হকশেল অমসুং য়াইফ-য়ুম্বাল মন্ত্রালয়

দা হর্শ বর্ধননা রাজ্য/য়ু.তি. ৬তা ভেক্সিন কাপ্পগী থবক চত্থরিবা অদুগী ফিভম অমসুং কোবিদ-১৯ লাইচৎ অসি পব্লিক হেল্থনা করম্না লান্থেংনরিবগে হায়বদু য়েংশিনখ্রে

মেদিকেল ৱার্কফোর্স অমসুং এদমিনিস্ত্রেতিব মেছিনরীদা লাইচৎ অসিনা পীরিবা চৈথেং অসি হন্থনবা লোঙ্গ তর্ম প্লানিং তৌবদা হেন্না মীৎয়েং চংনবা রাজ্যশিংদা খঙহনখ্রে

“বেরিয়েন্তশিং মান্নদবা তারবসু স্ত্রাতিজি অদুদি অদুমক লেংদনা লৈরগনি”

ক্রিতিকেল ওইবা ইসুশিংনা রাজ্যশিং/য়ু.তি.শিংদা চৎনরিবা ভেক্সিনেসন স্ত্রেতিজি অসিগী মশক লেপ্লি

“মীয়ামশিংগী মরক্তা রাজনিতি শিজিন্নদুনা স্তেত লিদরশিংদগী ভেক্সিন হেন্না হেন্না পীরক্নবা দিমান্দ তৌরক্লিবা অসিনা লাইচৎ অসি থেংনবা ঙম্নবা চংশিল্লিবা “হ্বোল ওফ গভর্মেন্ত” এপ্রোচ অসি অসিদা অকাইবা পী ”

Posted On: 13 MAY 2021 7:37PM by PIB Imphal

হকশেল অমসুং য়াইফ য়ুম্বালগী কেন্দ্রগী মন্ত্রী দা. হর্শ বর্ধননা হকশেল অমসুং য়াইফ য়ুম্বালগী কেন্দ্রগী রাজ্য মন্ত্রী শ্রী অশৱিনি কুমার চৌবেহগা লোইননা রাজ্য/.য়.তি. ৬কি রাজ্যগী হকশেল মন্ত্রীশিং অমসুং প্রিন্সিপাল সেক্রেতরীশিং/এদিস্নেল চিফ সেক্রেতরীশিংগা ঙসি উনখ্রে৷ হায়রিবা রাজ্যশিং অসিদা নুংতি নুমিৎ খুদিংগী ওইনা লাকপা কেস মশিং অমসুং শিবগী চাং হেনগৎলকপা থেংনখি অদুমওইনমক আর্বান এরিয়াশিং অসিদি লাইচৎ অসিগী ফিভম ফগৎলকপা থেংনখি৷

WhatsApp Image 2021-05-13 at 16.08.33.jpegWhatsApp Image 2021-05-13 at 16.08.44.jpeg

হকশেল মন্ত্রী(মহারাস্ত্র) শ্রী রাজেশ তোপ, হকশেল মন্ত্রী(কর্নতাকা) দা. কে. সুধাকর, হকশেল মন্ত্রী (কেরলা) শ্রীমতি কে.কে. শাইলাজা, হকশেল মন্ত্রী (তামিল নাদু) শ্রী এম. সুব্রামনিয়ন, হকশেল মন্ত্রী (রাজস্থান) শ্রী রঘু শর্ম অমসুং হকশেল মন্ত্রী(দিল্লি) শ্রী সতয়েন্দ্র জেননা ভর্চুএল্লি থৌরম অসিদা শরুক য়াখি৷

রাজ্যশিং অসিদা লৈরিবা কোবিদ ত্রাজেক্তরীগী গ্রেনুলর এনালাইসিস অমসুং ইপিদেমিয়োলোজিকেল ফাইন্দিংশিং অদু এন.সি.দি.সি.গী দাইরেক্তর দা. সুজিত কে. সিংহনা পুথোরকখ্রে৷ হৌজিক লাইচৎ অসি শহরগা নক্নবা অমসুং খুঙ্গংগী মফমশিংদা শন্দোরকপনা শহরগা নক্ননা লৈরিবা মফমশিং অসিদা তেস্ত তৌবগী চাং অমসুং ভেক্সিন কাপথোকপগী চাং অসি কা হেন্না হেনগৎনহন্নবা মহাক্না ফোংদোকখ্রে৷ লৈবাক অসিগী খুঙ্গংগী মফমশিংদা লৈরিবা হেল্থ ইনফ্রাস্ত্রকচর অসিনা লাইচৎ অসিগী কেস মশিং হেনগৎলক্লিবা অসি নিংথিনা লাইয়েংবা ঙম্লোইদবনা মরম ওইদুনা খুঙ্গংগী মফমশিং অসিদা লাইচৎ অসি কা হেন্না শন্দোকহন্দনা থম্নবা মহাক্না হায়খ্রে৷ লাইচৎ অসি শন্দোকপদা অমসুং কা হেন্না ফিভম লুশিলহল্লিবা বেরিয়েন্তশিং অদুগী রোল অদু খঙদোক্নবা জিনোম সিক্বেন্সিং তৌননবগীদমক সেম্পলশিং থারক্নবা রাজ্যশিংদা মহাক্নসু হায়খ্রে৷

হায়রিবা রাজ্যশিং/য়ু.তি.শিং অসিদা লৈরিবা কোবিদকি ত্রেজেক্তরী অদু কেন্দ্রগী হকশেল মন্ত্রীনা পনখ্রে৷ লাইচৎ অসি মাই পাক্না লান্থেংনবা ঙম্নবা অমসুং ৱারিয়র ৱেল্ফিয়র স্কিমশিংগী কান্নবশিং অদু মীয়ামদা ফংহন্দুনা প্রজাশিং অসিগী য়াইফননবগীদমক রাজ্যগী সাসনশিং অসিনা থৱাই হকচাং য়াওনা অমসুং মাই পাক্না হোৎনরিবা অদুদা মহাক্না থাগৎখ্রে৷ “হৌখিবা পুং ২৪ অসিদা, অনৌবা কেস লাথ ৩.৬২ লাকখিবা তারবসু এক্তিব কোসলোদতগী কেস মশিং পুন্না ৬,৪২৬ তারকখি৷ হৌজিক হৌজিক্কি ওইনা এক্তিব কেস ৩৭,১০,৫২৫ হেন্না লৈরি৷ লাইবক থিবদি, হৌখিবা পুং ২৪ অসিদা লাইচৎ অসিনা মরম ওইদুনা মীওই ৪,১২০ লৈখিদ্রে৷”

রাজ্যশিংগী পর্ফোমেন্স অসিগী মতাংদা কুপথনা পল্লদুনা, মু্ম্বাই অমসুং পুনেদা কেস মশিং অসি তাথরকপা তারবসু ২০২১গী জানুৱারি থাদগী হৌদুনা মহারাস্ত্র রাজ্যনা কোবিদ-১৯গী অনিশুবা ৱেব অসি লেপ্পা লৈতনা লান্থেংনরি হায়না মন্ত্রী অসিনা ফোংদোকখ্রে৷ জানুৱারি থা লাইচৎ অসি শন্দোরকপা মতমদা ভরদার্ভ রিজনগী জিলা থরদমক যেংশিন্নিংঙাই ওইরম্মী৷ অদুমওইনমক, হৌজিক্তি কোলহাপুর, সতারা অমসুং বীদ য়াওনা জিলা ৩০ লাইচৎ অসি য়াম্না কন্না অৱাংবা থাক অমদা শন্দোক্লি৷ অসিগুম্না রাজস্থানদা লৈরিবা অজমর, জোদপুর অমসুং বিলৱারা, কেরালাদা লৈরিবা ইর্নাকুলম, থ্রিসুর, মল্লাপুরম, থিরুবনন্থপুরম, কর্নাতাকাদা লৈরিবা বেঙ্গলুরু(আর্বান), মহিশুর, বেল্লরি, তুমকুর, তামিল নাদুদা লৈরিবা চেন্নাই, কোইম্বাতোর, চেঙ্গলপত্তু, মদুরাই, থিরুবেলরসু মিৎয়েং চংবা তঙাই ফদ্রবা জিলাশিংনি৷ কর্নতাকা রাজ্যদা লৈরিবা এক্তিব কেসকি তংখায়দি বেঙ্গলুরুগী ওই, মদুরাইদা ১.৪৮% শিখিবা অমসুং চেন্নাইদা ১.৩২% শিখিবা অসি রাজ্য অদুগী অমসুং লৈবাক অসিগী কেস ফেতেলিতী রেততগী হেন্না ৱাংই৷

কোবিদ-১৯গী বি.১.৬১৭ বেরিয়েন্ত অসিনা মহারাস্ত্র, কর্নতাকা অমসুং দিল্লিদা কেস মশিং হেনগৎহল্লে অমসুং কোবিদকি থোক্লক্লিবা বেরিয়েন্তশিং অসি ত্রেক তৌননবগীদমক সেমপলশিং আই.এন.এস.এ.সি.ও.জি. লেবশিংদা থারক্নবা রাজ্য পুম্নমক্তা খঙহনখ্রে হায়না মন্ত্রী অসিনা ফোংদোকখ্রে৷ লাইচৎ শন্দোক্লিবা অসি হন্থহন্নবা এক্সপর্তশিংনা লৌখৎলিবা খোংথাংশিং অদু মন্ত্রী অসিনা পল্লদুনা, “বেরিয়েন্তশিং অসি মান্নদবা তারবসু স্ত্রাতিজি অদুদি অদুমক লেংদনা হান্নগুম্না লৈরগনি” হায়না ফোংদোকখ্রে৷ হৌজিক লাইচৎ অসিগী কেস মশিং হেনগৎলক্লিবা অসি থেংননবগীদমক কন্তেনমেন্ত মিজরশিংদা হেন্না মীৎয়েং চংবগা লোইননা কোবিদ এপ্রোপ্রিয়েত বিহেবিয়র মখাতানা ইনবা মরু ওই হায়নসু মহাক্না ফোংদোকখ্রে৷

কোবিদ-১৯ অসি মাই পাক্না লান্থেংনবা ঙম্নবা লোঙ্গ তর্ম প্লানিং অমা শেম্ননবা রাজ্যশিংদা দা. হার্শ বর্ধননা খঙহনখ্রে৷ রাজ্য ময়াম অমনা লাইচৎ অসি চহি অমা হেন্না লান্থেংনদুনা লাক্লে, মসিনা মেদিকেল ৱার্কফোর্স অমসুং পব্লিক হেল্থ মেছিনরীশিং চোকথহল্লে৷ ৱার্কফোর্সশিংগী দ্যুতিগী মতাংদা চাং নাইনা কাউন্সিলিং তৌননবা অমসুং ৱৱার্কফোর্সশিং অসি রোতেসন নাইহন্নবা রাজ্যনা প্রো-এক্তিব ওইবা থৌদাং অমা লৌখ্রে হায়না মহাক্না ফোংদোকখ্রে৷

রাজ্যগী হকশেল মন্ত্রীশিংনা মখোয় মখোয়গী রাজ্যশিংগী ভেক্সিন কোতা অদু হেনগৎনবা হায়জরকখিবা অসি য়েংলগা, ভেক্সিন পোলিসী অসিগী মশক লেপ্লিবা ফেক্তরশিং অদু দা. হার্শ বর্ধনা শন্দোক্না হায়খ্রে৷ “চহি কাং ৪৫গী মথক্তা লৈরিবা মীওইশিংদা শিবগী চাং অসি ৮৮% ওইরিবা অসিনা ভেক্সিন কাপ্পগী খুদোংচাবা অসি মখোয়দা হান্না পিখিবনি৷ অদুমওইনমক, হৌজিক্তি রাজ্যশিংনা মখোয় মখোয়গী লৈরিবা ফিভম অদুগী মতুং ইন্না দাইরেক্ত প্রোক্যোরমেন্ত তৌদুনা ভেক্সিন কাপ্পগী থবক অসি মশা মশাগী কাপকদবা চহি কাংলুপশিং অদু খনবা য়ারে৷ গাইদলাইনশিংগী মতুং ইন্না, ভেক্সিনগী ৭০%দি অনিশুবা দোজ কাপ্নবা ওইনা থমগদবনি হায়রবসু অনিশুবা দোজ কাপ্নবা ভেক্সিন ফংবগী চাং ৱাৎলক্লিবা অসি য়েংশিন্নিংঙাই ওই” হায়না মহাক্না ফোংদোকখ্রে৷ থা অমদা পুথোকপা ঙম্লিবা ভেক্সিন চাং অদুগী মতাংদা মহাক্নসু পনখ্রে অমসুং রাজ্যশিং অসিদা ভেক্সিনশিং অসি চাং চপ মান্ননা য়েন্থোক্কনি হায়দুনা থাজবা পীখ্রে৷ ভেক্সিন পুথোকপগী চাং অসি তপ্ন-তপ্ন হেনগৎলক্লি অমসুং ২০২১গী মে থাদা দোজ কোতি ৮ য়ৌনা অমসুং ২০২১গী জুন থাদা কোতি ৯ য়ৌনা পুথোকপা ঙম্লগনি৷ মীয়ামশিংগী মরক্তা রাজনিতি শিজিন্নদুনা স্তেত লিদরশিংদগী ভেক্সিন হেন্না হেন্না পীরক্নবা দিমান্দ তৌরক্লিবা অসিনা লাইচৎ অসি থেংনবা ঙম্নবা চংশিল্লিবা “হ্বোল ওফ গভর্মেন্ত” এপ্রোচ অসি শোকহল্লে হায়না মহাক্না ফোংদোকখ্রে৷ ফোরেন্দ মেনুফেকচররশিংদগী ভেক্সিনশিং অসি লৌশিন্ননবগীদমক কম্মন ওইবা পোলিসী অমা শেম্ননবা রাজ্যগী হকশেল মন্ত্রীশিংনা হায়জরকখ্রে৷

জি.ও.আই. চেনেলগী খুৎথাংদা লেম্না ভেক্সিনেসন পাংথোকপা অসিগা লোইননা লিবরেলাইস প্রাইসিং অমসুং এসিলিরেতেদ নেস্নেল কোবিদ-১৯ ভেক্সিনেসন স্ত্রাতিজিগী মখাদা,  রাজ্যশিংনা নন-জি.ও.আই. চেনেল অদু মখোয়গী পোপুলেসন অদুগী হোলিস্তিক ভেক্সিনেসন কোভরেজ লৈহনবদা শিজিন্নবা য়ারগনি হায়না কেন্দ্রগী হকশেল মন্ত্রীনা শন্দোক্না ফোংদোকখ্রে৷ থা খুদিংগী ওইনা মেনুফেকচরর খুদিংমক্না পুথোক্লিবা ভেক্সিন দোজকী ৫০%দি রাজ্য সরকারশিং অমসুং প্রাইভেৎ হোস্পিতালশিংনা দাইরেক্ত প্রোক্যোরমেন্ত তৌবা য়ারগনি অদুগা ভারত সরকারনা মহাক্কী ৫০% ভেক্সিন সেয়র অদু লৌদুনা মমাংগী মতমদা তৌখিবা অদুগুম্না ভেক্সিনশিং অদু রাজ্য সরকারশিংদা লেম্না ফংহল্লগনি৷ লৈবাক অসিদা ভেক্সিন পুথোকপগী চাং অসি হেনগৎহন্নবা কেন্দ্র সরকারনা তোঙান তোঙানবা খোংথাং কয়ামরোম লৌখৎলি হায়নসু মহাক্না পনখ্রে৷ কোবিদ-১৯গী ভেক্সিনশিং শাখ্রে অমসুং মপান লৈবাকশিংদা কোবিদ-১৯গী ভেক্সিনশিং অসি লেপ্পা লৈতনা শারি৷

WhatsApp Image 2021-05-13 at 16.08.34.jpeg                                                            ফেস-৩গী অনৌবা ভেক্সিনেসন স্ত্রাতিজি অসি মতমগী মতুং ইন্না স্তেবল ওইরক্লি অমসুং সপ্লাই চেন মেনেজমেন্ত অসিসু হেন্না ইফেক্তিব ওইরক্লি হায়না এ.এস. অমসুং এম.দি.(এন.ঐচ.এম.) শ্রীমতি বন্দনা গুর্নানিনা ফোংদোকখ্রে৷ ভেক্সিন পুথোকপগী চাং অসি হেনগৎহন্নবা ভারত সরকারনা লৌখৎখিবা খ্বাইদগী নৌরবা ইফর্তশিং অদুসু মহাক্না থাগৎখ্রে৷

প্রিন্সিপাল সেক্রেতরী(হেল্থ), এদিস্নেল চিফ সেক্রেতরী(হেল্থ) অমসুং মরী লৈনবা রাজ্যশিং/য়ু.তি.শিংগী স্তেত সর্ভিলেন্স ওফিসরনা মীফম অসিদা শরুক য়াখি৷

*****
 



(Release ID: 1718493) Visitor Counter : 104