প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ইন্সতিত্যুৎ ওফ চার্তর একাউন্তেন্তস ওফ ইন্দিয়া (আই.সি.এ.আই.) অমসুং কতর ফাইনান্সিএল সেন্তর ওথোরিতী (ক্যু.এফ.সি.এ.)গী মরক্তা য়ানা ৱারোল খুৎয়েক পীনবগী অয়াবা পীখ্রে।

য়ানা ৱারোল অসিনা কতরদা য়ুমফম ওইবা একাউন্তিং প্রোফেসন অমসুং ওন্ত্রেপ্রেন্যুরশীপ অসিবু মপাঙ্গল কনখৎনবা ইন্সতিত্যুৎশিং অসিদা পুন্না থবক তৌমিন্নবগী মরী হেন্না ফগৎহল্লগনি।

ইম্পেক্ত:

আই.সি.এ.আই. অসি মিদল ইস্ততা মেম্বর ৬০০০ হেন্না লৈদুনা য়াম্না লিংবা মেম্বরশীপ অমা ওইরি অমসুং কতর (দোহা) চাপ্তর অসি আই.সি.এ.আই.গী খ্বায়দগী লিংবা চাপ্তরশিংগী মনুংদা অমনি। আই.সি.এ.আই.গী মেম্বরশিংনা লনাইগী অমসুং পব্লিক্কী ওইবা কম্পনীশিংদা মরুওইবা ফম কন্দুনা লৈরি অমসুং কতরদা একাউন্তিং প্রোফেসন্দা মতেং পীবা অমসুং চাওখৎ-থৌরাংদা হকথেংননা শরুক য়ারি। এম.ও.য়ু. অসি সহি তৌনবনা মিদল ইস্তর্ন রিজন্দা হেন্না শকখংবা, কতরদা ব্যুজিনেস তৌনিংবা ইন্দিয়নশিংদা ব্যুজিনেস তৌবদা  মতেং ওইনবা অমসুং মসিনা কতর অমসুং ইন্দিয়াগী ইকোনোমীদা হেন্না কান্নবা পীরগনি।

কান্নবশিং:

দোহা, কতরদা ১৯৮১দা লিংখৎখিবা আই.সি.এ.আই.গী এক্তিব চেপ্তর অমা লৈজৈ অমসুং হায়রিবা অসি আই.সি.এ.আই.গী মপালদা লৈবা খ্বায়দগী লিরবা চেপ্তর ৩৬কী মরক্তা অমনি। চেপ্তর অসিগী মেম্বরশীপ অসি হৌদোকখিবা নুমিৎতগী লেপ্পা লৈতনা চাওখৎপা পুরক্লি অমসুং হৌজিক হৌজিক্কী ওইনা মেম্বর ৩০০না লনাইগী অমসুং পব্লিক্কী ওইবা কম্পনীশিংদা মরুওইবা ফম কন্দুনা লৈরি অমসুং কতররদা একাউন্তিং প্রোফেসন্দা মতেং পীবা অমসুং চাওখৎ-থৌরাংদা হকথেংননা শরুক য়ারি। এম.ও.য়ু. অসিনা ভারতকী কোর্পোরেত এফিয়র্স, ইন্সতিত্যুৎ ওফ চার্তর একাউন্তেন্তগী মিনিস্ত্রী অমসুং কতর ফাইনান্সিএল সেন্তর ওথোরিতীদা কান্নবা পীরগনি। 

ইমপ্লিমেন্তেসন স্ত্রাতেজী অমসুং তার্গেতশিং:

• এম.ও.য়ু. অসিনা কতরর স্তেত্তা এসুরেন্স অমসুং ওদিতিং, এদভাইজরী, তেক্সেসন, ফাইনান্সিএলগী থবকশিং অমসুং এল্লাইদকী লমদা প্রোফেসনেল সর্বিসশিং পীদুনা আই.সি.এ.আই.গী মেম্বরশিংদা খুদোংচাবা হেনগৎহল্লগনি।
• আই.সি.এ.আই.না ক্যু.এফ.সি.এ.গা লোয়ননা খুৎশ্নদুনা অখন্নবা ত্রেনিং প্রোগ্রাম অমগী মখাদা লোকেল কতরর প্রোফেসনেল, এন্ত্রেপ্রিন্যুর অমসুং মহৈরোয়শিংবু চাওখৎ-থৌরাংশিং য়োকখৎকনি।
• আই.সি.এ.আই. অমসুং ক্যু.এফ.সি.এ.না রাউন্দতেবলশিং, নেতৱার্কিং থৌরমশিং অসিনচিংবা শিন্দুনা কতররদা ইন্দিয়ন ব্যুজিনেসশিংগী খুদোংচাবা থিদোক্কনি।
• আই.সি.এ.আই. অমসুং ক্যু.এফ.সি.এ.না কোর্পোরেত লৈঙাক, তেক্নিকেল রিসর্স অমসুং পাওতাকশিং, ক্বালিতী এসুরেন্স, ফোরেন্সিক একাউন্তিং, স্মাোল অমসুং মেদিয়ম সাইজ প্রাক্তিস (এস.এম.পি.এস.)গী ইসুশিং, ইস্লামিক ফাইন্স, কন্তিন্যুয়িং প্রোফেসনেল দিবলপমেন্ত (সি.পি.দি.) অমসুং ম্যুচেল ইন্তরেস্তকী হিরমশিং অসিগী লমদা চাওখৎনবগীদমক মতেং পীনগনি।

বেকগ্রাউন্দ:

ইন্সতিত্যুৎ ওফ চার্তর একাউন্তেন্ত ওফ ইন্দিয়া (আই.সি.এ.আই.) অসি ইন্দিয়াদা প্রোফেসনেল চার্তর একাউন্তেন্সি চৎননবা, দ চার্তর একাউন্তেন্তস এক্ত, ১৯৪৯, এক্ত ওফ পার্লিয়ামেন্ত ওফ ইন্দিয়ানা লিংখৎখিবা স্তেততরী বোদী অমনি। কতরর ফাইনান্সিএল সেন্তর ওথোরিতী (ক্যু.এফ.সি.এ.) অসি স্তেত ওফ কতররদা ক্যু.এফ.সি. অসিবু মালেমগী থাক্তা শেন্মিৎলোন অমসুং ব্যুজিনেস সেন্তর ওইনা চাওখৎ থৌরাং লৌখৎনবা মরোমদোম ওইজবা লেগেল এন্তিতী ওইনা পর্সুয়েন্ত তু লো নম্বর (৭) ওফ ২০০৫ তা লিংখৎখিবনি।

*******