কেন্দ্রগী হেল্থ সেক্রেতরী শ্রী রাজেশ ভুশননা নিতি আয়োগকী মেম্বর(হেল্থ) দা. বিনোদ কে. পোলগা লোইননা নোংপোক থংবদা লৈরিবা রাজ্যশিং অসাম, ৱেস্ত বেঙ্গল, ওরিশা, বিহার অমসুং ঝর্খন্দগা ঙসি অৱাংবা থাক্কী মীফম অমা পাংথোকখ্রে৷ কোবিদ-১৯ লাইনা-লাইচৎ অসি লান্থেংননবা হায়রিবা রাজ্যশিং অসিনা লৌখৎলিবা চেকশিন থৌরাং অমসুং এরেঞ্জমেন্তশিং অদু রিভ্যু মীতিং অসিনা নৈনখ্রে৷ লাইচৎ অসি নোংপোক থংবা লমদমশিংদা য়াম্না কন্না শন্দোরক্লি হায়বা অসি ইবিদেন্সনা উৎলে অমসুং হায়রিবা রাজ্যশিং অসিদা কোবিদকী কেস অসি নুংতিগী মশিং য়াম্না য়াম্না হেনগৎলকপা অমসুং শিবগী চাং হেনগৎলকপা অদুসু উরে৷

আই.সি.এম.আর.গী দি.জি. অমসুং সেক্রেতরী(হেল্থ) দা. বালরাম ভর্গব, দি.জি.ঐচ.এস.কী দোক্তর(প্রোফেসর) সুনিল কুমার, এদিস্নেল সেক্রেতরী(হেল্থ) শ্রীমতি আর্তি আহুজা, এন.সি.দি.সি.গী দাইরেক্তর দা. সিজীত কে. সিংহনা মরী লৈনবা রাজ্যশিং অসিগী প্রিন্সিপাল সেক্রেতরী(হেল্থ), মিসন দাইরেক্তর)এন.ঐচ.এম.) অমসুং স্তেত সর্ভিলেন্স ওফিসরগা লোইননা মীফম অসিদা শরুক য়াখি৷

হায়রিবা রাজ্যশিং অসিদা কোবিদ-১৯ লাইনা-লাইচৎ অসিনা মরম ওইদুনা নুংতি নুমিৎ খুদিংগী কোবিদকী কেস মশিং য়াম্না য়াম্না লাক্তুনা শিবগী চাংসু হেনগৎহল্লিবা লাইচৎ অসি থেংনবদা চংলিবা চেলেঞ্জশিং অমসুং তঙাই ফদবা অদু মেনশিন্ননবগীদমক মরু ওইবা হিরম মঙা এক্সন লৌনবা খন্নখ্রে৷

হোস্পিতালশিংদা অরুবা ফিভমদা লাইকৎনদুনা লৈরিবা কোবিদ-১৯ পেসেন্তশিং অসিদা ক্লিনিকেল মেনেজমেন্ত অমসুং হেল্থ সর্ভিসশিং ফংহন্নবা হোৎনবদা হ্যুমেন রিসোর্চশিং মরু ওইরিবা অদু পল্লদুনা, অয়ুশমান ভারত হেল্থ অমসুং ৱেল্নেস সেন্তরশিং(ঐচ.দবল্যু.সি.শিং) অসিদা লৈরিবা কম্ম্যুনিতী হেল্থ ওফিসরশিং(সি.ঐচ.ও.শিং) অসিগী পর্ফোমেন্স লিঙ্ক পেমেন্তশিং অমসুং এ.এন.এম.শিং অমসুং অতোপ্পা হেল্থ ৱার্করশিং অসিদা পীরিবা ইন্সেন্তিবশিং অদু মতম চানা পীথোক্নবা রাজ্যশিং অসিদা খঙহনখ্রে৷ হায়রিবা হিরম অসিগীদমক রাজ্যশিংদা থাদরিবা এন.ঐচ.এম. ফন্দশিং অদু শিজিন্নবা য়ারগনি৷ অসিগীসু মথক্তা, কোবিদকা মরী লৈনবা হেল্থকেয় থবকশিংদা অরোইবা চহিদা তম্লিবা এম.বি.বি.এস. মহৈরোইশিং; এন.ই.ই.তি. এগজামিনেসন থাগদৌরিবা মহৈরোইশিং(এগজামগী মতম য়ৈথোকখ্রবা); অরোইবা চহি তম্লিবা নর্সিং মহৈরোইশিং; অমসুং ইন্তর্ন পুরিবশিংগী সর্ভিস শিজিন্ননবা কেন্দ্র সরকার অসিনা হন্দক্তা ৱারেপ কয়া অমা লৌখ্রে৷

ঙসিদগী হৌদুনা, পোজিতিব ওইবগী চাং ২০% হেন্না ৱাংনা লৈরিবা লৈবাক অসিগী জিলাশিংগী লিস্ত হেল্থ মন্ত্রালয়গী ৱেবসাইততা থাগৎখ্রে৷ লিস্ত অসি দাইনামিক ওই অমসুং চাং নাইনা অপদেত তৌরগনি৷ রাজ্যশিংনা হায়রিবা জিলাশিং অসিদা কন্তেনমেন্ত এক্তিবিতীশিং লৌখৎলিবা অসিগী মথক্তা হেন্না হেন্না তেস্ত তৌবা; লাইনা অসিনা নারবা মীওইশিং হোম আইসোলেসন তৌদুনা থম্বা; লাইচৎ শন্দোরকপা অসি হন্থনবা মী য়াম্না পুন্দনবা খোঙথাংশিং লৌখৎপাদা হেন্না মীৎয়েং চংবা মরু ওই৷ রাজ্যশিং অসিদা চত্থোক-চৎশিন তৌবগী অথিংবা কয়া অমা থম্লিঙৈ চৈরক অসিদা, ফংলিবা মতম অসি মেকশিফত হোস্পিতালশিং শেমগৎ-শাগৎপা য়াওনা হোস্পিতাল ইনফ্রাস্ত্রকচর শেমগৎননবগীদমক; হোস্পিতালশিং অসিদা হোতেল এতেচ তৌননবা; অমসুং ফিল্দ হোস্পিতালশিং শেমগৎহৌবদা শিজিন্নবা য়ারগনি৷

হোস্পিতেলাইস তৌরিবা পেসেন্তশিং অসি লাইয়েং চত্থবদা শিজিন্নরিবা ওক্সিজেনগী নোর্মশিং অদি পল্লিবা এদভাইজরী অমা হৌখিবা চহিদা রাজ্যশিং অসিদা উৎখ্রে হায়না ফোংদোকখ্রে৷ হোস্পিতালশিংদা লাইয়েং চত্থদুনা লৈরিবা তোঙান তোঙানবা কাংলুপকী পেসেন্তশিং অসি লৈরিবা ওক্সিনগী অৱাৎপা অদু এদভাইজরী অসিদসু কুপথনা পল্লি৷ রাজ্য পুম্নমক্না ওক্সিজেন ওদিত অমসু তৌবা মরু ওই৷ জিলা খুদিংমক্তা পি.এস.এ. প্লান্ত অমমম থম্নবগী পান্দমদা, লৈবাক অসিদা পি.এস.এ. প্লান্ত ১০০০ থম্নবা প্লান তৌরি৷ পি.এস.এ. প্লান্তশিং অসি ইন্সতোল্দ তৌনবগী মফমশিং অদু খন্দোক্নবা রাজ্যশিংদা খঙহনখ্রে৷ মসিগী দাইরেক্সন অসিদা হেল্থ মন্ত্রালয়, দি.আর.দি.ও. অমসুং সি.এস.আই.আর.না রাজ্যনা হোৎনরিবশিং অসিদা সপোর্ত তৌরগনি৷

লিবরেলাইস প্রাইসিং অমসুং এসিলিরেতেদ নেস্নেল কোবিদ-১৯ ভেক্সিনেসন স্ত্রাতিজি ফেস-৩গী শরুক অমা ওইনা, থা খুদিংগী মেনুফেকচরর খুদিংমক্কী ভেক্সিন দোজ ক্লিয়র তৌরবা সেন্ত্রেল দ্রগ লেবোরেতরী(সি.দি.এল.)গী ৫০%দি রাজ্য সরকারশিংগী অমসুং প্রাইভেৎ হোস্পিতালশিংগীদমক ফংহল্লগনি হায়না রাজ্যশিংদা খঙহনখ্রে৷ নেসনৱাইদ ভেক্সিনেসন দ্রাইবকী ফেস-৩ অসিগীদমক ভেক্সিন কন্সাইনমেন্তশিং অদু রাজ্যশিং অসিদা মতম চানা য়ৌহল্লক্নবা মেনুফেকচররশিং অসিদা পীগদৌরিবা পেমেন্ত অদু পীথোক্নবা রাজ্যশিং অসিদা খঙহনখ্রে৷ ভারত সরকারনা মন্থলি সি.দি.এল. ক্লিয়র ভেক্সিনগী মহাক্কী সেয়র ৫০% অদু মখাতানা লৌশিল্লগনি অমসুং মমাংগী মতমদা তৌখিবা অদুগুম্না ভেক্সিনশিং অদু রাজ্য সরকারশিংদা লেম্না ফংহল্লগনি৷ রাজ্যশিংদা ফংহনগদৌরিবা ভেক্সিনশিং অসিগী ৭০%দি অনিশুবা দোজ কাপ্পদৌরিবশিং অসিগীদমক খাক্তুনা থমগদবনি অমসুং ৩০%না অহানবা দোজ কাপ্পদৌরিবা মীওইশিং অসিগীদমক কাক্তুনা থম্নবা রাজ্যশিংদা খঙহনখ্রে৷

রাজ্যশিংনা কেন্দ্র সরকারগী অনৌবা প্রোভিজনশিং অসিগী মখাদা ঐচ.আর. হেনগৎহন্নবা মতম চানা ৱারেপশিং লৌনবা, এম্বুলেন্স ওপরেসন অসি ইফেক্তিব ওইনা মথৌ তৌহনবা য়াওনা লৈরিবা হোস্পিতাল অমসুং ক্লিনিকেল মেনেজমেন্ত কেপাসিতীশিং অসি শেমগৎহৌনবা, নেস্নেল এভেরেজকী চাংদগী হেন্না পোজিতিব ওইরিবা জিলাশিং অসি তেস্ত হেন্না পাংথোক্ননবা দা. ভি.কে. পোলনা রাজ্যশিংদা ফোংদোকখ্রে৷ পব্লিক ফেসিলিতীশিং অসিদা হেন্না শাফু পীরিবা অসি হন্থনবা তেলিমেদিসিনগী সর্ভিসশিং অসিদা প্রাইভেৎ সেক্তর শরুক য়ারক্নবা মহাক্নসু ফোংদোকখ্রে অমসুং কন্তেনমেন্ত মিজরশিং অসিগী মতাংদা হোম মন্ত্রালয়গী ওর্দর অদু নিংথিনা কাইদনা ইন্নবা মহাক্না হায়জখ্রে৷

তেস্তিং এপারেতস নিংথিনা শিজিন্ননবগীদমক শেমখিবা রিভাইস তেস্তিং গাইদলাইনশিং অদুগী মতাংদা দি.জি. আই.সি.এম.আর.না রাজ্যশিংদা খঙহনখ্রে৷ পোজিতিব ওইবগী চাং ১০%দগী হেন্না লৈরিবা জিলাশিং অসিদা লোকদাউন চত্থনবা থোকখিবা গৃহ মন্ত্রালয়গী এদভাইজরী অদু মহাক্না রাজ্যশিংদা নৌহৌননা নিংশিংখ্রে অমসুং লোকদাউনগী মতম অসিদা আর.তি.-পি.সি.আর.গী তেস্ত তৌফম, ভেক্সিনেসন তৌফম শেমগৎহৌনবা অমসুং মেদিকেল ৱার্কফোর্সকী মশিং হেনগৎহন্নবা রাজ্যশিংদা হায়খ্রে৷

কোবিদ নারবা মীওইশিংনা কোবিদকী অতোপ্পা এক্যুইত ফোর্মশিংদা শন্দোক্ত্রিঙৈ মমাংদা মাংজৌননা কোবিদ কেসশিং অসি খঙদোকহৌনবা এন.সি.দি.সি.গী দাইরেক্তরনা ফোংদোকখ্রে৷ পোজিতিব ওইবগী চাং ১০%দগী হেন্না ৱাংনা লৈরিবা জিলাশিং অসিদা হেন্না চেকশিন থৌরাং লৌবদা মীৎয়েং চংনবা অমসুং পোজিতিব ওইবগী চাং ১০%দগী হেন্না তানা লৈরিবশিংগীদমক কন্ত্রেক ত্রেসিং তৌননবা খন্নখ্রে৷ লাইচৎ অসিগী তেস্তিং ইনফ্রাস্ত্রকচর হেন্না শেমগৎনবা মহাক্নসু হায়খ্রে৷

                                                                                     ******