শেল-থুম মন্ত্রালয়

ভারত সরকারগী স্পেসিএল ৱিন্দোনা অহানবা রেসিদেন্সিএল প্রোজেক্ত লোইশিনখ্রে

শেলথুম মন্ত্রী শ্রীমতি নর্মালা সিতারমন্না ভর্চ্যুএলগী থৌরমগী খুত্থাংদা হোমবায়রশিংদা লনথুম খুৎশিন্নখ্রে

Posted On: 13 MAY 2021 5:43PM by PIB Imphal

কেন্দ্রগী ফাইনান্স এন্দ কোর্পোরেৎ এফিয়র্সকী মন্ত্রী শ্রীমতি নির্মলা সিতারমন্না ঙসি ভারত সরকারগী স্পেসিএল ৱিন্দো ফোর এফোর্দেবল এন্দ মিদ-ইনকম হাউসিং (এস.সবল্যু.এ.এম.আই.ঐচ.)না অহানবা রেসিদেন্সিএল প্রোজেক্ত লোইশিনখিবদা ভর্চ্যুএল ওইনা হোমবায়রশিংদা লন-থুম খুৎশিন্নখ্রে।

মুম্বাইগী সবঅর্বানদা লৈবা রেসিদেন্সিএল প্রোজেক্ত – রিৱালী পার্ক অসিনা এস.সবল্যু.এ.এম.আই.ঐচ. ফন্দগী মখাদা ফন্দিং ফংখিবা ভারতকী অহানবা হাউসিং প্রোজেক্ত ওইখি। এস.সবল্যু.এ.এম.আই.ঐচ. ফন্দ অসি ২০১৯গী নবেম্বরদা শ্রীমতি সিতারমন্না হৌদোকখিবনি।

রিৱালী পার্ক ৱিন্তরগ্রীন্স অসি ফন্দ অসিগী অহানবা ইনবেস্তমেন্তনি অমসুং মপুং ফানা লোইশিনখিবা অহানবা প্রোজেক্তসু ওইরি। মসি তোঙান-তোঙানবা কনফিগ্যুরেসনশিংগী য়ুনিৎ ৭০৮ য়াওবা এক্কর ৭ হেন্না কোনশিল্লিবা অচৌবা প্রোজেক্ত অমনি। প্রোজেক্ত অদুদি কেবল কোর্পোরেসন ওফ ইন্দিয়া লিমিতেদকী এসোসিএৎ কম্পনী অমা ওইরিবা সি.সি.আই. প্রোজেক্তস প্রাইবেৎ লিমিতেদ (সি.সি.আই.পি.পি.এল.)না দিবেলপ তৌখিবা “রিৱালী পার্ক ৱিন্তরগ্রীন্স” অসিনি।

 

https://static.pib.gov.in/WriteReadData/userfiles/image/image001I4K6.jpg

 

শ্রীমতি সিতারমনগা লোইননা ওনলাইন থৌরম অদুদা ফাইনান্স এন্দ কোর্পোরেৎ এফিয়র্সকী রাজ্য মন্ত্রী শ্রী অনুরাগ সিংহ থাকুর; হাউসিং এন্দ অর্বান এফিয়র্স মন্ত্রালয়গী সেক্রেতরী শ্রী দুর্গা শঙ্কর মিশ্রা; শেলথুম মন্ত্রালয়গী দিপার্তমেন্ত ওফ ইকনোমিক এফিয়র্সকী সেক্রেতরী শ্রী অজয় সেথ; শেলথুম মন্ত্রালয়গী দিপার্তমেন্ত ওফ ইকনোমিক এফিয়র্সকী এদিস্নেল সেক্রেতরী শ্রী কে. রাজারমন; এস.বি.আই.গী চিয়রমেন শ্রী দিনেশ কুমার খারা অমসুং এস.বি.আই.সি.এ.পি. ভেঞ্চর্স লিমিতেদকী অতৈ ওফিসিএলশিংসু শরুক য়াখ্রে।

ভর্চ্যুএলগী থৌরম অদুদা ৱা ঙাংলদুনা শেলথুম মন্ত্রী শ্রীমতি সিতারমন্না হায় এস.সবল্যু.এ.এম.আই.ঐচ. ফন্দনা মাগী অহানবা রেসিদেন্সিএল প্রোজেক্ত মপুং ফানা লোইশিনখিবা অসি উবদা য়াম্না নুংঙাইবা পোকই। মসিগী মথক্তা মসি মরু ইবা মাই পাকপা অমনি মরমদি এস.সবল্যু.এ.এম.আই.ঐচ. ফন্দ অসি কোবিদ-১৯ লাইচৎকী অৱাবা মতম অসিদা পীথখিবনি হায়না মহাক্না মখা তাখ্রে।

 

https://static.pib.gov.in/WriteReadData/userfiles/image/image002YK49.jpg

 

শেলথুম মন্ত্রীনা হায় ভারত সরকারনা অৱাবা মায়োক্নরিবা এফোর্দেবল এন্দ মিদ-ইনকম হাউসিং প্রোজেক্তশিংদা ফন্দিং তৌনবা হোৎনখি অমদি অসুম্না ৱানা তাঞ্জদুনা তুংশিনজরিবশিং অদু ইনবেস্ত তৌখিবা হোম বায়রশিংদা তেংবাং পীরি। শ্রীমতি সিতারমন্না হায় সরকারনা থাজৈ মদুদি করিগুম্বা য়ুমশিং অসি শাবা লোইশিল্লবদি প্রোজেক্তশিং অসিদা পন্দুনা লৈরম্বা কেপিতেলগী য়াম্লবা শেনফম অমা শোইদনা থাদোরক্কনি।

শেলথুম মন্ত্রীনা হায় মসিনা কনস্ত্রক্সন ৱর্করশিংদা থবক পীগনি অমসুং স্তীল অমসুং সিমেন্ত অসিগুম্বা মরী লৈনবা ইন্দস্ত্রীশিংদা মতেং পীরগনি। মখা তানা, মসিনা বেঙ্কশিং অমসুং এন.বি.এফ.সি.শিংগী পোর্তফোলিয়োশিং ফগৎহল্লগনি অমসুং লৈবাক অসিগী ইকনোমিক সেন্তিমেন্ত শীংথানীংঙাই ওইনা ফগৎহল্লগনি।

শ্রীমতি সিতারমন্না এস.বি.আই.সি.এ.পি. ভেঞ্চর্স তীমনা লাউথোকখিবা পোলিসী অমবু ওন-দি-গ্রাউন্দ ফন্দিং ইন্সতিত্যুত অমা ওইনা ওন্থোক্তুনা অতেনবা মতমগী মনুংদা শীংথানীংঙাই ওইনা খুমাং চাউশিনখিবা অসিগীদমক থাগৎপা অমসুং নুংঙাইবা ফোঙদোকখ্রে।

হাউসিং এন্দ অর্বান এফিয়র্স মন্ত্রালয় (এম.ও.ঐচ.য়ু.এ.)গী সেক্রেতরী শ্রী দুর্গা শঙ্কর মিশ্রানা মহাক্কী ৱারোল পীবদা হায় মদুদি ভারত্তা রিএল ইস্তেৎ ইন্দস্ত্রী অসি অনিশুবা খ্বাইদগী চাউবা ইমপ্লোইমেন্ত জেনরেসন সেক্তর ওইরি অমসুং হৌখিবা চহি খরা অসিদা এম.ও.ঐচ.য়ু.এ.না খোঙথাং কয়া লৌখৎতুবা রিএল ইস্তেৎ সেক্তরনস সাইসলশিংদা হিংবা ঙমহনবা খক্তা নত্তনা আর.ই.আর.এ., জি.এস.তি. রেৎশিং হন্থহনবা, পি.এম.এ.ৱাই. স্কীম অসিনচিংবা চাউখৎহনখি। মহাক্না মখা তারদুনা হায় প্রোজেক্তশিং অসি মপুং ফাহন্নবা লাস্ত-মাইল ফন্দিং তৌনবা শেলথুম মন্ত্রালয়না হোৎনরিবা অসিগী ৱাখল্লোন অসিগা এম.ও.ঐচ.য়ু.এ.না খল্লিবা অসিগী মান্নৈ।

শ্রী দিনেশ কুমার খারা (চিয়রমেন-এস.বি.আই.)না মহাক্কী ৱারোলদা হায় এস.বি.আই. অমসুং পার্তনরশিংগী মাংদা থমখিবা অচৌবা অনীংবশিং অদু থুংহন্নবা ফন্দ অসি অৱাবা খাংদুনা পীনবা হোৎনখি। মহাক্না এস.বি.আই. গ্রুপনা রিএল ইস্তেৎ সেক্তর হিংগৎহন্নবা সরকারগী মঙলান অসিদা মপুং ফানা কত্থোক্লি অমসুং মসিগী মখাদা থবক তৌরি অমসুং হোমবায়রশিংদা তেংবাং পীরি। শ্রী খারানা হায় হৌখিবা থা ১৫ অসিদা এস.বি.আই.না  মহৌশানা অতৈ প্রাইবেৎ ইক্বিতী ফন্দশিংনা চহি ৩দগী ৪দা মাই পাকপা ঙম্বগী থাক অদু য়ৌদুনা ওপরেসনশিংগী চাং অসি শীংথানীংঙাই ওইনা খুমাং চাউশিনখি।

এস.দবল্যু.এ.এম.আই.ঐচ.কী মরমদা

হৌদোকখিবদগী চহি ১.৫কী অতেনবা মতম অসিগী মনুংদা এস.দবল্যু.এ.এম.আই.ঐচ. ইনবেস্তমেন্ত ফন্দ Iনা ঙসি ভারত্তা খ্বাইদগী চাউবা প্রাইবেৎ ইক্বিতী তীমশিংগী মনুংদা অমা ওইরি অমসুং কোবিদ-১৯গা মরী লৈনবা অপনবশিং লৈজরবসু শীংথানীংঙাই ওইবা থবক তৌখি। হৌজিক ফাওবদা ফন্দ অসিনা হোম ৪৪,১০০ মপুং ফাহন্নবা প্রোজেক্ত ৭২দা অরোইবা এপ্রুবেল পীখ্রে অমরোমদা প্রোজেক্ত ১৩২না প্রিলিমিনরী এপ্রুবেল ফংখ্রে মসিগা লোইননা অহেনবা হোম ৭২,৫০০সু লোইশিনবা ঙম্লগনি। অসুম্না ফন্দ অসিনা পুন্না হোম ১,১৬,৬০০ লোইশিন্নবা পান্দম থম্লি। ফন্দ অসিনা কনস্ত্রক্সন লোইশিনদুনা অমসুং অতৈ শেলথুমগী সোর্স অমতগী মখা পোলহন্দনা হোমশিং দেলিভর তৌদুনা হোমবায়রশিং অমসুং দিবেলপরশিংগী মরক্তা ত্রস্ত দেফিসিৎ শেমগৎলি।

****



(Release ID: 1718413) Visitor Counter : 71