ਵਿਗਿਆਨ ਤੇ ਤਕਨਾਲੋਜੀ ਮੰਤਰਾਲਾ
ਐੱਨਐੱਮਐੱਸਐੱਚਈ ਦੀ ਆਈਸੀਏਆਰ ਟੀਮ ਨੂੰ ਲੇਹ ਵਿੱਚ ਖੇਤੀਬਾੜੀ ਸੂਚਨਾ ਪ੍ਰਸਾਰ ਕਰਨ ਲਈ ਸਨਮਾਨਿਤ ਕੀਤਾ ਗਿਆ
Posted On:
12 APR 2021 12:18PM by PIB Chandigarh
ਭਾਰਤੀ ਖੇਤੀਬਾੜੀ ਖੋਜ ਪਰਿਸ਼ਦ ( ਆਈਸੀਐੱਮਆਰ ) ਦੇ ਵਿਗਿਆਨੀਆਂ ਦੀ ਇੱਕ ਟੀਮ ਨੂੰ ਖੇਤੀ ਕਰਨ ਦੇ ਤਰੀਕਿਆਂ ਨੂੰ ਪ੍ਰਯੋਗਸ਼ਾਲਾ ਤੋਂ ਖੇਤ ਤੱਕ ਲਿਜਾਣ ਸੰਬੰਧੀ ਜਾਣਕਾਰੀ ਦਾ ਪ੍ਰਸਾਰ ਕਰਨ ਵਿੱਚ ਉਤਕ੍ਰਿਸ਼ਟਤਾ ਪ੍ਰਦਰਸ਼ਿਤ ਕਰਨ ਲਈ ਇੱਕ ਰਾਸ਼ਟਰੀ ਖੇਤੀਬਾੜੀ ਮੈਗਜ਼ੀਨ ਐਗਰੀਕਲਚਰ ਟੂਡੇ ਵੱਲੋਂ ਸਨਮਾਨਿਤ ਕੀਤਾ ਗਿਆ ਹੈ । ਉਨ੍ਹਾਂ ਦੇ ਕੰਮ ਨੂੰ ਇਹ ਮਾਨਤਾ ਇਸ ਲਈ ਦਿੱਤੀ ਗਈ ਹੈ ਕਿ ਇਸ ਨਾਲ ਲੇਹ ਵਰਗੇ ਦੂਰ-ਦੁਰਾਡੇ ਦੇ ਖੇਤਰਾਂ ਵਿੱਚ ਆਜੀਵਿਕਾ ਦੀ ਸਥਿਤੀ ਦੇ ਨਾਲ-ਨਾਲ ਉਤਪਾਦਨ ਵਿਵਸਥਾ ਵਿੱਚ ਕਾਫ਼ੀ ਸੁਧਾਰ ਆਇਆ ਹੈ ।
ਨੈਸ਼ਨਲ ਮਿਸ਼ਨ ਔਨ ਸਸਟੈਨਿੰਗ ਹਿਮਾਲੀਅਨ ਈਕੋਸਿਸਟਮ (ਐੱਨਐੱਮਐੱਸਐੱਚਈ) ਦੇ ਤਹਿਤ ਹਿਮਾਲਿਆ ਖੇਤਰ ਵਿੱਚ ਖੇਤੀਬਾੜੀ ਸੰਬੰਧੀ ਕਾਰਜਬਲ ਦੇ ਕੋਆਰਡੀਨੇਟਰ ਡਾ. ਅਰੁਣਾਚਲਮ ਅਤੇ ਸਹਿ ਖੋਜਕਰਤਾ ਡਾ. ਐੱਮ ਰਘੂਵੰਸ਼ੀ ਦੀ ਅਗਵਾਈ ਵਿੱਚ ਇਸ ਦਲ ਨੇ ਪਾਇਆ ਕਿ ਲੇਹ ਮਾਡਲ ਨਵੀਆਂ ਫਸਲਾਂ ਅਤੇ ਕਿਸਮਾਂ ਦੇ ਮੁਲਾਂਕਣ ਦੇ ਨਾਲ ਕਿਸਾਨਾਂ ਨੂੰ ਖੇਤੀ ਕਰਨ ਦੇ ਅਤੇ ਖਰ ਪਤਵਾਰ ਦਾ ਪ੍ਰਬੰਧਨ ਕਰਨ ਦੇ ਸ੍ਰੇਸ਼ਠ ਤਰੀਕੇ ਉਪਲੱਬਧ ਕਰਵਾ ਰਿਹਾ ਹੈ ।
ਇਸ ਦਲ ਵਿੱਚ ਐਸੋਸੀਏਟ ਸਾਇੰਟਿਸਟ ਡਾ. ਅਨੁਰਾਗ ਸਕਸੈਨਾ ਅਤੇ ਟੈਕਨੋਲੋਜੀ ਸਹਿਯੋਗੀ ਸਟਾਫ ਦੇ ਰੂਪ ਵਿੱਚ ਸ਼੍ਰੀਮਤੀ ਸ਼ਾਂਜਿਨ ਲੈਂਦੋਲ, ਡਾ. ਇਨਾਕ ਸਪਾਲਬਰ ਅਤੇ ਜਿਗਮਤ ਸਟੈਨਜ਼ਿਨ ਵੀ ਸ਼ਾਮਿਲ ਸਨ। ਦਲ ਨੇ ਕੁੱਲ 38 ਟ੍ਰੇਨਿੰਗ ਪ੍ਰੋਗਰਾਮਾਂ, ਪ੍ਰਯੋਗਸ਼ਾਲਾਵਾਂ ਅਤੇ ਇੱਕ ਕਿਸਾਨ ਮੇਲੇ ਦਾ ਆਯੋਜਨ ਕੀਤਾ ਜਿਸ ਵਿੱਚ ਕਿਸਾਨਾਂ ਨੂੰ ਵਿਗਿਆਨ ਅਤੇ ਟੈਕਨੋਲੋਜੀ ਵਿਭਾਗ (ਡੀਐੱਸਟੀ) ਦੇ ਐੱਨਐੱਮਐੱਸਐੱਚਈ ਪ੍ਰੋਗਰਾਮ ਦੀ ਸਹਾਇਤਾ ਨਾਲ ਲੇਹ ਖੇਤਰ ਵਿੱਚ ਟਿਕਾਊ ਅਤੇ ਮੌਸਮ ਦੇ ਅਨੁਕੂਲ ਖੇਤੀ ਕਰਨ ਬਾਰੇ ਵਿੱਚ ਉਪਲੱਬਧ ਵਿਗਿਆਨੀ ਜਾਣਕਾਰੀ ਪ੍ਰਦਾਨ ਕੀਤੀ ਗਈ ।
ਐੱਨਐੱਮਐੱਸਐੱਚਈ ਦੇ ਤਹਿਤ ਹਿਮਾਲਾ ਖੇਤਰ ਦੇ ਖੇਤੀਬਾੜੀ ਸੰਬੰਧੀ ਕਾਰਜਬਲ ਨੇ ਵਿਗਿਆਨ ਅਤੇ ਟੈਕਨੋਲੋਜੀ ਵਿਭਾਗ ਦੇ ਜਲਵਾਯੂ ਪਰਿਵਰਤਨ ਪ੍ਰੋਗਰਾਮ ਦੇ ਅੰਗ ਰੂਪ ਵਿੱਚ ਛੇ ਕਾਰਕਾਂ–ਡਾਟਾਬੇਸ ਦਾ ਵਿਕਾਸ , ਨਿਗਰਾਨੀ , ਸੰਵੇਦਨਸ਼ੀਲਤਾ ਮੁਲਾਂਕਣ , ਅਨੁਕੂਲਤਾ ਖੋਜ , ਪਾਇਲਟ ਅਧਿਐਨ ‘ਤੇ ਕੰਮ ਕੀਤਾ ਅਤੇ ਸਮਰੱਥਾ ਨਿਰਮਾਣ ਅਤੇ ਟ੍ਰੇਨਿੰਗ ਪ੍ਰੋਗਰਾਮਾਂ ਦਾ ਆਯੋਜਨ ਕੀਤਾ ।
ਹਿਮਾਲਿਆ ਖੇਤਰ ਵਿੱਚ ਖੇਤੀਬਾੜੀ ਕਾਰਜਬਲ ਦੇ ਮੈਬਰਾਂ ਨੇ ਐੱਨਐੱਮਐੱਸਐੱਚਈ ਦੇ ਤਹਿਤ ਕਿਸਾਨਾਂ ਤੱਕ ਜਾਣਕਾਰੀ ਦੇ ਪ੍ਰਸਾਰ , ਉਨ੍ਹਾਂ ਦੀ ਸਮਰੱਥਾ ਨਿਰਮਾਣ ਅਤੇ ਟ੍ਰੇਨਿੰਗ ਲਈ ਜੋ ਕੰਮ ਕੀਤਾ ਉਸ ਨਾਲ ਲੇਹ ਖੇਤਰ ਦੇ ਲੋਕਾਂ ਦੀ ਆਜੀਵਿਕਾ ਸਮਰੱਥਾ ਵਿੱਚ ਵਾਧਾ ਹੋਣ ਦੇ ਨਾਲ-ਨਾਲ ਉਨ੍ਹਾਂ ਦੀ ਉਤਪਾਦਨ ਵਿਵਸਥਾ ਵਿੱਚ ਕਾਫ਼ੀ ਸੁਧਾਰ ਆਇਆ ਹੈ ।
ਐਗਰੀਕਲਚਰ ਟੂਡੇ ਗਰੁੱਪ ਦੁਆਰਾ ਵਰਚੁਅਲੀ ਆਯੋਜਿਤ ਅਵਾਰਡ ਸੈਰੇਮਨੀ ਫਾਰ ਐਗਰੀਕਲਚਰ ਐਕਸਟੇਂਸ਼ਨ ਦੇ ਦੌਰਾਨ ਇਹ ਪੁਰਸਕਾਰ ਵਰਤਮਾਨ ਵਿੱਚ ਆਈਸੀਓਆਰ - ਨੈਸ਼ਨਲ ਬਿਊਰੋ ਆਵ੍ ਸੋਇਲ ਸਰਵੇ ਐਂਡ ਲੈਂਡ ਯੂਜ ਪਲਾਨਿੰਗ ਵਿੱਚ ਕੰਮ ਕਰ ਰਹੇ ਮੁੱਖ ਵਿਗਿਆਨੀ ਡਾ. ਐੱਮ ਰਘੂਵੰਸ਼ੀ ਨੇ ਗ੍ਰਹਿਣ ਕੀਤਾ ।
**********************
ਆਰਪੀ(ਡੀਐੱਸਟੀ ਮੀਡੀਆ ਸੈੱਲ)
(Release ID: 1711259)
Visitor Counter : 153