প্রধান মন্ত্রীনা হোস্পিতালশিংদা ওক্সীজেন ফংবগী চাং হেনগৎহন্নবা হায়রিবা অসিগা মরী লৈননা পি.এম. কেয়র ফন্দনা লৈবাক অসিগী পব্লিক হেল্থ ফেসিলিতীশিংগী মনুংদা মখোয়গী শিজিন্ননবা প্রেসর স্বিং এদজোর্পসন (পি.এস.এ.) মেদিকেল ওক্সীজেন জেনেরেসন প্লান্ত ৫৫১ থম্নবা শেল থাদবগী মপুং ওইবা অয়াবা পি.এম.না প্লান্ত অসি হেক য়ারিবমখৈ অথুবা মতমদা মথৌ তৌনবা হায়রি। মহাক্না হায়খি মদুদি হায়রিবা প্লান্তশিং অসিনা দিস্ত্রীক্তকী থাক্তা মপুং ওইনা ওক্সিজেন ফংহনবগী থবক তৌগনি।

হায়রিবা কত্থোক্লবা প্লান্তশিং অসি স্তেতশিং/য়ু.তি.শিং কয়া অমগী দিস্ত্রীক্ত হেদক্বাতরগী শকখঙলবা সরকারগী হোস্পিতালশিংদা লিংখৎলগনি। লৈবগী থবক হেলথ অমসুং ফেমিলী ৱেলফিয়র মন্ত্রালয়গী খুত্থাংদা/থোংদা পাংথোক্কনি।

পি.এম. কেয়র ফন্দ অসি লৈবাক অসিদা পব্লিক হেলথ ফেসিলিতীদা অহেনবা প্রেসর স্বিং এদজোর্পসন (পি.এস.এ.) মেদিকেল ওক্সীজেন জেনেরেসন প্লান্ত ১৬২ হাপচিন্নবা চহি অসিগী অঙনবদা লুপা করোর ২০১.৫৮ পীখিবনি।    

সরকারগী হোস্পিতালদা পি.এস.এ. ওক্সীজেন জেনেরেসন প্লান্ত লিংখৎপগী মরুওইবা পান্দমদি দিস্ত্রীক্ত হেদক্বাতরশিংদা মখা তানা পব্লিক হেলথ সিস্তেমদা মপাঙ্গল কনখৎনবা অমসুং হোস্পিতালশিং অসিদা ওক্সীজেন জেনেরেসনগী খুদোংচাবা শোইদনা পীবা ঙম্নবনি। অসিগুম্বা ওক্সীজেন জেনেরেসনগী খুদোংচাবা লৈবা অসিনা মসিগী হোস্পিতাল অমসুং দিস্ত্রীক্তশিং অসিগী নুমিৎ খুদিংগী ওইবা চংগদবা মেদিকেল ওক্সিজেন ফংহনবা ঙম্লগনি। মখা তারকপদা লিক্বিদ মেদিকেল ওক্সীজেন (এল.এম.ও.) অসিনা “তোপ অপ” অমা ওইনা ওক্সীজেন জেনেরেসন ফংহনবগী মথৌ তৌগনি। অসিগুম্বা সিস্তেম অসিনা দিস্ত্রীক্তশিংগী সরকারগী হোস্পিতালশিংদা ওক্সিজেন ফংদবগী অৱাবা লৈতবা অসি মতম শাংনা লৈরগনি অমসুং কোবিদ-১৯গী অনাবশিং অমসুং অতোপ্পা অসিগুম্বা মতেং অসিগী তঙাইফদবা লৈবা অনাবশিংদা অতৎ অখম লৈতনা ওক্সিজেন মরাং কাইনা ফংহল্লগনি।   

*****