Press Release:Press Information Bureau

PIB Headquarters

ਕੋਵਿਡ-19 ਬਾਰੇ ਪੀਆਈਬੀ ਦਾ ਰੋਜ਼ਾਨਾ ਬੁਲੇਟਿਨ

Posted On: 15 APR 2021 6:06PM by PIB Chandigarh

$C:\Users\user\Desktop\narinder\2021\April\7 april\image002855I.png$ $C:\Users\user\Desktop\narinder\2021\April\7 april\image00102T2.jpg$

ਦੇਸ਼ ਵਿੱਚ ਦਿੱਤੀਆਂ ਜਾ ਰਹੀਆਂ ਕੋਵਿਡ-19 ਟੀਕਾਕਰਣ ਖੁਰਾਕਾਂ ਦੀ ਕੁੱਲ ਸੰਖਿਆ ਅੱਜ 11.44 ਕਰੋੜ ਨੂੰ ਪਾਰ ਕਰ ਗਈ।
ਪਿਛਲੇ 24 ਘੰਟਿਆਂ ਦੌਰਾਨ 33 ਲੱਖ ਤੋਂ ਵੱਧ ਟੀਕਾਕਰਣ ਖੁਰਾਕਾਂ ਦਿੱਤੀਆਂ ਗਈਆਂ।
ਨੈਸ਼ਨਲ ਰਿਕਵਰੀ ਰੇਟ 88.31 ਫੀਸਦ ਹੈ।
ਕੇਂਦਰੀ ਸਿਹਤ ਮੰਤਰਾਲੇ ਨੇ ਵਿਦੇਸ਼ਾਂ ਵਿੱਚ ਬਣੇ ਕੋਵਿਡ 19 ਵੈਕਸੀਨਸ ਲਈ ਰੈਗੂਲੇਟਰੀ ਪਥਵੇਜ਼ ਜਾਰੀ ਕੀਤੇ।

#Unite2FightCorona

#IndiaFightsCorona

$C:\Users\user\Desktop\narinder\2021\April\12 April\image004TJCA.jpg$

ਭਾਰਤ ਚ ਟੀਕਾਕਰਣ ਦਾ ਕੁੱਲ ਅੰਕੜਾ 11.44 ਕਰੋੜ ਤੋਂ ਪਾਰ

ਦੇਸ਼ ਵਿੱਚ ਦਿੱਤੀਆਂ ਜਾ ਰਹੀਆਂ ਕੋਵਿਡ-19 ਟੀਕਾਕਰਣ ਖੁਰਾਕਾਂ ਦੀ ਕੁੱਲ ਸੰਖਿਆ ਅੱਜ 11.44 ਕਰੋੜ ਨੂੰ ਪਾਰ ਕਰ ਗਈ ਹੈ।
ਪਿਛਲੇ 24 ਘੰਟਿਆਂ ਦੌਰਾਨ 33 ਲੱਖ ਤੋਂ ਵੱਧ ਟੀਕਾਕਰਣ ਖੁਰਾਕਾਂ ਦਾ ਪ੍ਰਬੰਧ ਕੀਤਾ ਗਿਆ ਹੈ।
ਟੀਕਾਰਕਣ ਮੁਹਿੰਮ ਦੇ 89 ਦਿਨ (14 ਅਪ੍ਰੈਲ, 2021) ਨੂੰ 33,13,848 ਵੈਕਸੀਨ ਖੁਰਾਕਾਂ ਦਿੱਤੀਆਂ ਗਈਆਂ ਹਨ ਜਿਸ ਵਿੱਚੋਂ 28,77,473 ਲਾਭਾਰਥੀਆਂ ਨੂੰ ਪਹਿਲੀ ਖੁਰਾਕ ਲਈ 44,864 ਸੈਸ਼ਨਾਂ ਰਾਹੀਂ ਟੀਕਾ ਲਗਾਇਆ ਗਿਆ ਹੈ ਅਤੇ 4,36,375 ਲਾਭਪਾਤਰੀਆਂ ਨੇ ਟੀਕੇ ਦੀ ਦੂਜੀ ਖੁਰਾਕ ਹਾਸਲ ਕੀਤੀ ਹੈ
ਭਾਰਤ ਵਿੱਚ ਰੋਜ਼ਾਨਾ ਪੁਸ਼ਟੀ ਵਾਲੇ ਮਾਮਲਿਆਂ ਚ ਲਗਾਤਾਰ ਵਾਧਾ ਦਰਜ ਕੀਤਾ ਜਾ ਰਿਹਾ ਹੈ। ਪਿਛਲੇ 24 ਘੰਟਿਆਂ ਦੌਰਾਨ 2,00,739 ਨਵੇਂ ਕੇਸ ਦਰਜ ਕੀਤੇ ਗਏ ਹਨ।
ਭਾਰਤ ਵਿੱਚ ਕੁੱਲ ਐਕਟਿਵ ਮਾਮਲਿਆਂ ਦੀ ਗਿਣਤੀ 14,71,877 ਤੇ ਪਹੁੰਚ ਗਈ ਹੈ। ਇਹ ਹੁਣ ਦੇਸ਼ ਦੇ ਕੁੱਲ ਪੌਜ਼ੀਟਿਵ ਮਾਮਲਿਆਂ ਦਾ 10.46 ਫੀਸਦ ਬਣਦਾ ਹੈ। ਪਿਛਲੇ 24 ਘੰਟਿਆਂ ਦੌਰਾਨ ਕੁੱਲ ਐਕਟਿਵ ਮਾਮਲਿਆਂ ਚ 1,06,173 ਮਾਮਲਿਆਂ ਦਾ ਸ਼ੁੱਧ ਵਾਧਾ ਦਰਜ ਕੀਤਾ ਗਿਆ ਹੈ।
ਭਾਰਤ ਵਿੱਚ ਰਿਕਵਰੀ ਦੀ ਕੁੱਲ ਗਿਣਤੀ ਅੱਜ 1,24,29,564 ਤੇ ਪੁੱਜ ਗਈ ਹੈ। ਕੌਮੀ ਰਿਕਵਰੀ ਦੀ ਦਰ 88.31 ਫੀਸਦ ਦਰਜ ਕੀਤੀ ਜਾ ਰਹੀ ਹੈ।
9 ਸੂਬੇ/ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ਵੱਲੋਂ ਕੋਵਿਡ-19 ਕਾਰਨ ਬੀਤੇ 24 ਘੰਟਿਆਂ ਦੌਰਾਨ ਮੌਤ ਦਾ ਕੋਈ ਵੀ ਨਵਾਂ ਮਾਮਲਾ ਦਰਜ ਨਹੀਂ ਕੀਤਾ ਗਿਆ ਹੈ। ਇਹ ਹਨ - ਦਮਨ ਤੇ ਦਿਊ ਅਤੇ ਦਾਦਰ ਤੇ ਨਗਰ ਹਵੇਲੀ, ਤ੍ਰਿਪੁਰਾ, ਮੇਘਾਲਿਆ, ਸਿੱਕਮ, ਨਾਗਾਲੈਂਡ, ਮਿਜ਼ੋਰਮ, ਮਣੀਪੁਰ, ਲਕਸ਼ਦੀਪ ਅਤੇ ਅਰੁਣਾਚਲ ਪ੍ਰਦੇਸ਼।

https://pib.gov.in/PressReleasePage.aspx?PRID=1711957

ਅਧਿਕਾਰਤ ਸਮੂਹ -2 ਨੇ ਆਕਸੀਜਨ ਦੀ ਉਪਲਬਧਤਾ ਨੂੰ ਲੈ ਕੇ ਘਬਰਾਹਟ ਤੋਂ ਬਚਣ ਲਈ ਕਾਰਵਾਈ ਸ਼ੁਰੂ ਕੀਤੀ

ਈਜੀ -2 ਨੇ ਵੱਖ-ਵੱਖ ਪ੍ਰਭਾਵਿਤ ਰਾਜਾਂ ਨੂੰ ਮੈਡੀਕਲ ਆਕਸੀਜਨ ਦੀ ਸਪਲਾਈ ਨੂੰ ਯਕੀਨੀ ਬਣਾਉਣ ਲਈ ਕਈ ਕਦਮ ਚੁੱਕੇ ਹਨ। ਕੁੱਝ ਵੱਡੇ ਉਪਾਅ ਹੇਠ ਦਿੱਤੇ ਅਨੁਸਾਰ ਹਨ -
ਹਰੇਕ ਆਕਸੀਜਨ ਨਿਰਮਾਣ ਪਲਾਂਟ ਦੀ ਉਤਪਾਦਨ ਸਮਰੱਥਾ ਦੇ ਅਨੁਸਾਰ ਆਕਸੀਜਨ ਦੇ ਉਤਪਾਦਨ ਵਿੱਚ ਵਾਧਾ; ਇਸ ਦੇ ਨਤੀਜੇ ਵਜੋਂ ਆਕਸੀਜਨ ਨਿਰਮਾਣ ਇਕਾਈਆਂ ਵਿੱਚ 100 ਪ੍ਰਤੀਸ਼ਤ ਉਤਪਾਦਨ ਹੋਇਆ ਹੈ, ਜਿਸ ਨਾਲ ਦੇਸ਼ ਵਿੱਚ ਆਕਸੀਜਨ ਦੀ ਉਪਲਬਧਤਾ ਵਿੱਚ ਵਾਧਾ ਹੋਇਆ ਹੈ। (ਜਿਵੇਂ ਉੱਪਰ ਦੱਸਿਆ ਗਿਆ ਹੈ)
ਸਟੀਲ ਪਲਾਂਟਾਂ ਦੇ ਨਾਲ ਉਪਲਬਧ ਸਰਪਲੱਸ ਸਟਾਕ ਦੀ ਵਰਤੋਂ ਕਰੋ। ਸਟੀਲ ਪਲਾਂਟਾਂ ਦੇ ਨਾਲ ਉਪਲੱਬਧ ਸਟਾਕ ਪਿਛਲੇ ਕੁਝ ਦਿਨਾਂ ਵਿੱਚ ਵਧੇ ਹਨ, 14000 ਮੀਟ੍ਰਿਕ ਟਨ ਸੀਪੀਐੱਸਯੂ ਦੇ ਉਤਪਾਦ ਇਕੱਲੇ ਪੌਦਿਆਂ ਦੇ ਸਟਾਕ ਤੋਂ ਆਏ ਹਨ ਅਤੇ ਇਸ ਨਾਲ ਦੇਸ਼ ਵਿੱਚ ਕੁੱਲ ਐੱਲਐੱਮਓ ਸਟਾਕ ਨੂੰ ਵਧਾਉਣ ਵਿੱਚ ਸਹਾਇਤਾ ਮਿਲੀ ਹੈ।
ਆਕਸੀਜਨ ਸੋਰਸਿੰਗ 'ਤੇ ਵਧੇਰੇ ਸਪੱਸ਼ਟਤਾ ਲਿਆਉਣ ਲਈ ਅਤੇ ਆਕਸੀਜਨ ਸੋਰਸਿੰਗ ਲਈ ਰਾਜਾਂ ਨੂੰ ਭਰੋਸਾ ਦਿਵਾਉਣ ਲਈ, ਰਾਜ ਦੀਆਂ ਸਰਹੱਦਾਂ ਦੇ ਪਾਰ ਸਰੋਤ ਅਤੇ ਸਟੀਲ ਪਲਾਂਟਾਂ ਵਾਲੇ ਉਪਲਬਧ ਆਕਸੀਜਨ ਸਰੋਤਾਂ ਦੇ ਨਾਲ ਚੋਟੀ ਦੇ ਰਾਜਾਂ ਦੀਆਂ ਜ਼ਰੂਰਤਾਂ ਦੀ ਮੈਪਿੰਗ ਕੀਤੀ ਜਾਵੇ। ਇਸ ਤਰ੍ਹਾਂ ਮਹਾਰਾਸ਼ਟਰ ਡੌਲਵੀ (ਮਹਾਰਾਸ਼ਟਰ) ਵਿੱਚ ਜੇਐੱਸਡਬਲਿਊ, ਭਿਲਾਈ (ਛੱਤੀਸਗੜ੍ਹ) ਵਿੱਚ ਸੇਲ ਅਤੇ ਬੇਲਾਰੀ (ਕਰਨਾਟਕ) ਵਿੱਚ ਜੇਐੱਸਡਬਲਿਊ ਵਰਗੇ ਸਟੀਲ ਪਲਾਂਟਾਂ ਤੋਂ ਰੋਜ਼ਾਨਾ ਅਧਾਰ 'ਤੇ ਵਾਧੂ ਮੈਡੀਕਲ ਆਕਸੀਜਨ ਲੈਣ ਦੇ ਯੋਗ ਹੋਇਆ ਹੈ। ਇਸੇ ਤਰ੍ਹਾਂ, ਮੱਧ ਪ੍ਰਦੇਸ਼ ਭਿਲਾਈ (ਛੱਤੀਸਗੜ) ਵਿੱਚ ਸਟੀਲ ਪਲਾਂਟ ਤੋਂ ਆਪਣੀ ਆਕਸੀਜਨ ਸਪਲਾਈ ਨੂੰ ਪੂਰਾ ਕਰਨ ਦੇ ਯੋਗ ਹੈ।
ਮੌਜੂਦਾ ਚੁਣੌਤੀ ਆਕਸੀਜਨ ਨੂੰ ਘੱਟ ਲੋੜ ਵਾਲੇ ਰਾਜਾਂ ਤੋਂ ਵਧੇਰੇ ਲੋੜੀਂਦੇ ਰਾਜਾਂ ਵਿੱਚ ਤਬਦੀਲ ਕਰਨਾ ਹੈ। ਮਹਾਰਾਸ਼ਟਰ, ਗੁਜਰਾਤ, ਮੱਧ ਪ੍ਰਦੇਸ਼, ਉੱਤਰ ਪ੍ਰਦੇਸ਼, ਦਿੱਲੀ, ਛੱਤੀਸਗੜ੍ਹ ਆਦਿ ਰਾਜਾਂ ਦੇ ਸਰਪਲੱਸ ਸਰੋਤਾਂ ਦੀ ਮੈਪਿੰਗ ਨੂੰ ਨਿਰਮਾਤਾਵਾਂ, ਰਾਜਾਂ ਅਤੇ ਹੋਰ ਹਿੱਸੇਦਾਰਾਂ ਨਾਲ ਸਲਾਹ ਮਸ਼ਵਰੇ ਨਾਲ ਅੰਤਮ ਰੂਪ ਦਿੱਤਾ ਜਾ ਰਿਹਾ ਹੈ। ਇਹ ਭਾਰਤ ਅਤੇ ਰਾਜ ਸਰਕਾਰਾਂ ਦਰਮਿਆਨ ਤਾਲਮੇਲ ਦੀ ਯੋਜਨਾ ਦੇ ਜ਼ਰੀਏ 30 ਅਪ੍ਰੈਲ 2021 ਤੱਕ ਦੇਸ਼ ਵਿੱਚ ਉਪਲਬਧ ਸਰੋਤਾਂ ਅਤੇ ਆਕਸੀਜਨ ਦੇ ਸਟਾਕਾਂ ਨਾਲ ਉਨ੍ਹਾਂ ਦੀਆਂ ਜਰੂਰਤਾਂ ਦਾ ਨਕਸ਼ ਬਣਾਉਣ ਲਈ ਕੀਤਾ ਜਾ ਰਿਹਾ ਹੈ।
ਤਰਲ ਮੈਡੀਕਲ ਆਕਸੀਜਨ (ਐੱਲਐੱਮਓ) ਦੇ ਟਰਾਂਸਪੋਰਟ ਟੈਂਕਰਾਂ ਦੀ ਆਵਾਜਾਈ ਨੂੰ ਸੁਵਿਧਾ ਦੇਣ ਲਈ ਰੇਲਵੇ ਅਤੇ ਰਾਜ ਟਰਾਂਸਪੋਰਟ ਵਿਭਾਗਾਂ ਦੇ ਨਾਲ ਸੜਕ ਟਰਾਂਸਪੋਰਟ ਅਤੇ ਰਾਜਮਾਰਗ ਮੰਤਰਾਲੇ ਦੇ ਅਧੀਨ ਇੱਕ ਉਪ ਸਮੂਹ ਬਣਾਇਆ ਗਿਆ ਹੈ। ਰੇਲ ਰਾਹੀਂ ਆਕਸੀਜਨ ਟੈਂਕਰਾਂ ਨੂੰ ਲਿਜਾਣ ਦੀ ਯੋਜਨਾ ਨੂੰ ਵੀ ਸਰਗਰਮੀ ਨਾਲ ਪੂਰਾ ਕੀਤਾ ਜਾ ਰਿਹਾ ਹੈ।
ਆਕਸੀਜਨ ਟੈਂਕਰਾਂ ਦੀ ਨਿਰਵਿਘਨ ਆਵਾਜਾਈ ਦੇ ਸੰਦਰਭ ਵਿੱਚ ਲਏ ਗਏ ਕੁਝ ਮਹੱਤਵਪੂਰਨ ਫੈਸਲੇ ਹੇਠ ਲਿਖੇ ਅਨੁਸਾਰ ਹਨ:
ਪੀਈਐੱਸਓ (ਪੈਟਰੋਲੀਅਮ ਅਤੇ ਸੁਰੱਖਿਆ ਸੰਗਠਨ) ਦੁਆਰਾ ਆਕਸੀਜਨ ਟੈਂਕਰਾਂ ਵਜੋਂ ਵਰਤਣ ਲਈ ਆਰਗਨ ਅਤੇ ਨਾਈਟ੍ਰੋਜਨ ਟੈਂਕਰਾਂ ਦੇ ਰੂਪਾਂਤਰਣ ਲਈ ਆਦੇਸ਼ ਦਿੱਤੇ ਗਏ ਹਨ; ਇਸ ਨਾਲ, ਟੈਂਕਰਾਂ ਦੀ ਢੋਆ ਢੁਆਈ ਲਈ ਫਲੀਟ ਦੀ ਉਪਲਬਧਤਾ ਵਧਾ ਦਿੱਤੀ ਗਈ ਹੈ।
ਆਵਾਜਾਈ ਟੈਂਕਰਾਂ ਦੀ ਮੁਫਤ ਆਵਾਜਾਈ ਦੀ ਸਹੂਲਤ ਬਿਨਾਂ ਰਜਿਸਟ੍ਰੇਸ਼ਨ ਦੇ ਹੋਰ ਰਾਜਾਂ ਨੂੰ ਸੜਕ ਆਵਾਜਾਈ ਅਤੇ ਰਾਜਮਾਰਗ ਮੰਤਰਾਲੇ ਦੁਆਰਾ ਪ੍ਰਦਾਨ ਕੀਤੀ ਗਈ ਹੈ;
ਇਸ ਤੋਂ ਇਲਾਵਾ, ਰਾਜ ਅਨੁਸਾਰ ਸਿਲੰਡਰ ਮੈਪ ਕੀਤੇ ਗਏ ਹਨ ਅਤੇ ਉਦਯੋਗਿਕ ਸਿਲੰਡਰਾਂ ਨੂੰ ਸਹੀ ਸ਼ੁੱਧਤਾ ਤੋਂ ਬਾਅਦ ਮੈਡੀਕਲ ਆਕਸੀਜਨ ਲਈ ਵਰਤਣ ਦੀ ਆਗਿਆ ਦਿੱਤੀ ਗਈ ਹੈ;
ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰਾਲੇ ਵੱਲੋਂ ਵਾਧੂ ਇੱਕ ਲੱਖ ਆਕਸੀਜਨ ਸਿਲੰਡਰ ਖਰੀਦਣ ਦੇ ਆਦੇਸ਼ ਵੀ ਤਿਆਰ ਕੀਤੇ ਜਾ ਰਹੇ ਹਨ;
ਪੀਐੱਮ-ਕੇਅਰਸ ਅਧੀਨ ਮਨਜ਼ੂਰਸ਼ੁਦਾ ਪੀਐੱਸਏ ਪਲਾਂਟ ਦੇ 100 ਪ੍ਰਤੀਸ਼ਤ ਪਲਾਂਟ ਦੇ ਸ਼ੁਰੂਆਤੀ ਮੁਕੰਮਲ ਹੋਣ ਦੀ ਹਸਪਤਾਲਾਂ, ਖਾਸ ਕਰਕੇ ਦੂਰ ਦੁਰਾਡੇ ਦੇ ਇਲਾਕਿਆਂ ਵਿੱਚ ਆਕਸੀਜਨ ਦੇ ਸਵੈ-ਉਤਪਾਦਨ ਨੂੰ ਵਧਾਉਣ ਲਈ ਨੇੜਿਓਂ ਸਮੀਖਿਆ ਕੀਤੀ ਜਾ ਰਹੀ ਹੈ।
ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰਾਲੇ ਅਤੇ ਸਟੀਲ ਮੰਤਰਾਲੇ ਦੇ ਨਾਲ ਡੀਪੀਆਈਆਈਟੀ ਦੁਆਰਾ ਹਰ ਰੋਜ਼ ਉੱਚ ਗਿਣੀਆਂ ਗਈਆਂ ਰਾਜਾਂ ਦੀ ਸਮੀਖਿਆ ਕੀਤੀ ਜਾ ਰਹੀ ਹੈ। ਆਕਸੀਜਨ ਨਿਰਮਾਤਾ ਅਤੇ ਸਟੀਲ ਯੂਨਿਟ ਵੀ ਇਨ੍ਹਾਂ ਮੀਟਿੰਗਾਂ ਵਿੱਚ ਮੌਜੂਦ ਹਨ। ਇਸ ਦੇ ਨਤੀਜੇ ਵਜੋਂ ਰਾਜਾਂ ਨੂੰ ਆਕਸੀਜਨ ਸਪਲਾਈ ਦੀ ਸਹੂਲਤ, ਸਪਲਾਈ ਜਾਂ ਟੈਂਕਰਾਂ ਦੀ ਆਵਾਜਾਈ ਦੋਵਾਂ ਰਾਜਾਂ ਦਰਮਿਆਨ ਪੈਦਾ ਹੋਏ ਮੁੱਦਿਆਂ ਨੂੰ ਹੱਲ ਕਰਨ ਆਦਿ ਲਈ ਸ਼ੁਰੂਆਤੀ ਸਹਾਇਤਾ ਮਿਲੀ ਹੈ।

https://pib.gov.in/PressReleasePage.aspx?PRID=1711922

ਕੇਂਦਰੀ ਸਿਹਤ ਮੰਤਰਾਲੇ ਨੇ ਵਿਦੇਸ਼ਾਂ ਵਿੱਚ ਬਣੇ ਕੋਵਿਡ 19 ਟੀਕੇ ਲਈ ਰੈਗੁਲੇਟਰੀ ਰਸਤੇ ਜਾਰੀ ਕੀਤੇ ਹਨ।

ਕੇਂਦਰੀ ਸਿਹਤ ਮੰਤਰਾਲੇ ਨੇ ਵਿਦੇਸ਼ਾਂ ਵਿੱਚ ਬਣੇ ਕੋਵਿਡ 19 ਟੀਕੇ ਲਈ ਰੈਗੁਲੇਟਰੀ ਰਸਤੇ ਜਾਰੀ ਕੀਤੇ ਹਨ। ਕੇਂਦਰ ਸਰਕਾਰ ਨੇ 13 ਅਪ੍ਰੈਲ 2021 ਨੂੰ ਇੱਕ ਵੱਡਾ ਸੁਧਾਰੀ ਉਪਾਅ ਕਰਦਿਆਂ ਕੋਵਿਡ 19 ਟੀਕਿਆਂ ਲਈ ਨਿਯੰਤਰਣ ਪ੍ਰਣਾਲੀ ਦੀ ਰਫ਼ਤਾਰ ਤੇਜ਼ ਕਰਨ ਅਤੇ ਮਹੱਤਵਪੂਰਨ ਪ੍ਰਵਾਹ ਲਈ ਸੀਮਿਤ ਵਰਤੋਂ ਲਈ ਵਿਦੇਸ਼ਾਂ ਵਿੱਚ ਬਣੇ ਕੋਵਿਡ 19 ਦੇ ਟੀਕਿਆਂ ਨੂੰ ਪ੍ਰਵਾਨਗੀ ਦਿੱਤੀ ਸੀ , ਜਿਨ੍ਹਾਂ ਨੂੰ ਯੂ ਐੱਸ ਐੱਫ ਡੀ ਏ , ਈ ਐੱਮ ਏ , ਯੂ ਕੇ ਐੱਮ ਐੱਚ ਆਰ ਏ , ਪੀ ਐੱਮ ਡੀ ਏ ਜਾਪਾਨ ਦੁਆਰਾ ਪਹਿਲਾਂ ਹੀ ਪ੍ਰਵਾਨਗੀ ਦਿੱਤੀ ਜਾ ਚੁੱਕੀ ਹੈ , ਜਾਂ ਜਿਹੜੇ ਟੀਕੇ ਡਬਲਿਊ ਐੱਚ ਓ ਦੀ ਐਮਰਜੈਂਸੀ ਸੂਚੀਬੱਧ ਹਨ , ਨੂੰ ਮਨਜ਼ੂਰੀ ਦਿੱਤੀ ਹੈ। ਇਹ ਫ਼ੈਸਲਾ ਭਾਰਤ ਦੁਆਰਾ ਅਜਿਹੇ ਵਿਦੇਸ਼ੀ ਟੀਕਿਆਂ ਦੀ ਜਲਦੀ ਪਹੁੰਚ ਲਈ ਸਹੂਲਤ ਦੇਵੇਗਾ ਅਤੇ ਦਰਾਮਦ , ਜਿਸ ਵਿੱਚ ਬਲਕ ਡਰੱਗ ਸਮੱਗਰੀ ਸ਼ਾਮਿਲ ਹੈ , ਨੂੰ ਸਵਦੇਸ਼ੀ ਵਰਤੋਂ ਲਈ ਪੂਰੀ ਸਮਰੱਥਾ ਅਨੁਸਾਰ ਦਰਾਮਦ ਲਈ ਉਤਸ਼ਾਹਿਤ ਕਰੇਗਾ। ਇਹ ਦਰਾਮਦ ਟੀਕਾ ਵਧਾਉਣ ਦੀ ਸਮਰੱਥਾ ਅਤੇ ਸਵਦੇਸ਼ੀ ਟੀਕੇ ਦੀ ਖੁ਼ਦ ਉਪਲਬਧਤਾ ਦੀ ਭਰਪੂਰ ਸਹਾਇਤਾ ਪ੍ਰਦਾਨ ਕਰੇਗਾ।

https://pib.gov.in/PressReleasePage.aspx?PRID=1711979

ਕੋਵਿਡ ‘ਟੀਕਾ ਉਤਸਵ’ ਦੌਰਾਨ ਕੋਵਿਡ ਟੀਕਾਕਰਣ ਕੇਂਦਰਾਂ ਅਤੇ ਰੋਜ਼ਾਨਾ ਟੀਕੇ ਲਗਾਉਣ ਵਾਲਿਆਂ ਦੀ ਗਿਣਤੀ ਵਿੱਚ ਵਾਧਾ ਦਰਜ

ਟੀਕਾ ਉਤਸਵ ਦੌਰਾਨ 1.28 ਕਰੋੜ ਤੋਂ ਵੱਧ ਖੁਰਾਕਾਂ ਦਾ ਪ੍ਰਬੰਧਨ ਕੀਤਾ ਗਿਆ। ਚਾਰ ਦਿਨਾਂ ‘ਟੀਕਾ ਉਤਸਵ’ ਦੌਰਾਨ ਟੀਕਾਕਰਣ ਦੀ ਤੇਜ਼ ਰਫ਼ਤਾਰ ਦੇਖਣ ਨੂੰ ਮਿਲੀ। 11 ਅਪ੍ਰੈਲ ਨੂੰ 29,33,418 ਟੀਕੇ ਲਗਾਏ ਗਏ ਸਨ, ਜਦੋਂਕਿ ਅਗਲੇ ਦਿਨ 40,04,521 ਟੀਕੇ ਲਗਾਏ ਗਏ ਸਨ। ਇਹ ਗਿਣਤੀ 13 ਅਤੇ 14 ਅਪ੍ਰੈਲ ਨੂੰ ਕ੍ਰਮਵਾਰ 26,46,528 ਅਤੇ 33,13,848 ਦਰਜ ਕੀਤੀ ਗਈ। ‘ਟੀਕਾ ਉਤਸਵ’ਦੌਰਾਨ ਟੀਕਾਕਰਣ ਦੀ ਕੁੱਲ ਗਿਣਤੀ ਵਿੱਚ 1,28,98,314 ਖੁਰਾਕਾਂ ਦਾ ਤੇਜ਼ੀ ਨਾਲ ਵਾਧਾ ਦੇਖਿਆ ਗਿਆ, ਜਿਸ ਦੌਰਾਨ ਦੇਸ਼ ਭਰ ਦੇ ਯੋਗ ਸਮੂਹਾਂ ਨਾਲ ਸੰਬੰਧਿਤ ਲੋਕਾਂ ਨੂੰ ਟੀਕੇ ਲਗਾਏ ਗਏ।

https://pib.gov.in/PressReleasePage.aspx?PRID=1711938

ਕੇਂਦਰੀ ਗ੍ਰਹਿ ਸਕੱਤਰ ਨੇ ਕੋਵਿਡ-19 ਦੀ ਸਥਿਤੀ ਅਤੇ ਮੱਧ ਪ੍ਰਦੇਸ਼ ਦੁਆਰਾ ਜਨਤਕ ਸਿਹਤ ਦੇ ਖੇਤਰ ਵਿੱਚ ਕੀਤੇ ਗਏ ਉਪਾਵਾਂ ਦੀ ਸਮੀਖਿਆ ਲਈ ਇੱਕ ਉੱਚ ਪੱਧਰੀ ਬੈਠਕ ਦੀ ਪ੍ਰਧਾਨਗੀ ਕੀਤੀ

ਨਿਮਨਲਿਖਿਤ 5 – ਸੂਤਰੀ ਰਣਨੀਤੀ ‘ਤੇ ਚਨਾਣਾ ਪਾਇਆ ਗਿਆ ਅਤੇ ਉਸ ‘ਤੇ ਚਰਚਾ ਕੀਤੀ ਗਈ :

ਜਾਂਚ ਦੇ ਮੋਰਚੇ ‘ਤੇ, ਰਾਜ ਨੂੰ ਨਿਮਨਲਿਖਿਤ ਸਲਾਹ ਦਿੱਤੀ ਗਈ –

ਨਿਊਨਤਮ 70% ਆਰਟੀ-ਪੀਸੀਆਰ ਜਾਂਚ ਅਤੇ ਸੰਘਣੀ ਆਬਾਦੀ ਵਾਲੇ ਖੇਤਰਾਂ ਦੇ ਨਾਲ - ਨਾਲ ਉਨ੍ਹਾਂ ਖੇਤਰਾਂ, ਜਿੱਥੇ ਤਾਜੇ ਕਲਸਟਰ ਉੱਭਰ ਰਹੇ ਹਨ, ਵਿੱਚ ਸਕ੍ਰੀਨਿੰਗ ਟੈਸਟਾਂ ਦੇ ਤੌਰ ‘ਤੇ ਰੈਪਿਡ ਐਂਟੀਜਨ ਟੈਸਟ ਦੇ ਉਪਯੋਗ ਦੇ ਨਾਲ ਸਾਰੇ ਜਿਲ੍ਹਿਆਂ ਵਿੱਚ ਜਾਂਚ ਵਿੱਚ ਜਿਕਰਯੋਗ ਰੂਪ ਨਾਲ ਵਾਧਾ ਕੀਤੀ ਜਾਵੇ।

ਰੈਪਿਡ ਐਂਟੀਜਨ ਟੈਸਟ (ਆਰਏਟੀ) ਵਿੱਚ ਨੈਗੇਟਿਵ ਪਾਏ ਗਏ ਲੋਕਾਂ ਦਾ ਲਾਜ਼ਮੀ ਰੂਪ ਨਾਲ ਆਰਟੀ - ਪੀਸੀਆਰ ਟੈਸਟ ਕਰਵਾਇਆ ਜਾਵੇ।

ਸੰਕ੍ਰਮਣ ਦੇ ਪ੍ਰਸਾਰ ਦੀ ਖੋਜ, ਨਿਯੰਤ੍ਰਣ ਅਤੇ ਨਿਗਰਾਨੀ

ਹਰੇਕ ਸੰਕ੍ਰਮਿਤ ਵਿਅਕਤੀ ਦੇ ਘੱਟ ਤੋਂ ਘੱਟ 25 ਤੋਂ 30 ਨਜ਼ਦੀਕੀ ਸੰਪਰਕਾਂ ਦਾ ਪਤਾ ਲਗਾਓ ਅਤੇ 72 ਘੰਟਿਆਂ ਵਿੱਚ ਉਨ੍ਹਾਂ ਦਾ ਆਈਸੋਲੇਸ਼ਨ ਕਰੋ।
ਉਸ ਦੇ ਬਾਅਦ ਸਾਰੇ ਨਜ਼ਦੀਕੀ ਸੰਪਰਕਾਂ ਦੀ ਟੈਸਟਿੰਗ ਅਤੇ ਫਾਲੋਅੱਪ ਕਰੋ।
ਮਾਮਲਿਆਂ ਅਤੇ ਉਨ੍ਹਾਂ ਦੇ ਸੰਪਰਕਾਂ ਦੇ ਸਮੂਹਾਂ ਦੇ ਸਮੁਚਿਤ ਮਾਨਚਿਤਰਣ ਦੇ ਅਨੁਰੂਪ ਕੰਟੈਨਮੈਂਟ ਜ਼ੋਨ ਦਾ ਨਿਰਧਾਰਣ ਕਰੋ।

3. ਰਾਜ ਨੂੰ ਘਰ/ਦੇਖਭਾਲ਼ ਸੁਵਿਧਾ ਲਈ ਨੈਦਾਨਿਕ ਦੇਖਭਾਲ਼, ਉਪਚਾਰ ਅਤੇ ਸਹਾਇਤਾ ਦੇ ਪ੍ਰੋਟੋਕੋਲ ਦਾ ਪਾਲਣ ਕਰਨ ਦੇ ਸਬੰਧ ਵਿੱਚ ਨਿਮਨਲਿਖਿਤ ਸਲਾਹ ਦਿੱਤੀ ਗਈ :

ਜ਼ਰੂਰਤ ਦੇ ਅਨੁਸਾਰ ਆਈਸੋਲੇਸ਼ਨ ਬੈੱਡ, ਆਕਸੀਜਨ ਬੈੱਡ, ਵੈਂਟੀਲੇਟਰ/ਆਈਸੀਯੂ ਬੈੱਡ, ਐਬੂਲੈਂਸ ਦੇ ਬੈੱਡਾਂ ਦੀ ਸੰਖਿਆ ਵਧਾਓ।
ਆਕਸੀਜਨ ਦੀ ਲੋੜੀਂਦੀ ਸਪਲਾਈ ਦੀ ਯੋਜਨਾ ਬਣਾਓ।
ਜਲਦੀ ਨਾਲ ਮਾਮਲਿਆਂ ਦੀ ਪਹਿਚਾਣ ਅਤੇ ਇਲਾਜ ਸਬੰਧੀ ਪ੍ਰੋਟੋਕੋਲ ਦਾ ਅਨੁਪਾਲਨ ਕਰਕੇ ਮੌਤ ਦਰ ਵਿੱਚ ਕਮੀ ‘ਤੇ ਧਿਆਨ ਦਿਓ।

4. ਕੋਵਿਡ ਦੇ ਸੁਰੱਖਿਅਤ ਵਿਵਹਾਰ ਦੇ ਮੋਰਚੇ ‘ਤੇ ਰਾਜ ਨੂੰ ਨਿਮਨਲਿਖਿਤ ਸਲਾਹ ਦਿੱਤੀ ਗਈ :

ਸਹੀ ਤਰੀਕੇ ਨਾਲ ਮਾਸਕ ਪਹਿਨਣ ਅਤੇ ਸੋਸ਼ਲ ਡਿਸਟੈਂਸਿੰਗ ਬਣਾਏ ਰੱਖਣ ਬਾਰੇ ਜਾਣਕਾਰੀ ਦੇਣ ਲਈ ਸਥਾਨਕ ਪੱਧਰ ‘ਤੇ ਰਾਜਨੀਤਕ, ਸੱਭਿਆਚਾਰਕ, ਖੇਡ ਅਤੇ ਧਾਰਮਿਕ ਖੇਤਰ ਵਿੱਚ ਪ੍ਰਭਾਵਸ਼ਾਲੀ ਹਸਤੀਆਂ ਦੀ ਮਦਦ ਲਓ।
ਦਿਸ਼ਾ-ਨਿਰਦੇਸ਼ਾਂ ਦੇ ਕਾਰਗਰ ਅਤੇ ਸਖ਼ਤ ਪਰਿਵਰਤਨ ਲਈ ਪੁਲਿਸ ਐਕਟ, ਡੀਐੱਮ ਐਕਟ ਅਤੇ ਹੋਰ ਕਾਨੂੰਨੀ/ਪ੍ਰਸ਼ਾਸਨਿਕ ਪ੍ਰਾਵਧਾਨਾਂ ਦਾ ਉਪਯੋਗ ਕਰੋ।

5. ਟੀਕਾਕਰਣ ਦੇ ਸਬੰਧ ਵਿੱਚ, ਰਾਜ ਨੂੰ ਇਹ ਸੁਨਿਸ਼ਚਿਤ ਕਰਨ ਦੀ ਸਲਾਹ ਦਿੱਤੀ ਗਈ

ਟੀਕੇ ਦੀ ਪਾਤਰਾ ਰੱਖਣ ਵਾਲੇ ਸਿਹਤ ਕਰਮੀਆਂ (ਐੱਚਸੀਡਬਲਿਊ), ਫਰੰਟਲਾਈਨ ਵਰਕਰਾਂ (ਐੱਫਐੱਲਡਬਲਿਊ) ਅਤੇ ਪਾਤਰ ਉਮਰ ਵਰਗ ਦੇ ਲੋਕਾਂ ਦੇ 100% ਟੀਕਾਕਰਣ ਦੀ ਸਮਾਂਬੱਧ ਯੋਜਨਾ ਬਣਾਓ।

https://pib.gov.in/PressReleseDetail.aspx?PRID=1711304

ਪੀਆਈਬੀ ਫੀਲਡ ਦਫ਼ਤਰਾਂ ਤੋਂ ਇਨਪੁਟ

∙ ਮਹਾਰਾਸ਼ਟਰ: ਰਾਜ ਵਿੱਚ ਬੁੱਧਵਾਰ ਨੂੰ 58,952 ਨਵੇਂ ਕੇਸ ਸਾਹਮਣੇ ਆਏ, ਜਿਸ ਨਾਲ ਕੁੱਲ ਐਕਟਿਵ ਮਾਮਲਿਆਂ ਦੀ ਗਿਣਤੀ 6.12 ਲੱਖ ਹੋ ਗਈ ਹੈ। 1.11 ਕਰੋੜ ਟੀਕੇ ਲਗਾਉਣ ਨਾਲ ਰਾਜ ਦੇਸ਼ ਵਿੱਚ ਟੀਕਾਕਰਣ ਮੁਹਿੰਮ ਵਿੱਚ ਪਹਿਲੇ ਨੰਬਰ ’ਤੇ ਹੈ। ਮਹਾਰਾਸ਼ਟਰ ਦੇ ਮੁੱਖ ਮੰਤਰੀ ਊਧਵ ਠਾਕਰੇ ਨੇ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੂੰ ਬੇਨਤੀ ਕੀਤੀ ਹੈ ਕਿ ਕੋਵਿਡ-19 ਮਹਾਮਾਰੀ ਨੂੰ ਕੁਦਰਤੀ ਬਿਪਤਾ ਮੰਨਿਆ ਜਾਵੇ ਤਾਂ ਜੋ ਸਟੇਟ ਡਿਜ਼ਾਸਟ੍ਰ ਰਿਸਪਾਂਸ ਫੰਡ (ਐੱਸਡੀਆਰਐੱਫ਼) ਦੀ ਵਰਤੋਂ ਪ੍ਰਭਾਵਿਤ ਵਿਅਕਤੀਆਂ ਦੇ ਇਲਾਜ ਲਈ ਕੀਤੀ ਜਾ ਸਕੇ। ਇਸ ਦੌਰਾਨ, ਮੁੰਬਈ ਦੇ ਛਤਰਪਤੀ ਸ਼ਿਵਾਜੀ ਮਹਾਰਾਜ ਅੰਤਰਰਾਸ਼ਟਰੀ ਹਵਾਈ ਅੱਡੇ ਨੇ ਇਸ ਸਮੇਂ ਟਰਮੀਨਲ 1 ਰਾਹੀਂ ਚੱਲ ਰਹੀਆਂ ਸਾਰੀਆਂ ਘਰੇਲੂ ਯਾਤਰੀਆਂ ਦੀਆਂ ਉਡਾਣਾਂ ਨੂੰ ਮੁੜ ਇਕੱਠਾ ਕਰਨ ਦਾ ਫੈਸਲਾ ਕੀਤਾ ਹੈ। 21 ਅਪ੍ਰੈਲ ਤੋਂ, ਸਾਰੀਆਂ ਅੰਤਰਰਾਸ਼ਟਰੀ ਅਤੇ ਘਰੇਲੂ ਉਡਾਣਾਂ ਟਰਮੀਨਲ 2 ਤੋਂ ਚਲਾਈਆਂ ਜਾਣਗੀਆਂ। ਇਹ ਫੈਸਲਾ ਕੋਵਿਡ ਮਹਾਮਾਰੀ ਦੇ ਫੈਲਾਅ ਨੂੰ ਦੇਖਦੇ ਹੋਏ ਲਿਆ ਗਿਆ ਹੈ।

∙ ਗੁਜਰਾਤ: ਗੁਜਰਾਤ ਵਿੱਚ ਕੋਵਿਡ-19 ਦੇ 7,410 ਨਵੇਂ ਮਾਮਲੇ ਸਾਹਮਣੇ ਆਏ ਹਨ, ਜੋ ਕਿ ਇੱਕ ਦਿਨ ਵਿੱਚ ਹੁਣ ਤੱਕ ਦੇ ਸਭ ਤੋਂ ਵੱਧ ਸਾਹਮਣੇ ਆਏ ਮਾਮਲੇ ਹਨ। ਪਿਛਲੇ 24 ਘੰਟਿਆਂ ਵਿੱਚ ਕੋਰੋਨਾ ਵਾਇਰਸ ਕਾਰਨ ਹੋਈਆਂ ਮੌਤਾਂ ਦੀ ਗਿਣਤੀ 73 ਦੇ ਇੱਕ ਨਵੇਂ ਸਿਖਰ ਤੱਕ ਪਹੁੰਚ ਗਈ ਹੈ। ਰਾਜ ਵਿੱਚ ਐਕਟਿਵ ਮਾਮਲੇ 39,250 ਤੱਕ ਪਹੁੰਚ ਗਏ ਹਨ ਅਤੇ ਮੌਤਾਂ ਦੀ ਗਿਣਤੀ 5000 ਦੇ ਨੇੜੇ ਪਹੁੰਚ ਗਈ ਹੈ, ਜਦੋਂ ਕਿ ਇਸ ਸਮੇਂ ਕੁੱਲ 4,995 ਮੌਤਾਂ ਹੋਈਆਂ ਹਨ। ਕੋਵਿਡ ਦੇ ਵੱਧ ਰਹੇ ਮਾਮਲਿਆਂ ਦੇ ਮੱਦੇਨਜ਼ਰ ਰਾਜ ਸਰਕਾਰ ਨੇ ਦਸਵੀਂ ਅਤੇ ਬਾਰ੍ਹਵੀਂ ਜਮਾਤ ਦੀਆਂ ਬੋਰਡ ਦੀਆਂ ਪਰੀਖਿਆਵਾਂ ਮੁਲਤਵੀ ਕਰਨ ਦਾ ਫੈਸਲਾ ਕੀਤਾ ਹੈ। 15 ਮਈ ਨੂੰ ਹਾਲਤ ਦਾ ਦੋਬਾਰਾ ਜਾਇਜ਼ਾ ਲਿਆ ਜਾਵੇਗਾ।

∙ ਰਾਜਸਥਾਨ: ਕੋਰੋਨਾ ਵਾਇਰਸ ਦੀ ਲਾਗ ਦੇ ਮਾਮਲਿਆਂ ਵਿੱਚ ਭਾਰੀ ਵਾਧਾ ਹੋਣ ਦੇ ਬਾਵਜੂਦ ਰਾਜਸਥਾਨ ਸਰਕਾਰ ਨੇ 16 ਅਪ੍ਰੈਲ ਤੋਂ ਪੂਰੇ ਰਾਜ ਵਿੱਚ ਸ਼ਾਮ 6 ਵਜੇ ਤੋਂ ਸਵੇਰੇ 5 ਵਜੇ ਤੱਕ ਰਾਤ ਭਰ ਦਾ ਕਰਫਿਊ ਲਾਉਣ ਦਾ ਫੈਸਲਾ ਕੀਤਾ ਹੈ। ਇਸ ਤੋਂ ਪਹਿਲਾਂ ਰਾਜ ਦੇ 10 ਸ਼ਹਿਰੀ ਇਲਾਕਿਆਂ ਵਿੱਚ ਰਾਤ ਦਾ ਕਰਫਿਊ ਘੋਸ਼ਿਤ ਕੀਤਾ ਗਿਆ ਸੀ। ਰਾਜਸਥਾਨ ਵਿੱਚ ਬੁੱਧਵਾਰ ਨੂੰ ਇੱਕ ਦਿਨ ਵਿੱਚ ਸਭ ਤੋਂ ਵੱਧ ਕੇਸ ਦੇਖੇ ਗਏ, ਬੁੱਧਵਾਰ ਨੂੰ ਕੋਵਿਡ-19 ਦੇ 6,200 ਤਾਜ਼ਾ ਕੇਸ ਸਾਹਮਣੇ ਆਏ।

∙ ਛੱਤੀਸਗੜ੍ਹ: ਕੋਵਿਡ-19 ਮਹਾਮਾਰੀ ਦੀ ਰੋਕਥਾਮ ਦੀ ਯੋਜਨਾ ਨੂੰ ਪੂਰਾ ਕਰਨ ਲਈ ਛੱਤੀਸਗੜ੍ਹ ਵਿੱਚ ਇੱਕ ਸਰਬ ਪਾਰਟੀ ਮੀਟਿੰਗ ਕੀਤੀ ਜਾ ਰਹੀ ਹੈ। ਪ੍ਰਧਾਨ ਮੰਤਰੀ ਨੇ ਬੁੱਧਵਾਰ ਨੂੰ ਰਾਜ ਦੇ ਰਾਜਪਾਲਾਂ ਨਾਲ ਮੀਟਿੰਗ ਕੀਤੀ ਸੀ ਇਸ ਦੇ ਇੱਕ ਦਿਨ ਬਾਅਦ ਇਹ ਵਰਚੁਅਲ ਬੈਠਕ ਕੀਤੀ ਗਈ ਹੈ। ਛੱਤੀਸਗੜ੍ਹ ਵਿੱਚ ਕੋਵਿਡ ਦੇ 14,250 ਨਵੇਂ ਕੇਸ ਸਾਹਮਣੇ ਆਏ ਹਨ, ਜਿਸ ਨਾਲ ਐਕਟਿਵ ਮਾਮਲਿਆਂ ਦੀ ਗਿਣਤੀ 1.18 ਲੱਖ ਹੋ ਗਈ ਹੈ।

∙ ਪੰਜਾਬ: ਕੋਵਿਡ ਪਾਜ਼ਿਟਿਵ ਟੈਸਟ ਪਾਏ ਜਾਣ ਵਾਲੇ ਮਰੀਜ਼ਾਂ ਦੀ ਗਿਣਤੀ 282505 ਹੈ। ਐਕਟਿਵ ਮਾਮਲਿਆਂ ਦੀ ਗਿਣਤੀ 28250 ਹੈ। ਮੌਤਾਂ ਦੀ ਕੁੱਲ ਗਿਣਤੀ 7672 ਹੈ। ਕੋਵਿਡ-19 ਦੀ ਪਹਿਲੀ ਖੁਰਾਕ (ਹੈਲਥਕੇਅਰ + ਫ਼੍ਰੰਟਲਾਈਨ ਵਰਕਰ) ਦੇ ਲਈ ਲਗਾਏ ਗਏ ਕੁੱਲ ਟੀਕਿਆਂ ਦੀ ਗਿਣਤੀ 463657 ਹੈ। ਕੋਵਿਡ-19 ਦੀ ਦੂਸਰੀ ਖੁਰਾਕ (ਹੈਲਥਕੇਅਰ + ਫ਼੍ਰੰਟਲਾਈਨ ਵਰਕਰ) ਦੇ ਲਈ ਲਗਾਏ ਗਏ ਕੁੱਲ ਟੀਕਿਆਂ ਦੀ ਗਿਣਤੀ 137945 ਹੈ। 45 ਸਾਲ ਤੋਂ ਵੱਧ ਉਮਰ ਦੇ 1444419 ਵਿਅਕਤੀਆਂ ਨੂੰ ਪਹਿਲੀ ਖੁਰਾਕ ਦੇ ਲਈ ਟੀਕੇ ਲਗਾਏ ਗਏ ਹਨ। 45 ਸਾਲ ਤੋਂ ਵੱਧ ਉਮਰ ਦੇ 37566 ਵਿਅਕਤੀਆਂ ਨੂੰ ਦੂਸਰੀ ਖੁਰਾਕ ਦੇ ਲਈ ਟੀਕੇ ਲਗਾਏ ਗਏ ਹਨ।

∙ ਹਰਿਆਣਾ: ਹੁਣ ਤੱਕ ਪਾਜ਼ਿਟਿਵ ਪਾਏ ਗਏ ਨਮੂਨਿਆਂ ਦੀ ਕੁੱਲ ਸੰਖਿਆ 329942 ਹੈ। ਕੋਵਿਡ-19 ਦੇ ਕੁੱਲ ਐਕਟਿਵ ਮਰੀਜ਼ 27421 ਹਨ। ਮੌਤਾਂ ਦੀ ਗਿਣਤੀ 3316 ਹੈ। ਅੱਜ ਤੱਕ ਟੀਕਾ ਲਗਾਏ ਗਏ ਲੋਕਾਂ ਦੀ ਗਿਣਤੀ 2991855 ਹੈ।

∙ ਚੰਡੀਗੜ੍ਹ: ਲੈਬ ਦੁਆਰਾ ਪੁਸ਼ਟੀ ਕੀਤੇ ਗਏ ਕੁੱਲ ਕੋਵਿਡ-19 ਦੇ ਕੇਸ 31985 ਹਨ। ਐਕਟਿਵ ਕੇਸਾਂ ਦੀ ਕੁੱਲ ਗਿਣਤੀ 3371 ਹੈ। ਕੋਵਿਡ-19 ਮੌਤਾਂ ਦੀ ਹੁਣ ਤੱਕ ਕੁੱਲ ਗਿਣਤੀ 404 ਹੈ।

∙ ਕੇਰਲ: ਕੋਵਿਡ ਦੇ ਵਧ ਰਹੇ ਮਾਮਲਿਆਂ ਦੇ ਮੱਦੇਨਜ਼ਰ ਰਾਜ ਸਰਕਾਰ ਨੇ ਨਵੀਆਂ ਸਖਤ ਪਾਬੰਦੀਆਂ ਜਾਰੀ ਕੀਤੀਆਂ ਹਨ। ਇਹ ਫੈਸਲਾ ਅੱਜ ਮੁੱਖ ਮੰਤਰੀ ਪੀਨਾਰਈ ਵਿਜਯਨ ਵੱਲੋਂ ਬੁਲਾਈ ਗਈ ਉੱਚ ਪੱਧਰੀ ਐਮਰਜੈਂਸੀ ਬੈਠਕ ਵਿੱਚ ਲਿਆ ਗਿਆ। ਨਾਲ ਹੀ, ਰੋਜ਼ਾਨਾ ਕੋਵਿਡ ਟੈਸਟਾਂ ਦੀ ਗਿਣਤੀ ਵਧਾਉਣ ਦਾ ਫੈਸਲਾ ਕੀਤਾ ਗਿਆ ਹੈ। ਕੰਟੇਨਮੈਂਟ ਜ਼ੋਨਾਂ ਵਿੱਚ ਸਖਤ ਪਾਬੰਦੀਆਂ ਲਾਜ਼ਮੀ ਹਨ। ਵਿਆਹ, ਘਰਾਂ ਦੀਆਂ ਦਾਵਤਾਂ ਅਤੇ ਹੋਰ ਜਨਤਕ ਇਕੱਠਾਂ ਲਈ ਪਹਿਲਾਂ ਤੋਂ ਪ੍ਰਵਾਨਗੀ ਦੀ ਲੋੜ ਲਾਜ਼ਮੀ ਹੋਵੇਗੀ। ਮਾਲਾਂ ਅਤੇ ਬਜ਼ਾਰਾਂ ਵਿੱਚ ਦਾਖਲੇ ਲਈ ਕੋਵਿਡ ਦਾ ਨੈਗੀਟਿਵ ਸਰਟੀਫਿਕੇਟ ਲਾਜ਼ਮੀ ਕਰ ਦਿੱਤਾ ਗਿਆ ਹੈ। ਟਿਊਸ਼ਨ ਸੈਂਟਰਾਂ ਨੂੰ ਚਲਾਉਣ ਲਈ ਹਾਈ ਅਲਰਟ ਜਾਰੀ। ਇਸ ਦੌਰਾਨ ਸਿਹਤ ਮੰਤਰੀ ਕੇ. ਕੇ. ਸ਼ੈਲਾਜਾ ਨੇ ਉਨ੍ਹਾਂ ਜਗ੍ਹਾਵਾਂ ’ਤੇ ਸਥਾਨਕ ਲੌਕਡਾਊਨ ਲਗਾਉਣ ਦੀ ਸੰਭਾਵਨਾ ਦੀ ਚੇਤਾਵਨੀ ਦਿੱਤੀ ਹੈ ਜਿੱਥੇ ਕੋਵਿਡ ਦਾ ਫੈਲਾਅ ਵੱਧ ਹੈ। ਉਨ੍ਹਾਂ ਨੇ ਅੱਗੇ ਕਿਹਾ ਕਿ ਕੇਂਦਰ ਤੋਂ ਹੋਰ ਟੀਕੇ ਮੰਗੇ ਗਏ ਹਨ। ਬੁੱਧਵਾਰ ਨੂੰ ਰਾਜ ਵਿੱਚ ਕੋਵਿਡ-19 ਦੇ 8778 ਮਾਮਲੇ ਸਾਹਮਣੇ ਆਏ, ਜਦੋਂ ਕਿ ਟੈਸਟ ਪੋਜ਼ੀਟਿਵਟੀ ਦਰ 13.45% ਤੱਕ ਚਲੀ ਗਈ ਹੈ।

∙ ਪੁਦੂਚੇਰੀ: ਪਿਛਲੇ 24 ਘੰਟਿਆਂ ਦੌਰਾਨ ਪੁਦੂਚੇਰੀ ਵਿੱਚ ਕੋਵਿਡ ਦੇ 413 ਤਾਜ਼ਾ ਮਾਮਲੇ ਸਾਹਮਣੇ ਆਏ ਹਨ ਜਿਨ੍ਹਾਂ ਨਾਲ ਕੇਂਦਰ ਸ਼ਾਸਿਤ ਪ੍ਰਦੇਸ਼ ਵਿੱਚ ਕੁੱਲ ਕੇਸਾਂ ਦੀ ਗਿਣਤੀ 45,862 ਹੋ ਗਈ ਹੈ।

∙ ਤਮਿਲ ਨਾਡੂ: ਬੁੱਧਵਾਰ ਨੂੰ ਤਮਿਲ ਨਾਡੂ ਵਿੱਚ ਕੋਵਿਡ-19 ਦੇ 7,819 ਮਾਮਲੇ ਸਾਹਮਣੇ ਆਏ, ਜੋ ਕਿ ਰਾਜ ਵਿੱਚ ਹੁਣ ਤੱਕ ਦੇ ਇੱਕ ਦਿਨ ਵਿੱਚ ਸਭ ਤੋਂ ਵੱਧ ਕੇਸ ਵੇਖੇ ਗਏ ਹਨ। ਚੇਨਈ ਵਿੱਚ ਵੀ ਬੁੱਧਵਾਰ ਨੂੰ ਇੱਕ ਦਿਨ ਵਿੱਚ ਸਭ ਤੋਂ ਵੱਧ ਕੇਸਾਂ ਦਾ ਰਿਕਾਰਡ ਤੋੜ ਕੇ 2,564 ਕੇਸ ਸਾਹਮਣੇ ਆਏ ਹਨ।

∙ ਕਰਨਾਟਕ: ਕਰਨਾਟਕ ਵਿੱਚ ਹੁਣ ਤੱਕ ਦੇ ਇੱਕ ਦਿਨ ਵਿੱਚ ਸਭ ਤੋਂ ਵੱਧ ਮਾਮਲੇ ਸਾਹਮਣੇ ਆਏ ਹਨ, ਜੋ ਕਿ ਪਿਛਲੇ ਸਾਲ ਦੀ ਪਹਿਲੀ ਲਹਿਰ ਦੇ ਸਿਖਰ ਨਾਲੋਂ ਵੀ ਵੱਧ ਹਨ, ਕਿਉਂਕਿ ਬੁੱਧਵਾਰ ਨੂੰ 11,265 ਮਾਮਲੇ ਸਾਹਮਣੇ ਆਏ ਹਨ। ਕਰਨਾਟਕ ਦੇ ਮੁੱਖ ਮੰਤਰੀ ਯੇਦੀਯੁਰੱਪਾ ਕੋਵਿਡ ਸੰਕਟ ’ਤੇ ਵਿਚਾਰ ਵਟਾਂਦਰੇ ਲਈ ਇੱਕ ਸਰਬ ਪਾਰਟੀ ਬੈਠਕ ਕਰਨਗੇ ਅਤੇ ਉਨ੍ਹਾਂ ਨੇ ਕਿਹਾ ਹੈ ਕਿ ਰਾਜ ਵਿੱਚ ਲੌਕਡਾਊਨ ਨਹੀਂ ਲਗਾਇਆ ਜਾਵੇਗਾ। ਰਾਜ ਸਰਕਾਰ ਦੁਆਰਾ 14-04-2021 ਨੂੰ ਜਾਰੀ ਕੀਤੇ ਕੋਵਿਡ ਬੁਲੇਟਿਨ ਦੇ ਅਨੁਸਾਰ, ਰਾਜ ਵਿੱਚ ਨਵੇਂ ਕੇਸਾਂ ਦੀ ਗਿਣਤੀ: 11265; ਕੁੱਲ ਐਕਟਿਵ ਮਾਮਲੇ: 85480; ਕੋਵਿਡ ਦੀਆਂ ਨਵੀਆਂ ਮੌਤਾਂ: 38; ਕੁੱਲ ਕੋਵਿਡ ਮੌਤਾਂ: 13046।

∙ ਆਂਧਰ ਪ੍ਰਦੇਸ਼: ਰਾਜ ਵਿੱਚ ਕੀਤੇ 35,732 ਨਮੂਨਿਆਂ ਦੀ ਜਾਂਚ ਤੋਂ ਬਾਅਦ ਕੋਵਿਡ ਦੇ 4157 ਕੇਸ ਸਾਹਮਣੇ ਆਏ ਹਨ ਜਿਸ ਨਾਲ ਕੁੱਲ ਕੇਸਾਂ ਦੀ ਗਿਣਤੀ 9,37,049 ਤੱਕ ਪਹੁੰਚ ਗਈ ਹੈ। ਇੱਕ ਦਿਨ ਵਿੱਚ 18 ਹੋਰ ਮੌਤਾਂ ਦੇ ਹੋਣ ਨਾਲ ਰਾਜ ਵਿੱਚ ਮਰਨ ਵਾਲਿਆਂ ਦੀ ਕੁੱਲ ਗਿਣਤੀ ਵੱਧ ਕੇ 7339 ਹੋ ਗਈ ਹੈ, ਜੋ ਕਿ ਅਕਤੂਬਰ ਤੋਂ ਬਾਅਦ ਇੱਕ ਦਿਨ ਵਿੱਚ ਹੋਈਆਂ ਸਭ ਤੋਂ ਵੱਧ ਮੌਤਾਂ ਹਨ। ਰਾਜ ਵਿੱਚ ਹੁਣ ਕੋਵਿਡ-19 ਦੇ 28,383 ਐਕਟਿਵ ਮਾਮਲੇ ਹਨ। ਰਾਜ ਨੂੰ ਮੰਗਲਵਾਰ ਨੂੰ 4.40 ਲੱਖ ਕੋਵਿਸ਼ਿਲਡ ਅਤੇ 2 ਲੱਖ ਕੋਵੈਕਸਿਨ ਖੁਰਾਕਾਂ ਮਿਲੀਆਂ ਹਨ ਅਤੇ ਟੀਕਾਕਰਣ ਦੀ ਪ੍ਰਕਿਰਿਆ ਨੇ ਤੇਜ਼ੀ ਫੜ੍ਹ ਲਈ ਹੈ। ਕੋਰੋਨਾ ਵਾਇਰਸ ਦੇ ਮਾਮਲਿਆਂ ਵਿੱਚ ਭਾਰੀ ਵਾਧਾ ਹੋਣ ਨਾਲ ਗੁੰਟੂਰ ਜ਼ਿਲ੍ਹਾ ਪ੍ਰਸ਼ਾਸਨ ਨੇ ਜ਼ਿਲ੍ਹੇ ਵਿੱਚ ਕੋਵਿਡ-19 ਹਸਪਤਾਲਾਂ ਵਿੱਚ ਬੈਡਾਂ ਦੀ ਸਮਰੱਥਾ ਵਧਾ ਕੇ ਦੋ ਹਜ਼ਾਰ ਕਰ ਦਿੱਤੀ ਹੈ।

∙ ਤੇਲੰਗਾਨਾ: ਰਾਜ ਦੇ ਸਿਹਤ ਵਿਭਾਗ ਨੇ 10 ਤੋਂ ਵੱਧ ਬੈਡਾਂ ਵਾਲੇ ਪ੍ਰਾਈਵੇਟ ਹਸਪਤਾਲਾਂ ਨੂੰ ਕੋਵਿਡ ਮਰੀਜ਼ਾਂ ਦਾ ਇਲਾਜ ਕਰਨ ਦੀ ਆਗਿਆ ਦੇਣ ਦੇ ਆਦੇਸ਼ ਜਾਰੀ ਕੀਤੇ ਹਨ। ਇਸ ਤਰ੍ਹਾਂ ਰਾਜ ਦੇ 1691 ਪ੍ਰਾਈਵੇਟ ਹਸਪਤਾਲਾਂ ਵਿੱਚ ਕੁੱਲ 41,783 ਹੋਰ ਬੈਡ ਹੁਣ ਕੋਵਿਡ ਮਰੀਜ਼ਾਂ ਦੇ ਇਲਾਜ ਲਈ ਉਪਲਬਧ ਹਨ। ਇਨ੍ਹਾਂ ਵਿੱਚੋਂ 25,188 ਸਾਧਾਰਣ ਬੈੱਡ ਹਨ, 10,536 ਆਕਸੀਜਨ ਬੈੱਡ ਹਨ, 4,608 ਆਈਸੀਯੂ ਬੈੱਡ ਹਨ ਅਤੇ ਵੈਂਟੀਲੇਟਰਾਂ ਵਾਲੇ 1451 ਆਈਸੀਯੂ ਬੈੱਡ ਹਨ। ਇਸ ਦੌਰਾਨ ਸਾਰੇ ਸਰਕਾਰੀ ਅਤੇ ਨਿਜੀ ਹਸਪਤਾਲਾਂ ਵਿੱਚ ਕੋਵਿਡ ਮਰੀਜ਼ਾਂ ਦੀ ਗਿਣਤੀ ਤੇਜ਼ੀ ਨਾਲ ਵਧ ਰਹੀ ਹੈ। ਰਾਜ ਵਿਚਲੇ 25,459 ਐਕਟਿਵ ਮਾਮਲਿਆਂ ਵਿੱਚੋਂ, ਕੁੱਲ 8,567 ਮਰੀਜ਼, ਜੋ ਲਗਭਗ ਇੱਕ ਤਿਹਾਈ ਹਨ, ਇਹ ਸਰਕਾਰੀ ਅਤੇ ਨਿਜੀ ਹਸਪਤਾਲਾਂ ਵਿੱਚ ਇਲਾਜ ਅਧੀਨ ਹਨ। ਛੇ ਹਫ਼ਤੇ ਪਹਿਲਾਂ ਸਾਰੇ ਸਰਕਾਰੀ ਅਤੇ ਪ੍ਰਾਈਵੇਟ ਹਸਪਤਾਲਾਂ ਵਿੱਚ ਕੋਵਿਡ ਮਰੀਜ਼ਾਂ ਦੀ ਗਿਣਤੀ ਸਿਰਫ 1000 ਸੀ ਅਤੇ ਹੁਣ ਇੱਥੇ ਅੱਠ ਗੁਣਾ ਵਾਧਾ ਹੋਇਆ ਹੈ।

∙ ਮਣੀਪੁਰ: ਰਾਜ ਵਿੱਚ ਕੋਵਿਡ-19 ਦੇ 21 ਹੋਰ ਕੇਸਾਂ ਦੇ ਆਉਣ ਨਾਲ ਐਕਟਿਵ ਕੇਸਾਂ ਦੀ ਗਿਣਤੀ 133 ਤੱਕ ਪਹੁੰਚ ਗਈ ਹੈ। ਮੰਗਲਵਾਰ ਨੂੰ ਰਾਜ ਭਰ ਵਿੱਚ 1,815 ਹੋਰ ਲੋਕਾਂ ਨੂੰ ਟੀਕਾ ਲਗਾਇਆ ਗਿਆ ਜਿਸ ਨਾਲ ਰਾਜ ਵਿੱਚ ਕੋਵਿਡ-19 ਟੀਕੇ ਦੇ ਲਾਭਪਾਤਰੀਆਂ ਦੀ ਕੁੱਲ ਗਿਣਤੀ 98,781 ਤੱਕ ਪਹੁੰਚ ਗਈ ਹੈ। ਕੁੱਲ ਮਿਲਾ ਕੇ, ਮੰਗਲਵਾਰ ਤੱਕ 32,092 ਸਿਹਤ ਕਰਮਚਾਰੀਆਂ ਨੂੰ ਕੋਵਿਡ ਟੀਕਾ ਲਗਾਇਆ ਗਿਆ ਸੀ।

∙ ਮੇਘਾਲਿਆ: ਮੇਘਾਲਿਆ ਵਿੱਚ ਕੋਵਿਡ-19 ਦੇ ਮਾਮਲਿਆਂ ਵਿੱਚ ਭਾਰੀ ਵਾਧਾ ਦੇਖਣ ਨੂੰ ਮਿਲ ਰਿਹਾ ਹੈ, ਖ਼ਾਸਕਰ ਪੂਰਬੀ ਖਾਸੀ ਪਹਾੜੀਆਂ ਵਿੱਚ, ਬੁੱਧਵਾਰ ਨੂੰ ਰਾਜ ਭਰ ਵਿੱਚ 100 ਦੇ ਕਰੀਬ ਨਵੇਂ ਕੇਸ ਸਾਹਮਣੇ ਆਏ ਹਨ। ਆਏ ਨਵੇਂ 100 ਕੇਸਾਂ ਵਿੱਚੋਂ 59 ਕੇਸ ਪੂਰਬੀ ਖਾਸੀ ਪਹਾੜੀਆਂ ਤੋਂ, 29 ਪੱਛਮੀ ਜੇਨਤੀਆ ਪਹਾੜੀਆਂ ਤੋਂ, ਦੋ ਕੇਸ ਪੂਰਬੀ ਜੇਨਤੀਆ ਪਹਾੜੀਆਂ ਤੋਂ, ਛੇ ਕੇਸ ਰੀ-ਭੋਈ ਤੋਂ, ਇੱਕ ਪੱਛਮੀ ਗਾਰੋ ਪਹਾੜੀਆਂ ਤੋਂ ਅਤੇ ਤਿੰਨ ਪੱਛਮੀ ਖਾਸੀ ਪਹਾੜੀਆਂ ਤੋਂ ਸਨ। ਰਾਜ ਵਿੱਚ ਐਕਟਿਵ ਮਾਮਲਿਆਂ ਦੀ ਗਿਣਤੀ 363 ਹੋ ਗਈ ਹੈ ਜਦੋਂ ਕਿ ਇਕੱਲੀਆਂ ਪੂਰਬੀ ਖਾਸੀ ਪਹਾੜੀਆਂ ਤੋਂ 270 ਐਕਟਿਵ ਮਾਮਲੇ ਸਾਹਮਣੇ ਆਏ ਹਨ, ਇਸ ਤੋਂ ਬਾਅਦ ਪੱਛਮੀ ਜੇਨਤੀਆ ਪਹਾੜੀ ਤੋਂ 56 ਅਤੇ ਰੀਭੋਈ ਤੋਂ 21 ਕੇਸ ਸਾਹਮਣੇ ਆਏ ਹਨ। ਰਾਜ ਵਿੱਚ ਕੁੱਲ ਮੌਤਾਂ ਦੀ ਗਿਣਤੀ 151 ਹੈ, ਜਦੋਂ ਕਿ ਕੁੱਲ 13,971 ਵਿਅਕਤੀ ਕੋਵਿਡ ਤੋਂ ਰਿਕਵਰ ਹੋਏ ਹਨ।

∙ ਸਿੱਕਿਮ: ਸਿੱਕਿਮ ਵਿੱਚ 21 ਨਵੇਂ ਕੇਸਾਂ ਦੇ ਆਉਣ ਨਾਲ ਐਕਟਿਵ ਕੇਸਾਂ ਦੀ ਗਿਣਤੀ 193 ਹੋ ਗਈ ਹੈ। ਦੂਸਰੇ ਪਾਸੇ 9,486 ਵਿਅਕਤੀਆਂ [8950 ਨੇ ਪਹਿਲੀ ਖੁਰਾਕ ਲਈ ਅਤੇ 536 ਨੇ ਦੂਸਰੀ ਖੁਰਾਕ ਲਈ] ਨੇ ਸਿੱਕਿਮ ਦੇ ਵੱਖ-ਵੱਖ ਹਿੱਸਿਆਂ ਵਿੱਚ ਕੋਵਿਡ-19 ਲਈ ਟੀਕਾ ਲਗਵਾਇਆ ਹੈ।

∙ ਨਾਗਾਲੈਂਡ: ਬੁੱਧਵਾਰ ਨੂੰ ਨਾਗਾਲੈਂਡ ਵਿੱਚ ਕੋਵਿਡ ਦੇ 13 ਨਵੇਂ ਕੇਸ ਸਾਹਮਣੇ ਆਏ ਹਨ ਅਤੇ 103 ਰਿਕਵਰੀਆਂ ਹੋਈਆਂ ਹਨ। ਐਕਟਿਵ ਮਾਮਲੇ 83 ’ਤੇ ਖੜ੍ਹੇ ਹਨ।

ਫੈਕਟਚੈੱਕ

$C:\Users\user\Desktop\narinder\2021\April\12 April\image005VZSI.jpg$

$C:\Users\user\Desktop\narinder\2021\April\12 April\image006BZ2S.jpg$

c3.jfif

c5.jfif $C:\Users\user\Desktop\narinder\2021\April\12 April\image007WI10.jpg$

$C:\Users\user\Desktop\narinder\2021\April\12 April\image00866AY.jpg$

*******

ਐੱਮਵੀ

(Release ID: 1712363) Visitor Counter : 213

Read this release in: English , Urdu , Hindi , Marathi , Bengali , Gujarati