ਰੱਖਿਆ ਖੋਜ ਤੇ ਵਿਕਾਸ ਸੰਸਥਾ (ਡੀ ਆਰ ਡੀ ਓ) ਨੇ ਸਿੰਗਲ ਕ੍ਰਿਸਟਲ ਬਲੇਡ ਤਕਨਾਲੋਜੀ ਵਿਕਸਿਤ ਕੀਤੀ ਹੈ ਅਤੇ ਇਹਨਾਂ ਵਿੱਚੋਂ 60 ਬਲੇਡਾਂ ਨੂੰ ਹਿੰਦੂਸਤਾਨ ਏਅਰੋਨੋਟਿਕਸ ਲਿਮਟਿਡ (ਐੱਚ ਏ ਐੱਲ) ਨੂੰ ਹੈਲੀਕਾਪਟਰ ਇੰਜਣ ਐਪਲੀਕੇਸ਼ਨ ਲਈ ਆਪਣੇ ਸਵਦੇਸ਼ੀ ਹੈਲੀਕਾਪਟਰ ਵਿਕਸਿਤ ਪ੍ਰੋਗਰਾਮ ਦੇ ਹਿੱਸੇ ਵਜੋਂ ਸਪਲਾਈ ਕੀਤੇ ਹਨ । ਡੀ ਆਰ ਡੀ ਓ ਦੀ ਮੁੱਖ ਲੈਬਾਰਟਰੀ , ਡਿਫੈਂਸ ਮੈਟਲਰਜੀਕਲ ਰਿਸਰਚ ਲੈਬਾਰਟਰੀ (ਡੀ ਐੱਮ ਆਰ ਆਈ) ਵੱਲੋਂ ਚਲਾਏ ਜਾ ਰਹੇ ਪ੍ਰੋਗਰਾਮ ਦੇ ਇੱਕ ਹਿੱਸੇ ਵਜੋਂ ਨਿੱਕਲ ਅਧਾਰਿਤ ਸੂਪਰ ਧਾਤੂ ਵਰਤਦਿਆਂ ਸਿੰਗਲ ਕ੍ਰਿਸਟਲ ਹਾਈ ਪ੍ਰੈਸ਼ਰ ਟ੍ਰਿਬਾਈਨ ਬਲੇਡਾਂ ਦੇ 5 ਸੈੱਟ (ਗਿਣਤੀ ਵਿੱਚ 300) ਵਿਕਸਿਤ ਕਰਨੇ ਹਨ । ਬਾਕੀ ਰਹਿੰਦੇ 4 ਸੈੱਟਾਂ ਦੀ ਸਪਲਾਈ ਆਉਂਦੇ ਸਮੇਂ ਮੁਕੰਮਲ ਕੀਤੀ ਜਾਵੇਗੀ ।
ਰਣਨੀਤਕ ਅਤੇ ਰੱਖਿਆ ਐਪਲੀਕੇਸ਼ਨਸ ਲਈ ਵਰਤੇ ਜਾਂਦੇ ਹੈਲੀਕਾਪਟਰਾਂ ਨੂੰ ਅਤਿਅੰਤ ਹਾਲਤਾਂ ਵਿੱਚ ਭਰੋਸੇਯੋਗ ਸੰਚਾਲਨ ਲਈ ਕੰਪੈਕਟ ਤੇ ਸ਼ਕਤੀਸ਼ਾਲੀ ਏਅਰੋ ਇੰਜਣ ਦੀ ਲੋੜ ਹੁੰਦੀ ਹੈ । ਇਸ ਨੂੰ ਪ੍ਰਾਪਤ ਕਰਨ ਲਈ ਅਤਿ ਆਧੁਨਿਕ ਸਿੰਗਲ ਕ੍ਰਿਸਟਲ ਬਲੇਡ , ਜੋ ਗੁੰਝਲਦਾਰ ਅਕਾਰ ਅਤੇ ਜਿਓਮੈਟਰੀ ਵਾਲੇ ਅਤੇ ਇਹਨਾਂ ਨੂੰ ਨਿੱਕਲ ਅਧਾਰਿਤ ਸੂਪਰ ਧਾਤਾਂ ਨਾਲ ਬਣਾਇਆ ਜਾਂਦਾ ਹੈ ਅਤੇ ਇਹ ਉੱਚੇ ਤਾਪਮਾਨ ਦੀ ਪ੍ਰਵਾਹ ਨਾ ਕਰਦਿਆਂ ਸੰਚਾਲਨ ਯੋਗ ਹੁੰਦੇ ਹਨ । ਵਿਸ਼ਵ ਵਿੱਚ ਬਹੁਤ ਘੱਟ ਮੁਲਕ ਨੇ , ਜਿਵੇਂ ਯੂ ਐੱਸ ਏ , ਯੂਕੇ , ਫਰਾਂਸ ਅਤੇ ਰੂਸ ਜਿਹਨਾਂ ਕੋਲ ਅਜਿਹੇ ਸਿੰਗਲ ਕ੍ਰਿਸਟਲ (ਐੱਸ ਐਕਸ) ਕੰਪੋਨੈਂਟਸ ਬਣਾਉਣ ਅਤੇ ਡਿਜ਼ਾਈਨ ਕਰਨ ਦੀ ਯੋਗਤਾ ਹੈ ।
ਡੀ ਐੱਮ ਆਰ ਐੱਲ ਨੇ ਇਸ ਕੰਮ ਨੂੰ ਪਹਿਲਾਂ ਏਅਰ ਇੰਜਣ ਪ੍ਰਾਜੈਕਟ ਲਈ ਅਜਿਹੀ ਤਕਨਾਲੋਜੀ ਵਿਕਸਿਤ ਕਰਨ ਦੌਰਾਨ ਹੋਏ ਤਜ਼ਰਬੇ ਤੋਂ ਬਾਅਦ ਸ਼ੁਰੂ ਕੀਤਾ ਹੈ । ਬਲੇਡਾਂ ਨੂੰ ਬਣਾਉਣ ਲਈ ਮੁਕੰਮਲ ਵੈਕਿਊਮ ਨਿਵੇਸ਼ ਕਾਸਟਿੰਗ ਪ੍ਰਕਿਰਿਆ ਜਿਸ ਵਿੱਚ ਡਾਈ ਡਿਜ਼ਾਈਨ , ਮੋਮ ਪੈਟਰਿੰਗ , ਸੀਰੇਮਿਕ ਮੋਲਡਿੰਗ , ਕੰਪੋਨੈਂਟਸ ਦੀ ਅਸਲੀ ਕਾਸਟਿੰਗ , ਗੈਰ ਵਿਨਾਸ਼ਕਾਰੀ ਮੁਲਾਂਕਣ , ਹੀਟ ਟ੍ਰੀਟਮੈਂਟ ਅਤੇ ਡਾਇਮੈਂਸ਼ਨਲ ਪੈਮਾਇਸ਼ ਸ਼ਾਮਲ ਹੈ, ਨੂੰ ਡੀ ਐੱਮ ਆਰ ਐੱਲ ਨੇ ਸਥਾਪਿਤ ਕੀਤਾ ਹੈ ।
ਮਜ਼ਬੂਤ ਸਿਰਾਮਿਕ ਮੋਲਡਸ ਬਣਾਉਣ ਲਈ ਵਿਸ਼ੇਸ਼ ਸਿਰਾਮਿਕ ਮਿਸ਼ਰਣ ਤਿਆਰ ਕੀਤਾ ਜਾਂਦਾ ਹੈ , ਜੋ ਕਾਸਟਿੰਗ ਆਪ੍ਰੇਸ਼ਨ ਦੌਰਾਨ ਤਰਲ ਸੀ ਐੱਮ ਐੱਸ ਐੱਕਸ — 4 ਧਾਤੂ ਨੂੰ 1500 ਡਿਗਰੀ ਤੋਂ ਵੱਧ ਦੇ ਮੈਟਲ ਲੋਇਸਟੈਟਿਕ ਪ੍ਰੈਸ਼ਰ ਦੇ ਮੁਕਾਬਲੇ ਖੜ੍ਹਾ ਹੋ ਸਕਦਾ ਹੈ । ਤੱਤਾਂ ਲਈ ਲੋੜੀਂਦੇ ਤਾਪਮਾਨ ਨੂੰ ਬਣਾਏ ਰੱਖਣ ਦੀ ਚੁਣੌਤੀ ਤੇ ਕਾਸਟਿੰਗ ਪੈਰਾਮੀਟਰਜ਼ ਵੱਧ ਤੋਂ ਵੱਧ ਵਧਾ ਕੇ ਕਾਬੂ ਪਾਇਆ ਜਾਂਦਾ ਹੈ । ਗੁੰਝਲਦਾਰ ਸੀ ਐੱਮ ਐੱਸ ਐਕਸ — 4 ਸੂਪਰ ਧਾਤੂ ਵੱਲੋਂ ਲੋੜੀਂਦੇ ਮਾਈਕ੍ਰੋ ਸਟਰਕਚਰ ਅਤੇ ਮਸ਼ੀਨੀ ਗੁਣਾਂ ਨੂੰ ਪ੍ਰਾਪਤ ਕਰਨ ਲਈ ਇੱਕ ਬਹੁਪਖੀ ਵੈਕਿਊਮ ਸੋਲਿਊਸ਼ਨਾਈਜਿ਼ੰਗ ਹੀਟ ਟ੍ਰੀਟਮੈਂਟ ਸੂਚੀ ਨੂੰ ਵੀ ਸਥਾਪਿਤ ਕੀਤਾ ਗਿਆ ਹੈ । ਬਲੇਡਾਂ ਲਈ ਮਜ਼ਬੂਤ ਨਾਨ ਡਿਸਟਰਕਟਿਵ ਇਵੈਲਿਊਏਸ਼ਨ (ਐੱਨ ਡੀ ਈ) ਤਰੀਕੇ ਦੇ ਨਾਲ ਨਾਲ ਕ੍ਰਿਸਟੈਲੋਗ੍ਰਾਫਿਕ ਓਰੀਐਂਟੇਸ਼ਨਜ਼ ਨੂੰ ਨਿਸ਼ਚਿਤ ਕਰਨ ਦੀ ਤਕਨੀਕ , ਨੂੰ ਵੀ ਵਿਕਸਿਤ ਕੀਤਾ ਗਿਆ ਹੈ ।
ਰਕਸ਼ਾ ਮੰਤਰੀ ਸ਼੍ਰੀ ਰਾਜਨਾਥ ਸਿੰਘ ਨੇ ਡੀ ਆਰ ਡੀ ਓ , ਐੱਚ ਏ ਐੱਲ ਅਤੇ ਮਹੱਤਵਪੂਰਨ ਤਕਨਾਲੋਜੀ ਦੇ ਵਿਕਾਸ ਵਿੱਚ ਸ਼ਾਮਲ ਉਦਯੋਗ ਨੂੰ ਵੀ ਮੁਬਾਰਕਬਾਦ ਦਿੱਤੀ ਹੈ ।
ਸਕੱਤਰ ਰੱਖਿਆ ਖੋਜ ਤੇ ਵਿਕਾਸ ਸੰਸਥਾ ਅਤੇ ਚੇਅਰਮੈਨ , ਡੀ ਆਰ ਡੀ ਓ , ਡਾਕਟਰ ਜੀ ਸਥੀਸ਼ ਰੈੱਡੀ ਨੇ ਇਸ ਮਹੱਤਵਪੂਰਨ ਤਕਨਾਲੋਜੀ ਦੇ ਸਵਦੇਸ਼ੀ ਵਿਕਾਸ ਲਈ ਯਤਨਾਂ ਦੀ ਸ਼ਲਾਘਾ ਕਰਦਿਆਂ ਵਧਾਈ ਦਿੱਤੀ ਹੈ ।

********************

ਏ ਬੀ ਬੀ / ਐੱਨ ਏ ਐੱਮ ਪੀ ਆਈ / ਕੇ ਏ / ਡੀ ਕੇ / ਐੱਸ ਏ ਵੀ ਵੀ ਵਾਈ / ਏ ਡੀ ਏ