ইন্দিয়া তুদেনা মখোয়গী পাউদা ভারত্তা কোবিদ-১৯গী তেংবাংগী পোৎলমগী অহানবা কনসাইনমেন্ত এপ্রিল ২৫, ২০২১দা য়ৌখ্রবদু কেন্দ্রনা হায়রিবা পুন্সি কন্নবা মেদিকেল সপ্লাইশিং অসি য়েন্থোক্নবা স্তেন্দর্দ ওপরেতিং প্রোসিজর (এস.ও.পি) শেম্বদা নুমিৎ তরেৎনি চংখি হায়না মরাল শীখ্রে।

পাউ অসিনা অচুম্বা ই-পাউবু লান্না হন্দোকপনি অমসুং মসি অরানবনি।

অমরোমদা এল্লোকেসন তৌনবা স্তেন্দর্দ ওপরেতিং প্রোসিজর অসি হকশেল মন্ত্রালয়না মে ২, ২০২১দা ইস্যু তৌখি, মালেমগী লাইচৎ অসি লান্থেংননবা ভারত সরকারনা হোৎনরিবশিং অসিদা গ্লোবেল কম্ম্যুনিতীনা তেংবাং পীরকপা হৌবগা খুদক্তা কেন্দ্র অমসুং অতৈ হেল্থ ইন্সতিত্যুসনশিংগী খুত্থাংদা রাজ্যশিং অমসুং য়ু.তি.শিংদা লৌশিনবগী, পীথবগী অমসুং য়েন্থোকপগী থবক হৌখি।

এপ্রিল ২৬, ২০২১দা হকশেল মন্ত্রালয়দা এদিস্নেল সেক্রেতরী (হেল্থ)কী মখাদা কোওর্দিনেসন সেল শেমখি অমসুং খুদক্তা থবক হৌখি। তোঙান তোঙানবা স্তেকহোল্দরশিংগী মরক্তা খুদক্তা থবক পাইখৎনবা অমসুং মপুং ফানা মতেং পীননবা শেমখিবা ইন্তর-মিনিস্ত্রিএল সেলদা এজুকেসন মন্ত্রালয়দগী দেপ্যুতেসন ওইনা জোইন্ত সেক্রেতরী অমা, এম.ই.এ.দগী এদিস্নেল সেক্রেতরীগী থাক্কী ওফিসর অনি, চীফ কম্মিস্নর কস্তমস, সিভিল এভিএসন মন্ত্রালয়গী ইকনোমিক এদভাইজর, দিরেক্তোরেৎ ওফ জি.ঐচ.এস.কী তেক্নিকেল এদভাইজর, ঐচ.এল.এল.গী রিপ্রজেন্তেতিব, হকশেল মন্ত্রালয়দগী জোইন্ত সেক্রেতরী অনি অমসুং সেক্রেতরী জেনরেল লোইননা ইন্দিয়ন রেদ ক্রোস সোসাইতী (আই.আর.সি.এস.)তগী অতোপ্পা মীহুৎশিং য়াওখি।

মথক্তা পীরিবা অচুম্বা ই-পাউ অসি য়েংলগা ইন্দিয়া তুদেদা পব্লিক দোমেন্দা ফোঙবা অচুম্বা পাউদগী অখন্নবা শরুক খরা শিজিন্নদুনা মখোয়গী ওইবা মওংদা মদু চুন্নবা লান্না হন্দোকপা তৌদনবা পাউতাক পীরি।

*****