প্রধানমন্ত্রীগী লোইশঙ

প্রধান মন্ত্রীনা লৈবাক অসিগী মকোক চিংবা দোক্তরশিংগা লোয়ননা কোবিদ-১৯দা পব্লিক হেলথ রেস্পোন্সকী মতাংদা অমুক হন্না য়েংশিনখ্রে

পি.এম.না লৈবাক অসিগী কোবিদ-১৯গী লানফমদা মায়োক্নরিবা হেলথকেয়রগী থৌপুবশিংবু থাগৎপা ফোংদোকখ্রে

পি.এম.না সমাজ অসিদা দোক্তরশিংনা লৌরিবা মখল কয়াগী থৌদাং অমসুং মীয়ামগী শাফুশিং অসিদা মরুওইবা পীখ্রে

পি.এম.না মতিক চানা খুদোংচাবা ফংদ্রবা মফমশিংদা প্রোতোকোলশিং অসি ইন্নবা তাকপি-তম্বিবা, ত্রেনিং, ওনলাইন্দা ৱা-তান্ননবা সহরশিংদা লৈরিবা কোবিদ মেনেজমেন্ত অসিদা নিংথিনা থেংনরক্লবা দোক্তরশিংদা হায়রিবা মফমশিং অসি য়ৌশিন্নবা তকশিল্লি

Posted On: 19 APR 2021 6:51PM by PIB Imphal

প্রধান মন্ত্রী. শ্রী নরেন্দ্র মোদীনা, লৈবাক শিনবা থুংনা লৈরিবা দোক্তরশিংগা কোবিদ-১৯ অমসুং ভেক্সিনেসনগী মরমদা ভিদিও কনফরেন্সকী খুত্থাংদা উনখ্রে। প্রধান মন্ত্রীনা দোক্তরশিং, মেদিকেল অমসুং পেরা-মেদিকেল স্তাফশিংবু লৈবাক অসিদা কোরোনাভাইরস লায়চৎ মনুং অসিদা মখোয়না পাংথোকখিবা মমল নাইদ্রবা থবকশিংগীদমক থাগৎপা ফোংদোকখ্রে।   

পি.এম. মোদীনা হায়, মমাংগী চহিদা, মতম অসিমক্তদা, দোক্তরশিংগী কন্না হোৎনবা অমসুং লৈবাক্কী ওইবা লালোং কয়ানা কোরোনাভাইরস অসিগী ৱেব অসি লাকশিনবা ঙমখি। হৌজিক্তি লৈবাক অসিদা অনিশুবা ৱেব অসি মায়োক্নরি, দোক্তর পুম্বনা, ঐখোয়গী ফ্রন্তলাইন্দা থবক তৌরিবশিংনা লায়চৎ অসি অঙম্বা থাক্তা হোৎনরি অমসুং মীওই মিলিয়ন কয়া অমগী পুন্সি কল্লি।  

পি.এম. মোদীনা হায় মদুদি সেন্ত্রেল সরকারনা তঙাইফদনা চংগদবা হিদাক-লাংথক, ইঞ্জেক্সন অমসুং ওক্সিজেন মরাংকাইনা ফংনবগা মরী লৈননা মরুওইবা ৱারেপ কয়া অমা লৌখৎখি। স্তেত সরকারনা হীরম অসিদা চংগদবা লমজিং লমতাক কয়া অমা পীখি।

পি.এম. মোদীনা হায় মদুদি কোরোনাভাইরস অসি থেংনবদা ভেক্সিনেসন অসিনা খ্বায়দগী চাওবা খুলায়নি। মহাক্না দোক্তরশিংদা অনাবশিং হেন্না ভেক্সিনেসন কাপ্নবা তকশিল্লি।

প্রধান মন্ত্রীনা দোক্তরশিংদা মীয়ামদা কোবিদকী লায়েং অমসুং ঙাকথোক্নবা তৌরিবা অসিদা তোংঙা শন্দোক্লিবা অসিগী মতাংদা তাকপি-তম্বিনবা তকশিল্লি। অসিগুম্বা লুররবা তাঞ্জা অসিদা, পি.এম.মোদীনা হায়, মীয়াম্না অকি-তুজুংবগী খয়াৎতা তাহন্দবা অসি য়াম্না মরু ওই। মসিগীদমক, পি.এম.মোদীনা হায়, নিংথিনা লায়েং চৎথবগা লোয়ননা, অনাবা অমা হোস্পিতালদা এদমীদ তৌদুনা ৱাখল তাহনবা অমা মথৌ তাই। পি.এম. মোদীনা দোক্তরশিংদা অথুবা নত্তবা কেসশিংদা তেলে-মিদিসিন তৌদুনা অতৈ লায়নাশিং লায়েংনবা পুক্নিং থৌগৎখি।   

প্রধান মন্ত্রীনা হায় মদুদি হন্দক্কী মতম অসিদা লায়চৎ অসি তাইয়র ২ অমসুং তাইয়র ৩গী সহরশিংদা য়াম্না থুনা শন্দোরক্লি। পি.এম. মোদীনা হায় মদুদি অসিগুম্বা মফম অসিদা রিসোর্সশিং অসি হেনগৎহন্নবা কন্না হোৎনগদবনি। মহাক্না দোক্তরশিংদা তাইয়র ২ অমসুং তাইয়র ৩গী সহরশিংদা মখোয়গী থবক তৌমিন্নরিবশিং অসি পাও ফাওনবা অমসুং ওনলাইন্দা ৱা-তান্নদুনা প্রোতোকোল অসি মরম চানা ইন্ননবা তকশিনখি।

দোক্তরশিংনা কোবিদ লায়চৎ অসিদা থেংনরিবশিং অসিসু হায়খি। মখোয়না পি.এম. মোদীবু লায়চৎ অসিদা মহাক্না লুচিংদুনা চৎলিবা অসিদা থাগৎপা ফোংদোকখি। মখোয়না হেলথকেয়র ইনফ্রাস্ত্রকচর অসি মতৌ করম্না হেনগৎহনবগে হায়বা অদুগী মরমদা ৱা ঙাংখি। মখোয়না মাস্ক উপ্পা অমসুং থাপ্না লৈনবা অসিগী মরুওইবা অসি হন্না পনখি। মখোয়না কোবিদ নত্তবা অনাবশিংগী হেলথকেয়র ইনফ্রাস্ত্রকচর নিংথিনা থম্নবা মরুওইবা পীখি। মখোয়না অনাবশিংদা মতৌ করম্না হিদাকশিং শিজিন্নগদগে হায়বগী সেন্সিতাইজিং পীবা অসিসু হায়খি।

য়ুনিয়ন হেলথ মিনিস্তর শ্রী হার্শ বর্ধন, এম.ও.এস. (হেলথ) শ্রী আশ্বিনি কুমার চৌবে, কেমিকেল অমসুং ফর্তিলাইজরগী য়ুনিয়ন মিনিস্তর দি.ভি. সদানন্দা গৌদা, এম.ও.এস. (সি.অমসুং. এফ.) মনশুখ মন্দাবিয়া, পি.এম.গী প্রিন্সিপাল সেক্রেতরী, দাঃ বি. কে. পোল মেম্বর (ঐচ) এন.আই.তি.আই. আয়োগ, কেবিনেত সেক্রেতরী, য়ুনিয়ন হেলথ সেক্রেতরী, য়ুনিয়ন ফার্মাস্যুতিকেল সেক্রেতরী, দাঃ বালরাম ভারাগাবা, দি.জি. আই.সি.এম.আর., সেন্ত্রেল সরকারগী মিনিস্ত্রী/দিপার্তমেন্তগী ওফিসরশিংনশু মিতিং অসিদা শরুক য়াখি।

******



(Release ID: 1712801) Visitor Counter : 32