ভারত সরকারগী কেবিনেৎ সেক্রেতরী শ্রী রাজিব গৌবানা ঙসি দিল্লীদা কোবিদ-১৯গী শেম-শারিবা অসিগী তোঙান তোঙানবা হীরমশিং য়েংশিনখ্রে। হন্দক এক্তিব কেসশিং, শীখিবশিং অমসুং পোজিতিবিতী রেৎকী ওইরক্লিবা মওং-মতৌশিং; মেদিকেল ইনফ্রাস্ত্রকচর লৈবা লৈতবা অমসুং চাউথোক্নবা থৌরাংশিং; ওক্সিজেন ফংবা ফংদবগী ফীভম; হোম আইসোলেসনগী থবক-থৌওংশিং অমসুং হেল্পলাইন; এম্ব্যুলেন্দ সর্ভিসশিং; অমসুং তেস্তিং হায়রিবা সমস্যাশিং অসি কোনশিল্লিবা প্রজেন্তেসন অমা মীফম অসিদা গভর্নমেন্ত ওফ এন.সি.তি. ওফ দিল্লী (জি.এন.সি.তি.দি.)গী ওফিসিএলশিংনা  উৎখ্রে। মীফম অদু হোম সেক্রেতরী, দা. ভি.কে. পোল,  মেম্বর, নিতি আয়োগ, চীফ সেক্রেতরী, দিল্লী অমসুং জি.এন.সি.তি.দি.গী অতৈ মকোক থোংবা ওফিসিএলশিং, কেন্দ্রগী হকশেল মন্ত্রালয়গী মকোক থোংবা ওফিসিএলশিং অমসুং ম্যুনিসিপাল কোর্পোরেসন্স ওফ দিল্লীগী কম্মিস্নরশিং অমসুং এন.দি.এম.সি.গী চিয়রমেন্না শরুক য়াখ্রে।

কেবিনেৎ সেক্রেতরীনা কোবিদ বেদশিং, আই.সি.য়ু.শিং অমসুং ভেন্তিলেতরশিংগী হেনগৎলক্লিবা দিমান্দ অসি থুংহন্নবা অথুবদা দিল্লীদা মেদিকেল ইনফ্রাস্ত্রকচর ফগৎহনবা মথৌ তাই হায়না ফোঙদোকখ্রে। দেদিকেতেদ ৱেবসাইৎশিং/এপশিংগী খুত্থাংদা মীয়ামদা কোবিদকী বেদশিং অমসুং অতৈ ফেসিলিতীশিং/হীদাক-লাংথকশিং ফংবা ফংদবগা মরী লৈনবা ই-পাউ পুম্নমক অসি ফংহনদুনা অসিগুম্বা ফেসিলিতীশিং/হীদাক-লাংথকশিং মথৌ তারিবা মীওইশিংনা মতিক চাবা মফমদা চৎপা য়ান্নবা হোৎনবা মথৌ তাই হায়না মহাক্না অকনবা ৱাফমসু ফোঙদোকখ্রে। মথৌ তারিবা মীওইশিংদা মরী লৈনবা ক্লিনিকেলগী ওইবা ই-পাউ পীনবা হেল্পলাইন অমা শেমগদবনি অমসুং মসি মীয়ামদা খঙহনগদবনি; হেল্পলাইন অসি মথৌ মশক খঙবা অমসুং স্তাফ মপুং ফানা লৈবা কোল সেন্তর অমগী খুত্থাংদা সর্ভিস তৌহনবা য়াই। ওক্সিজেন ফংবা ফংদবগা মরী লৈনবা সমস্যাগী মতাংদা কেবিনেৎ সেক্রেতরীনা হন্দক মীয়াম্না ওক্সিজেন মরাং কাইনা অমসুং মতম চানা ফংদবনা মরম ওইদুনা অৱাবা মায়োক্নরিবশিং অসিদা নুংঙাইতবা ফোঙদোকখ্রে। মহাক্না দিল্লী সরকারদা মখোয়দা লৈরিবা পাম্বৈ পুম্নমক শিজিন্নদুনা মখোয়দা এল্লোকেৎ তৌখিবা ওক্সিজেন লৌনবা অঙম্বা পুম্নমক হোৎননবা; অমসুং থৈদোকপা নত্ত্রগা অরোনবা থবক তৌদনবা ত্রান্সপরেন্ত ওইবা মওং অমদা মখোয়দা লৈরিবা ওক্সিজেন অদু চাং অমদা য়েন্থোক্নবা খঙহনখ্রে। মেদিকেল অমসুং হেল্থকিয়র হ্যুমেন রিসোর্সশিং মরাং কাইনা লৈরিবরা হায়বগী সমস্যা অসিগী মতাংদা মহাক্না দিল্লী সরকারদা থবক্তগী পোত্থখ্রবা মেদিকেল প্রোফেস্নেলশিং থবক তৌহনদুনা ফ্লেক্সিবল ওইবা প্রোসিজরশিং শেম্নবা খঙহনখ্রে। কেবিনেৎ সেক্রেতরীনা মখা তানা তেস্তিং ফেসিলিতীশিং চাউথোক্নবা অমসুং তেস্ত রিজল্তশিং মতম চানা ফংহন্নবসু খঙহনখ্রে।

কেন্দ্রগী হকশেল মন্ত্রালয়না মমাংদা হোস্পিতালগী মফম খুদিংমক্তা কোবিদ নাবা মীওইশিংগী ফেসিলিতী অদুদা লৈরিবা বেদশিংগী মশিং অদু অরোৎপা লৈতনা ইলেক্ত্রোনিক দিস্প্লেশিং তৌবা অদু অমুক হন্না হৌহনবা মথৌ তারে হায়না অকনবা ৱাফম ফোঙদোকখ্রে। হকশেলগী এদিস্নেল সেক্রেতরীনা তোঙান তোঙানবা হোস্পিতালশিং অমসুং মেদিকেল ফেসিলিতীশিংদা ওক্সিজেন ওদিৎ কম্মিতিশিং শেম্বা মথৌ তারে হায়নসু ফোঙদোকখ্রে।

দা. ভি.কে. পোলনা হৌজিক ওইরিবা ফীভম অসি লুরে অমসুং কেপিতেল অসিদা লৈরিবা মেদিকেল ইনফ্রাস্ত্রকচর চাউথোকহন্নবা অপীকপা নর্সিং হোমশিং অমসুং হোস্পিতালশিংনা মতেং পাংলক্নবসু রিকম্মেন্দ তৌখ্রে। মহাক্না প্রোতোকোলগী মতুং ইননা হোতেলশিং অমসুং মান্নবা মফমশিংদা কোবিদ কিয়র সেন্তরশিং হাংদোক্নবা খঙহনখ্রে। দিল্লী সরকারগী পুং ২৪ হাংলিবা হেল্পলাইন অসিদা মতেং পাংনবা মশানা য়ানা কোবিদ-১৯ নাবশিংদা মেদিকেল কনসল্তেসনশিং পীগদবা দোক্তর ৫০রোম পীনবা মহাক্না দিল্লী মেদিকেল এসোসিএসন্দা রিকম্মেন্দ তৌখ্রে। হেল্পলাইন/মেদিকেল প্রোফেস্নেল অসিনা হীদাক-লাংথকশিং, ওক্সিজেন কনসেন্ত্রেতরশিং অমসুং অতৈ মেদিকেল ফেসিলিতীশিং শিজিন্নবগী মতাংদা লমজিং-লমতাকপীবা য়াগনি।

*****