্ম ফোর্সেসনা মহাক্কী লৈজবা শক্তি পুথোক্তুনা য়াম্না কন্না হোৎনরি হায়না প্রধান মন্ত্রীনা ফোংদোকখ্রে৷ রেলৱেনা ওক্সিজেন এক্সপ্রেস ত্রেনশিংসু চেনহল্লি৷ লৈবাক অসিদা লৈরিবা ফার্ম সেক্তরনা হিদাক-লাংথকশিং লার্জ স্কেলদা পুথোক্লি অমসুং ফংহল্লি৷ হিদাক-লাংথোকশিং অমসুং মেদিকেল সপ্লাইশিং অসিদা ব্লেক মার্কেতিং তৌরিবা অসি থেংননবা য়াম্না স্ত্রিক ওইবা লোশিং চৎনহন্নবা মহাক্না রাজ্য সরকারশিংগা হায়জখ্রে৷

ভারত লৈবাক অসি য়াম্না লুরবা মতমদা অশা মাংদবা অদুগুম্বা লৈবাক অমনি অমসুং মসিগী চেলেঞ্জ অসি অখাংকনবা থৌনা অমসুং কৎথোকপা অসিনা মাই পাক্না থেংনবা ঙমগনি থাজৈ হায়না প্রধান মন্ত্রীনা ফোংদোকখ্রে৷ খুঙ্গংগী মফমশিংদা কোবিদ-১৯ শন্দোরক্লিবা অসিদা মীয়ামশিং চেকশিন্না লৈননবা অমসুং ভিলেজ পঞ্চয়তশিংনা মখোয় মখোয়গী এরিয়াশিং অদুদা সেনিতেসন অমসুং এৱার্নেস মতিক চানা পীননবা মহাক্না খঙহনখ্রে৷

লৈবাক অসিদা অফবা সরকার, পুন্সি মহিং ফগৎহনবা অমসুং লৌমীশিংগী ইনকম শরুক অনিদা হেনগৎহন্নবা প্রধান মন্ত্রীনা মতম পুম্নমক্তা হোৎনরি হায়না থৌরম অসিদা শরুক য়াখিবা লৌউ-শিংউ অমসুং লৌমীশিংগী য়াইফ থৌরাংগী কেন্দ্রগী মন্ত্রী শ্রী নরেন্দ্র সিংহ তোমারনা ফোংদোকখ্রে৷ শ্রী নরেন্দ্র মোদিগী লুচিং মখাদা লৌউ-শিংউ সেক্তর অসিগীদমক ইনকম সেন্ত্রিক পোলিসীশিং শেম্লি হায়না মহাক্না ফোংদোকখ্রে৷ পি.এম. কিসান সম্মন নিধি য়োজনা অসি খ্বাইদগী মপুং ফাবা স্কিমনি হায়না ফোংদোক্লদুনা, প্রধান মন্ত্রী নরেন্দ্র মোদিনা গাউন, গরিব অমসুং কিসানদা মীৎয়েং চংলিবা অমসুং পি.এম.-কিসানগী মখাদা লৌমী কোতি ৯.৫রোমগী বেঙ্ক একাউন্তশিংদা লুপা কোতি লিশিং ২০ হেনবগী শেমনফমশিং ত্রান্সফর তৌখিবগীদমক মহাকপু শ্রী নরেন্দ্র সিংহ তোমারনা থাগৎখ্রে৷ পি.এম. কিসান স্কিম অসিগী মখাদা ১০০% সেচুরেসন ফংবা ঙম্নবা লৌউ-শিংউ মন্ত্রালয়না মহাক্কী লৈজবা শক্তি পুথোক্তুনা হোৎনরি হায়না মন্ত্রী অসিনসু মখাতানা ফোংদোকখ্রে৷

রাজ্য-রাজ্যগী লৌমী বেনিফিসরিশিং অমসুং ত্রান্সফর তৌরিবা শেনফমশিং মখাদা লৈরে:

                                                                         ******